Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Келдибек Ниязов:«АЛГАЧКЫ СҮЙҮҮМДҮ АЙТА АЛБАЙ АРМАНДА КАЛГАМ»

№588 07-февраль-13-февраль, 2014-ж


Кыргыз сатирасында ачуусу келсе Ак үйдөгүлөрдү эшекке салыштырып жиберген Келдибек Ниязов аттуу куудулдардын аксакалы бар. Соңку жылдары сахнадан алыстап кеткен каарманыбызга жолугуп, анын бала чагы, чыгармачылык чыйыры тууралуу маектештик.

«БАҢГИ БОЛУП КЕТПЕГЕНИМЕ КУБАНАМ»
– Мен 1952-жылы 8-сентябрда Нарын облусуна караштуу Нарын районунун Куланак деген айылында төрөлгөм. 5-6-класс курагымда сакман деген бар эле. Апам сакманга кошо ала кетчү, бетимдин кесилгенин, чачымдын өскөнүн, биттегенимди айтпа. Козулар менен аралашып ошол жакта жүрчүмүн. Союз учурунда Нарынга да апийим айдашты. Таң ата электе апам апийим талаага ээрчитип жөнөйт. Караңгы, уйдун музоосу артынан бутун сүзгүлөп ээрчийт го, кудум ошондой апаңды ээрчип бараткан болосуң. Ошондо апама жардам берип жүрүп баңги болуп кетпегениме таң калам. Чогулткан апийимди тапшырып акчабызды алган соң апам келе жатып айыл четиндеги чоң дүкөндөн момпосуйдун түрүн сатып берип койсо ошого сүйүнчү элем.
Эсимде, айылда эски клуб бар болчу. Ал кезде сыналгы, гезит-журнал жок, элдин аң-сезими башка да, согуш кинолорун «биздикилер жеңсе экен, тээтиги командир өлбөсө экен» дешип тынчсызданып көрүшөр эле. Акырында жеңсе сүйүнүшүп, ошол жерден «өмүрү узун болсун» деп бата берип жиберишчү.
Теңтуш балдар-кыздар айылдын жогору жагына Өрдөш деген өрөөнгө тезек тергени барабыз. Мүшөктөр толгон соң кубалашып кечке ойнойбуз. Бир күнү оюн бүткөн соң чечип койгон жаман өтүгүмдү киейин деп оң бутумду салсам, муздак бир нерсе урунуп батпай койду. Ылдый каратып алып күүсөм, ичинен салбырап жылан түшүп келе жатпайбы. Өтүктү ушундай бир ыргыттым да, бакырган бойдон айылды көздөй чуркап келе жатам. Бир бутумда өтүк, экинчи бутум жылаңайлак. Мен качкандан кийин баягы балдар «тоодон бир нерсе келатабы?» деп мүшөктөрүн ыргытып, артыман айкырык сала качышып, айылга кирип келдик. «Эмне болуп кетти?» дешип элдин жүрөгү түшүп калыптыр.

«ЖЕҢЕЛЕРИМ НИЯЗОВ ДЕП ФАМИЛИЯМДЫ АТАЙ АЛЫШЧУ ЭМЕС»
– Мугалимдердин үй-бүлөсүндө чоңойдум. Атам, апам, атамдын иниси жана эки жеңем мектепте мугалим болуп иштешчү. Бир жеңем математикадан, дагы бир жеңем физикадан сабак берип калды. Экөө тең «Ниязов» деп фамилиямды айта албай тергейт, мен болсо жылт коюп сабактан качам. Акырын барып журналды карасам «3»,»4» деген баалар коюлуп калган. Ошентип 10-классты бүткүчө ошол эки сабакты окуган жокмун. Куудулдук чымыным ошол кезде эле жаралганбы деп ойлойм. Анткени клубга артисттер келип спектакль коюшат. Артында сөзсүз бир-экөө чыгып алып куудулданышат. Аларды кунт коюп карап отуруп, эртеси мектептен балдарга кудум өзүндөй кылып туурап берчү элем. Мектепте ар түрдүү иш чараларды уюштуруп жиберүүгө маш болчумун.

«КАТ ТАШЫП ЖҮРҮП, ӨЗҮМ ДА КАТ ЖАЗДЫМ»
– Кичинекей чакта улуулардын катын ташып акча тапчубуз. Кийин кыздарга өзүм да жаза баштадым. Болгондо да эски китептердин баарын чогултуп алып «Булбулдан гүлгө кат» деп бир жагына булбулдун, берки жагына гүлдүн сүрөтүн тартып, жаздым (күлүп). 7-классымда биздин айылга Лариса аттуу татынакай орус кыз немис тили сабагынан мугалим болуп келди. Атамдын иниси Ырысалы мектепте завуч эле, аныкында туруп калды. Үйдөгү жумушту жасай коём да, шүмшүңдөп ал жакка жетип барам. Ларисаны ушундай эле карап отургум келет. Анан мен «Сизди сүйүп калдым дегенди орусча кантип айтам?» деп ичимден ойлоном. Классташтарыман сурасам «Я люблю» деп айтат» дешти. «Кудай урбадыбы, антип айтсам ал дагы мени сүйөм десе, андан ары эмне деп айтам?..» деп толгоном. Ал байкуш болсо мени сабак окуганы келди деп ойлоп немис тилин үйрөтүп кирет. Сабак өтүп жатканда айтып жибергим келет, бирок оозум барбайт. Классташтарым «Айттыңбы?» деп күндө сурашат. Ошентип айта албай жүрүп, жаз келип каникулга чыгып калдык. Лариса шаарга кетмекчи болду. Анан мен анын сумкаларын автобуска чейин көтөрүшүп барып, «автобуска кирип баратканда «я люблюну» айтайын, тиги эч нерсе айтканга жетишпей, автобуска кирип кетет» деп ойлоп даяр турам. Кашайып ошол маалда чоң ата, чоң апаларыбыз автобуска түшүп калбаспы. Алардын көзүнчө «я люблюмду» айткандан уялдым. Сүйгөнүм ошол кеткен бойдон кийинки жылы келген жок. Ошентип балалык сүйүүм айтылбай кала берген.

«ЖАМАН ОЮМДА ЫРЧЫМЫН ДЕП ОЙЛОЧУМУН»
– Мектепти 1969-жылы аяктап, Фрунзедеги эки жылдык эстрадалык студияга тапшырдым. Айылдан жаман оюмда ырчы экенмин деп ойлоп келгем. Ал кезде клёш шым мода болчу, аны кийип алып экзаменде турам. Комиссияда 5-6 киши бар экен. Айкырып «Долонду» ырдап баштадым. Тигилер күлүп жатышат. Үнүң катуу чыкса эле жакшы ырдаганың деп ойлочумун. Өтпөй калдым. Маанайым түшө кетип баратсам артыман бир бала чуркап чыгып: «Сени чакырып жатат» деди. Барсам бир аксакал тамеки тартып туруптур.»Каяктан келдиң?» деди. «Нарындан» десем, «ой, атаңдын оозун урайын. Адырда кой кайтаргандай бакырасың да, эртең жанагы актёрлукка экзамен болот, ошого тапшыр, бир нерсе жаттап кел» деди. Эртеси комиссияга жаттап келгенимди айтып жатсам, алар бир кишини карап алып күлүп жатышат. Дагы өтпөй калдым деп ойлодум. Көрсө, мен Отеллонун монологун айтып, Муратбек Рыскуловду туурап жаткан экем. Ал киши болсо комиссиянын арасында экен. Ошентип окууга өттүм. Анан 1-курста окуп жүргөндө аскерге алып кетишти. Аскерден «милиция кызматкери болом» деп келгем. Анан Панфилов паркында кетип баратсам мени менен мурда студияда окугандар жолугуп калышты. Алар мени «комедиялык актёр кылабыз» деп ойлошуп, филармониянын жетекчисине: «Ушундай узун бойлуу, өң-келбеттүү бир бала келет»,- деп айтып коюшуптур. Барсам эле жетекчиси: «Кайсы курсуңда кетсең, экзаменсиз эле ошол курстан окууңду уланта бер»,- деди. Ошентип кайра окуумду уланткам. Окууну бүткөн соң филармонияда иштеп калдым.

