Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Сайкал Садыбакасова: «ИНИМ МЕНИ 20 КИЛОГРАММГА АРЫКТАТТЫ»

№361 2-8-октябрь, 2009-ж.


Учурда жаштардын көңүлүн буруп турган ырчылардын тобун Сайкал Садыбакасова да толуктайт. Кичинесинен “Кыз-Бурак” менен чыгармачылыктын ысык-суугун көрүп өскөн бийкеч азыр өңү-түсү, жагымдуу үнү менен көптөгөн жигиттердин жүрөгүн дүкүлдөтүп турган кези.

– Сайкал, Ошто жашаганың менен, борборго көп келесиң. Сага кайсы шаар өзгөчө жагат?
– Ош – менин киндик каным тамган жер, анын үстүнө кайсы көчөсүндө жүрбөйүн, бардык жерде тааныштарым. Бишкекке караганда мени Оштон көп таанышат. Ал жакта биздин үйдү көбү билишет да. Күйөрмандарым үйгө чейин келишет. Баарынан кызыгы, өткөндө мени менен эле тең бир кыз келиптир. Көчөгө чыксам, мени тааныгандай эле “кандайсың, телефон номурумду жазып алчы. Мен “Кыз-Буракка кошулам” дейт. Апама жолук десем “мени сен эле ырдатып көр, жарабасам үйрөт. Баары бир мени аласыңар” десе катуу таң калдым. Ошто ушундай окуялар көп болот. Ал эми борбордо тааныштарым аз. Шаарды ээн-эркин кыдырсам адашып кетемби деп корком. Кенже апам “тиякка-биякка барып кел” десе, апамдын неберелерин ээрчитип алам. Башкача айтканда, “Кыз-Буракта” мурун ырдаган эжелердин балдарын жардамга чакырам.
– Концертте Гүлшайыр эженин неберелери да ырдайт деп уктум эле...
– Ооба, эки небереси болуп трио ырдайм. Экөөнүн тең музыкалык билими бар. Биз ырдачу эки ырдын тең обону мага таандык.
– Акыркы күндөрү ырла­рың­дын обонун өзүң жаза баштадың. Обон чыгарууга шыктуу экениңди качан байкадың?
– Кичинемде бир ырды ырдап келатып аягын билбей калсам, өзүм кошуп ырдап койчумун. Ошентип жүрүп обон чыгарууга жетиштим.
Алгач чыгарган обондорумду угузсам эле баары “койчу сен” дешип тоготушчу эмес. Азыр ошондогу “койчу сен” дегендер “обон жазып бербейсиңби?!” дей башташты. Бүгүн эртең менен апам “иштей бер. Сенден үмүтүм чоң” деди эле илхам келип, бир обон чыгарып салдым.
Кайрыктар мага көбүнчө машинада баратканда, тамак жеп отурганда, ваннада жатканда келет. Баш-аягы 15 обон жараттым.
– Топтун кичүүсү сен эмессиңби. Башкалар улуулугун салып жумшай беришпейби?
– Азыр мен кичүүсү болбой калгам. Менден кичүү Айзирек деген кыз келген, ошону жумшай башташты, тамаша. Айзирекке тапшырма беришсе коркуп турам. Анткени ал туура эмес жасаса “сен үйрөткөн жоксуң” дешип мени кошо урушушат да. Айзирек келе электе чын эле мени көп жумшашчу. Кээде Кенже апам “сен кемпирдей болуп ордуңдан козголгуча өзүм эле алып келе коём” деп жү­гүрүп кетчү.
– Гүлшайыр эжени “кыздарды катуу урушат” дешет. Сен кызы эмессиңби, туура эмес кылсаң деле унчукпаса керек...
– Бизде андай аёо деген жок. Кыздарды апамдан мурун Кенже апам көбүрөөк көзөмөлдөйт. Кенже апамдын тили ачуу, мурун тилдемек түгүл какыс-кукус да кылып жиберчү. Кенже апамдын бир урушканы бир айга жетет. Сөздөрү кадимкидей мээмде жаңырып жүрө берет. Эсимде, бир жолу ал үйүнө кетип, мени Гүлнара эже карап калды. Гүлнара эжемдин жыйнаган үйүн чачып, тамак ич десе ичпей, кийин десе кийинбей койдум. Анда 5 жашта болсом керек. Укмуш эрке элем да. Бир убакта Гүлнара эжем терезеге барып “оо, Кенже келатат” деп сүйүнүп кетти. Артынан чуркап барып карасам, чын эле келатыптыр. Кенже апамдан коркорумду билдиргим келбей калп эле “Yes, Кенже апам келатат” деп сүйүнүмүш болуп койдум. Ошонумду Гүлнара эже азыркыга чейин айтып “мен байкабай калчудай болуп сүйүнүмүш болуп коёт” деп шылдыңдайт.
– Мен билгенден жарым айдан бери окууга бара элексиң. Кантип жетишесиң?
– Азыр 2-курстамын. Ушунча болуп бир да жолу акча берген да, атымды пайдаланган да жокмун. Апам кичинемден эле «баланчанын кызы» деп көтөрмөлөгөндү жактырбайт. Ишенесизби, апам бир да жолу мектептеги чогулушка катышкан эмес. Дайыма Кенже апам барчу. Гастролго чыгып, окубай калган сабактарымды жанталашып окуп, өз күчүм менен жетишип алам.
– Чет жерге окууга баруу оюңда барбы?
– Курбу кыздарымдын баары юридикалык факультетке тапшырып жатышса, мен дагы юрфакка тапшырганмын. Бирок кийин чыгармачылык менен эле кетсем керек. Ошондуктан чет өлкөгө атайын вокалдан сабак алганы баргым келет. Бул ой апамда да бар.
– Чет элдик жаранга турмушка чыгып, ошол жакта калып калышың мүмкүнбү?
– Иним бар деңизчи, ошентсе да мен кетсем апам жалгыз калып калчудай сезилет. Эч качан чет өлкөлүк адамга турмушка чыкпайм. Бул жерде апамдын жанында жүрө берсем акчанын кандай табыларын, турмуш деген эмне экенин көрбөйм, сезбейм. Менин чет жерге барышымдын негизги себеби билим алуу, анан турмушту өз жон терим менен сезүү.
– Сайкал, сүйлөшкөн жигитиң барбы?
– Мен бир жигитти жактырсам да, сүйлөшүп жүрө албайм. Анткени “Кыз-Бурактын” мыйзамы боюнча кыз 23кө чыкканда анан жигит менен сүйлөшө алат. Менин эркек досторум көп. Бирок жигит катары сүйлөшкөнүм жок. 23кө чыккыча сүйүүгө жолуксам, ал жигитти сыртынан акмалагандан башка аргам жок. Апамдын канча жылдан бери топтогон кадыр-баркына, “Кыз-Бурак” деген атка доо кетиргим келбейт. Чынында, “Кыз-Бурактын” жоопкерчилиги Кенже апама караганда, менде көбүрөөк болушу керек.
– Апаң “турмушка чыгам” десе уруксат бересиңби?
– Мен «Кыз-Бу­рактын» кыздарынын баарын кызганам. Бир жолу тойдо ырдап жатсам, апам бирөө менен вальс бийлеп жүрөт. Кызганганымды билгизип, кабагымды түйсөм деле бийлей берди. Апамды эч кимге бербейм. Өзү деле андай кадамга эч качан барбайт.
– Иниң жөнүндө айтып берсең...
– Иним Эркин түрк лицейинде 2-класста окуйт. Алган баалары жалаң “беш”. Кичинекей болгону менен, аң сезими, ой жүгүртүүсү чоң адамдай. Үйгө киши келсе “келиңиз, төргө өтүңүз. Ден соолугуңуз жакшыбы? Канча балаңыз бар? Аттары ким? Жакшы окушабы?” деп сураганда оозуң ачылат. Экөөбүз аябай жакынбыз. Дасторконго бата кыларда дайыма “эжем арыктап кетсин” деп бата кылат.
– Арыктап эле калыпсың го...
– Мурун 72 килограмм болчумун да. Көчөдөн мага угуза эле “мынча эмне семиз?..” дей беришчү. Апам дагы “кызым, мени уят кылбай арыктачы” дечү. Анан майлуу манты, шишкебек сыяктуу тамактарды, шоколадды такыр жебей, диетага отурдум. Ошентип, азыр 52 килограмм салмакта жүрөм. Диетадан мурун да мени инимдин батасы арыктатты го деп ойлоп жүрөм.
– Маегиңе рахмат.

Сайкал тууралуу...

  • 1992-жылы 10-декабрда төрөлгөн.
  • Оштогу КМЮАнын алдындагы юридикалык колледждин 2-курсунда окуйт.
  • Гастролго чыкпай калса кадимкидей бук болот.
  • Бир жума диета кармаса эле жети килограммга арыктайт.
  • Диета кармабаганда күнүгө үч «Сникерс» жейт.
  • Апасы “кичинекей козум” десе, Сайкал апасын “менин апам го, апам” деп эркелетет.
  • Ачык кийимдерди жактырат.
  • Кыргызстанга гана эмес, чет өлкөгө да таанымал ырчы болгусу келет. Ырчы эле болбостон, комузчу, обончу, аранжировкачы болсом деген да тилеги бар.
  • Тойго барарда топтогу кыздардын баарынын чачын жасап берет.
  • Репертуарында 20 ыры бар.

Сүйүн Кулматова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
05.10.2009. 15:26 
Тайпасы:
Жаран
Комментарийлердин саны:
265
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
Molodez, iyigilik saga!
11.10.2009. 11:45 
Тайпасы:
Жаран
Комментарийлердин саны:
40
Катталган:
19-07-2008
Соӊку аракети:
17-06-2018 16:37
Жынысы:
Белгисиз
Калаасы:
tokio
0
ийгилик!!!!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: