КОШ БОЙЛУУ АЯЛ МЫКААЧЫНЫН КУРМАНДЫГЫ БОЛДУ
9-январь күнү шаарда дагы бир жүрөк титиреткен окуя болду. Саналуу убакыттан кийин наристе жытын искөө бактысына ээ болчу кош бойлуу эне арактын айынан мыкаачынын курмандыгы болгон.
6 АЙЛЫК БОЮНДА БАР АЯЛДЫ ӨЛТҮРГӨН
9-январда Бишкек шаарынын Биринчи Май РИИБине шаардын Араван жана Малышев көчөлөрүнүн кесилишинде жайгашкан соода күркөсүнүн ичинен жашы 25-30 чамасындагы аялдын жансыз денеси табылгандыгы тууралуу маалымат түшкөн. Оперативдик иликтөө тобу окуя болгон жерге барып, соода күркөсүнүн ичинен кош бойлуу аялдын сөөгүн табышкан. Каза тапкан келин Нарын облусуна караштуу Ак-Талаа районунун тургуну, 1980-жылы туулган Майрамкүл Долдоева экендиги аныкталды. Ошол эле түнү бул кылмышка шектүү колго түшүрүлгөн. Кылмышка шектүү 1973-жылы туулган Александр Ломакин сурак учурунда мурун канча жолу соттолгонун да эсептеп бере алган эмес.
Иликтөөнүн жүрүшүндө окуя төмөнкүчө болгону билинди. Андан бир күн мурун Александр Ломакин өзү жашаган Беловодск айылынан Бишкек шаарында жашаган досторуна келип, чогуу арак ичишип, алардыкында калып калат. Эртеси баш жазайын десе жанында сокур тыйын жок, эптеп бир нерсе кылыштын амалын ойлойт. Малышев жана Араван көчөлөрүнүн кесилишинде жайгашкан соода күркөсүнө кирип, карызга арак сураса сатуучу аял тааныбаган адамга бербей коёт. Эмне кылышты билбей сыртта турганда, сатуучунун жанында жүргөн тестиер баланын чыгып кеткенин көрөт. Айланада эч ким жок экендигин көргөн ал күркөгө кирет да, чөнтөгүнө сала жүргөн бычагын алып чыгып, сатуучуну бычактап кирет. Кийин белгилүү болгондой, ал сатуучу аялга 13 жолу бычак сайган. Андан соң 2 куту тамеки, 1 бөтөлкө арак, уюлдук телефон жана 2000 сомдун тегерегиндеги акчаны алып, белгисиз тарапка из жашырып кетет. Алган жарааттарынан улам келин каза табат. Анын 6 айлык боюнда болгон.
МАЙРАМКҮЛДҮН ЭКИ БАЛАСЫ ЖЕТИМ КАЛДЫ
Каза тапкан Майрамкүл Долдоеванын артында 8 жаштагы кызы жана 6 жашар уулу калды. Алар үй-бүлөсү менен окуя болгон соода күркөсүнө жакын үйдө жашашчу. Ал эми кылмышка шектүү катары колго түшкөн Александр Ломакин буга чейин 9 жолу соттолгон. Ал акыркы жолу уурулук кылмышы менен 5 жылга соттолуп, 2013-жылдын 28-октябрында эркиндикке чыккан. 3 ай өтпөй оор кылмышка шектелип, кайрадан камакка алынды. Бул кылмыш боюнча Биринчи Май РИИБинин тергөө бөлүмү тарабынан Кылмыш жана жаза кодексинин 97-беренеси (киши өлтүрүү) боюнча кылмыш иши козголуп, учурда тергөө амалдары жүрүп жатат.
Гүлжан Асанкожоева
koom@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (33)
Мен каттуу окуном да. Александрды бир эле жолу олоруно. Ушундай кыйнап олтургум келет да. Колдорум кытышып жатат. Колу-бутун байлап туруп, оозуна кайнаган сууну куят элем. Тируулой колун туурайт болчум. Айта берсен коп... Окуном мага олтургону бербегенине.
A_l_i_b_e_k, андай адам катарынан чыгып калган келесоолорду кордоп бекер куноого калып керек эмес,албетте,бир эмес эки адамдын омурун алып кеткени окунучтуу дениз...Аллах жаннатын берсин,балдарына кудайдын боору оорусун.
Урматтуу kgz.girl_kgz, ал эки адам олтурду деп эсептелбейт жон гана озгочо оор кылмыштарга кирет
Артында калган эки баласын эми кандай тагдыр кутуп турат,энедей мееримди аларга ким берет.,олум жазасын жаныртыш керек мындай мыкаачыларга
арак саткан магазинге алкаштан башка ким келет
ал айбанды бензин чачып орттоп салыш керек
akisha777, туп туура...тобо кылдым
Husan, akisha777 силердин пикиринерге кошула албайм себеби КРсы эгемен, адам укуктарын сыйлаган дин аралашпаган суверендуу олко да (КРнын Конституциясы 1-берене)
Арак сатылбаган магазин бар беле
baikushum menin klasstashym eken kaza bolgon.jatkan jeri jailuu bolsun.kozumdun jashyn tyia albaim.baldary emne kundu korushot emi?men jolugabyz degen oido jurgom.menin altyndai bolgon kurdashym ele.
анысы бир курко болсо эшиктин эмне кереги бар соода кылчу тешик эле кылып койбойбу. арак сатылган жерге ар кандай адам келет. кайдан билебиз ичинде кандай ойлору бар экенин. кор тиричиликтин артынан эмнелер гана болбойт.
кудай сакта.тирилик деп отурган да ал да туну магазинде.балдарына очень жалко.шумшук орус эмне 9жолу камалган дагы да камалат.энесиз чонойгон кандай кыйын балдарына.
куйоосу отурса болмок боюнда бар аялды туну магазинге таштабай.ал кайда журду экен дейм да
Арак ичпей балээни ичкир.. мына сага заманыбыз эмне болуп баратат..Кудайым баарыбызга ыйман бере кор...
ушундай тогуз жолу соттолгон адамды эркиндикке кантип чыгарып коюшту???? сот ойлонгон жокпу бир куну бироо анын курманы болоорун. ушу бизде вообще закон иштебегени жаман да. бизге да смертельный казнь керек деп ойлойм, уурулардын колун кесип, убийцаларды убить надо. ну если куноосу доказанный болсо. а то куноосуздор да кээде жертва болуп калышат да. кудай сактай кор.
9 жолу соттолуп деле аттай журсо. Конечно дагы кылмышка барат да. Отоле гумандуу болуп баратавызбы дейм. Мындай манкурттарды учетко алат, баскан турганын козомолдош керек да. Качан гана адам союп салганда кармабай
акмак, бундайларды омур бойу турмодон чыгарбаш керек
Urmattuu deputattar,ministirler - kyrgyz elinin tagdyryna,kyrgyz jashtarynyn kele4egine konul bura turgan mezgil keldi,siler bailyk,builik talashyp kyrgyz ulutunarga ,elinerge karabai kaldynar, Tushtuk Koreada ishtep jurom ,biz bolok uluttar korei ulutuna bash kotorup suiloboibuz,suilotturboit bizdi alar,bash kotortpoit,aila jok KG degi akybaldy korup 4ydap ishtoogo tuura kelet,zakon katuu,Jogorkuu builiktegileri ulut4ul insandar,biz ka4an koreilerdin dengeeline jetebiz???
атууга окум чыгарыш керек
