Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

УУРУЛУК КЫЛДЫҢЫЗ БЕЛЕ?

№360 25-сентябрь - 1-октябрь, 2009-ж.


“Ал кезекте сен тентек кыз секелек,
Мен да бала сүт оозумдан кете элек...” дегендей, бала кезде билип да, билбей да уурулук кылган күндөр болгон. Белгилүүлөрдүн ошондой бет кызарып уятка калган күндө­рүнөн бир элес.


Нурдөөлөт Копоев, актёр жана алпаруучу: «Таттуу издеп сандыкты тешип салчумун»

– Мен бала кезден азыркыга дейре таттууну ушунчалык жакшы көрөм. Кичинемде апам момпосуйларды кайсы жерге катпасын, таап жеп салчумун. Үйгө конок келгенде эле апам момпосуйларды таппай калчу. Момпосуй түгөнүп калса шекерди кайнатып кант кылып жеп, шекер каткан идишти тазалай албай үйдүн чатырына ыргытып жиберген күндөрүм болгон. Бир жолу апамдар кудага барабыз деп эки коробка момпосуй алып келип, сандыкка бекитип коюшту. Издеп жатып сандыктын ачкычын таппай койдум. Анан сандыкты жылдырып артын тештим. Тешикке колум батып, коробканы канчалык тытмалаганым менен, аны ача албай койдум.

Апам кудага жөнөп жатып, сандыкты ачып коробканын тытылганын көрүп “түлкүдөй жойлоп ушуга да жеттиң беле?!” деп мени аябай урушкан. Таттуу жеген адатым дагы деле кала элек. Достор болуп чогулганда алар тамеки тартып, сыра ичишсе, мен шоколад алып жеймин. Бирок тишиме курт түшпөй, ошол бойдон сакталуу. Сыягы, тишиме залакасы тийгичекти деп чайнап отурбай эле жутуп жиберет окшоймун.


Нурайым Азыкбаева, скрипкачы: «Шляпа уурдап кийип, башымды биттеткем»

– Мен айылда чоң энемдин колунда өскөм. Сонун шөкүлөм бар эле. Ага кыздардын баары көз арта берчү. А мен болсо, тескерисинче, алардын баш кийимине кызыкчумун. Бир жолу кошуна кызга апасы кооз шляпа алып бериптир. Чоң апама ошондой шляпа сатып бер десем “сенин шөкүлөң аныкынан да кооз” деп сатып бербей койду. Анан ал кыздын шляпасын уурдап үйдө кийип жүрүп, башым биттеп кеткен. Чачым узун болгондуктан, чоң апам башымды бир айда араң тазалап “экинчи бирөөнүн баш кийимин кийбе!” деп урушканы эсимде.


Тынар Курбаналиев, куудул: «Алма бакка уурулукка кирип, китептеримден айрылгам»

– Мектепте окуп жүргөн кезде алма-өрүк дегендер үчүн чарбактарга, бактарга далай жолу “жортуулга” чыкчубуз. Бир жолу сайдагы чоң сууну жээктей өскөн колхоздун багына уурулукка кирем деп ит эле болгом. Суудан өтүп алма, алмуруттарды сумкама шыкап толтуруп асынып жөнөгөм. Анан эле зым тосмодон өтөм деп секиргенимде сумкамдын боосу үзүлүп кетпеспи. “Багы жокко дагы жок” болуп сумкамдын оозу ачылып, уурдагандарым эле эмес, китеп-дептерлерим да чачылып сууга агып кетти. Апамдан коркконумдан кечке дейре үйгө кире албай, калтырап эшикте турдум. Эптеп эбин таап үйгө киргеним менен, апамдан уруш угуп, экинчи уурулук кылбас болгом.


Клара Алибекова, ырчы: «Сиңдимдин кийимин уурдап киер элем»

– Мен кичинемден эле той-топурга жакын болуп чоңойдум. Ата-энем бир жакка жөнөдү дегиче заматта даяр болуп калчумун. Сиңдим Жанаранын кийимин уурдап кийип кетчү адатым бар эле. Бир жолу апамдар тойго жөнөдү, мен да барам деп чыр салып ээрчидим. Алар болсо “көйнөгүң кир экен, барбайсың” деп коюшту. Мен болбой эле Жанаранын жаңы, жылтырак, ак көйнөгүн уурдап кийип, машинанын багажына түшүп, жатып алдым. Аңгыча атам менен апам машинага отуруп, той болчу жерге жеттик. Той ээси апам-атам менен учурашып жатканда багаждан түшүп алардын жанына барып калдым. Мени көрүшүп “сен качан келдиң?” деп таң калышкан. Багажда машинанын майы жугуп ак көйнөгүм да, бети-башым да карала-торала. Ошондон кийин үйдө ууру атка конгом.


Ынак Осмоналиев, ырчы: «Короз уурдап уят болгом»

– Мен эки жолу уурулук кылгам. Биринчиси апам иштеген дүкөнгө барып таттуу уурдаганым аз келгенсип, акча да уурдагам. Дүкөнгө кирсем эле баштыкта акча турган экен, эч нерсени ойлонбой туруп алып алдым. Көрсө, акча салынган баштыкка уурулар үчүн жукса оңой менен кетпей турган порошок-боёк салып коюшуптур. Акчаны алып санаганымда колум боёк болуп калып жатпайбы. Анан эле үйдөгүлөр “дүкөндөгү акчаны ким уурдады?” деп ызы-чуу болуп калышты. Менин колумду көрө калып, мен алган жокмун деп актанганыма болбой “калп айтпа, колуң уурдады деп жатпайбы, экинчи уурулук кылсаң колуңду кесип салам!” деп сабаган болчу.

Кичинемде короз уруштурганды жакшы көрчүмүн. Көзүмө жакшы көрүнгөн корозду алгым келе берчү. Бир жолу мектептеги мугалим, окуучулар болуп, башка айылдагы мектепке олимпиадага барып калдык. Ал жакта да жөн жүрбөй бир бейтааныш үйдөгү корозго көзүм түшүп, уурдап алгам. Уурулугум билинип калып мектепти уят кылып, мугалимден тил уккан болчумун.


Аида Баякова, скрипкачы: «Гүл уурдап өстүрчүмүн»

– Кичинекей кезимде “гүлдү сурап алса жакшы өспөйт, уурдап алыш керек” дегенди угуп, ошол сөзгө ишенип алган окшоймун. Мектепте болобу, бирөөнүн үйүндө болобу көзүмө жакшы көрүнгөн гүлдү эч ким жокто сындырып, сумкама же чөнтөгүмө салып алчумун. Бир жолу мектептеги бардык кооз гүлдөрдөн үзүп келип, үйгө сонун кылып өстүрдүм. Ар күнү гүлдөрдү эртең менен күнгө турсун деп эшикке алып чыгып, кайра кечинде үйгө киргизчүмүн. Бир жолу ошентип эшикке чыгарып коюп кетсем, аларды торпок жеп кетиптир. Ошондон кийин уурдаган нерсе буюрбайт турбайбы деп ойлоп, бул адатымды таштагам.


Замира Рахманбердиева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
03.10.2009. 02:45 
Тайпасы:
Кыймылы жок
Комментарийлердин саны:
20
Катталган:
03-08-2009
Соӊку аракети:
20-02-2014 16:21
Жынысы:
Белгисиз
Калаасы:
планета земля
0
Уурулук ар бир адамда болот калп эле урдаган эмесмин дебегилечи!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: