Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БАКЫТ БЕШИМОВДУН КАТЫНА “АК ЖОЛ” ПАРТИЯСЫНАН ЖООП

№361 2-8-октябрь, 2009-ж.


“Ак жол” партиясынын төрагасынын орун басары Табылды Орозалиев 30-сентябрда маалымат жыйынын өткөрдү. Анда Бакыт Бешимовдун айткандары чындыкка жатпай турганын белгилеп, “Кыргызстан демократиялык нукта өнүгүп жатат” деп белгиледи.

Бакыт Бешимов чоң кызматта, өлкөбүздөгү ЖОЖдордун бирин жетектеп турган мезгилде Кыргызстанда демократия бар экен да, ал оппозициялык партиядан депутат болуп шайланган бүгүнкү күндө демократия жок болуп калыптырбы?” деп агынан жарылды “Ак жол” партиясынын төрагасынын орун басары, депутат Табылды Орозалиев.
Эскерте кетсек, президенттик шайлоодон кийин дайыны чыкпай кеткен ЖКнын СДПК фракциясынын жетекчиси Б.Бешимов азыркы бийликти легитимсиз деп эсептээрин билдирип, ажого бир топ нааразычылыгын жар салган эле.


Табылган сөөк Руслан Шабатоевге таандыкпы?

1-октябрдагы маалымат жыйынында ИИМдин өкүлдөрү Аламүдүн районунун аймагынан адам сөөгү табылгандыгын, ал Р.Шабатоев болушу мүмкүн экендигин билдиришти.

ИИМдин Тергөө башкы башкармалыгынын башчысы Кубатбек Ноорузбаевдин айтымында, сөөк 30-сентябрда Аламүдүн районундагы Баш-Кара-Суу айылына жакын жерден табылган. Сөөктөн табылган сааттын үлгүсү эл өкүлүнүн туугандары берген маалыматка төп келүүдө. Сөөктү соттук-медициналык экспертизадан өткөрүүнүн жыйынтыгы бир ай ичинде чыгышы мүмкүн.
Эскерте кетсек, ЖКнын депутаты мындан туптуура бир жыл мурда, 30-сентябрда дайынсыз жоголгон бойдон табылбай келе жаткан.


Мектепке тополоң салгандар аныкталды

Бишкектеги №38 мектептин терезелерин капыстан келген жаш балдар талкалашып, анын айынан жаракат алгандар болгон. Мындай чуулгандуу ишти Республикалык Олимпиадалык резервдик окуу жайдын онго жакын окуучусу уюштургандыгы аныкталды.

Ички иштер министрлигинин маалымат кызматы билдиргендей, «массалык мушташка катыштыгы бар» деп аталган окуу жайдын 10 чакты окуучусу кармалган. Окуучулар иликтөө жүргүзүлгөн соң ата-энелердин кепилдиги астында үйлөрүнө жиберилген. Учурда аталган окуя боюнча 3 окуучуга кылмыш иши козголуп, иликтөө жүрүп жатат.
Эскерте кетсек, 28-сентябрда саат 12:30 чамасында келечектеги Олимпиаданын катышуучуларын даярдаган окуу жайдын 50дөй окуучусу эки мектепке кол салышкан. Алар биринчи Аламүдүн районуна караштуу Лебединовка айылындагы №2 мектеп-гимназиясын таш бараңга алышкан. Натыйжада 5 терезе жана 1 эшик талкаланган. Бул мектептин коопсуздук кызматкерин да сабап салышкан.
Андан кийин борбордогу №38 орто мектебине барып, таш бараңга алышкан. Жыйынтыгында 17 терезе талкаланып, 3-класстын 2 окуучусу жана 7-класстын 1 окуучусу жаракат алган. Ал жерге жетип барган участкалык милиция кызматкерине да кол салышкан. Аларды милиция кызматкерлери табелдик тапанчадан асманга ок атып токтотууга аргасыз болушкан.


“ММКларды колдоо борбору” фондунда жаңы жетекчи

“ММКларды колдоо борбору” фондунун башкы директорлугуна буга чейин аталган ишканада техникалык директор кызматын аркалап келген Алмаз Курманкалиев бекитилди.

Курманкалиевдин талапкерлиги фонддун Байкоочу кеңеши тарабынан жактырылып, бекитилди. Кыргызстандын рыногунда 2002-жылдан бери иштеп келе жаткан фонддо Алмаз Курманкалиев белдүү кызматкерлердин бири болуп келген.
Алмаз Курманкалиев Политехникалык институтту аяктаган. Учурда 37 жашта, үй-бүлөлүү. Эскерте кетсек, “ММКларды колдоо борбору” фондунун негиздөөчүсү, буга чейин башкы директору болуп келген Андрей Миясаров­ үстүбүздөгү жылдын 22-июлунда жүрөк илдетинен улам каза тапкан эле.


Бүткүл дүйнөлүк Туризм күнү белгиленди

Ар жылы 27-сентябрда Бүткүл дүйнөлүк туризм күнү белгиленет. Мындай майрамдан Кыргызстан да четте калбаган.

Кыргызстан 1993-жылдан бери Бүткүл дүйнөлүк туризм уюмунун мүчөсү. Бул жылы өкмөттүн алдындагы Мамлекеттик туризм агенттиги 25-сентябрь күнү кесиптик майрамга карата чоң салтанат өткөрдү. Улуттук филармониядан орун алган салтанат негизинен, “Кыргызстан – туризмдин өлкөсү” аттуу республикалык сынактын жеңүүчүлөрүн сыйлоого арналды. Бир нече наам боюнча жеңүүчүлөр аныкталып, туризмдин өнүгүшүнө салымын кошкон жарандарга алкыштар айтылды.
Туризм агенттигинин жетекчиси Турусбек Мамашев өз сөзүндө “Туризм өлкөнүн өнүгүүсүнүн бирден-бир тармагы. Завод-фабрикаларды куруп алса болот. Ал эми улуу тоолорду, кооз табиятты куруп алса болбойт. Жалпы бирдикте керемет жаратылышыбызды сактап, туризмди өнүктүрөлү”,- деп баса белгилеп өттү.


Октябрда аба-ырайы жылуу болот

Кыргызстанда октябрь айы боюнча абанын температурасы климаттык нормада болуп, жаан-чачын аз болот.

Бул туурасында Өзгөчө кырдаалдар министрлигинин алдындагы Гидрометеорология боюнча мамлекеттик агенттигинен билдиришти. Маалыматка ылайык октябрда Чүй жана Талас облустарында абанын температурасы түнкүсүн -2 +8, күндүзү +17 +22 градуска чейин жылуу болот. Ош, Жалал-Абад жана Баткен аймактарында түнкүсүн 0 +10 градус, күндүзү +18 +23 градуска чейин жылуу болору күтүлүүдө. Ысык-Көлдө түнкүсүн -2 +8 градуска чейин жылуу, күндүзү +13 +18 градуска чейин жылуу болсо, Нарында түнкүсүн -5 +5, күндүзү +13 +18 градус жылуу болушу күтүлүүдө.


Кыргызстан 5-октябрдан тартып газсыз калабы?

Республикабыздын түштүк жергесине өзбек тарап газ берүүнү толук токтотту. Түндүк аймагына берилүүчү газдын көлөмүн да 30 пайызга кыскартты.

Бул тууралуу “Кыргызгаз” ишканасынын жетекчиси Саламат Айтикеев маалымдайт. Анын айтымында, аталган ишкана 1-октябрга чейин 18 миллион доллар карызды Өзбекстанга төлөп бере албай калганынан улам кошуналар газ берүүнү чектеди. “Бул маселе боюнча өкмөттүк деңгээлде сүйлөшүүлөр зарыл”,- дейт Саламат мырза. Такталбаган маалыматка караганда, өзбек тарап карызды төлөөгө 5-октябрга чейин убакыт берди. Төлөй албасак өлкө боюнча көгүлтүр отсуз калышыбыз толук мүмкүн.
Бул иштен улам Ош шаардык бийлиги элдин газга болгон карызын өндүрүү максатында штаб түзүп, вице-мэр Алымжан Байзаков штабдын жетекчилигине бекиди. Байзаков мырзанын айтымында, шаардыктардын карызы 72 миллион сомду түзөт. Штаб мүчөлөрүнөн куралган 24 топ 3600 карыздар жарандар үйүн кыдырып, 620 миң сомдон ашуун каражат чогултту.


Кезек кимде?

Өзбекстан жаратылыш газын Тажикстанга берүүнү толук токтотту. Мындай кадамга барууга Тажикстандын Өзбекстанга 18 миллион долларлык карызы себеп болгон.

Бул туурасында “Тажиктрансгаз” мамлекеттик ишканасына таянуу менен маалымат булактары жазып чыгышты. Маалыматка караганда, Өзбекстан газ берүүнү 27-сентябрда эле чектеген. 30-сентябрдан тартып газ берүү толугу менен токтотулган. Тажик тарап учурда Ташкентте Өзбек бийлиги менен сүйлөшүүлөрдү жүргүзүүдө. Тажикстанга газдын кайрадан качан берилери белгисиз.


Кооптуу зилзалалар болушу мүмкүн

“Кыргызстандын аймагынын 97 пайызы сейсмикалык жактан кооптуу болуп саналат.2010-2016-жылдар аралыгында бат-баттан жер титирөөлөр катталышы мүмкүн”,- деп билдирди Сейсмологиялык институттун директору Канатбек Абдракматов.

“Жер титирөө бүгүн, эртең же 20 жыл ичинде болобу, аны биле албайбыз. Адамдар тобокелдикке салбай, ага ар дайым даяр болушу керек. Курулушта, турак жай тургузууда ушул маалыматтарды эске алып, сапаттуу материалдарды колдонушубуз зарыл. Мындай сактык кырсык болуп кеткен учурда да биздин чыгымды азайтат”,- деп билдирет өлкөнүн башкы сейсмологу.

Ошондой эле жер титирөөлөрдүн күчү 7-8 баллга жетиши мүмкүн экендигин да кошумчалады.


Кыргызстандын аялдары динчил болуп баратышабы?

Эл аралык кризис тобу баяндама жарыялап, анда Кыргызстанда аялдардын диний радикал уюмдарга мүчө болуп кирип жаткан учурлары көп экендигин билдирген.

Ал эми ИИМдин тогузунчу башкармалыгынын кызматкери Э.Жээнбеков бул маалыматты төгүндөдү. Анын айтымында, азыр Кыргызстанда Хизб-ут-Тахрир сыяктуу диний уюмдардын ишмердүүлүгү тартип коргоо органдарынын толук көзөмөлүндө. Алардын иш-аракеттери басаңдап баратканы байкалууда. Анын айтымында, азыр республикада Хизб-ут-Тахрир диний-экстремисттик уюмдун 1,5 миңдей мүчөсү бар. Ал эми такталбаган маалыматтарга караганда, Кыргызстанда аталган уюмга сегиз миңдей адам мүчө жана алардын эки миңдейин аялдар түзөт.

Айбек Кочкоров, Залкарбек Карабалаев
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: