Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КРнын Улуттук олимпиадалык комитетинин президенти Мурат Саралинов: «АТАМДЫН БАШКА ҮЙ-БҮЛӨГӨ КЕТИШИ МЕНИ СПОРТЧУ КЫЛДЫ»

№361 2-8-октябрь, 2009-ж.


Кыргызстан спорт дүйнөсүндө таш билек балбандары менен белгилүү болуп келет. Бүгүнкү күндө мына ошол балбандардын, дээрлик бардык спортчулардын укугун коргоп келе жаткан Улуттук олимпиадалык комитет бар. “Бейне” рубрикасынын төрүндө ошол комитеттин президенти, экономист, юрист Мурат Саралинов.

– Балалыкты эске салуу бактылуу көз ирмемдерден экени талашсыз. Мурат мырза, сизге да ошондой туюлабы?
– Туура айтасың. Менин балалыгым көп окуялары менен эсте калды. Жашырганда эмне, мен төрткө чыкканда атам башка үй-бүлө куруп кетти. Анан апам иним экөөбүздү алып, айылдан борборго келе берди. Жалгыз бой эки баланы тарбиялоо кыйынга тургандыктан, апам мени Крупская атындагы спорт мектеп-интернатына берди. Интернатта кадимки сабактарды окугандан сырткары күнүнө үч маал машыгып, футболдон баштап баскетболго чейин ойночубуз. Бирок ар бирибиз шыгыбызга жараша бир багытты тандап алчубуз. Мен ошентип эркин күрөштү тандап алгам.
Апамдын айтуусуна караганда, кичинемде оорукчан бала болуптурмун. Бөйрөгүм ооруй берчү экен. Интернатка барып спорт менен машыга баштаганымда ал оорум сен көр, мен көр жоголуптур. Ийгиликке жетишип, дипломдун ээси боло баштаганымда апам ушуну айтып “ырас спортко бериптирмин” деп сүйүнүп калчу.
– Таяк жеп көрдүңүз беле?
– Көп мушташтык. Биздин мектеп Лебединовка айылына жакын эмеспи. Айылдын балдары аялдамадан биз менен мушташабыз деп күтүп турушчу. Мушташтан жеңилип калышса эле чоңураак, сөөк-саактуу балдарды жетелеп келип калгандарын эстесем күлкүм келет. Азыркылар мушташса бети-башын канжалатып, бири-бирин өлтүргөнгө чейин барып жатышпайбы. Бизде андай эмес болчу. Атаандашың жерге жыгылса, жеңилди деген ой менен үстөккө-босток урчу эмеспиз. Ата-энебиз интернатка алып келгенде “сөөгү биздики, эти силердики” деп тапшырышчу. Ошондуктан балдардан таяк жесек да, эже-агайлар урушса да ата-энеге даттанмай деген жок эле.
– Классыңыздарда кыздар бар беле?
– Биздин класста 35 бала, 5 кыз окучу. Бирок кыздарыбыз деле эркектей болуп калган. Ти­йишсең каңк дедире төбөдөн ары бир коюудан тартынышчу эмес. Ошондон улам тийишкенден коркчубуз. Бирок кийинки класстын кыздары менен укмуш сүйлөштүм го. Ал эми биздин кыздар менен чоң класстын балдары сүйлөшчү.
– Окуучу кез ойго келбес окуялары менен эсте калат эмеспи...
– Кечки саат 11де баарыбыз уйкуга киришибиз керек. Катуу чарчаган күнү уктап калсак, кээ бир күндөрү эки командага бөлүнүп алып жаздык менен урушуп, сүлгүнүн учун түйүп алып чабышчубуз. Мунубузду билип калган күнү агайлар баарыбызды бири-бирибиздин ийиндерибизден кучакташтырып туруп, 100-150 жолу отургузуп тургузар эле. Эртеси колубуз көтөрүлбөй, бутубуз баспай калчу.
– Экономист, юрист кесиптерин өз каалооңуз менен танда­ды­ңызбы?
– Интернаттан кийин Самарканд Кооперативдик институтунун экономика факультетине тапшырдым. Албетте, өз каалоом менен. 1994-жылы Улуттук университеттин юридикалык факультетин сырттан аяктадым. Олимпиадалык комитетке келгенден кийин Дене тарбия институтун аяктап коюуну туура көрүп, сырттан окуп бүтүрдүм. Студент кезимде да, ишке орношкондон кийин да машыгуумду токтоткон жокмун. Самарканд институтун 1982-жылы аяктап келип, Токмок шаарына милиция кызматына ишке кирдим.
Жолдош балам бир күнү “жашың 26га келип калды, үйлөн. Бир дос кызым бар, ошону менен тааныштырып көрөйүн” деп калды. Таанышсам ачык-айрым, тарбия көргөн кыз экен. Мединституттун дарылоо факультетин аяктап жатыптыр. Милициямын да, ата-энесине чейин сураштырып жибердим. Бардык жагы жакты. Ошентип, Кылымгүлгө үйлөндүм. Кылымгүл Токмоктун төрөтканасында иштеп жүрүп, жакшы дарыгер болуп чыкты. Эки уулдуу болдук. Улуусу Кыр­гыз-орус славян университе­тинде окуйт. Кичүүсү түрк лицейин бү­түп жатат.
– Кыргыздар үчүн эки бала аз да...
– Маңдайга жазганы ушул болду. Келинчегим беш жыл төрөй албай жүрүп, анан Москвага барып, дарыланып келип төрөдү. Мүмкүнчүлүк, ден соолук болсо, беш-алты балалуу болууга эмне жетсин, бирок ушундай болуп калды.
– Элибиздин кайсы салты жагат жана жакпайт?
– Мага өзгөчө тушоо той жагат. Кичине балдар өзүнчө, чоң­дор өзүнчө чуркашат эмеспи. Ошону ушунчалык рахаттануу менен карайм. Ал эми жакпаган салт – келин келгенде чачылчу чачыла. Интернатта өсүп, тамак-аштын баркын билип калгангабы, келин келгенде боорсок, момпосуй чачса, бир кызык болуп кетем.
– Кызматтан тышкары ишкердик менен алектенесизби?
– Жок. Бир күнү кызматтан кетип калсам, баары бир жашоо керек. Балдар өсүп келе жатат дегендей. Ошол үчүн өзүмчө иш баштасамбы деп пландап жатам.
– Бооруңуз эзилгиче күлгөн анекдот эсиңиздеби?
– Анекдот укканды да, айтканды да жакшы көрөм. Нарындык Кубан күзүндө КамАЗын айдап алып, картошкасын сатканы борборго келет. Картошкасын сатып бүтүп, жалтырак чаканы КамАЗдын артына илип алып айылга жөнөйт. Чүй-Алматы көчөлөрүнүн кесилишинен Мерседес-600 үлгүсүндөгү машина келип артынан катуу сүзөт. Мерседестин ээси чыга калып, “120 000 долларлык машинам ай, атам өлтүрөт” деп ыйлактай баштайт. Анда Кубан “атаң-па­таңды, мерседес-серседесиңди урганым жок. Жалтырак чакамды төлөйсүңбү же МАИ чакырайынбы?!” дептир.
– Жакшы экен. Сиз спортто жүрүп эле саясатка аралашып кеттиңизби?
– Мен эмгек жолумду мугалимдиктен баштагам. Кийин милицияда, анан полицияда иштедим. Андан сырткары аким, КР бажыканасынын директору, Эсептөө палатасынын жетекчиси болдум. Аңгыча Раатбек Санатбаевди, артынан Комитеттин президенттигине келген Баяман Эркинбаевди да атып кетишти. Эл аралык олимпиадалык комитеттен “кырдаалды эртерээк жөнгө салбасаңар, Эл аралык олимпиадалык кыймылдын мүчөлүгүнөн чыгарып салабыз” деген билдирүү келди. Ошондон кийин Курманбек Салиевичке кирип, жетекчиликти мага тапшыруу сунушун айтсам, колдоп берди.
– Бүгүнкү күндө кыргыз спортунун абалы кандай?
– Мурункуга салыштырмалуу кыргыз спорту кадимкидей көтөрүлдү. Чоң көңүл буруунун негизинде мамлекет тарабынан акча бөлүнүп берилүүдө. Мурда спорт агенттиги менен Улуттук олимпиадалык комитет бири-биринен иш кызганып, «биз жасоочу иш» деп, акыйнек айтышып келишкен. Учурда эки жак тең өз иштерин так билишет, бири-биринин ишине кийлигишпейт. Биздин комитеттин милдети – спортчунун укугун коргоо. Эгер жөндөмү, шыгы болсо эч тоскоолдукка карабай олимпиадага катыштыруу, чет өлкөлөрдө болчу таймаштарга алып баруу.
– Маек соңунда сизди өтүп кеткен 30-сентябрь – Дене тарбия кызматкерлеринин күнү менен куттуктайбыз. Кыргыз спортчу­ларын алга сү­рөп жүрө бе­ри­ңиз.
– Рахмат. Мен дагы ушул мүмкүн­чүлүктөн пайдаланып, мамлекетибиз­деги дене тарбия кызматкерлерин майрамы менен куттуктайм. Бар болушсун! Анан элибизге экономикалык чоң өсүш каалайм. Эгер экономикабыз өссө, анда спорт алга жылат.

Кыска суроого кыска жооп

– Канчанчы жылы, кайда тө­рөл­гөнсүз?
– 1961-жылы Ысык-Көл ра­йо­нундагы Ананьево айылында төрөлгөм.
– Арманыңыз барбы?
– Жок.
– Уюлдук телефонуңуздун маркасы эмне?
– Нокиа 8800.
– Кандай машина айдайсыз?
– Лексус.
– Келинчегиңизди кантип эркелетесиз?
– Кылымгүл деп эле айтам.
– Кан досуңуз барбы?
– 1978-жылдан бери достошкон кан досум бар.
– Иниңиз кайда иштейт?
– Салык инспекциясында.
– Бош убактыңызда эмне кыла­сыз?
– Бассейнге барам, кышында лыжа тебем.
– Салмагыңыз, боюңуз канча?
– Боюм 170, салмагым 95 килограмм.
– Косметика колдоносуз­бу?
– Одеколон гана колдоном.
– Спорттогу ийги­лик­те­ри­ңиз...
– Эркин күрөш боюнча СССРдин Спорт чебери, КРнын Эмгек сиңирген машыктыруучусу, эркин күрөш боюнча Кыргызстандын эки жолку чемпиону.

Сүйүн Кулматова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: