Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

2013-ЖЫЛ КАЙСЫ ОКУЯЛАР МЕНЕН ЭСТЕ КАЛДЫ?

№582 27-декабрь-2-январь, 2014-ж


Жыйынтыкталып жаткан жыл бир катар резонанстуу окуялар менен коштолду. Кримтөбөл Азиз Батукаевдин мөөнөтүнөн мурда бошотулушу, «Кумтөр» кенине байланыштуу митингдер айрым чиновниктерди кызматсыз калтырды.

ЖЫЛДЫН ЧЕК АРАДАГЫ ЧЫРЛАРЫ

  • Быйылкы жыл Баткен облусундагы чек ара чуусу менен башталды. 5-январда Өзбекстандын Сох анклавынын жашоочулары Кыргызстандын Чарбак айылындагы чек ара постуна электр жарыгын киргизүү үчүн тургузулган электр мамыларын жыгып, Чарбактын 34 тургунун барымтага алып, кыргыз жарандарына тиешелүү болгон унааларды өрттөштү.
  • Дагы бир кейиштүү окуя Баткен облусунун Кадамжай районунун Сарыбай айылында 20-июнь күнү катталды. Анда Өзбекстандын чек арачылары 38 жаштагы Бакыт Тагаевди Кыргызстандын аймагына кууп кирип, 3 жолу атып өлтүрүштү.
  • 23-июнда Аксынын «Жетизагара» чек ара бекетинде мамлекеттик чек араны мыйзамсыз кесип өткөн өзбек чек арачысына кыргыз чек арачылары ок чыгарып жарадар кылышты. Коңшу өлкөнүн чек арачысы ошол күнү каза тапты.
  • 21-сентябрда Кадамжай районунда мамлекеттик чек араны мыйзамсыз кесип өткөн Өзбекстандын 1 чек арачысын кыргыз мекен сакчылары жарадар кылышты.
  • 22-сентябрда Жалал-Абад облусундагы Аксы районунун борбору Кербен шаарынын жанындагы Унгар-Тоодо чыр чыкты. Анын чокусунда жайгашкан Кыргызстандагы телерадиоберүүлөрдү таратуучу ретрансляциялык станцияга өзбекстандык чек арачылар тик учак менен келишип, анын такталбаган аймакта жайгашканын айтып, кайтарууга ала башташты. Эки тараптуу сүйлөшүүлөрдүн натыйжасында өзбек чек арачылары Кыргызстандын аймагынан 2-октябрда чыгып кетишти.

ЖЫЛДЫН РЕЗОНАНСТУУ ОТСТАВКАЛАРЫ

  • Быйылкы жылы жаңы муундагы саясатчы экенин көрсөтүү менен кызматын таштап кетүүгө батынгандардын алгачкысы социалдык өнүктүрүү боюнча министр Кылычбек Султанов болду. Ушул жылдын 12-апрелинде социалдык блоктун куратору, вице-премьер Камила Талиева жыйын өткөрүп, карамагындагы министрлерди жана алардын орун басарларын сынга алып, өз жоопкерчилигин аларга түртө салуунун амалын кылган эле.
    Кылычбек Султанов мамлекеттик жооптуу кызматкердин мындай жоопкерсиздигине каршы үн катып, «Камила Талиева өзү жоопкер болгон блоктун баарын жөнү жок айыптоо менен социалдык блокту башкара албастыгын көрсөттү жана өз ишмердүүлүгүнүн жыйынтыгына ушундай баа берип койду» деген билдирүү таратты. Андан улам КПССтин тартиби менен чоңойгон «Ар-намыс» фракциясынын лидери Феликс Кулов «мен премьер-министр болсом, кызматта туруп каяша айткандарды дароо иштен алмакмын» деп чыкты. Эски көз караштагы Кулов жетекчилер теңирден тескери жакка айдаса деле кол алдындагылары кың дебей ээрчип кете берүүсүн, «катачылык кылып жатасыңар» деп сын айтпоосун туура көрөрүн баса көрсөттү. Ошентип, Кылычбек Султанов өз каалоосу менен 16-апрелде арыз жазды.
    Кезинде, 2006-жылы 21-апрелде жарым жыл бою өнөр жай, соода жана туризм министри болуп турган Алмазбек Атамбаев Курманбек Бакиевдин жүргүзгөн саясатына каршы чыгуу менен бул кызматынан кеткен болчу. Ошондой эле 2009-жылдын декабрь айында Өзгөчө кырдаалдар министрлигин жетектеп турган Камчыбек Ташиев өкмөт башчы Данияр Үсөновдун жүргүзгөн саясатына каршылык билдирип, Ак үйдө өтүп жаткан жыйындар залынын эшигин тарс жаап чыгып кеткен. Кылычбек Султановдун отствавкасы жогорудагы окуяларды эске салды.
  • Апрель айында кримтөбөл Азиз Батукаевдин мөөнөтүнөн эрте түрмөдөн бошоп, өлкөдөн тез арада чыгып кетүүсүн иликтөө боюнча Жогорку Кеңештин депутаты Болот Шер баштаган комиссия түзүлдү. Анын мүчөсү Жоомарт Сапарбаев 17-апрелде «Батукаев чет өлкөгө учуп кеткен учакты Шамиль Атахановдун уулу Данияр Атаханов жетектеген компания тейлеген» деп айтып чыкты. Ушул эле күнү кызматтан убактылуу четтеп туруу боюнча арыз жазган вице-премьер 13-май күнү кайра кызматына кайтып келди.
    27-майда Ысык-Көлдүн Жети-Өгүз районунун Саруу айылынын тургундары «Кумтөр» ишканасына талаптарды коюп, кенге барчу жолду тосушуп, заводду жарык менен камсыздаган көмөк чордонду өчүрүштү. Бул митингге байланыштуу «абалды жөндөй албады» деген сындардан улам 6-июнда коргоо, коопсуздук жана чек ара маселелери боюнча вице-премьер Шамиль Атаханов өз каалоосу менен кызматтан кетти.
  • 2-декабрь күнү Бишкек шаарынын мэри Иса Өмүркуловго Башкы прокуратура тарабынан кылмыш иши козголду. Башкы көзөмөл органы тараткан маалымат боюнча, 2011-жылдын 3-октябрында Иса Өмүркулов жетектеп турган Бишкек мэриясы тарабынан «Дайыр Асанов атындагы «Жеңиш» сейил багынын чек арасын бекитүү жөнүндө» токтом чыгарылып, ага ылайык, сейил бактын аянты 14,22 гектарга (анын ичинде жеке адамдардын убактылуу колдонуусуна 3,0144 гектары бөлүнүп берилген) кичирейип кеткен. Жыйынтыгында сейил бакка тиешелүү жер тилкесинин бир бөлүгү жалпы зонадан мыйзамсыз чыгарылган.
    4-декабрда Иса Өмүркулов арыз жазып, ишин тапшырды.

ЖЫЛДЫН СОТТУК ПРОЦЕССТЕРИ

  • 12-февралда Бишкек гарнизондук Аскер соту экс-президент Курманбек Бакиевди 24 жылга сыртынан соттоду. Ал эми Жаныш Бакиевдин мүлкү конфискацияланып, өмүр бою эркинен ажыратылды жана генерал-лейтенант аскер наамы алынды. Ага-ини Бакиевдер 2009-жылы мыкаачылык менен өлтүрүлгөн Президенттик аппараттын мурдагы жетекчиси Медет Садыркуловдун өлүмүнө байланыштуу кылмыш жообуна тартылышты. Көп өтпөй 26-мартта Бишкектин Биринчи Май райондук соту Максим Бакиевди 25 жылга эркинен ажыратып, мүлкү конфискациялансын деген өкүм чыгарды. Аны «2007-жылы Ысык-Көл облусундагы «Витязь» пансионатынын 9,32 гектар жерин өзүнө менчиктештирип алган, мындан мамлекетке 124 миллион сомдук зыян келтирилген», «Түндүк электр» ишканасын 136 миллион долларга сатууга аракет кылган» деген айыптоолор боюнча күнөөлүү деп табышты.
    2010-жылы жайында кармалып, Апрель, Июнь окуяларындагы баш аламандыктар боюнча күнөөлөнүп 7 жылга эркинен ажыратылган Акмат Бакиев ден соолугуна байланыштуу жатак абакка чыгып, ал жерден 2012-жылдын 3-мартында качып кеткен эле. Абактан мөөнөтүн толук аткарбай качып кеткендиги үчүн ал 12-июнда 5 жылга сырттан кесилди.
  • «Мыйзамда­гы ууру» макамы бар Азиз Батукаевди 9-апрелде Нарын шаардык соту Улуттук гематология борборунун кызматкерлери койгон «курч лейкоз» диагнозуна таянып мөөнөтүнөн мурда бошотту. Бул окуя өлкөнү бир топ чууга салды.
  • 2010-жылдагы талап-тоноо иштери боюнча ЖКнын депутаты Туратбек Мадылбековдун уулу Элдар Мадылбековду Бишкектин Биринчи Май райондук соту 25-июнда 9 жылга кести. Райондук соттун чечимине макул болбогон Элдар Мадылбеков шаардык сотко апелляциялык арыз менен кайрылган. Азырынча анын жыйынтыгы чыга элек.
  • Коррупция боюнча айыпталган Жогорку Кеңештин депутаты Нариман Түлеевге каршы козголгон кылмыш иши боюнча Бишкектин Ленин райондук соту 9-июль күнү өкүм окуду. Ага ылайык, борбор калаанын экс-мэри 11 жыл күчөтүлгөн режимге эркинен ажыратылып, үй-мүлкү мамлекеттин пайдасына конфискацияланмак болду.
  • Бул жылы соттук чечимдердин арасында актоолор да болуп жатты. Эске салсак, 2012-жылы 3-октябрда «Кумтөр» кенин улутташтыруу максатында тынч митинг өткөрүлүп, андагы аракеттери үчүн «мамлекеттик бийликти басып алууну көздөдү» деп Садыр Жапаров, Камчыбек Ташиев жана Талант Мамытов абакка алынган эле. Биринчи Май райондук соту 29-мартта Камчыбек Ташиев менен Садыр Жапаровду 1 жыл 6 айга, Талант Мамытовду 1 жылга кескени менен, 17-июнда апелляциялык арызды кароодо Бишкек шаардык сотунун судьялары айыпталуучуларды сот залынан бошотту. Бул актоону көп узабай Жогорку Сот жокко чыгарды. Акыркы инстанциядагы соттук чечим 6-августта угузулуп, анда Биринчи Май райондук соттун өкүмү күчүндө калтырылды. Ошентип, үч депутат 20-августта БШК тарабынан мандатынан ажыратылды.
  • Бул жылы соттолгондордун катарында социалдык өнүктүрүү боюнча экс-министр Равшан Сабиров да бар. Бишкек шаардык соту 7-мартта «Эл аралык бала асырап алуу боюнча чет жердик уюмдун өкүлүнөн пара алган» деп айыпталган Равшан Сабировду 5 жылга эркинен ажыратты. 23-майда Жогорку Сот апелляциялык ишти карап, шаардык соттун өкүмүн өзгөртүүсүз калтырды.
  • Былтыр жыл аягында «Манас» аэропортунан кармалган кримчөйрөнүн дагы бир чоң «кити» Камчы Көлбаевге кылмыш иши козголгон эле. Ага «адам уурдоо», «бийликтин өкүлдөрүнө кысым көрсөтүү», «мыйзамсыз баңгизат сактоо» сыяктуу бир нече оор беренелер боюнча айып тагылып жаткан. Соттук отурумга чыкыя, стилдүү кийинип келип жаткан Көлбаевди Бишкектин Биринчи Май райондук соту 18-октябрда 5 жыл 6 айга эркинен ажыратты. Чечимге макул болбогон прокуратура шаардык сотко апелляциялык арыз менен кайрылган эле, 24-декабрда экинчи инстанциядагы сот Көлбаевдин жазасын дагы 2 жыл 6 айга кыскартып, 3 жылга эркинен ажыратты.


  • Жыл башынан бери айтылып келе жаткан имиш чынга айланып, Жогорку Кеңештин депутаты, экс-спикер Ахматбек Келдибековго «коррупция» жана «кызмат абалынан кыянаттык менен пайдалануу» беренелери боюнча Башкы прокуратура тарабынан кылмыш иши козголуп, 20-ноябрда камакка алынды. Аны колдоп Бишкекте, Ошто, Алайда бир катар чоң митингдер өттү. Бишкектин Октябрь райондук соту депутатты 19-январга чейин УКМКнын тергөө абагына камоо чечимин чыгарды.

(Уландысы кийинки санда)

Гүлмайрам Сабырбекова
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(9)
30.12.2013. 13:28 
Тайпасы:
Жаран
Комментарийлердин саны:
42
Катталган:
24-08-2012
Соӊку аракети:
16-11-2018 12:33
Жынысы:
Белгисиз
0
А неге М. Мырзакматовду жазбадынар?
30.12.2013. 15:16 
Тайпасы:
Тартип бузгандар
Комментарийлердин саны:
350
Катталган:
17-11-2010
Соӊку аракети:
11-02-2014 11:16
Жынысы:
Белгисиз
Калаасы:
Ош
0
fanatkg, жазгысы келбептир да же жазыштан коркушту!
30.12.2013. 15:34 
Тайпасы:
Кыймылы жок
Комментарийлердин саны:
108
Катталган:
04-12-2012
Соӊку аракети:
22-04-2016 21:09
Жынысы:
Белгисиз
0
Тушунсонор уландысы кийинки санда деп жазып туратко!
30.12.2013. 19:39 
Тайпасы:
Тартип бузгандар
Комментарийлердин саны:
117
Катталган:
12-10-2011
Соӊку аракети:
11-04-2015 11:53
Жынысы:
Белгисиз
Калаасы:
Бишкек-New-York
0
Хехе хей алсыз бийлик Ташиевди камай албай койду го.
31.12.2013. 22:45 
Тайпасы:
Жаран
Комментарийлердин саны:
176
Катталган:
22-05-2013
Соӊку аракети:
12-04-2018 07:16
Жынысы:
Белгисиз
Калаасы:
Venera
0
turatbek-92, Ташиев кимге жамандык кылыптыр?
01.01.2014. 17:39 
Тайпасы:
Тартип бузгандар
Комментарийлердин саны:
117
Катталган:
12-10-2011
Соӊку аракети:
11-04-2015 11:53
Жынысы:
Белгисиз
Калаасы:
Бишкек-New-York
0
belosnejka1, Эч кимге жамандык кылган жок , бийликти сындап жатам.
30.12.2013. 19:40 
Тайпасы:
Тартип бузгандар
Комментарийлердин саны:
117
Катталган:
12-10-2011
Соӊку аракети:
11-04-2015 11:53
Жынысы:
Белгисиз
Калаасы:
Бишкек-New-York
0
Келдибековду да ошентип чыгарып жиберет болсо керек.
01.01.2014. 18:25 
Тайпасы:
Кыймылы жок
Комментарийлердин саны:
2
Катталган:
07-02-2013
Соӊку аракети:
10-04-2015 01:40
Жынысы:
Белгисиз
Калаасы:
Бишкек
0
эмне учун жалан гана жаман жактарды жазышкан же жакшы эске калаарлык окуялар болбодубу!?
04.01.2014. 01:06 
Тайпасы:
Кыймылы жок
Комментарийлердин саны:
15
Катталган:
10-12-2013
Соӊку аракети:
28-03-2014 14:14
Жынысы:
Белгисиз
0
Чек ара маселесин батыраак чечишсе жакшы болмок! Мындайлар коп катталууда чондор кайдигер карабагыла!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: