Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КРнын Эл артисти Хасан Кыдыралиев:«КАЗАК РЕЖИССЁРЛОРУ МЕНИ КҮТҮП КЕЗЕККЕ ТУРУП КАЛЫШАТ»

№585 17-январь-23-январь, 2014-ж


Кыргыз кереметинин тарыхта чоң тамга менен жазылышына салым кошкон Кадыржан Кыдыралиев деген ысым бар. «Уркуя», «Жамиля», «Улан», «Мен – Тянь-Шань», «Көк серек» фильмдерин тарткан оператор Кадыржан агайдын уулу, КРнын Эл артисти 54 жаштагы Хасан Кыдыралиев да, «Алма сабагынан алыс түшпөйт» демекчи, атасынын жолун жолдоп таланттуу кинооператор. Учурда кыргыз жана казак тасмаларынын даңкын алыска чыгарып жүрөт.

ЭМГЕКТЕРИ:
Кыргыз тасмалары
«Селкинчек, «Ата конуш», «Беш кемпир», «Маймыл», «Свет аке», «Ханбийке Назик», «Аномалия» сыяктуу 12 көркөм тасма, 7 документалдык фильмде операторлук кызматты аркалаган.
Казак тасмалары
«Абай», «Мергенчи», «Рэкетир», «Мустафа Шокай», «Жаужүрек мың бала», «Ликвидатор», «Из», баш-аягы 18 тасмада операторлук кылган. Мындан тышкары оператордун жардамчысы катары «Көчмөндөр» жана «Монгол» фильмдеринде иштеген.

– Атыңыз Хасан кыргыздарда сейрек кездешчү ат. Кыргызстанда эле төрөлдүңүз беле?
– Атам Кадыржан жетим өсүптүр. 4-5 жашка чыкканда атасы согушка кетип, дайынсыз жоголгон экен. Апасы да эрте эле көз жумуптур. Эр жеткенде Москвага барып апам Светлана менен таанышып калган. Апам москвалык казак кызы. Мен да ал жакта төрөлгөм. Москвада таенемдин колунда 8-класска чейин болдум. Ата-энем Фрунзеде жашашчу. 7-классымда эле фотоаппарат менен ар түрдүү кызыктарды, табиятты сүрөткө тарта баштагам, бирок бул кызыгуумду атама айткандан тартынчумун. Анткени кичинемден скрипкада ойноп, музыкалык мектептен да билим алгам. Классташтарым, теңтуштарым мектептен келип футбол ойноп жүрүшсө, мен скрипкамды асынып кайра мектепке кетчүмүн.
Эсимде, ал кезде скрипканы салган кап жок эле да, ата-энем кыздар асынган сумкага сал деп коюшкан. Ал сумканы көтөргөндөн аябай уялчумун. 3-класста дайыма ушул нерсе кайталанчу, мектепке эртең мененки 8де кетем, саат түшкү 12де келем. Балдар көчөдө футбол ойноп жүргөн болот. Алардын мени көрүүсүн каалабай, короодогу кермеде жайылып турган кирди аралап, кир түгөнгөндө арык менен сойлоп үйгө кирчүмүн. Ушинтип жүрсөм эле атам мени скрипкачы болот деп ойлоптур.

– Оператор болом десеңиз каршы болушу мүмкүн беле?
– Ооба, анткени оператор көп. Алардан бөлүнүп өзүн көрсөтө албай көп оператордун бири болуп калат го деп ойлочу. Ал кезде өзү Кыргызстандагы мыкты операторлордун бири катары таанылып калган. Мектептен кийин Москвага ВГИКке тапшырам деп барып, өтпөй калдым. Анткени бир орунга 100 адам тапшырыптыр, болгону 20 студент кабыл алынышы керек экен. «Кыргызфильмде» 1 жыл оператордун жардамчысы болуп иштедим. Анын арты менен көп нерсени үйрөндүм. Атам «Бишкектен оку» дейт, мен болбойм. Ошентип алыскы чыгышка аскерге кеттим. Аскерден келип 2 жыл дагы «Кыргызфильмде» иштедим. Анан максатыма жетип ВГИКти аяктап келдим. Келерим менен атам Баткендеги Зардалы айылы туурасында «Ата конуш» аттуу киного режиссёр, мен оператор катары иштедик.

– Атаңыз менен бир тасмада иштөө кыйын болдубу?
– Ал оператор болуп жүргөндө бир да жолу анын жардамчысы болгон жокмун. Мен оператор болгондо ал съёмка болуп жаткан жерге басып келчү эмес. Ал эми «Ата конушта» оңой эле түшүнүшүп иштештик. Атам менин эмгегимди эч качан сындаган эмес. Карап туруп «жакшы, балам, азамат» деп кетип калчу. Кичүү балам Жантай чоң атасы экөөбүздүн жолубузду жолдоп, оператор болуп жүрөт. Мен дагы атама окшоп балама «азамат» деген сөздөн башка эч нерсе айтпайм. Ал Алматыдагы киномектепти аяктаган, учурда 22 жашта. Алматыда азыр сериал тартып жатат. Ал жакта сериалдар күч алууда. «Жаужүрек мың бала» тасмасын тартканда 3 камера болчу. Экөөндө жардамчым менен мен өзүм болсом, үчүнчүсүндө балам турган.

– Көп учурда казак фильмдерин тартып Алматыда болот экенсиз, ал жакка кандайча кетип калгансыз?
– 1993-жылы мени бир казак фильмге чакырышты. Ал кийин көптөгөн сыйлыктарды жеңип атагы катуу чыкты. Анан 2 бөлүктөн турган «Абай» фильмин тартууну сунушташты. Келип-кетип 2 өлкөнүн ортосунда кино, жарнама тартып жүрдүм. Дагы бир фильмди тартууга чакырышты, кетейин деп жатсам жаңы фильм баштайлы дешти. Ошентип көп убактымды Алматыда өткөрө баштадым. Ал жакта менин туруктуу жашаган үйүм деле жок. Кино башталганда мен үчүн атайын батир алып беришет. Казактар мени жээн деп коюшат. Кыргызстанда дагы кино тартууну токтоткон жокмун. 2009-жылы «Свет аке», 2011-жылы «Ханбийке Назик» фильмдерине операторлук кылдым.

– Сизди Казакстандагы эң кымбат оператор, гонорары 50 миң доллар деген чынбы?
– Эң кымбатмын деп айта албайм. Акчасы сүйлөшкөнгө жараша. 50 миң доллар деп көп айтып жатышат. Ага жетпей калат го. 15-30 миң доллардын тегереги. Негизи акчага анча кызыкпайм, ким канча акча сунуштабасын чакырса барып, колдон келген жардамымды бере берем.

– Ошондой эле фильмди Кыргызстанда тартсаңыз канча төлөшү мүмкүн?
– Билбейм, мисалы, «Ханбийке Назик» үчүн мага 1 миң 500 доллар төлөшкөн. Эч качан мынча төлө деп соодалашкан эмесмин. Канча берсе да ишиме ыраазы болуп, акчаны чын жүрөктөн берсе болду.

– Казак режиссёрлору киносун сизге тарттырыш үчүн кезекке турушат деген маалымат уккам...
– Кезекке туруп калган учурлар болот. Мисалы, кино тартып жүрсөм, «качан бошойсуң?» деп режиссёрлор атайын келип сурашат. «Мынча айдан кийин же баланчасында» дейм. «Анда сен бошогондо баштайын» деп күтүп калышат. Же 2-3 кинону алдын ала сүйлөшүп, кол алыштык деп кетишет.

– Тилиңиз казакчага бурулуп калган окшойт...
– Ишиме байланыштуу казакча сүйлөөгө туура келет. 100 пайыз билем деп айта албайм.

– Атаңыздын азыр ден соолугу жакшыбы? Өткөндө маектешейин десем апаңыз «сүйлөп бере албайт» деп койду.
– Атам Кыргыз ССРинин Эл артисти. Учурда 78 жашта, ден соолугу жакшы эмес. Өзү тың эле басат, бирок жакшы сүйлөй албайт, апам карап жатат.

– Үй-бүлөңүз туурасында маалымат бере кетсеңиз. Канча балаңыз бар, жубайыңыз кайда иштейт?
– Жубайым Гаухар Сыдыкова экөөбүз 1985-жылы баш кошконбуз. Мен ВГИКте окуп жүргөндө Ленинградга практикага баргам, ошол жерден таанышып калганбыз. Кесиби үн режиссёру, бирок режиссёр катары эмгектенет. Көрсөтүүлөрдү, ар түрдүү роликтерди, документалдык тасмаларды тартат. 2 уул, 1 кызым бар. Улуу балам Абилбек менен кызым Асел Эмиратта иштешет. Экөө тең учак жүргүнчүлөрүн тейлеген борт коштоочу болуп иштешет.

– Жубайыңыз экөөңүздөр тең фильм тартуу жаатында эмгектенсеңиздер, ортодо «сен жакшы тарттың, мен көп фильм тарттым, акча аз таптың, көп таптың» деген сөздөр болобу?
– Экөөбүздүкү таптакыр эки башка багыт. Аныкы тарых, документалдуу, меники көркөм тасма. Ошондуктан эмгектерибизди сындабайбыз да, атаандашпайбыз. Мага сценарий алып келишкенде окуп эч качан түшүнбөйм. Аялыма «сен окуп анан айтып берчи» деп берем. Анткени аттарды, жылдарды жакшы эстей албайм. Ал 20 мүнөттө окуйт да, мага айтып берет. Анан сценарийди окуп, түшүнө баштайм.

– Мүнөзүңүз жумшак окшойт...
– Ооба, мен ак көңүл, бирөөнүн көңүлүн оорутпаган адаммын. Мисалы, балдар үйгө кеч келип калса же чектен ашып кетишсе апасы тарбиялайт. Апасы өзү барып урушат, ар нерселерди айтат, анан мага келип «бар сен да бир нерсе дебейсиңби» дейт. Мен «ии, келдиңби, баары жакшыбы, эми укта» деп коём.

– Москвада төрөлүп, 8-класска чейин окудуңуз, учурда Казакстанда иштейсиз, сизге кайсы өлкө жакын?
– Мага Кыргызстан жагат, кыргыздар жакын. Ата-энем, досторум бул жерде. Абасы, суусу жүрөккө жакын.

– Маегиңизге рахмат. Ишиңизге ийгилик!
Кыргыз эли таланттарга бай. Бирок ошол таланттарыбыз өз өлкөсүндө эмес, бөтөн жерде иштеп жатканы өкүнүчтүү. Кийинки сандарыбызда да чет жердин жылдызына айланган кыргыздын уул-кыздары менен тааныштырууну улантабыз.

«Жубайым Гаухар режиссёр».

«Ата-энем, эжем Анара жана иним Алтай».

Жантай, Асел, Абилбек. «Кичүү уулум Жантай менин жолумду жолдоп оператор, кызым Асел менен Абилбек учак жүргүнчүлөрүн тейлөөчү болуп эмгектенишет».

«Тасма тартуу учурунда дайыма көз айнекчен жүрөм. Ушуга көнүп алгам».

«Жаужүрек мың бала» жана «Свет аке» тасмаларынан кадрлар.

Сүйүн Кулматова
star@super.kg



“Рэкетир” тасмасын тарткан кинооператор Хасан Кыдыралиев

Автор: Динара Абдыкадырова
Оператор: Азамат Бакиров

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(17)
Super TV
17.01.2014. 20:39 
Тайпасы:
Жаран
Комментарийлердин саны:
0
Катталган:
28-12-2013
Соӊку аракети:
03-06-2019 09:32
Жынысы:
Белгисиз
+3
super kyrgyzcha sayit bolgondon kiyin ,astena kyrgyzcha kotorup jazep koysogor bolmok,je kyrgyzcha vn koshup koysogor jakshe bolmok.
Super TV
17.01.2014. 21:33 
Тайпасы:
Кыймылы жок
Комментарийлердин саны:
4
Катталган:
01-09-2013
Соӊку аракети:
26-03-2015 22:15
Жынысы:
Белгисиз
+1
Уюткулуу кыргыз элинде кандай гана мыкты таланттар бар. Таланттарды элибиз бааласа деген гана тилек.
Super TV
18.01.2014. 15:51 
Тайпасы:
Жаран
Комментарийлердин саны:
95
Катталган:
10-06-2011
Соӊку аракети:
08-05-2018 22:40
Жынысы:
Белгисиз
0
оо кандай гана сыймык! эя ким ойлогон эмес" рэкетирди" кыргыз Хасан байке тартканын! ийгилик ишинизге!
Super TV
19.01.2014. 00:19 
Тайпасы:
Кыймылы жок
Комментарийлердин саны:
93
Катталган:
04-05-2013
Соӊку аракети:
05-05-2016 03:21
Жынысы:
Белгисиз
Калаасы:
москва
+1
атасынын чыныгы баласы екен...озу Кыргыздар кыйын келебиз жакшы издештирсек Галивутанда бир кыргыз азаматы чыгат...
20.01.2014. 11:15 
Тайпасы:
Кыймылы жок
Комментарийлердин саны:
100
Катталган:
03-07-2012
Соӊку аракети:
22-08-2015 23:42
Жынысы:
Белгисиз
Калаасы:
Ош. Алай району
+1
жаужурек мын бала тасмасын казактар мактануу менен айтышат. Эми биз да мактансак болот экен оператор кыргыз деп )))))))
20.01.2014. 16:38 
Тайпасы:
Жаран
Комментарийлердин саны:
102
Катталган:
26-12-2013
Соӊку аракети:
16-06-2019 19:37
Жынысы:
Белгисиз
Калаасы:
Кыргыз Каганаты.
+2
Ушундай улуу адамдар бизде анчейин бааланбаганы окундурот да мени. Ишинизге ийгилик агай . Мага Кыргызстан, Кыргыздар жакын деген созу жакты.
22.01.2014. 20:31 
Тайпасы:
Жаран
Комментарийлердин саны:
130
Катталган:
13-09-2013
Соӊку аракети:
03-02-2018 22:09
Жынысы:
Белгисиз
0
KG-Oligarh, Ооба мага да ушул соз абдан таасир этти "абасы,суусу журокко жакын".Агатай мага да Кыргызтын жакын!!!!!!!!
20.01.2014. 22:54 
Тайпасы:
Кыймылы жок
Комментарийлердин саны:
2
Катталган:
14-01-2014
Соӊку аракети:
17-07-2014 01:40
Жынысы:
Белгисиз
0
igilik
20.01.2014. 23:14 
Тайпасы:
Кыймылы жок
Комментарийлердин саны:
19
Катталган:
12-03-2012
Соӊку аракети:
16-05-2016 13:37
Жынысы:
Белгисиз
0
Kazaktar siymiktana tu4ru filmderdin baaryn tartkan eken. negedir Kyrgyzstanda an4a jakwy film tarta elek okwoit menin oium4a. birok ozu mykty kinooperator ekeni korunup turat. buiursa Kyrgyzstan da siymiktana turgan mykty bir film jaratasyz degen umuttomun...
22.01.2014. 14:12 
Тайпасы:
Кыймылы жок
Комментарийлердин саны:
334
Катталган:
14-11-2013
Соӊку аракети:
15-04-2015 18:30
Жынысы:
Белгисиз
0
maryam, казактарда мыкты кинолордун тарылганынын Себеби Алар акчаны коп Жумшап баарын качественно кылышат ошол эле мын бала киносун тарканга кеткен акча. Кара жатын эсептесе биздин бир да кино жетпесе керек ошон учун айтат да чыгаша чыкпаса киреше кирбейт деп !! Эмнеси болсо да ушундай операторубуз бар экенине сыймыктансак болот !!
21.01.2014. 17:52 
Тайпасы:
Жаран
Комментарийлердин саны:
212
Катталган:
05-11-2011
Соӊку аракети:
09-02-2019 19:12
Жынысы:
Белгисиз
0
Азаматсыз агай,кыргыздын желегин алыска таанытып ийгилик коштоп журо берсин жана уй-булолук бакыт.
Super TV
22.01.2014. 00:37 
Тайпасы:
Жаран
Комментарийлердин саны:
8
Катталган:
26-11-2010
Соӊку аракети:
15-12-2018 00:57
Жынысы:
Белгисиз
0
Кочевникти да тарткан
22.01.2014. 02:15 
Тайпасы:
Жаран
Комментарийлердин саны:
99
Катталган:
06-03-2012
Соӊку аракети:
24-03-2019 00:48
Жынысы:
Белгисиз
Калаасы:
Эски шаар
0
Сиз менен сыймыктанабыз!Эн негизгиси эл-жеринизди унутпасаныз болду.
23.01.2014. 18:16 
Тайпасы:
Кыймылы жок
Комментарийлердин саны:
4
Катталган:
17-01-2014
Соӊку аракети:
20-11-2015 21:33
Жынысы:
Белгисиз
0
Ишинизге ийгилик кыргыз-казак елинде жакшы сапатту кинолорду тарта берин
24.01.2014. 19:23 
Тайпасы:
Жаран
Комментарийлердин саны:
164
Катталган:
08-07-2013
Соӊку аракети:
16-07-2018 03:10
Жынысы:
Белгисиз
0
оператор эмне иш кылышат айтып койгулачы сураныч.ушуну билбейт экенмин
24.01.2014. 22:54 
Тайпасы:
Тартип бузгандар
Комментарийлердин саны:
117
Катталган:
31-05-2013
Соӊку аракети:
03-10-2014 16:23
Жынысы:
Белгисиз
0
Жау журек мын бала дебей кыргызча эле жоо журок мин бала дегилечи казактар болгондо оздорунун эле тилинде айтмак.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22391;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: