КАРГА КАРГАНЫН КӨЗҮН ЧОКУБАЙТ

15-январь күнү Жогорку Кеңештин депутаттары Кылмыш жана жаза кодексине түзөтүүлөрдү киргизүүнү сунуштаган мыйзам долбоорун колдобой коюшту. Өмүрбек Текебаев демилгелеп чыккан мыйзам долбоор колдоо тапса, «мамлекеттик чыккынчылык», «паракорчулук» жана «кызмат абалынан кыянаттык менен пайдалануу» беренелери боюнча кылмыш кылган чиновниктер убакытка шылтап кылмыш жообунан кутулуп кете алышмак эмес.
Добуш берүүгө 99 депутат катталып, 44ү «макул», 55и «каршы» деген добуш беришкен. "Ата Мекен" фракциясы мыйзам долбоорду 100 пайыз колдосо, КСДП, "Ар-Намыс" жана "Республика" эки ойдо калып кетишти. Ал эми "Ата Журттун" 1 дагы депутаты "макул" деген добушун бербөө менен 100 пайыздык каршылыгын көрсөттү.
Аталган мыйзам долбоорду “Ата-Мекен” фракциясынын лидери Өмүрбек Текебаев демилгелеп чыккан. Учурда жогоруда аталган беренелер боюнча 10 жыл ичинде кылмыш мөөнөтү эскирет. Мыйзам долбоору кабыл алынып калса, анда 2003-жылы «Кумтөр» боюнча мамлекетке зыяндуу келишимди ишке ашырышкан деп айыпталып жаткан чиновниктер кылмыш жообуна тартылышмак. Ал келишимдин алкагында экс-министрлер Болот Абилдаев, Темирбек Акматалиев, ошондой эле учурдагы парламенттеги депутат Курманбек Осмоновго айып тагылган. Мамлекетке келтирген зыяндары үчүн жооп берип калуудан качып, мыйзам долбоорго каршы добуш бергендердин аты-жөнү менен бул жактан тааныша аласыздар.

Эльвира Караева,
Ширин Турдакунова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (9)

saysat

2014-01-20 11:03:28

Жатып ичээр депутаттар. Сидер ушунча кара озгойсунор. эптеп эле кун коруп журосунор. бизнесинерди гана ойлойсунар. бирин бир татыктуу иш кыла элексинер. Эми бул мыйзамды колдобой, ким экенинерди даана далилидединер.

altun.kairat

2014-01-20 12:49:49

Каршы добуш берген депутаттарды кандай тушунсок болот?

Byshakov

2014-01-20 12:55:01

Каршы чыкпаса азыркы бийликтин копчулугу Акаев, Бакиевтин убагында иштешкен, макул болушса оздору эле отуруп калышмак

Stalker-007

2014-01-20 13:43:41

Эшекке жабуу жапсан деле эшек дейт эмеспи,анык эшектер силерсинер, депутаттар! Эл ишенип шайласа силер кайра элге душман болдунар. Эшекке окшошуп калп эле ажылагандан башка эч нерсе билбейсинер, озгочо Ата-журттун депутаттары

KR-777

2014-01-20 13:48:01

Ушул мыйзамга каршы добуш бергендердин баары жеке бизнестерин коргоп, чонтогун толтурганга барышкан.

Stalker-007

2014-01-20 14:14:09

Каршы добуш берип жатканда элдин бетин кантип карайм деген ой жок дегенде биринердин мээнерге келди болду бекен...

Saiha.84

2014-01-21 09:59:36

Каршы болгон депутаттардын катарнда Жолдошова айым да бар экен,кечоо теледен суйлогон созун угуп коруп,чын эле озунун артын тазалап жаткандай экен.,болбосо каршы болмок эмес да.,анан да депутаттарыбыздын арасында баары эле булганган деп айта албайм арасында ар кайсы фракциядан жаш,журогу карага малына электери да бар,эми ошолор кучтуулук кылып калган карт борулорду суруп,аранарды тазалагыла демекмин!!!

erkin-by

2014-01-21 20:51:26

элди ойлобой коздорун май басыптыр да кубалаш керек буларды.

shok_Jigit

2014-01-23 02:11:33

Бул тескерисинче Текебаевтин озуно тиешелуу А,Юсуповтун сот ишине карата Омурбеке иш козголуп жатат ошондон улам ал озгортууну сунуштаган,паракорчулук корурция же ушул сыяуктуу.Атка минерлердин копчулугу камалып кетип жатат ушул мыйзамга озгортуу киргизели же алып салалы деген ал озун ойлоп айтканы,Депутаттардын каршы болгону туура чечим ким кылган кылмышын мойну менен тартат.Депутаттар копту буларды да 1-моонотко шайлоо керек президент 1-жолу шайланат ошол сыяктуу ато кесипке айлантышты

Комментарий калтыруу үчүн өз ысымыңыз менен кириңиз же каттоодон өтүңүз.

№ 585, 17-январь-23-январь, 2014-ж