«FONEX» БАНКРОТ...

2013-жылы «Түндүкэлектр» ишканасына электр энергиясынын керектөөчүлөрүнөн түшкөн сумма 4,2 МИЛЛИАРД сомду түздү.
Өкмөттүн Талас облусундагы өкүлчүлүгүнүн маалыматына ылайык, өткөн жылы өлкөдө 80 миң тонна ТӨӨ БУУРЧАК өндүрүлүп, 40 миң тоннага жакыны дүйнөнүн 16 өлкөсүнө экспорттолгон.
14-январда күч түзүмдөрүнүн жетекчилери менен болуп өткөн кеңешмеде президент АЛМАЗБЕК АТАМБАЕВ чек арага жакын жайгашкан райондун жашоочуларынын коопсуздугун камсыз кылууну, ал аймактардагы инфраструктураны жакшыртуу тапшырмасын берди.
1-марттан тарта укук коргоо органдарынын жана аскер кызматкерлеринин айрым категорияларынын ЭМГЕК МАЯНАЛАРЫ 37 пайызга жогорулайт.
Түштүк Кореянын Ханяң университетинде окуган жердешибиз Нурсултан Алтыбаев аталган өлкөдө КЫРГЫЗСТАНДЫН ЖАҢГАГЫ сатылып жатканын жана жогорку суроо-талапка ээ экенин маалымдады.
СОВЕТБЕК АРБАЕВ Жазаларды аткаруу мамлекеттик кызматынын төрагасы болуп дайындалды. Ал буга чейин ИИМдин Ички аскерлер бөлүгүнүн кол башчысы болчу.
Бишкек шаарынын райондор аралык сотунун чечими менен «АкТел» ЖЧКсы («FONEX») 2013-жылдын 22-ноябрынан тартып БАНКРОТ деп табылды.

Эльвира Караева,
Ширин Турдакунова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 585, 17-январь-23-январь, 2014-ж