«ЖЫЛДЫЗ ООРУСУ МЕНЕН ООРУБАПТЫРМЫН»
– Куудулдук – чоң өнөр. Эргүү келгенде оозуңан тамашалар куюлуп турат. Кээде каяктагы бир куйкум сөздөрдү таап алганыңа өзүңө ыраазы болуп кетесиң. Куйручук, Шаршендерден кийинки Асанкул Шаршенов менен иштешип калганым, Жараткандын чоң белеги экен. Ушу адам менен жүрүп куудулдукка биротоло кирип кеттим. Мага атактуулук 1974-жылдан тарта келди. Анткени «Мыскыл жана тамаша» ошол жылдан тарта экранда көрсөтүлүп, анын алып баруучусу болуп калдым. Айылда баары «Мыскыл жана тамашаны» күтүшөр эле. Даярдык да укмуш өтчү. Ошондон баштап «Эл шайырлары» тобу кайсы жерге концерт койбойлу, эл батпай, балдар артыбыздан ойногон тамашаларыбызды туурашчу. Азыр ойлосом ошондо «жылдыз оорусу» менен деле оорубаптырмын. Анткени залкар аксакалдар менен иштеп, ыйман бар экен да. Ал кишилердин комуздарын ташып, кээде автобусту таза суунун жанына токтотуп алып кийимдерин жууп берчү элем.
Азыр пенсиядамын. Концерттерге чакырса барып калам. Кээде тойлордо тамадалык кылам.
Мындан тышкары үйдөн китеп, гезиттерге макала жазуу менен алекмин. Сахнага байма-бай чыкпасам да чыгармачылыктан алыстаган жокмун. Бала-чакамдын маңдайында, үйдөн деле иштеп жатам. Келинчегимдин аты Жаңылча, кесиби финансист. Чыгармачыл адам болбосо да менин чыгармачылыгымдын биринчи сынчысы. Жети-Өгүздүн Саруу айылына күйөө баламын. Экөөбүз 1975-жылы мен филармонияда иштеп жүргөндө борбордогу ресторандардын биринен таанышканбыз. Ошол күндөн баштап жылдызыбыз келишип, көп өтпөй баш кошуп, 1 кыз, 1 уулдуу болдук. Экөө тең үй-бүлөлүү, 6 неберебиз бар. Улуу неберелерим мектепте окушат. Орус класста билим алгандыктан эшиктен кирип келатканда эле аларга «Орусчаңарды эшикке таштап келгиле!» деп кыйкырам. Ушинтип неберелерим менен эрмектешип үйдөмүн.

«Мектептен куудулдарды кудум өзүндөй кылып туурачумун».

««Мыскыл жана тамаша» телеберүүсүн алып барып жүргөн кезим. Ал кезде алып баруучулар дээрлик жокко эсе эле».

Асхат Субанбеков
star@super.kg


"Алгачкы сүйүүмдү айта албай арманда калгам" дейт Келдибек Ниязов

Автор: Айзат Болотбек кызы
Оператор: Сергек Шатманов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(16)
Super TV
08.02.2014. 10:08 
Тайпасы:
Тартип бузгандар
Комментарийлердин саны:
73
Катталган:
18-11-2012
Соӊку аракети:
06-03-2014 10:52
Жынысы:
Белгисиз
0
Азаматсынар Супер-Инфо.
Мындай улуу залкар адамдарды элдин эсине салып турганынар эн туура!!!
Биздин маданиятка эмгеги синген артистерибизди унутта калтырбашыбыз керек...
Тируусундо сыйлап эскере албай анан откондо эле эстеп калчу элек...
Super TV
08.02.2014. 14:35 
Тайпасы:
Жаран
Комментарийлердин саны:
212
Катталган:
05-11-2011
Соӊку аракети:
19-06-2018 18:27
Жынысы:
Белгисиз
+1
Агай ден-соолукта болунуз.мыскыл жана тамашага окуучуларды уйротуп жаныртып чыкпайсызбы кайра.сонун киши да ушул.
Super TV
09.02.2014. 02:24 
Тайпасы:
Тартип бузгандар
Комментарийлердин саны:
328
Катталган:
09-10-2013
Соӊку аракети:
20-09-2015 23:18
Жынысы:
Белгисиз
0
маеке тойбой калдым Асанкул Шаршен менен жургон кундорунон маек курсанар болмок экен. Агайга ийгилик ден соолугу чын болсун кыргыз элинин бактысына бар болсун.
Super TV
09.02.2014. 11:04 
Тайпасы:
Кыймылы жок
Комментарийлердин саны:
14
Катталган:
20-11-2013
Соӊку аракети:
02-07-2016 21:28
Жынысы:
Белгисиз
+1
маегиниз абдан жакшы экен. Аман эсен болунуз.
11.02.2014. 12:50 
Тайпасы:
Жаран
Комментарийлердин саны:
172
Катталган:
16-06-2012
Соӊку аракети:
15-05-2018 11:03
Жынысы:
Белгисиз
Калаасы:
Сахалин
+1
Сиз мыкты сатириксиз. Мен сиздин онорунузду баалайм. Коп жашаныз, оорубаныз!
Super TV
11.02.2014. 16:21 
Тайпасы:
Кыймылы жок
Комментарийлердин саны:
28
Катталган:
07-02-2014
Соӊку аракети:
10-06-2015 16:59
Жынысы:
Белгисиз
0
мыкты куудул деп эсептейм мен дагы
11.02.2014. 17:47 
Тайпасы:
Тартип бузгандар
Комментарийлердин саны:
9
Катталган:
28-01-2013
Соӊку аракети:
14-03-2014 21:32
Жынысы:
Белгисиз
0
Сонун айтат экен го неберелерине
Super TV
11.02.2014. 19:04 
Тайпасы:
Жаран
Комментарийлердин саны:
94
Катталган:
13-11-2013
Соӊку аракети:
06-08-2018 08:53
Жынысы:
Белгисиз
0
уй булонуз жонундо айтсаныз болмок чыныгы куудул ардактуу адам деп эсептейм
11.02.2014. 19:08 
Тайпасы:
Кыймылы жок
Комментарийлердин саны:
9
Катталган:
13-11-2013
Соӊку аракети:
23-12-2014 22:54
Жынысы:
Белгисиз
Калаасы:
Бишкек
0
Oo..Keldibek baike jerdeshim, chachin kirktirgani kelip kalat keede maga..kochodon korushup kalsak aiabai sonun suiloshot, antkeni men ishtegen raiondo jashait.
11.02.2014. 19:09 
Тайпасы:
Кыймылы жок
Комментарийлердин саны:
9
Катталган:
13-11-2013
Соӊку аракети:
23-12-2014 22:54
Жынысы:
Белгисиз
Калаасы:
Бишкек
0
kop jashaniz Keldibek baike
11.02.2014. 22:57 
Тайпасы:
Жаран
Комментарийлердин саны:
51
Катталган:
04-06-2009
Соӊку аракети:
13-05-2018 12:25
Жынысы:
Белгисиз
0
СОНУН МАЕК куруп берипсиз,коп жашаныз!
11.02.2014. 22:58 
Тайпасы:
Жаран
Комментарийлердин саны:
51
Катталган:
04-06-2009
Соӊку аракети:
13-05-2018 12:25
Жынысы:
Белгисиз
0
БАла чагы ДОБР эле экен !
12.02.2014. 00:51 
Тайпасы:
Кыймылы жок
Комментарийлердин саны:
25
Катталган:
20-01-2014
Соӊку аракети:
31-01-2015 22:59
Жынысы:
Белгисиз
Калаасы:
Москва
+1
Азаматсыз Келдибек байке байбичениз менен бактылуу карылыкта бирге жашаныз неберелериниздин убайын корунуз
14.02.2014. 10:22 
Тайпасы:
Жаран
Комментарийлердин саны:
245
Катталган:
13-05-2013
Соӊку аракети:
04-09-2018 15:32
Жынысы:
Белгисиз
Калаасы:
Ош шаары
+1
суйуусун айтканда сонун болмок экен да))) Омурун берсин Алла!
14.02.2014. 13:20 
Тайпасы:
Кыймылы жок
Комментарийлердин саны:
130
Катталган:
07-09-2013
Соӊку аракети:
13-03-2015 12:09
Жынысы:
Белгисиз
+1
Кыргыз элине чон эмгек кылдыныз.Узак жашаныз.Сахнага тез-тез чыгып турунуз.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: