ТАГДЫР ОЮНУ-3

(Башталышы өткөн сандарда)

– Анда эмнеге аны убагында айткан жоксуз? Мен сизге ошон үчүн турмушка чыктым. Мен Аскаттын алдында ошон үчүн күнөөлүү болдум. Кандай таш боор адамсыз...
Данек же ыйлаарын, же кубанарын билбей ушинтип күбүрөнүп жатты.
– Мен айткыча өзүң «мен сизге турмушка чыгам» дедиң. Көптөн күткөн бактым өзү келип жатканына сүйүндүм. Сени көнүп кетет, алданат, жаш эмеспи дедим. Бирок сен байлыкка да, менин сүйүүмө да, менин даражама да кызыкпаганыңды билдим. Ошондо таң калдым, сени ого бетер сүйдүм.
– Сиз Аскат тууралуу күндөлүккө чейин эле билдиңиз беле?
– «Аскат кетип жатат» дегенди укканда көзүңдөн жаш айлана берди. Сен туруп, тымызын үйдөн чыкканыңда Аскат менен коштошкону бара жатканыңды билдим. Сен кеткенден кийин бөлмөңө кирдим. Сага болгон сагыныч ушунчалык күчтүү болгон экен, кийимдериңди жыттап керебетиңде көпкө отурдум. Көзүм столдун үстүндө турган күндөлүгүңө чалынып, барактап чыкканда мага баары белгилүү болду. Сенин келе жатканыңды угуп күндөлүктү ордуна койдум да, бөлмөңдөн чыгып кеттим. Бир топтон кийин кирсем, сен эсиңди жоготуп жаткан экенсиң. Шалактаган денеңди көтөрүп алып машинага отурдум. Мен сени өлтүрүп алдым деп корктум. «Аман калса баш тартам» деп Жаратканга убада кылдым.
Илимбектин баяны бүттү көрүнөт, башын шылкыйта отуруп калды. Данек туруп терезени ачты. Асман көпкөк, аалам жаркып турган маалы экен.
– Кантип мен ушул кадамга бардым? Жөн гана жер бетинде басып жүрүүнүн өзү бакыт тура!- деди ал таң кала. Сөзүн улай:
– Рахмат сизге! Мени сактап калганыңыз үчүн!- деди.
Данек жадырай жылмайды. Анын жылмаюусу эчен сыноодон өткөн жеңүүчүнүн жылмаюусу эле.

ххх

Данек жакшы болуп үйүнө чыгып келгенден кийин бир топ убакыт өттү. Азиреттин кабатырланганы уулу эле.
– Аскат, келбесең болбойт, Данек...- деп телефондон кеп баштаганда эле ал жиндеп кетти.
– Ата, анын азыр жанында күйөөсү бар. Сиз да, мен да анын жашоосундагы чоочун адамдарбыз. Мындан ары ал тууралуу башымды ооруткум келбейт.
– Уулум, Аскат!
– Жок, мен эми эч качан Кыргызстанга кайрылбайм!
Аскат ушинтти да, телефонду тарс коюп салды. Андан кийин канча жолу чалса да албай койду. Аргасы кетти. Баарынан оору – Данектин көзүндөгү үмүттү көрүп туруп эч нерсе кыла албай жатканы эле.
– Аскатка кабарлаштыңызбы?- деди Данек чай ичип отурушканда.
– Ооба, бирок ал «жакында келе албайм» дейт.
– Билем, ал азыр мени кечирбейт! Бирок үмүтүмдү үзбөйм, кайсы бир күнү ал баары бир мени издеп келет. Ата, ага чейин мен сиңдимди издегим келет. Илимбек байке дагы
сиңдимди табышканга жардам берем деген.
Азирет кызын сыймыктануу менен тиктеп алды. Сыртынан карасаң үлп эткен желге туруштук бере албагандай назик кыз, бирок мен-мен деген эркектерден руху күчтүү. Кайрадан
жашоо баштаганга эрки жетип жатканын айт...
– Биринчи жакшы бол, анан бардыгы ордуна келет,- деди ал мээрим менен.
Бирок Азирет айткандай баары ордуна келбеди. Аскат Данек тууралуу сөз баштаса эле телефонду коюп койчу болду. Ал өзү менен өзү күрөшкөн сайын, унутууга аракет кылган сайын Данектин элеси ээрчип алды. Эчен чакырым алыстыктан кутулам деп ойлогону бекер экен. Кээде өзү байкабай ал жактырган нерселерди, ага арнап белектерди сатып алып, үйүнө келгенде кубанычы күбүлүп отуруп калар эле. Ошондой күндөрдүн биринде ага күтпөгөн конок келди. Сабагынан келип, эми тамактанууга отурган Аскат эшикти ачып дел болуп калды.
– Апа?
– Сен келбейм дедиң, аргасыз сени издеп келдик...
Жылмайган апасын кучактай берип, жерден так көтөрүп алды.
– Эх, апа, кандай керек болуп жаткан маалда келдиңиз.
– Билем, балам.
– Канча күнгө келдиңиз?
– Экөөбүз чогуу кетебиз,- деди ишенимдүү сүйлөгөн Бегимай.
– Кандайча?
– Мен сени тойго чакырып келдим.
– Кимдин тою?
– Сенин...
– Апа, кайдагыны айтпаңызчы...
– Сен алгач бул нерсени окуп чыкчы. Кийин баарын түшүндүрөм.
Аскат Данектин буюмун көргөндө жүрөгү болк дей түштү. Эчен жолу ичинде эмне бар экенине кызыкса да, таптакыр колун тийгизчү эмес. Бул апасынын колуна кайдан тийди?
– Окуп чык, анан келген себебимди түшүндүрөм.
Шурудай тизилген саптар Аскаттын көз алдынан өтүп жатты.

ххх

Данек атасынын машинасынан түшүп, балдар үйүнө жакындаганда жүрөгү дүкүлдөй берди. Сиңдиси Нурай табылып, аны Азирет багып алууга арыз жазган. Бүгүн аны менен жолугушууга келе жаткан. Бопбоз дубалдар өзүн басып калчудай апкаарыган ал директордун кабинетине араң кирди. Атасы жанында болгонуна шүгүр...
– Кана, бардык документтер бүттү, эми кызыңарды алып кетсеңер болот,- деп чаңкылдаган балдар үйүнүн директору аларды сынай тиктеди.
Бир кезде эшик акырын ачылып, тарбиячысынын колун бек кармап 6 жаштагы кыз кирди.

  (Уландысы кийинки санда)

Жакында...
ЧАҢДАГЫ ГҮЛ

Асхат Субанбеков

Сүйүү, байлык же намыс. Канчалаган мырзанын ашыгына айланган, ажары төгүлгөн жаш бийкеч жогорудагы үчөөнүн кайсынысын тандайт? Оор тагдырдан денесин сатканга да мажбур болгон кызды кудуреттүү адам чаңдан, булганыч жерден алып чыккан. Анын адамгерчилигине байланып жар болгонго макул эле. Бирок ушул учурда ага сүйүү келди...

Урматтуу окурман! Бул баянда баары бар. Бүгүнкү күндүн жылаңач чындыгы, күнгөй-тескейи, тагдырдын ар түркүн сыноосу... Турмуштун агымында улам бир жээкке урунган кыргыздын бир кызы турмуш сыноосун жеңип чыгабы же жеңилүүгө аргасызбы? Аны азырынча эч ким билбейт.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (21)
Aselina_kg
2014-01-06 14:09:34
Наконец то экоо уйлонот экен э
0
KUMU89
2014-01-06 15:27:43
Suiuu baryna iwenip ketesin, uwundaidy okuganda. Ar kachan suiuwkondor, bir bolo beriwpeit. Suiuu uchun chyn kurowkonu uchun, ekoo bakytka jetet syiagy. Kobu suiu joldun jarymynan, oto albai synywat.
0
tgeter
2014-01-06 16:41:02
bla, bla, emnege az? Kitebi barby, bilgen adam barby?
0
mirrow
2014-01-06 17:58:05
Akyrky seriyasy dep oi-lo-so...
0
meri6ka
2014-01-06 18:24:00
эх.. Дагы кутуу ээ....
0
Azimjan_95
2014-01-06 19:17:03
ай автор бир сыйра журок оорулуу кылып,бирок кайра 1 минутада айыктырып салдын го...абдан жакшы буюрса аягы биз кубангыдай бутот экен да...(~_+)
0
zikbak91
2014-01-06 21:33:32
уфффф
0
suluu_kyz
2014-01-06 21:46:07
Эх дагы бир жума кутуш керек.
0
sezim1111
2014-01-06 22:46:24
Бутойун деп калды окшойт а?
0
Агата Кристи
2014-01-07 09:50:03
Китеби даярдалууда, чыгары менен кабарлайбыз!
+1
Ramina
2014-01-07 17:22:47
Агата Кристи, Чыдамсыздык менен кутобуз
0
nuk
2014-01-07 17:36:24
uffa kachan butot ei.
0
N.Bakazova
2014-01-08 01:00:56
Бутооруно аз калдыыы.
0
bema161194
2014-01-08 01:37:44
Ehh suiuu kandai keremet ee)))ylaiym suiuwkondor bir ele boluwsa eken.airyluunun arty jaman
0
Laro4ka
2014-01-08 17:23:50
Суйуу сонун, суйуп калуу керемет! Любовь окрыляет! Хочется дать любимому все- что у тебя имеется....
0
Altyn10076
2014-01-09 19:46:07
Жакшы жазган азамат.
0
№ 583, 3-январь-9-январь, 2014-ж
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан