Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Токубай ата:БАЙБИЧЕМДИН ЫСЫК ЧАЙЫН САГЫНДЫМ

№361 2-8-октябрь, 2009-ж.


"Карысы бардын ырысы бар" деп кыргыз эли ак элечек байбичелерин, тебетейчен аксакалдарын эзелтеден сыйлап келген. Бирок бул көрүнүш акыркы мезгилде такыр эле тетири кеткенсийт. Дегеним, карылар үйүндөгү адамдардын көбүн кыргыздар түзөт. Алардын бири, 74 жаштагы Токубай атанын аянычтуу тагдыры төмөнкү маекте.

– Суроо берүүдөн мурун сизди Карылар күнү менен куттуктап кетейин.
– Рахмат, кызым.
– Карылар үйүнө келгениңизге канча болду?
– Жети жыл болуп калды. Мен өзү Ысык-Көлдөн болом. 13 жашка чыкканымда борборго көчүп келген элек. Ошондон бери бул жердин тургунумун. Жогорку билимдүүмүн. Эл катары үй-бүлө куруп, эки уул, эки кыздын атасы болгонго жетиштим. Жубайым да билимдүү аял болчу. Жазуучулар союзунун мүчөсү, кийин Илимдер академиясында да иштеди. Эми аты-жөнүн атабай эле коёюн, арбагы нааразы болуп калбасын. Өзү да көзү түрүүсүндө айтып калчу эле “эң жаман көргөн адатым – мактанчаактык” деп. Балким, кээ бирлер ишенбесе керек, бирок байбичем экөөбүз бир да жолу кайым айтышкан жан эмеспиз.
Ошентип, эл катары бапырап жашап жүрүп, балдардын кандай бой жеткенин да байкабай калыптырбыз. Уулдарыбыз үйлөнүп, кыздарыбыз турмушка чыгып кетишти. Бул жерде да айта кетчү кебим бар. Бир балам учкуч болуп чет жерге иштеп кеткен. Ал баламдын келинчеги орус. Ушул баламды көп сагынам, айда-жылда бир келет. Өз мекениңде эле иштебейсиңби деп да айтып көрдүм. Бирок ал жакка абдан көнүп алыптыр. Экинчи балам Бишкекте турат.
Жакшынакай болуп карылыктын кадырын көрөрдө байбичем мени жалгыз таштап, о дүйнөгө сапар алды. Кемпиримден ажырар күнү негедир жүрөгүм сайгылашып эле туруп алды. Бир нерсени сезгендей, байбичеме өз колум менен чай кайнатып бердим. “Муундарым калтырап жатат” дегенинен жылуу жууркан жаап жаткызып койгом. Ошол бойдон эртең менен жаркынымдын көздөрүн көрө алган жокмун. Мен болсо баспай калдым.
– Буттарыңыз ооручу беле?
– Күчкө толуп турган кезимде жол кырсыгына учурап, эки бутум таптакыр иштебей калган. Бир жыл төшөктө түрүүлөй өлүк болуп жаттым. Байкуш байбичем азабымды көп тартты. Жаш баладай кылып бакты. Мен сөзсүз басам деп өзүмдү-өзүм үмүттөндүрчүмүн. Анан Москвага чейин барып, операция жасатып келдим. Бир бутумду кичине шилтеп калганым менен, нерв системасына доо кеткендиктен, экинчи бутум жакшы иштебей калды. Ошол боюнча эле оорукчан болуп калгам.
Байбичемди узаткандан кийин бул жердеги уул-келинимдин колунда аз эле жашадым. Ваннага түшө албайм же дааратканага кире албайм. Анан балама Көлдөгү туугандарыма жеткизип салчы дедим. Ал жакта деле тура алган жокмун. Башында айтпадым беле, эки кыз, эки уулдун атасымын деп. Отуздан жаңы ашкан кызым жол кырсыгынан каза болуп калды. Кызымдын кабарын угузушкан күнү дүйнө мен үчүн аңтарылып кеткендей болду. Үй алам деген 9000 долларым бар эле, аны толугу менен кызымды акыркы сапарга узатууга жумшадым. Ошондон кийин катуу чөгүп кеттим. Уулум менен келинимдин ортосундагы кагышуулар мен үчүн болуп жаткандай сезилип, карылар үйүндө жашоону туура таптым.
– Балдарыңыз буга каршы чыккан жокпу?
– Бул менин чечимим болду.
– Канткен күндө да уул-келиндин колунда жүргөн жакшы эмеспи?..
– Ий кызым, келиндин ысык чайын ичип, небере эркелетип отурганга не жетсин. Бирок эки бутум жакшы иштебесе, анан алар кечке эле мени карап отурмак беле?! Байбичем маңдайымда болгондо карыганда мындай күндү көрбөйт элем. Мен карылар үйүнө түшкөндөн кийин бул жерге бир тууган таежем да жашап калды. Экөөбүз бир бөлмөдө турчубуз. Бир чети тууганым менен жашаганга каниет кылып жүрсөм, экинчиден, анын тагдыры да мени ойлондура берчү. Бир күнү аны балдары тойго алып кетишти. Тойдон келе жаткан таежем жол кырсыгына кабылып кайтпай калды.
– Жаман болгон экен. Бул жердин шарттары жакшы элеби?
– Шарттары жакшы. Жакында эле шаарыбыздын мэри келип 1000 сомдон берди. Ушундай жардамдар келип турат. Мага окшогондор бул жерде 200дөн ашык. Аларды көрүп туруп, мен жалгыз эмес экенмин деп өзүмдү-өзүм сооротом.
– Эмнени сагынасыз?
– Байбичемдин ысык чайын сагынам.
– Балдарыңыз келип турабы?
– Колу бошогондо келип турат.
– Маегиңизге чоң рахмат. Аман болуңуз!

Ар бир үйгө кут-береке берген кадырман аксакалдарыбызды Карылардын эл аралык күнү менен куттуктайбыз!

Кейиштүү мүнөттөр...

Карылар үйүндөгү жашоочулардын көбүн балдары карабай койгондор түзөт. Бирок балдарына түртүндү болуп, батпай келишкендерин айткандан уялып жашырышат. Көбү эле "өз каалоом менен келгенмин"деп жымсалдашат. Угушубузга караганда, кээ бирлери пенсиясын алганда дүкөндөн өздөрү тамак-аш алып келип, "балдарым берип кетти" деп балдарына суу жуктурбайт экен. Дагы бирлери "балдарым чет жерде жүрөт" деп да узун жомок айтышат.

Карылар тууралуу

  • Өлкө боюнча болжол менен 500 миң кары адам бар.
  • Статистикага кайрылсак, Кыргызстанда карылар үйлөрүндөгү жашоочулардын 70 пайызынын жакын туугандары, ал эми 40 пайызынын эмгекке жарамдуу балдары бар.
  • Карылар күнүн биринчи Европада белгилей башташкан. 1990-жылы 14-декабрда БУУнун Генералдык Ассамблеясында 1-октябрь Карылардын эл аралык күнү деп белгиленген.
  • Нью-Йорк шаарында коомдук унааларда карыларга орун бошотуп бербей жана туура эмес мамиле кылган жаштарга 25тен 50 долларга чейин айып салынат. Бул үчүн атайын видео көзөмөлдөр орнотулган.

Бахияна Сатылганова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
06.08.2012. 08:19 
Тайпасы:
Жаран
Комментарийлердин саны:
39
Катталган:
17-08-2010
Соӊку аракети:
05-06-2018 14:17
Жынысы:
Белгисиз
Калаасы:
ош
0
эх.. Он бала болсун багат ата эне.. А бирок ошол ону биригишип, биригишиип, Багышпайт ата энесин эминеге..?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: