Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Таш-Тумшук айылынын тургундары:«СОГУШ ЧЫГЫП КЕТЕБИ ДЕП КООПТОНУП ЖАШООДОБУЗ»

№587 31-январь-06-февраль, 2014-ж


Эсиңиздерде болсо, жакында Баткен облусунда кыргыз-тажик чек арачылары атыша кетишкен. Кооптуу абал жаралып, ал тургай тажик тарап Ак-Сай айыл өкмөтүнө караштуу аймакка окоп казып, снайперлерин коюп, атышууга даярданган эле. Сүйлөшүүлөрдүн жыйынтыгында 2 тарап тең аскерлерин чек арадан алыс аймакка алып кетүүгө макул болушту. Бирок азырынча кырдаал оор бойдон. 24-январь күнү Баткен облусуна барып, учурда эң кооптуу делинген Ак-Сай айыл өкмөтүнө караштуу Таш-Тумшук айылынын абалы менен тааныштык.

КӨЗДӨРҮ КОРКУНУЧКА ТОЛГОН ЭЛ
Баткендин Көк-Сай айылына жеткенде куралчан аскер кызматкерлерди, көздөрү коркунучка толгон элдерди көрүп эрксизден Ооганстанды элестеттим. Ал жерден Ак-Сайды көздөй укук коргоо кызматкерлеринин коштоосунда жол тарттык. Мени Ак-Сай айыл өкмөтүнүн эң кооптуу делинген жери Таш-Тумшуктун абалы кызыктырган эле. Анткени бул айылда эч кандай чек ара тилкеси жок, «бул менин жерим» деп да талаша албайсың. Жер Кыргызстанга караганы менен, Союз мезгилинде эки элдин үйлөрү бир кыргыз, бир тажик болуп шахмат доскасындай жайгашып калган.
Айылдан анча-мынча гана кишини көрбөсөң, көпчүлүгү жерге сиңген суудай жок. Муну жандап жүргөндөрүм «коркуудан улам үйлөрүнөн чыгышпайт, көпчүлүгү үйлөрүн таштап айылдан чыгып кетишкен» деп түшүндүрүштү. Кызыгы, айыл тургундарынын арасында «Менин тынч жашагым келет. Айылдын эч кандай көйгөйүн айта албайм. Бийликке каршы сүйлөп коюп Баткен университетинде бир студент куугунтукка алынган, мен да ошентип балээге калгым келбейт» деген адамдар болду. Бул жорукка таң калбай коё албайсың. Кооптуу жерде жашап, куралчандарды тынбай көрүп жүргөн жаштардын көз караштары бизди да шектүү карап жатты. Айыл аралап жүрүп анча-мынча тажик эркектерин эле көрбөсөк, аялдарынан дайын жок.
«Эки өлкө ортосунда согуш башталып кетет» деген кооптонуудан улам, тажик улутундагылар бир канча күн мурун үй-бүлөсүн, мал-жандыктарын башка жакка көчүрүп кетишиптир. Ал эми кыргыздын келиндери жаш балдары менен малын карап, кирин жууп, кадимкидей тиричилик кылып жүрүшөт.

Айыл элинин көпчүлүгүнүн маанайы ушул балакайдыкындай.

«ЧЫР ЧЫКСА КАЙДА КАЧАМ БИЛБЕЙМ»
МАВЛЮДА МАМАСАДЫК кызы, айыл тургуну:
– Бизде жашоо өтө оор. Айланабыздын баары тажиктер, түнү короого чыгыштан коркобуз. Көчөбүздүн жогору жагындагы үйдө 20дан ашык тажик снайперлери турат. Айылыбызда биздин аскерлер бар үчүн гана жашап жатабыз. Менин 4 айлык жана 2 жашар балам бар. Чыр чыкса кайда качам, эмне кылам деп эсим чыгып отурам. Өзүм бала бакчада тарбиячы, жолдошум мектепте кароолчу болуп иштейбиз.
Бул үйдө эки абысын бирге жашайбыз. Үй салып бөлүнүп чыгалы десек үлүш жер берилбейт. Качан толук отурукташып, санаабыз тынып жашайбыз билбейм. Бизге окшогон жаш үй-бүлөлөр турак жай маселесинен кыйналышат. Көбү туугандарынын үйүндө же башка жактарда жашап жүрүшөт.

«ТОЮТ ҮЧҮН КАШЕК САТЫП АЛАБЫЗ»
Айылда үйлөр тыгыз жайгашкан, эгин эгилүүчү талаа, жайыт алыс жактарда. Айыл тургундары экиден ашык мал бага алышпайт. Себеби аны кайтаруу үчүн сөзсүз бир адам убара болуусу керек. «Тоют үчүн кашек сатып алабыз, көп малга тоют сатып ала албайбыз» дешет тургундар. Балдарына жөлөк пулга документ тапшыра албай кыйналгандарын чоң көйгөй катары кошумчалашты. «Документ тапшыралы десек эле «корооңдо малың, машинаң бар экен» деп такыр документибизди кабыл алышпайт. Аралашып кошуна жашасак да, тажиктер менен куда болбойбуз. Бирок мааракелерде катышып турабыз. Жакындыгына карап азык-түлүк алганы Тажикстандын базарына барчу элек, 3 айдан бери «Самаркандек» базарынан алып келип жатабыз. Тажиктер жакка барып калсак кууп жатышат. Балдарга спорт зал, маданий залдар керек. Коомдук иш-чаралардан артта калып жатышат. Айылыбызга бир эле Абдымалик Шерматов концерт коюп келген»,- деп көйгөйлөрүн айтышты айыл тургундары.

НУРАЛИ СЫДЫКОВ, айыл тургуну:
– Ушул жаман үйүмдү сатам десем тажиктер 30-40 миң долларга талашып алышат. Мен ал акчага Бишкектен үй сатып алып жашасам болот. Биздин деле шаарда жашагыбыз, аялдарыбыздын да башкаларга окшоп жасанып жүргүсү келет. Балдарыбыз сейил бактарды кыдырып, каалаган балмуздагын алып жегиси келет. Бирок жерибизди алдырып койбойлу деп жашоо кыйын болсо да ушул жерде отурабыз. Абалыбызды келип көрүп, бирок айткан көйгөйлөрүбүздү кыркып салып, «Ак-Сайда абал туруктуу» деп көрсөткөн кээ бир телеканалдарга нааразыбыз. Жалган айтыштын эмне кереги бар? Болгонун болгондой эле көрсөтүшсө болбойбу? Вице-премьер-министр Камила Талиева акимдер менен келген экен, ага «каалаган тамагыңарды жасап берип, сыйлап жөнөтөлү, биз менен бир күн жашагылачы» десем, жарым саатка жетпей качып кетти. Чоңдор келишет да, эч кандай маселени чечпей кете беришет. Ошолорго «эч нерсени чече албасаңар, келбей эле койгулачы» деп айтар элем.

«ОКУУЧУЛАРДЫ ИТКЕ ТАЛАТКАН УЧУРЛАР БОЛГОН»
Таш-Тумшук айылында 2011-жылы Баткен облусундагы ишканалардын кызматкерлери бир күндүк маянасын которуп, ашар жолу менен бүткөн 9 жылдык, 9 класстан турган мектеп бар. Анда 74 окуучу окуйт. Учурдагы абалга байланыштуу айылдагы тажик мектептери убактылуу жабылып калган.
Ал эми бул мектеп билим берүүнү токтоткон эмес. Окуучулар түшкө чейин жана түштөн кийин болуп бөлүнүп окушат. Мектеп директору менен сүйлөшүп турсак, тестиер кыз келип «Апам инимди алып кел деди. Башка жакка кетет экенбиз. Тажик кошуналарыбыз «бүгүн согуш чыгышы мүмкүн экен, кетип калгыла» деп айтышты» деп жалдыраган көз менен карап, 2-класста окуган инисин жетелеп кетти.

Окуучулар аз келип жатса да, мектеп кадимки тартипте иштеп жатат.

АБДЫМИТАЛИП УЛУКОВ, орус тили мугалими:
– Бул мектепке Таш-Тумшук айылынан аз эле окуучу келет. Көпчүлүгү бир канча жол жүрүп, тажик айылдарын аралап Үч-Дөбөдөн келип окушат. Алардын коопсуздугу үчүн эч ким кепилдик бере албайт. Мурунтан бери окуучуларды тажик балдар «Биздин көчөттөрдү сындырдыңар, эгиндерди тебеледиңер» деп көп эле жолу токмоктошту. Өтүп баратса иттери менен кубалатып, балдар суу болуп мектепке жетпей кайра үйлөрүнө кеткен учурлар көп болгон. Бүгүнкү кырдаалда окуучулар эле эмес, мугалимдер үчүн да айыл аралап келиш коркунучтуу болуп жатат.
Бизге аралаш жашап жаткан тажик элинин мектептери азыр жабылып, иштебей турат.
Ал эми биздеги кадр маселесин кеп кылбай эле койгон дурус. Көп сабактардан мугалимдер жетишпейт.

«КЫРГЫЗСТАНДЫН ЖАРАНДАРЫНА КАТТАЛГАН, БИРОК ТАЖИКТЕРГЕ ТИЙИШТҮҮ»
САДЫР АБДРАХМАНОВ, Таш-Тумшук айылынын башчысы:
– Мурун биздин айылда тажиктер жок эле. Алар 1989-жылдан баштап отурукташа баштап, учурда 30 үйдө тажик жарандары жашашат. Лейлек районунун Коргон айылында тажик улутундагы Кыргызстандын жарандары бар. Бул үйлөр ошолордун атына катталган, бирок Тажикстандын жарандарына тийиштүү. Азыркы учурда да сатылып жаткан үйлөр бар. Бул боюнча депутаттар атайын бир мыйзам иштеп чыкса болмок.
Биздин айылда чек арачылар аз. Айылдын коопсуздугун милиция кызматкерлери карап турушат. Таш-Тумшук айылында 25 кыргыз аскерлери болсо, 70ке жакын тажик аскерлери бар. Милиция кызматкерлери 24 саат бою эс албай иштеп жатышат, бирок аларга 8 сааты үчүн гана айлык жазылат.
Биз бул сапарыбыз менен Баткендин Тажикстанга чектеш айылдарынын бирөөсүн гана чагылдырып бердик. Аталган айыл эли чымчык «быр» этип учса баары үркүп каччудай абалда турат. Бул учур качанкыга чейин созулат эч ким айта албайт.

Коркуп жашап жатышса да, айылда калгандар күнүмдүк жумушу менен алек.

ТАШ-ТУМШУК АЙЫЛЫ ТУУРАЛУУ
Ак-Сай айыл өкмөтүнө карайт.
Аянты 20 чарчы чакырым.
Жалпысы 77 түтүн бар (анын 30у тажиктерге сатылып кеткен).
47 үйдө 280дей киши жашайт.
Гезитибиздин «Элет үнү» рубрикасынын астында мекенибиздин айылдарын кезеги менен чыгарып турууну чечтик. Айылдардын абалы, көйгөйү, башкаларга окшобогон өзгөчөлүктөрү жана кызыктары менен тааныштырабыз.
Анда күтүңүз, биз сиздин айылга да барабыз. Өзүңүздүн айылыңыздагы кызыктар, көйгөйлөр тууралуу маалымат бергиңиз келсе,
koom@super.kg электрондук дарегине кат жөнөтүңүз.

Уулбү Каныбекова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(50)
03.02.2014. 14:40 
Тайпасы:
Жаран
Комментарийлердин саны:
18
Катталган:
01-11-2013
Соӊку аракети:
13-09-2018 17:11
Жынысы:
Белгисиз
+10
салам алейкум туугандар кыргыз елим менда баткендин чек арада жайгашкан айылдарданмын атын атабайле коеюн бирок биздин айылга спецнастар келип карап атыптыр озум москвадамын бирок бир кызыгы окмот ошо спец.ды багалбай елге кайрылганго деп ойлоп калдым себеби москвадагы айылдаштар ошо спец.дын тамак ашына деп акча жыйнап атыптыр бул мне деген мамлекет мне деген окмот аскерлерин багалбай калдыбы уят. мен учун жалка емес ошол акча проста уятго дейм кандай дейстер....мен макул берип кое берем акчан
05.02.2014. 03:04 
Тайпасы:
Жаран
Комментарийлердин саны:
38
Катталган:
19-01-2014
Соӊку аракети:
25-08-2018 23:30
Жынысы:
Белгисиз
Калаасы:
Ош шаары
0
sultan89, оа туура айтасыз мен да сиз жашаган айылдан болом. Бирок мен 92-жылкы болом
03.02.2014. 15:44 
Тайпасы:
Жаран
Комментарийлердин саны:
126
Катталган:
05-11-2011
Соӊку аракети:
19-06-2018 18:27
Жынысы:
Белгисиз
+3
Мырзакматовду оной эле жумуштан алдыныз Атамбаев жана Сатыбалдиев,ал эми элдин сатылып кеткен уйлорун кантип угуп отурасыздар.оор бирок Кыргызстанды президент болгондон кийин кармап калыш сиздин катуу тартибинизден,коррупцияны жок кылып карапайым элге жардам берсениз!
03.02.2014. 15:52 
Тайпасы:
Кыймылы жок
Комментарийлердин саны:
8
Катталган:
23-01-2014
Соӊку аракети:
25-09-2017 10:57
Жынысы:
Белгисиз
+1
Баардыгы бироо учун,бироо баары учун дегендей.биздин биликликте отургандар кыргыздын бир жарааны учун,алакандай жери учун кам корушсо жакшы бросок.
03.02.2014. 15:59 
Тайпасы:
Жаран
Комментарийлердин саны:
6
Катталган:
28-10-2013
Соӊку аракети:
11-09-2018 12:56
Жынысы:
Белгисиз
+1
Окуп алып мекендештериме боорум ооруп кетти. Баткенде тажиктер менен аралаш жашаган айыл коп. Согуш болбосун кудайым озу сактасын. Тынч эле бололу.
03.02.2014. 16:36 
Тайпасы:
Жаран
Комментарийлердин саны:
10
Катталган:
24-10-2011
Соӊку аракети:
23-09-2018 07:29
Жынысы:
Белгисиз
Калаасы:
Rossia
+1
Аша озунун бийлигин гана сактап олтурат.эптеп мооноту бутконго чейин.
03.02.2014. 19:24 
Тайпасы:
Кыймылы жок
Комментарийлердин саны:
141
Катталган:
17-01-2014
Соӊку аракети:
07-11-2014 17:03
Жынысы:
Белгисиз
Калаасы:
Карышкырлар мекени.
+1
АШАлардан умут кылгыча,озунорго ишенгиле. Согуш чыгып кетсе,булар качып кетет. Жанагы эле,шордуу эл калабыз.
04.02.2014. 07:33 
Тайпасы:
Тартип бузгандар
Комментарийлердин саны:
172
Катталган:
09-09-2013
Соӊку аракети:
06-06-2014 06:19
Жынысы:
Белгисиз
Калаасы:
эн бактылуу адамдардын шаарынан
0
infiniti, аша эмне? Мен артта калган окшойм
04.02.2014. 12:43 
Тайпасы:
Тартип бузгандар
Комментарийлердин саны:
16
Катталган:
26-11-2013
Соӊку аракети:
12-05-2014 11:17
Жынысы:
Белгисиз
+1
kolya121212, АША точно (эмне)ким эмес.Ал бир макулук озунун жалгыз бийлигин кантип сактап калуу жолун гана издеп жургон.Опозициячыларды камакка алган,элдин оозуна илинген,жакшы иштерди кылып Кыргыз учун оз кучун жумшаган атуулдарды иштен алган.
Баарынан да жакында ТСга (Таможенный союзга)кирсек бутту,Кыргызды отургузат биротоло.Ага баарибир да эл эмне болсо.АШАкетмейн Кыргызстан эч,эч,эч качан онолбойт!!!
03.02.2014. 19:36 
Тайпасы:
Түйүлдүк
Комментарийлердин саны:
483
Катталган:
07-08-2011
Соӊку аракети:
25-10-2016 17:50
Жынысы:
Белгисиз
+1
Урматтуу президент бул туздон туз сиз чече турган маселе!Эмне кормоксон болосунар элдин колунан эмне келмек эле!ОЙГОНГУЛАЧЫ АЙЛАНАЙЫНДАР!!!
03.02.2014. 21:25 
Тайпасы:
Жаран
Комментарийлердин саны:
162
Катталган:
04-01-2014
Соӊку аракети:
15-08-2018 13:38
Жынысы:
Белгисиз
Калаасы:
азыркы убакта Москва шаарында жашайм
+1
Тынч болгула Кыргыз элим!
03.02.2014. 22:03 
Тайпасы:
Жаран
Комментарийлердин саны:
122
Катталган:
13-11-2010
Соӊку аракети:
26-09-2017 10:38
Жынысы:
Белгисиз
0
Мына Кыргызстандын мындай абалга келгенине. Акаев менен Бакиев кунолуу. Ушуга чейин чечкенге эч аракет кылбай ар ким ар кайсы жерибизди сураса сата берип унчукпастан. АША чечкеге аракет жасап жатат 20 жылдан бери чогулган проблеманы 2 жылда чечуу мумкун эмес.
03.02.2014. 23:52 
Тайпасы:
Жаран
Комментарийлердин саны:
121
Катталган:
04-04-2013
Соӊку аракети:
23-09-2018 10:48
Жынысы:
Белгисиз
+1
Acer, керек болсо 2 кундо чечип койсо болот эмне озбекстан чек арасын бизден сурап тосуптурбу оз алдынча келип казып тосуп салган 1 эле кундо баткен жагыны эч ким козгогон жок ошолорду биздин бийлик да ошондой кылса болот колдон келбейтко алардын кучу налог жыйганга жана карапайым калка жететжанада урдап тоногонго болсо биринчи жетишетер
04.02.2014. 12:47 
Тайпасы:
Тартип бузгандар
Комментарийлердин саны:
16
Катталган:
26-11-2013
Соӊку аракети:
12-05-2014 11:17
Жынысы:
Белгисиз
0
Acer, Ушу АШАнын аркасын жапкандарды коруп окуп,АШАменен кошо айдап кууп жок кылуу керек да.
03.02.2014. 23:58 
Тайпасы:
Кыймылы жок
Комментарийлердин саны:
152
Катталган:
27-08-2013
Соӊку аракети:
15-03-2014 14:03
Жынысы:
Белгисиз
+1
Лейлектин коргондогу тажиктерин саткын деп аты жонун жазыш керек Алар кыргыздын жерине тажиктерди жашатып жатат мыйзамсыз
04.02.2014. 07:28 
Тайпасы:
Тартип бузгандар
Комментарийлердин саны:
172
Катталган:
09-09-2013
Соӊку аракети:
06-06-2014 06:19
Жынысы:
Белгисиз
Калаасы:
эн бактылуу адамдардын шаарынан
0
Тынчтык тилейли. Урботпой этият суйлош керек мындай деликатный темага.
Суроттордо келиндер байкуш тиричилик менен алек, биринчи суротто эркектер чонтогуно колун салыып эле журуп калышкандай го.
04.02.2014. 12:35 
Тайпасы:
Супермодератор
Комментарийлердин саны:
2059
Катталган:
22-02-2011
Соӊку аракети:
24-09-2018 12:52
Жынысы:
Белгисиз
Калаасы:
...
0
Nurik_kbt93,
Улуттар арасында талаш-тартышты жаратуучу пикирлерди калтырууга, ушундай иш-аракеттерди жасоого тыюу салган талап бар. Провокацияга жол берилбейт.
20 күн банга!
04.02.2014. 14:14 
Тайпасы:
Кыймылы жок
Комментарийлердин саны:
6
Катталган:
22-01-2014
Соӊку аракети:
13-02-2014 13:27
Жынысы:
Белгисиз
0
АША нын кете турган куну жакындап атат.Турцияга салынып аткан (залотой) уйу бутсо кетеер
04.02.2014. 14:38 
Тайпасы:
Жаран
Комментарийлердин саны:
38
Катталган:
21-12-2013
Соӊку аракети:
15-07-2018 13:56
Жынысы:
Белгисиз
Калаасы:
Айдаркен
0
Ушул маселени чечпесе болбойт оз жеринде коркуп жашап жаткан элдерди коруп ушул чондорго жинин келетта бул не деген корунуш кандай алсыз болуп баратат бийлик.
04.02.2014. 16:12 
Тайпасы:
Кыймылы жок
Комментарийлердин саны:
4
Катталган:
16-12-2013
Соӊку аракети:
30-01-2016 21:53
Жынысы:
Белгисиз
0
бул сасык саясат туугандар баарыны бийликке келгенде тушуносун бироосуну бутуройн десен бироосу тосот
04.02.2014. 18:16 
Тайпасы:
Кыймылы жок
Комментарийлердин саны:
6
Катталган:
02-02-2014
Соӊку аракети:
11-02-2014 15:36
Жынысы:
Белгисиз
0
Талиева суйлосо чанкылдап асмандын башын суйлойт анан жарым саат чыдап тура албай качып кетсе, жогору жактагы башкаруучу соройлорубуздун кебетеси тиги, кудай сактасын бир нерсе болсо эле докуметтерин камдап олкодон чыгып кетуу учун стартта турушса биз кимден умут этебиз?!
04.02.2014. 19:00 
Тайпасы:
Жаран
Комментарийлердин саны:
21
Катталган:
14-01-2014
Соӊку аракети:
21-09-2018 22:16
Жынысы:
Белгисиз
0
Кадырлуу, кылымдарды каарыткан кыргыз калкым! Сасыган саясаттын укуругу болбой, түндүк түштүк бөлүнбөй эң башкысы бирдиктүү бололу. Алакандай кыргызым калың кытайга туруштук берип, жэрибизди душманга тебелеткен эмес. Ушул алтындай жэрибизди бизден кийинки муунга таза, бүтүн өткөрүп берүү биздин колубузда, ЖАШТАР барсыңарбы! Себеби жерибизди ата бабаларыбыз канча кан төгүп
04.02.2014. 19:05 
Тайпасы:
Жаран
Комментарийлердин саны:
21
Катталган:
14-01-2014
Соӊку аракети:
21-09-2018 22:16
Жынысы:
Белгисиз
0
Ушул Баткендик боордошторума кантип жардам берсек болоор экен а!
05.02.2014. 03:12 
Тайпасы:
Жаран
Комментарийлердин саны:
38
Катталган:
19-01-2014
Соӊку аракети:
25-08-2018 23:30
Жынысы:
Белгисиз
Калаасы:
Ош шаары
0
Nemo_0587, туура айтасыз бирок биз барып Баткен элине жардам беребиз десен жогорудагы АШАлар бизди элге чыккынчылык кылып жатат деп 1938-жылдагы Репреция башталып кетиши толук мумкун.
04.02.2014. 21:51 
Тайпасы:
Жаран
Комментарийлердин саны:
1120
Катталган:
05-05-2013
Соӊку аракети:
24-09-2018 12:22
Жынысы:
Белгисиз
Калаасы:
Москва
0
Калган 47 үй бүлөө да коркуп, үйлөрүн сатып качып кетсе ошол жер тажиктерге калып калат да. Ушул маселелерди 1-орунга коюп чечишпегени жаныңды гана чыгарат да. Кана тиги бийликтин жактоочу форумчулары, бир деме дебейсиңерби, тим эле жактап чыгат элеңер го.
04.02.2014. 23:59 
Тайпасы:
Кыймылы жок
Комментарийлердин саны:
13
Катталган:
20-12-2013
Соӊку аракети:
09-06-2014 10:13
Жынысы:
Белгисиз
0
Фу фу фу
05.02.2014. 06:10 
Тайпасы:
Кыймылы жок
Комментарийлердин саны:
10
Катталган:
21-12-2013
Соӊку аракети:
08-02-2014 23:06
Жынысы:
Белгисиз
0
азыркы бийлик манкуртсунар окугула баарын жесенер жегиле алсанар алгыла бирок ошого окшогон нерсени жок дегенде бироон эркек болуп чечип койбойсунбу эмнеден коркосунар бул менин жерим бул менин менин элим эй тажик тарт ыплас бутунду жеримден деп айтканы оозунарды эмне байлап. турат
05.02.2014. 11:20 
Тайпасы:
Кыймылы жок
Комментарийлердин саны:
117
Катталган:
20-05-2013
Соӊку аракети:
02-09-2014 16:16
Жынысы:
Белгисиз
+1
Бийлике 1000 мертебе наалат!!!!!!
05.02.2014. 23:46 
Тайпасы:
Кыймылы жок
Комментарийлердин саны:
12
Катталган:
07-01-2014
Соӊку аракети:
01-08-2014 12:47
Жынысы:
Белгисиз
0
атамбаев менен сатыбалдиевке айткан кайран соз потому что булар билип турат кумтордогу алтын тугонгондо туркияны коздоп качышат. бул бийликтегилер баары ...тор,.......дар
06.02.2014. 18:05 
Тайпасы:
Кыймылы жок
Комментарийлердин саны:
78
Катталган:
31-12-2011
Соӊку аракети:
02-03-2014 18:14
Жынысы:
Белгисиз
Калаасы:
Ош
0
ощко 200 омон алып келбей чек ара алып барбайбы
06.02.2014. 18:16 
Тайпасы:
Жаран
Комментарийлердин саны:
23
Катталган:
05-02-2014
Соӊку аракети:
24-04-2018 14:38
Жынысы:
Белгисиз
Калаасы:
Жалал-Абад
0
окуп ыйлагым келди
08.02.2014. 00:14 
Тайпасы:
Кыймылы жок
Комментарийлердин саны:
8
Катталган:
04-01-2014
Соӊку аракети:
11-05-2014 09:37
Жынысы:
Белгисиз
0
Азыркы кезде АШАнын бийлиги чек ара менен убарасы жок.АША менен Сатыбалдиев жылуу креслорунан айрылып калбайлык деп ак уйду коргоочу 500 аскерден турган атаыйн полк тузушкон.Анысы дагын аз келип АШАнын бийлиги Ген.Штаб тузушту бул штабка ИИМ , чек арачылар, аскерлер кошулат экен эгерде бийлике каршы митинг отсо бул штаб митингчилерге каршы чыгышат экен.Азыркы кезде чек арада кырдал аябай оор деп айтсан эле бийлик булар ушакчылар деп куугунтук кылышат.Орусстар айтмакчы правда глаза колят.
08.02.2014. 15:59 
Тайпасы:
Түйүлдүк
Комментарийлердин саны:
43
Катталган:
16-01-2013
Соӊку аракети:
08-02-2015 22:00
Жынысы:
Белгисиз
Калаасы:
Кыргызстан, Бишкек
0
"Айылыбызга бир эле Абдымалик Шерматов концерт коюп келген» дейт башка маселелерин чече албай жатып.
08.02.2014. 20:01 
Тайпасы:
Жаран
Комментарийлердин саны:
3
Катталган:
30-06-2012
Соӊку аракети:
24-09-2018 12:01
Жынысы:
Белгисиз
Калаасы:
Бишкек
0
Кудай буюрса Кыргызстан онолот!
13.02.2014. 05:23 
Тайпасы:
Жаран
Комментарийлердин саны:
9
Катталган:
01-02-2014
Соӊку аракети:
22-09-2018 18:13
Жынысы:
Белгисиз
0
Jek arany en birinchi karaw kk.Bul biyliktegiler emne jumuw jasap atywat?tuwunuksuz...tajikterda uwundai tajytywty bul jakta da kooop
19.02.2014. 21:31 
Тайпасы:
Кыймылы жок
Комментарийлердин саны:
6
Катталган:
18-02-2014
Соӊку аракети:
24-03-2014 20:58
Жынысы:
Белгисиз
Калаасы:
Сверловская обл г Екатеринбург
0
kurguzustanda armiiaga emnege bizdin chondor konul burushpait.Birinchi orunda armiianu karash kerek oshondo mamleket kuchtuu bolot echkim bizge karshu ok atuuga batuna alushpait bizdin armiia otto ele kuchsuz
1
2
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: