Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Ынак Осмоналиев:«КЫЗГАНЫЧТАН ЧЫГАРГАН ЫРЫМ ХИТ БОЛУП,ЭЛГЕ ТААНЫЛГАМ»

№587 31-январь-06-февраль, 2014-ж


«Карагат, кара көздөрүң,
Катасыз тийген ок беле?
Моминтип болдум, ай, жарадар,
Мумиё дарың жок беле?»
деген саптары бар ыр мындан үч-төрт жыл мурун хит болгон. Ал ыр Ынак Осмоналиевге атактуулукту алып келди. Ырчы мырза учурда эмне менен алек, Ынак Осмоналиев деген ысымдын элге таанылышына кимдер себепкер болгон? Ырчынын басып өткөн жолундагы кыйынчылыктар, сүйүнүчтөр туурасындагы макала назарыңыздарда.

«БИРИНЧИ АЙЛЫГЫМДЫ 7-КЛАССЫМДА АЛГАМ»
– Музыкага болгон шыгым мага чоң аталарымдан, таякелеримден берилген. Чоң атам Базарбектен комуз черткенди үйрөнгүм келер эле, күү черткенде жанында отуруп укчумун. Мени үйрөнсүн дейт окшойт, балким, ырымдаганыбы, айтор, комуз чертип отурганда комуздун башын дайыма мага тиштетип койчу. Анан «комуз менен нанды башыңа жаздап жат» дечү. Жаздыгымдын алдына күндө жаздап жатсам деле жыйынтык жок. «Качан, кантип үйрөнөм, башкалар кантип үйрөнүшкөн?» деп көпкө капа болуп жүрдүм.
Бир күнү комузду кылдыратып отуруп эле күүгө окшоштуруп чертип жибердим. Ошондон кийин ырга шыгым ойгонуп, колумдан комуз түшпөй калды. 7-классымда аккордеон да саттырып алдым. Ошол кезде Тургуналы Нурматовдун, Исирадин Аманбаевдин ырларын ырдаар элек.
1992-1993-жылдар болсо керек, Юрий Шатуновдун дүңгүрөп турган чагы. Айбек, Эдил деген классташтарым болуп чаканы барабан, швабраны гитара кылып, Шатуновдон кем калышпай биз дагы катуу чыктык. Улуулар музыкага болгон шык-жөндөмүбүздү байкашканбы, Таластагы Маданият үйүнүн «Алтын балалык» деген эстрада тобуна Эдил экөөбүздү ырчы кылып алышкан. Ошентип, гастролго 7-классымдан эле чыга баштагам. Биринчи айлыгым 47 рубль болгон. Үйгө келерим менен бир тыйынын коротпой велосипед сатып алгам.

«ТУЗДАН БАШКА ЭЧ НЕРСЕ ЖОК КҮНДӨР БОЛДУ»
– Ошол кездерде пародия жазчумун. Бир кыз менен бир баланы жабыштырып эле ырдай берем, анан алар чычалап жатып калышат. Мектепти бүтөр жылы «алыс кетсе менден карааның, аянычтуу карап каламын» деген саптары бар «Алыстаба» аттуу ырымды чыгардым. Ошол убакта жубайым Сырга менен сүйлөшүп жүргөм. Бир жолу Болот деген бала «Сырга башка менен жүрөт» деди, ошондо кызганганымдан ушул ырды жазгам. Кийин билбедимби, Сырганы Болот өзү да жакшы көрчү экен. Кызганчаактыгымдын айынан жакшы ыр жаралып, атым элге таанылды.
2000-жылы «Таластык кыз» деген ырым чыкты. Ал дагы кайсы муундун отурушу болбосун, дайыма ырдалар эле. Бул нерсе жакшы дечи, бирок башка бирөө ырдап, клип тартып салса эмне кылам, эртерээк сахнага чыгуунун аракетин көрөйүн деп коркуп Бишкекке келгем.
Менин чыгармачылыгымдын түптөлүшүнө Майрамбек Осмоновдун салымы бар. Анда байкенин күйөрмандары залга батпай турчу. «Концертиме катышасың» дегенде сүйүнгөнүмдөн «Ош базарынан» Асанбай кичи районуна чейин жөө баргам. Спорт Ордосунун сахнасына чыкканда буту-колумду кой, оозум титиреп, фонограммага түшпөй ит болгом. Ырым аяктап калганда элге рахмат айтайын дегем, бирок аны да айтканга жараган эмесмин. Бир айылдаш кызым гүл берсе ого бетер толкунданып, өзүмдү коёрго жер таппайм десең.
Андан кийин борбордо ким концерт берсе, «катышайынчы...» деп спорттук сумкама формамды салып алып бара берчүмүн. Катыштырбай койгон эч ким деле болгон жок. Ырчылар «Канча бут кийимиң бар?» деп эле таң кала беришчү. Анткени бир концертке кийгенимди экинчи кийчү эмесмин. Ал кезде «Дордойдо» аялдардын бут кийимин сатчумун. Жанымдагы эркектердикин саткан кошунамдан улам бирин алып кетчүмүн. Астына скотч чаптап, жаңы байпак менен кийип алам да, эртеси кайра сатыкка чыгара беребиз. Кийин костюм-шым саткан жигит менен дос болдум.
Мектептен соң ата-энемдин каалоосу менен ИИМдин академиясына тапшырдым. Бала кезимден арзып жүргөн кызым Сыргага үйлөндүм. Ырчы болом деп окуумду да таштадым, анан кыздарым төрөлдү. Ал мезгил жашоомдогу өтө кыйын учурлардын бири экен. Кагылып-согулдум десем болот.
Батирде жашачубуз. Орус кемпирлердин бир бөлмөлүү времянкалары бизден калган. Бир аз тапкан акчамды эле чыгармачылыгыма жумшайм. Дасторкондо нан да жок, туз эле болгон күндөр баштан өттү. Жубайым «Тойдук ырыңа, ушинтип ырчы болбой эле кой. Биз качан эл катары жашайбыз?!» деп, ортодо түшүнбөстүктөр көп чыкты. Мен көгөрүп болбойм. Бир топ ырым хит болуп, 4 жолу жеке концертимди бердим. Зал толбой калган учур болгон эмес.
«Мумиё дарың жок беле?» деген ырды атам жаш кезде теңтуштары менен чогулганда дайыма ырдачу. Көрсө, ал радиодон уккан экен. Атамдан текстин сурасам, унутуп калыптыр, эптеп бир куплетин жазып берди. Калганын өзүм чыгармачылык кылып жазып салдым.

«МЕККЕГЕ БАРЫП АЖЫ БОЛУП КЕЛГЕНИМДИ АЙТКАНДАН УЯЛГАМ»
– Акыркы учурда менин сахнадан көрүнбөй кеткениме ыйман жолуна түшүп, намаз окуп калганым себеп болду. 2011-жылы Бангладеште 4 ай дааватта жүрдүм, бир жылдан кийин эле Меккеге барып ажы болуп кайттым. Келгенде журналисттер «ажы болгон турбайсызбы» деп сурашкан, уялып жок деп койгом. Ажы болгон соң дин жолуна баш-отум менен кирдим. Ушул себептен чыгармачылыктан оолактап кеттим. Атам дагы динди бекем карманган адам, чыгармачылыгымды колдобойт. Ушундай жагдайлардан улам сахнадан биротоло кетейин дегем. Бирок «Ынак ичип кетиптир, чегип кетиптир» деген кептердин калп экенин көрсөтүп, жакшы ырларды жаратып, анан сый менен сахнадан кетсемби деп да ойлоном. Албетте, 4-5 жыл мурун эл катары майрамдарда ичкем, бирок ичкендин баары аракеч эмес да.
Жаңы жылдык көрсөтүүлөргө катышайын деген элем, бирок ден соолугум жол берген жок. 2013-жыл – мүчөл жылым мен үчүн оор болду. Жол кырсыгына кабылып, бутумдан операция жасаттым, 8 ай ооруканада жаттым. Буюрса, баарын жеңип келе жатабыз.

«Кичүү кызым Айдай менен. Кыздарымды урушуп жаман сөз айтпайм. «Берекелерим, күчүктөрүм» деп эле турам».

Турарбек Рысалиев, классташы:«ЫНАК АК БАЙПАГЫМДЫ ТАЛАШЫП КОЛ САЛГАН»
– Мен Ынакты классташ, дос катары жакшы билем. Ынак менен 8-класстан тартып бир класста окудум. Ага чейин аны сыртынан таанычумун, анткени экөөбүз бир райондо жашап, анын үстүнө мушташа да кеткенбиз. Бир жолу мектептен үйгө баратсам Ынак жолумду тосуп, «байпагыңды чеч» деп мага тийише баштады. Ал учурда ак байпак мода болчу жана табылышы кыйын эле. «Чечпейм» деп Ынак менен мушташа кеттим. Аңгыча балдар келип ажыратып, байпагымды ала албай калган. Кийин ал окуган мектепке которулуп, классташы, ал гана эмес, досу болуп калдым.
Ынактын УАЗ машинасы бар эле. Отуруш болордо үйүндөгүлөр укпасын деп гараждан түртүп чыгарып, алыстаганда от алдырчубуз. Таңга маал, үйүнө жакындаганда унааны өчүрүп, түртүп киргизип койчубуз. Отурушка чогулганда Ынак аккордеону менен балдар-кыздарды бири-бирине жабыштырган пародиясын ырдап жиндерине тийип калчу. Ынактын ырдаганын уккан кыздар вальс бийлеп жаткан жигитин таштап салып анын жанына отуруп алышчу. Жигиттердин жини келип эле калчу.
10-класста болсо керек, Ынак мени үйүнө кино көрүүгө чакырды. Кечки саат 10-11ге жакындап калды, мени үйгө кетирбейт. Тамашалашып күрөшө кеттик, бир убакта Ынак сыртка чыкты. Көрсө, байланып турган кавказ породасындагы итин бошотуп келиптир. Короого чыксам баягы ити чуркап келип мени талай баштады. Дарбазасын да ичинен илип салыптыр. Дагы жакшы, эч жеримди тиштеген эмес. Бирок кымбат баага жаңы сатып алган тонумдун (дублёнка) эки-үч жерин айрып салган. Жиним келди, айлам жок... Кийин тонумдун айрылган жерлерин скотч менен билгизбей чаптап кийип жүрдүм.
2002-2003-жылдары Ынакка Бишкектен жолугуп калдым. Майрамбек Осмоновдун концертинде Спорт Ордосунун сахнасына чыгам деп кубанычы койнуна батпай жүрүптүр. Колунда Майрамбек байкенин афишалары. Жашыл Жигулим бар болчу, ошонун үстүнө чыгып алып афишаларды илгенбиз. Анан бакка чыгып тытылып, жыгылып шаар ичине он чакты баннерин байлап, түнү менен зым карагайларга афиша жабыштырып, кийимибиздин баары камыр болгону эсимде. Азыр да абдан жакшы катышабыз. Кыздарын аябай жакшы көрөт. «Берекем, күчүгүм» деп эркелеткенин көп көрөм.

Нурбек Саматов, досу:«ЫРЫНЫН 2-КУПЛЕТИН УНУТУП КАЛЫП...»
– Ынак экөөбүз эс тарткандан бери бирге жүрөбүз. Таластагы кафеде да чогуу ырдадык. Кээ бирөө айткан сөзүнө турбайт го, досум андайлардан эмес. Айтканынан кайтпайт. Эч качан калп айтпайт. Бир нерсеге капа болсо, үйүнөн качып, талаалап кетмей жайы бар эле.
Бишкекке келип, бажыканага жумушка кирдим. Ынак анда үй-бүлөлүү болуп калган. Казан-аяк кагышып, аяшты таарынтып койгон экен, кетип калыптыр. «Кел, чогуу жашайлы» деп бир батирде туруп калдык. Ичип алганда өзүнүкүн такыр бербейт. Тентек достору бар, ошолор бузуп коёт, ак көңүл досум алардын жүрү деген жагына баш тарта албай кете берет. Ичип алса өтө жеңил, кой-айга келбейт. Бирок менден бир аз ийменип, айтканымды угуп калчу.
Бир жолу Таласта концерт берип жатабыз. Эл «эстрададан тажадык, аккордеон менен ырда» деп калды. Аккордеонун көтөрүп сахнага чыгып Жолдошбек Мамажановдун «Сүрөтүңө» деген ырын ырдамай болду. Ичип алган эле, «турушуң мага жакпай жатат, сахнанын артынан эле мен экинчи үндү алам» деп чыкпай койгом. Биринчи куплетин сонун ырдадык, экинчисин унутуп калган экен, мен ырдап жибериптирмин. Анда Ынак «Мен унутуп калдым, эй, чыкпайсыңбы? Көшөгөнүн артында абысыным бар» деп элдин боорун эзген.
Дагы бир жолу Манас айылына концерт коюп бардык. Клуб Манас, Кара-Суу айылдарынын ортосуна курулуптур. Концерт болгон сайын жаш балдар «меники, сеники» деп мушташып кетишчү экен. Ынак ырдап жатканда артта отурган жигиттер мушташа башташты. Ынак «Энеңди урайындар, эмне болуп жатасыңар?» деген боюнча мушташка аралашып кетсе болобу?! Фонограмма кетип жатат, мен ырды токтото албай чуркап жүрөм. Чынын айтыш керек, кыйын мушташат, зөөкүрлүк жагы да бар.
Чогуу жашап жүргөндө тамак жасагандан эринип кафеден иччүбүз. Бир жолу мен уктап жатканда өзү кетип калыптыр. Ошол жерде Назира Жетигенова достору менен отурган экен, аларга бирөөлөр тийишкен окшойт. Назирага болушуп Ынак алар менен мушташыптыр. Анан телефон чалып мени чакырды. Такси менен барсам, жалгыз өзү үчөөнү сулатыптыр. «Кел деп коёсуң, өзүң эле жайлаган турбайсыңбы» десем, «эртерээк келбейсиңби, өлтүрүп сала жаздадым» деп жатпайбы.

Майрамбек Осмонов, ырчы, обончу:«АФИШАЛАРЫМДЫ ӨЗҮ ЧАПТАП ЧЫККАН»
– Кайсы жылдар экенин эстей албай жатам, Ынак «Таластык кыз» деген ыры бар экенин айтып, аны мага угузган эле. Мен ал учурда «Ош базары» жакта батирде жашачумун. Ошол үйүмө бат-баттан келип турчу. Ынактын тарбиялуу экенин ушундан бил, үйгө 100 жолу келсе да «уруксатпы...» деп кирчү.
«Таластык кыз» деген ырына Мирлан Ниязов экөөбүз аранжировка жасап бердик. Ынактын тартынбай «Мен дагы сизге окшоп элге тааныламбы, чоң сахнага чыгамбы?» деп сураганын жактыргам. Ал сураганда мен ичимден «бул жолду мен деле баспадым беле» дечүмүн. 1990-жылдардын башында мен дагы Асанкалый Керимбаев менен жашаганымды, отунун жарып, кышын ташыганымды, идишин жууганымды, жадакалса алмага конгон чымчыктарына чейин кубалаганымды Ынакка айтып бергем. «Бирөөгө кызмат кылбасаң, кызмат көрбөйсүң» деп көп айткам.
Ошентип, мен концерт коё турган болдум. Базардан ун алып келип, клейдей суюк камыр даярдадым. «Кечкисин афишаларды чапта» десем, суроо бербестен дароо макул болду. «Азыр менин афишаларымды чаптасаң, кийин сеникин да бирөө чаптайт» дегеним эсимде. «Пенденин оозунда болсо, Алланын кулагында» дегендей, Ынак тез эле элге алынды. Анын жөнөкөйлүгү адамды өзүнө тартып турат.
Эмнеси болсо да Ынактын чыгармачылыгына жол көрсөтүп, билигин күйгүзүп бердим, андан ары өзү алып кетти.

Марипа Бейшенова, класс жетекчиси:«МУГАЛИМДЕР ЫНАГЫҢЫЗДАН БИРДЕМЕ ЧЫГАТ ДЕШЧҮ»
– 4-класстан мектепти бүткүчө класс жетекчи болдум. Бир үйдүн жалгыз баласы, көп жылдан кийин карындаштуу болду. Апасы дүкөнчү болуп иштечү, мектепке бат-бат келип «Балам кандай окуп жатат?» деп сурап, сабактарга катышып турганы эсимде. Ынакта тентектик да бар эле. Бирок тентектик кылса, жароокерлиги менен аны жууп кетчү. Жогорку класс болгондо уюштургучтугу, дилгирлиги менен балдардан бөлүнүп чыга келди.
Эч качан калп айткан эмес. Бир жолу балдар адабият классында илинип турган Жоомарт Бөкөнбаевдин сүрөтүнүн айнегин сындырып салышыптыр. «Ким кылды, айткыла?!» деп ачуулана баштасам эле Ынак ордунан туруп «эже, ким кылганын билбейм, бирок биз мурунку калыбына келтирип коёбуз» деди. Чын эле ошондой болду, тентек кылгандарын моюнга алып, баарын жайгарып салгандан кийин эч нерсе деген жокмун. 10 жылдыкка келгенде Ынак «эже, ошол сүрөттү мен сындыргам» деп айтып жатпайбы.
Биз, мугалимдер, окуучулардын экинчи энесибиз да. Элге кереги тийген, чыгаан уулдардан болорун сезгем. Башка сабактын мугалимдери да «эже, сиздин Ынагыңыздан бирдеме чыгат» дей беришчү.

«Менин продюсерим да, демөөрчүм да апам болду».

«Дем алыш күндөрү чоң ата-чоң энемдикине кетип, дайыма дүйшөмбүдө окууга кечигип келчүмүн. Кээде келбей да калчумун».

Ынак «Мумиё дарың жок беле?» ырынын клибине тартылган досу Нурбек менен.

«Чоң атам менен чоң энемдин улуу, эрке небереси болуп чоңойдум».

«ИИМдин академиясында окуп жүргөндө да колумдан аккордеон түшкөн жок».

Сүйүн Кулматова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(20)
03.02.2014. 11:16 
Тайпасы:
Кыймылы жок
Комментарийлердин саны:
130
Катталган:
07-09-2013
Соӊку аракети:
13-03-2015 12:09
Жынысы:
Белгисиз
-8
Да ырчы болуу оной эмес.Ошол кыйын кезден откондон кийин ырдап журо беруу керек эле деп ойлойм.Ушунча курмандыктарга баргандан кийин эл сенден жаны ырларды кутот.Ичкен адатынды таштап жакшы кылырсын а то бир эки тойдон кордук эле шилекейин агып калганын...
03.02.2014. 13:14 
Тайпасы:
Жаран
Комментарийлердин саны:
13
Катталган:
10-04-2013
Соӊку аракети:
10-09-2018 16:12
Жынысы:
Белгисиз
0
кандай жолду тандасанызда ийгилик!
03.02.2014. 16:30 
Тайпасы:
Кыймылы жок
Комментарийлердин саны:
6
Катталган:
02-02-2014
Соӊку аракети:
11-02-2014 15:36
Жынысы:
Белгисиз
0
Жубайы дагы абдан жакшы адам экенин билем, ал гана эмес чыгармачылыгын дагы дайым колдоп турчу эле го, бирок ал жонундо эч айтпаптыр...
03.02.2014. 18:34 
Тайпасы:
Кыймылы жок
Комментарийлердин саны:
79
Катталган:
05-11-2012
Соӊку аракети:
03-03-2015 13:18
Жынысы:
Белгисиз
+1
Аябай сыйлаймын ушул таланттын чыгармаларын
03.02.2014. 18:45 
Тайпасы:
Кыймылы жок
Комментарийлердин саны:
141
Катталган:
17-01-2014
Соӊку аракети:
07-11-2014 17:03
Жынысы:
Белгисиз
Калаасы:
Карышкырлар мекени.
+1
Даа. Иштеринизге ийгилик!
04.02.2014. 01:25 
Тайпасы:
Кыймылы жок
Комментарийлердин саны:
25
Катталган:
20-01-2014
Соӊку аракети:
31-01-2015 22:59
Жынысы:
Белгисиз
Калаасы:
Москва
0
Талантту ырчы чынында "Гулдор"атту ыры менен да ооруп жургом бир кездерде.Кантсе да ишинизге ийгилик.
04.02.2014. 09:15 
Тайпасы:
Кыймылы жок
Комментарийлердин саны:
46
Катталган:
12-11-2013
Соӊку аракети:
20-08-2014 04:18
Жынысы:
Белгисиз
0
Inakti taanyim, chin ele talanttu birok araka jakin bolchu murun,azir bilbeim. Ayali otom oto ele biwik bolo beret
04.02.2014. 18:07 
Тайпасы:
Жаран
Комментарийлердин саны:
68
Катталган:
20-06-2013
Соӊку аракети:
02-03-2018 00:47
Жынысы:
Белгисиз
+1
Ынак Осмоналиев менен досунун алы эле скотчко чыккан го я)))бири бут кийимин,бири дубленкасын скотчтоп,окуп алып аябай кулдум.
Уй-булоолук бакыт каалайм!
04.02.2014. 18:14 
Тайпасы:
Кыймылы жок
Комментарийлердин саны:
110
Катталган:
11-02-2013
Соӊку аракети:
22-02-2015 18:08
Жынысы:
Белгисиз
Калаасы:
Бейиш багы
0
Ынак байке аман болунуз
04.02.2014. 23:44 
Тайпасы:
Кыймылы жок
Комментарийлердин саны:
6
Катталган:
11-05-2013
Соӊку аракети:
31-12-2014 13:18
Жынысы:
Белгисиз
+1
Гулдор аттуу ыры жагат.
05.02.2014. 03:44 
Тайпасы:
Жаран
Комментарийлердин саны:
38
Катталган:
19-01-2014
Соӊку аракети:
25-08-2018 23:30
Жынысы:
Белгисиз
Калаасы:
Ош шаары
0
Ынак Осмоналиев менен апасы тушкон суротто апасы ортонку (Fuck you) колун коргозот го. Бул эмнени билдирди экен
05.02.2014. 12:05 
Тайпасы:
Жаран
Комментарийлердин саны:
203
Катталган:
08-07-2013
Соӊку аракети:
16-07-2018 03:10
Жынысы:
Белгисиз
0
hakker_a, мен башында байкабаптырмын.чын эле жаман корунот экен.бирок атайын кылбаса керек
05.02.2014. 15:34 
Тайпасы:
Кыймылы жок
Комментарийлердин саны:
164
Катталган:
15-02-2013
Соӊку аракети:
22-04-2016 16:30
Жынысы:
Белгисиз
0
hakker_a, ой боорум кулкуулу сурот болуптурго ээ.
12.02.2014. 17:00 
Тайпасы:
Жаран
Комментарийлердин саны:
128
Катталган:
11-04-2013
Соӊку аракети:
10-01-2018 14:40
Жынысы:
Белгисиз
0
hakker_a, Чон эле аял колун корсотуп турса жаман корунот экен. Мен ойлогом тартып жаткан суротчуго корсотуп атканго деп хи хи хи. Боорун эзилет...
05.02.2014. 15:44 
Тайпасы:
Кыймылы жок
Комментарийлердин саны:
164
Катталган:
15-02-2013
Соӊку аракети:
22-04-2016 16:30
Жынысы:
Белгисиз
0
Меккеге барып келипсиз,зыяратынызды Аллах кабыл кылсын. Оор турмушту откоруптур башынан,азыр эми буту кандай экен кырсыка учуруса???
05.02.2014. 20:36 
Тайпасы:
Жаран
Комментарийлердин саны:
4
Катталган:
08-01-2014
Соӊку аракети:
25-09-2018 22:57
Жынысы:
Белгисиз
+1
Бул ырчы жигит канчанчы жылкы? Туулган жылын жазбаптыр го.
06.02.2014. 12:48 
Тайпасы:
Тартип бузгандар
Комментарийлердин саны:
290
Катталган:
23-02-2013
Соӊку аракети:
19-05-2014 21:34
Жынысы:
Белгисиз
Калаасы:
бишкек
0
ак байпак талашканы эле жакты))
06.02.2014. 15:03 
Тайпасы:
Кыймылы жок
Комментарийлердин саны:
4
Катталган:
11-02-2011
Соӊку аракети:
14-04-2016 16:23
Жынысы:
Белгисиз
Калаасы:
Ош
0
Мумиа дарын жок беле деген ыр обончу Кудайберген Темировдуку екенин Ынак билбейт окшойт
11.10.2014. 18:33 
Тайпасы:
Жаран
Комментарийлердин саны:
119
Катталган:
04-02-2013
Соӊку аракети:
09-09-2018 16:10
Жынысы:
Белгисиз
0
Ынак эки буту баспай калыптыр дейт чынбы ошонун чын бышыгын айтчып койсонор
13.10.2014. 10:02 
Тайпасы:
Супермодератор
Комментарийлердин саны:
5913
Катталган:
05-09-2011
Соӊку аракети:
26-09-2018 00:23
Жынысы:
Белгисиз
Калаасы:
Супер-Инфо
0
Leili, саламатсызбы!
Маалыматыңызды тиешелүү бөлүмгө жеткирип койдук. Рахмат! Аракет кылабыз.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: