Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ШРИ-ЛАНКА АРАЛЫНДАГЫ КЫЗЫКТАРГА БАЙ ЭС АЛУУ

№589 14-февраль-20-февраль, 2014-ж


Мектеп жашындагы көпчүлүк кыргыз балдары дүйнөдө Цейлон (учурдагы аталышы Шри-Ланка) аттуу арал бар экенин, ал Жараткандын мээрими түшкөн, жайы-кышы бирдей жапжашыл, берекелүү, керемет жер экенин «Эрте келген турналар» повестин окуп жатып билет эмеспи. Таластын кычыраган кышынан, согуш жылдарындагы кыйынчылыктардан тажаган Султанмуратка ал арал бейиштей элес берет. Ошол бейиштей аралды көрүп, учу-кыйыры чексиз Инд океаны менен таанышуу бакыты таланттуу инсандар Эрмек Нурбаевге, Нурзат Токтосуновага, рэп ырчысы Добрга, өзгөчө үнгө ээ Каныкейге жана кыргыздын айчырай кызы Орункүл Шабралиевага буюруптур. Кыргызстанда суук 20 градустан ашып, кычыраган кыш каарына алып элди үшүтүп жаткан чакта алар күнөстүү аралга барып, океандын суусуна түшүп, күнгө кактанып, эс алып кайтышты. Мындай түшкө киргис эс алууну аларга «Супер-Инфо» гезити тартуулаган.
2013-жыл, 14-декабрь, Бишкек шаары, Улуттук филармония... Эсиңизде болсо, бул күн филармонияга «Супер концертке» келген көрүүчүлөр үчүн да, жылдыздар үчүн да өзгөчө сюрприз менен аяктап, көпкө чейин эсте сактала тургандай болгон эле. «Заманыбыздын супер ырчысы» Каныкейге, «Заманыбыздын супер рэп ырчысы» Добрга, «Заманыбыздын супер алып баруучулары» Нурзат Токтосунова менен Эрмек Нурбаевге жана «Супер сулуу-2013» сынагынын жеңүүчүсү Орункүл Шабралиевага кышында ысык, экзотикалуу өлкөгө барып эс алып келүүгө жолдомолор тапшырылган. Жаңы жыл алдында мындай белекке ээ болом деп эч бири күткөн эмес. Сюрприз дегендин тузу ушунда эмеспи, ал айттырбай, күтүүсүздөн келет.
Жылдыздар менен кошо Шри-Ланка аралына саякатка редакциядан үч адам бармай болдук. 30-январь күнү таңкы саат алтыда уйкулуу көздөр менен башталган саякатыбыз өмүр бою эсте кала тургандай кызыктуу жана окуяларга бай өттү. Кыштан жайга жетүү оңой иш эмес, албетте, алдыда бизди узак жол күтүп турган. Алгач 4 саат жол жүрүп Алматыга жеттик. Андан аркы жолду учак менен улантмакпыз. «Эйр Арабия» компаниясынын учагы менен абага көтөрүлүп, Араб Эмираттарынын Шаржа шаарын көздөй жол алдык. Төрт сааттан ашык жол жүрүү керек эле. Арабдардын шаарында көпкө кармалган жокпуз. Эки сааттык тыныгуудан соң Коломбону көздөй багыт алган учак абага көтөрүлдү. Кайрадан узак жол, иллюминатордон анда-санда жылт этип көрүнгөн оттор... Таңкы саат төрттө Коломбодогу эл аралык аэропорттон тосуп алган Дарак аттуу гид бизди Берувелла шаарын көздөй алып жөнөдү. Шри-Ланкадан чу дегенде эле көзгө түшкөнү жол чырактардын жоктугу жана көчөлөрдүн кууштугу болду. Калктын жыш жайгашканынан улам болсо керек, көчөлөрдүн баары кууш, ири магистралдарда эле болбосо жол чырак башка жерлерден көрүнбөдү.
Биз түшкөн автобус ири көлөмүнө карабай аралды жээктей кеткен темир жолдун бирде ары жагына, бирде бери жагына өтүп, кууш көчөлөрдөн кыйналбай шуулдап улам бир туристтер тобун тийиштүү отелге таштап жүрүп отурду. Керектүү жерге жеткенде «уфф, аман-эсен жеткенибизге шүгүр» деп жеңилдене дем алдык.

Уюлдук байланыш, телефон, смартфон, интернет жок кезде кантип жашадык эле? Азыр жашоону буларсыз элестетүү кыйын. Жылдыздарды достору, күйөрмандары интернет аркылуу тынымсыз куттуктап, «биздин ордубузга да эс алуунун планын толтуруп келгиле» деп жатышты. Мындайда аэропорттогу бекер Wi-Fi аймактары майдай эле жагат экен.

Мейманканага жетип, мындай кооздукту көргөндө жолдун алыстыгы заматта унутулду. Алыс жол басып келип, номерлерге жайгашкыча коноктордун эс алып туруусу үчүн мейманканада бардык шарттар түзүлүптүр. Дегеле кардарларды тейлөө, өздөрүн жакшы жагынан көрсөтүү аракети боюнча шри-ланкалыктар кыргыздардан бир топ алдыда экен. Кызматкерлер баары менен сылык-сыпаа жылмайып учурашып, колунан келсе, келбесе да маселени чечип берүүгө аракет кылат. Атүгүл маселени чече алышпаса да, түшүнүп туруп түшүнбөгөндөй түр көрсөтүшсө да жылмайганынан жазышпайт :) Жапжашыл чөп, таза, кенен бассейн, пальмалар, элди аралай чуркап бир пальмадан экинчисине секирип ойногон бурундуктар, жай сызылган музыка, толкуну аппак болуп түрүлүп келип жээкке урунган чалкыган Инд океаны... Террасага чыкканыңда көз алдыңа жомоктогудай ажайып кооз көрүнүш тартылып, турмуштук көйгөйлөр, кыштын суугу тээ алыста калып, тим эле жаның жыргай түшөт. Шри-Ланкадагы эс алуубуз дал ушундай эмоциялар менен башталды.

Беш жылдыздуу мейманкананын номерлери атына заты куп жарашып турду. Таптаза, бардык шарты бар. Биз жайгашкан номерлердин бир капталын ээлеген терезелерден көрүнгөн Инд океаны ажайып бир көрүнүштү берет экен.

Тамак-ашты даярдоо жагынан шри-ланкалыктар туристтерди такыр капа кылышпайт. Тамактанып отургандардын алдынан жок дегенде эле ысык тамагы, салаты, таттуусу, жер-жемиши салынган 4 тарелканы көрөсүң. Деңиз чөптөрүнөн, деңиз жандыктарынан жасалган тамак-аш басымдуулук кылат. Ал эми жемиштердин ширелүүлүгүн, даамын айтып сөз менен жеткире албайсың.

Артынан кубалап сүрөткө тарта албай жүргөн бурундук биз берген кириешкини кемирип былк этпей отуруп сүрөткө түшүп берди.

Миңдеген чакырым жол басып келе жатканда эле оюбузда «жетерибиз менен сууга чумкуйбуз» деген каалоо турган. Жайгашарыбыз менен түз эле бассейнди көздөй чуркадык. Ммм... Жыпжылуу суу, кандай керемет?! Сууда балыктай сүзгөн Нурзат, андан кем калбаган Каныкей жарыштарда башка кыздарды артта калтырып жатышты.

«Мен 2-3 күндө эле капкара болуп күйүп калдым. Жергиликтүү калктын эмнеге кара болушарын ошондо түшүндүм :) Кайыкка отуруп алып дарыяга барып, крокодилди көргөндө кинодогудай сезим болду. Азыр бизге кол салса кармашабыз деп ойлонуп жибердим. Кинодо кайыкчандардын жырткыч жаныбарлар менен согушкан моментин көп колдонушат эмеспи. Балык уулаганыбыз да эсимден кетпей турган окуя болду. Океанда катер менен жарым саат жол жүрүп токтодук да, баарыбыз бирден балык кармадык»,- дейт Добр.

Эртең мененки, түшкү, кечки тамактануу учурунда барда жанга жагымдуу жандуу музыка жаңырып жатты. Музыканттар пианинодо, скрипкада, гитарада классикалык музыкаларды ойногонучу. Добр алар менен тез эле тил табышып, чогуу ырдаганга да жетишти.

Бентота дарыясы. Бул дарыя Шри-Ланкадагы кыска жана суусу мол, жылуу дарыя болуп эсептелет. Биздин топту Берувелла шаарынын тургундары моторлуу кайыкка салып алып, көп кызыктарды көргөзүштү. Дарыянын четинде тамыры 3-4 метр өйдө чыгып, бир нече кылым карыткан дарактарга да күбө болдук. Жээгинен узундугу 1 метрдей эчкемерлерди да кездештирдик. Баалуу таштардан зер жасалгалар жасалуучу фабрика, татымалдар өстүрүлүүчү бакча менен кеңири таанышып чыктык.

Өзөн бойлой жай каалгып суу ичип жаткан мынчалык көп пилди күн сайын эле көрө бербейсиң.

Шри-Ланкадагы жаракат алган, ар түрдүү ооруларга тушуккан, жетим пилдерди багуучу Пиннавела аттуу жайга бардык. Бул жай 1975-жылы жунглиде жетим калган кичинекей пилдерди багуу максатында ачылган. Биз пилдерди сууга алып барып жуунтуу учуруна туш келдик. Айрымдарын жаткырып алып жуунтушту. Учурда 100гө чукул пил ошол жайда багылып жатканын айтышты.

Коробкага крокодилдин баласын, мангуст салып алып, туристтерге сүрөткө түшүүгө карматып акча тапкан адам дагы биздин эсибизде калды. Бул крокодил азырынча 2-3 айлык экен. Андыктан бизге тиш сала албады.

Татымалдар жана дары чөптөр өстүрүлгөн бакчаларда сөзсүз бирден аюрведа боюнча дарыгер болот. Кайсы ооруга эмне дары шыпаа экенин дарыгерлер эринбей көпкө саймедиреп беришти. Эрмектин анча-мынча англисче, дарыгердин анча-мынча орусча сүйлөгөнү жылмаюу жаратып жатты.

Шри-Ланкада сойлоп жүрүүчүлөрдүн жүздөн ашык түрү бар. Жээкте күнгө кактанып жаткан крокодилди көргөнүбүздө алгач таңдандык, кубандык, сүрөткө тарттык. «Булар балдары болсо, атасы менен энеси азыр суу ичинде жүрөт да» деген ой кийинчерээк пайда болуп, чочулоо башталат экен.

«Кыштын ызгаарында ысыкка түшүп калуу жомокко келип калгандай эле болот экен. Чачымды төбөмө байлап, көзүмдү чийип алгангабы, мени «япон, кытай» деп жатышты. «Кыргызмын» десем, башында «казакпы?» деп сурап жатышкан. 1-2 күндөн кийин өздөрү эле «салам, Кыргызстан!» дей башташты. Кайсы жакка барбайын, «сулуу кыз» деген комплиментти көп уктум. Индия кинолорун кичинемден жакшы көрүп, сарилерине кызыкчумун. Берувелладан сари кийип аябай сүйүндүм. Эң кызыгы, өз атымды унутуп кала жаздадым. Анткени биздин топтогулардын баары мени Сулуу деп чакырып жатышты. Башында «Орункүл дегиле» деп көнбөй жаткам, азыр сулуу дегенди өз атымдай кабыл алып калдым»,- дейт Орункүл.

«Буга чейин кышында ысык өлкөлөргө барып эс алып эле жүргөм. Бирок бул сапарым эч бирине окшогон жок. Бүт дүйнөнү унутуп, толук кандуу эс алдым. Көбүрөөк философиялык ой жүгүртүүгө кабылдым. Жашоо деген өзү эмне, эмне үчүн жашап жатабыз, жашоонун акыркы аялдамасы кайсы деген суроолорго жооп издедим. Шри-Ланканын эли өтө токтоо экен. Биздикиндей кышкыга көмүр алайын, өтүк алайын, куда тосоюн деген маселелери жоктой туюлду. Анан да табият тартуулаган жаратылышына суктанып тойбой жатам. Ушунун баарын көрүүгө мүмкүнчүлүк берген «Супер-Инфого» аябай ыраазымын. Бир жума эс алуу гана эмес, жашоомду кайрадан барактап чыгуу болду»,- дейт Нурзат.

Перадения падышалык-ботаникалык багы 1821-жылы негизделген, аянты 60 гектар. Азиядагы эң сонун делген бактардын алдыңкысы. Бактын көркүн түрдүү декоративдик дарактар ачат. Андан да кызыгы, бул жерде бөлмө өсүмдүктөрүнүн 750 түрү бар, алардын жалбырактарынын түзүлүшү жана түстөрү бири-бирине окшобойт. Бактын дагы бир сыймыгы – орхидеялар, алардын 100дөн ашык түрү өстүрүлөт. Ал мындай турсун, пальманын 175 түрүн кезиктиресиз. Кооз өсүмдүктөрдөн сырткары бул бакта мемориалдык дарактардын аллеясы жайгашкан. Анда көптөгөн атактуу адамдар өз колу менен отургузган дарактарды көрө аласыз. Аллеяга алгачкы жолу өз дарагын Улуу Британиянын падышасы Эдуард VII, экинчи даракты орус падышасы Николай II отургузганы маалым. Андан сырткары атактуу аллеядан космонавт Юрий Гагариндин колу менен тигилген даракты да кезиктиресиз. Кыскасы, бактагы таң калычтуу өсүмдүктөр туристтерди көңүл кош калтырбайт. Анын үстүнө дарактарга тырмышып сапарыңды коштоп жүргөн маймылдар маанайыңды болушунча көтөрүшөт

«Каныкей экөөбүз пилге отуруп жарышалы дегенбиз. Пилдерди көргөндө жарышмак түгүл мингибиз келбей боорубуз ооруду. Анткени алардын кебетелери жүдөгөн, моюндарында оор чынжырлар, буттарында чынжырдын издери. Бирок Каныкей экөөбүз тук-туктарга отуруп жарыштык. Кимибиз уттук деп карай келсек, экөөбүз бир тук-тукка отуруп алыптырбыз»,- дейт Эрмек.

Бир күнүбүздү пилдерди багуучу жай, дагы бирин чай плантациясы, падышалык-ботаникалык бак менен таанышууга арнап, бирде океанда, бирде бассейнде, айтор, активдүү эс алдык. Бул жайларга Дарак аттуу гид менен бардык. Дарак алгач кичи автобустун салонунда биз менен эле отурган. Ар кайсы суроолорубузга жооп таба албай чарчадыбы же Эрмектин тамашаларына чычаладыбы, айдоочунун жанына барып отуруп алды. Эрмектин «Митхун Чакрабортини, Радж Капурду, Шахрух Ханды тааныйсыңбы?» деген өңдүү суроолоруна «жок» деп жооп бергенинен улам Индияга жакын болгону менен, ал өлкөнүн кинолорун бизчелик билишпейт экенин түшүндүк. Кайтып келе жатканыбызда бизге жакшы маанай тартуулап өзүнүн эне тили – сингалча ырдап берди. Айтмакчы, биз мекенибизге кайткан күнү Дарак үйлөндү.

Чайдын мекенине барып, чай өскөн талааны көрбөсөк болбос. Чай плантациясы биздин эгин талаасындай тегиз эмес экен. Бутактары катуу келип, өйдө-ылдый жерде өсө берерин көрдүк. Сүрөттөгү айым бизге чай кантип терилерин көрсөтүп берди. Бул жерден чыгып чай чыгаруучу фабриканын дүкөнүнө барып, базарлык деп жакындарыбызга чай сатып алдык.

«Мен мындай эс алууларда, орустарда «капризный» деп коюшат го, ошондой чыргоо кыздардан элем. Бирок бул жолу бир дагы «капризимди» көргөзө албадым. Анткени укмуштуудай сонун эс алдым. Чогуу баргандар бири-бирибизди аябай жакын сезип калдык. 100 метр бассаң эле шарпылдаган океан, кайра келип бассейнге түшөбүз. Анан да жергиликтүү калктын сабырдуулугуна, чынчылдыгына баа бердим. Көчөсүндө бир да жол чырак жок, бирок бирин-бири сүзүп алып урушкандарды байкабайсың. Аэропорттон түшкөндө эле «мадам» деп жол берип сыйлап турушат экен. Мисалы, туристтерди алып жүргөн гид, таксист мамлекеттин жүзү да. Жергиликтүү элди көрүп, менин да сабырдуу болгум келди»,- дейт Каныкей

Адамдын ден соолугун чыңдап, жашартып, сулуулугун арттыра турган укалоонун түрлөрү бар экен. Кыздар Эрмектин акчасын коротпой эле, укалоонун «Тамашоу» түрүн тартуулашууда.

Шаиста Шатманова,
Сүйүн Кулматова
star@super.kg



Жылдыздар жана "Супер-Инфо" Шри-Ланкада (1-бөлүк)

Автор: Максат Орозумбетов
Оператор: Кайрат Сарбагышов

Жылдыздар жана "Супер-Инфо" Шри-Ланкада (2-бөлүк)

Автор: Максат Орозумбетов
Оператор: Кайрат Сарбагышов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  16 
Комментарийлер(132)
Super TV
21.02.2014. 17:06 
Тайпасы:
Жаран
Комментарийлердин саны:
4
Катталган:
21-03-2013
Соӊку аракети:
07-01-2017 01:46
Жынысы:
Белгисиз
Калаасы:
Китай Урумчи
+1
Оо уу Аябай сонун жеер турбайбы! Менында баргым келып жатат сууктан кчып....
Super TV
21.02.2014. 17:32 
Тайпасы:
Жаран
Комментарийлердин саны:
4
Катталган:
21-03-2013
Соӊку аракети:
07-01-2017 01:46
Жынысы:
Белгисиз
Калаасы:
Китай Урумчи
0
Көрсө Добыр балыкчы турбайбы
Super TV
21.02.2014. 17:32 
Тайпасы:
Кыймылы жок
Комментарийлердин саны:
16
Катталган:
05-02-2014
Соӊку аракети:
22-03-2014 15:05
Жынысы:
Белгисиз
0
Биз да качан корот экенбиз ушундай жерлерди тирилик деп эле олуп болдук го...
Super TV
21.02.2014. 19:54 
Тайпасы:
Кыймылы жок
Комментарийлердин саны:
9
Катталган:
05-01-2014
Соӊку аракети:
29-03-2015 11:05
Жынысы:
Белгисиз
0
Эрмектин аялы барган турбайбы анын эмнесин жашырасынар )эрмектин аялы озу деле не удобно болсо керек камерага тушойун десе кайрып кетип атат камераны аялын тартпай)))
Super TV
21.02.2014. 22:19 
Тайпасы:
Жаран
Комментарийлердин саны:
22
Катталган:
05-05-2013
Соӊку аракети:
28-05-2018 04:15
Жынысы:
Белгисиз
0
кандай деген шаарга барышты ?айтып койгулачы?
Super TV
22.02.2014. 06:02 
Тайпасы:
Жаран
Комментарийлердин саны:
12
Катталган:
03-06-2013
Соӊку аракети:
30-07-2018 14:12
Жынысы:
Белгисиз
Калаасы:
Россия, Москва
0
Сонун эс алып келишиптир,кызыктырып жибердиңерго.
22.02.2014. 17:16 
Тайпасы:
Жаран
Комментарийлердин саны:
52
Катталган:
30-09-2013
Соӊку аракети:
07-11-2018 22:24
Жынысы:
Белгисиз
Калаасы:
HOME. LOVE. FAMILY.
0
Жакшыы..

Каныкей фотогеничная экен ээ.
Super TV
22.02.2014. 21:43 
Тайпасы:
Тартип бузгандар
Комментарийлердин саны:
130
Катталган:
02-03-2013
Соӊку аракети:
10-06-2015 23:13
Жынысы:
Белгисиз
-2
Эрмектин ар бир учунчу созу "кудай буйруса". Кыжырды келтирет. Созду керектуу жерде колдонсо жакшы болмок!
Super TV
22.02.2014. 21:50 
Тайпасы:
Кыймылы жок
Комментарийлердин саны:
1
Катталган:
26-01-2014
Соӊку аракети:
22-12-2014 18:13
Жынысы:
Белгисиз
0
Койчу ушуларды
22.02.2014. 22:41 
Тайпасы:
Кыймылы жок
Комментарийлердин саны:
21
Катталган:
17-09-2013
Соӊку аракети:
23-05-2016 12:47
Жынысы:
Белгисиз
0
ЭЭЭэхх кандааай соонун керемет чиркииин.
22.02.2014. 23:47 
Тайпасы:
Жаран
Комментарийлердин саны:
34
Катталган:
24-10-2013
Соӊку аракети:
14-11-2018 08:55
Жынысы:
Белгисиз
Калаасы:
E4 kim bilbegen jakta...
0
Super!sonun es aluu boluptur..
22.02.2014. 23:48 
Тайпасы:
Жаран
Комментарийлердин саны:
34
Катталган:
24-10-2013
Соӊку аракети:
14-11-2018 08:55
Жынысы:
Белгисиз
Калаасы:
E4 kim bilbegen jakta...
0
Super
Super TV
23.02.2014. 00:47 
Тайпасы:
Кыймылы жок
Комментарийлердин саны:
62
Катталган:
03-05-2013
Соӊку аракети:
30-08-2015 10:54
Жынысы:
Белгисиз
+3
2013-жылкы сулуу Орункул кечиресин жасалма сулууга окшоштурдум сени.Ийгилик!
Super TV
23.02.2014. 06:55 
Тайпасы:
Жаран
Комментарийлердин саны:
38
Катталган:
19-01-2014
Соӊку аракети:
25-08-2018 23:30
Жынысы:
Белгисиз
Калаасы:
Ош шаары
0
ваауу сонун эс алуу болуптур го. Мен да супер инфо менен баргандай болдум го.
Super TV
23.02.2014. 10:45 
Тайпасы:
Кыймылы жок
Комментарийлердин саны:
2
Катталган:
21-02-2014
Соӊку аракети:
12-01-2015 21:43
Жынысы:
Белгисиз
0
maga jakty
Super TV
23.02.2014. 10:51 
Тайпасы:
Кыймылы жок
Комментарийлердин саны:
27
Катталган:
11-01-2014
Соӊку аракети:
27-12-2014 00:42
Жынысы:
Белгисиз
0
Айии жакшы ойноп келишиптир Нурзат,Эрмек,Каныкей ишинерге ийгилик!
Super TV
23.02.2014. 11:41 
Тайпасы:
Кыймылы жок
Комментарийлердин саны:
10
Катталган:
11-02-2014
Соӊку аракети:
15-10-2014 20:51
Жынысы:
Белгисиз
+2
Эн сонун биздин жылдыздардын омурундогу эн жакшы мезгилдер болуп калаарына шек жок... кут болсун бул сапарынар акыркысы эмес алгачкыларынан болсун азматсынар топтоп келген куч-кубатынарды эми эргуу менен чыгармачылыктан чыгаргыла... элинер силерден копту кутот анда Алга!!!
Super TV
23.02.2014. 12:34 
Тайпасы:
Жаран
Комментарийлердин саны:
52
Катталган:
19-12-2010
Соӊку аракети:
18-11-2018 09:48
Жынысы:
Белгисиз
Калаасы:
Бишкек
0
Баары эле жакшы болуптур, только Шаиста эженин маанайы анча эмес го.
24.02.2014. 01:08 
Тайпасы:
Кыймылы жок
Комментарийлердин саны:
6
Катталган:
11-11-2013
Соӊку аракети:
06-05-2016 20:07
Жынысы:
Белгисиз
0
Эх, чиркин, кандай сонун ээ?! Алла Тааламдын ар бир пендесине ушундай эс алуулар буюрсун! Супер инфо– эл менен!
24.02.2014. 03:35 
Тайпасы:
Жаран
Комментарийлердин саны:
83
Катталган:
26-10-2013
Соӊку аракети:
06-10-2018 10:15
Жынысы:
Белгисиз
0
ийгилик супер инфо жамаатына!
Super TV
24.02.2014. 14:31 
Тайпасы:
Кыймылы жок
Комментарийлердин саны:
81
Катталган:
21-05-2013
Соӊку аракети:
05-11-2015 18:08
Жынысы:
Белгисиз
0
жакшы ес болуптур ийгилик силерге
Super TV
24.02.2014. 14:39 
Тайпасы:
Жаран
Комментарийлердин саны:
29
Катталган:
14-11-2013
Соӊку аракети:
13-06-2017 15:24
Жынысы:
Белгисиз
Калаасы:
Кыргызстан Балыкчы
0
Нузат Токтосунова кыйын айым , баардык жагынан топ келишкен . Сизге Кудайым ден соолук , бакыт берсин ! КТРК нын , акыркы болуп жаткан ызы чуусунан алыс болунуз.
Super TV
24.02.2014. 22:44 
Тайпасы:
Кыймылы жок
Комментарийлердин саны:
12
Катталган:
04-07-2013
Соӊку аракети:
14-03-2015 20:56
Жынысы:
Белгисиз
+2
Нурзат эжеке азамат. Бисмиллях, инщаллах деген создорунуз кобойсун!!!!
25.02.2014. 04:51 
Тайпасы:
Кыймылы жок
Комментарийлердин саны:
24
Катталган:
03-12-2011
Соӊку аракети:
28-08-2015 14:36
Жынысы:
Белгисиз
Калаасы:
Бишкек
0
крокодилдерди коргону бараткандагы сюжетеги кара футболкачан айым ким? Дагы ким барды эле?
Super TV
25.02.2014. 20:47 
Тайпасы:
Жаран
Комментарийлердин саны:
130
Катталган:
29-11-2010
Соӊку аракети:
18-11-2018 18:06
Жынысы:
Белгисиз
0
Окурмандардын арасында конкурс болуп,женип алсам,коп балалуу энеге жолдомону белек кылаар элем.Бир балама тарбия берем деп,кээде чарчап калам. Биздин жылдыздар деле бир бечарага белек кылышса болмок,алар кунуго эле тойдо журушот го, жыргап.
Super TV
26.02.2014. 23:31 
Тайпасы:
Жаран
Комментарийлердин саны:
17
Катталган:
12-01-2012
Соӊку аракети:
15-10-2018 18:11
Жынысы:
Белгисиз
0
соонун болуптур 5
27.02.2014. 17:37 
Тайпасы:
Жаран
Комментарийлердин саны:
7
Катталган:
24-08-2010
Соӊку аракети:
01-11-2018 01:58
Жынысы:
Белгисиз
Калаасы:
Bishkek
0
барынар эле журналис синер го
Super TV
12.03.2014. 02:51 
Тайпасы:
Жаран
Комментарийлердин саны:
10
Катталган:
04-11-2012
Соӊку аракети:
21-08-2017 23:23
Жынысы:
Белгисиз
0
Kayakta Nurzat suluu, jaman emes, jakwy alyp baruuchu. Orunkulgo emne ele azylasynar? Uwul kyzdai suluulugunar jok owon uchun. Maga Orunkuldun 10% berse jetmek. Orunkul iwine iigilik ayaw avalardyn aitkanyn ukpai dele okubai dele koi. Talastyn mykty kyzy dep bilem seni) eee uwakchylar oilop kalbagyla Orunanyn tuugany dep, jon gana jerdewim bolot))
Super TV
02.06.2014. 01:45 
Тайпасы:
Жаран
Комментарийлердин саны:
10
Катталган:
19-11-2013
Соӊку аракети:
18-11-2018 19:33
Жынысы:
Белгисиз
0
менин хозяинимин да пили журот го...
Super TV
02.12.2014. 02:27 
Тайпасы:
Кыймылы жок
Комментарийлердин саны:
1
Катталган:
28-11-2014
Соӊку аракети:
07-12-2015 02:54
Жынысы:
Белгисиз
0
abdan soonun boluptur esaluunar,di-djeilerden bir bir adam kowup alsanyzdar abdan jakwy bolmok boluw kerek, azamatsynar super-info! silerge iygilik!
1
2
3
4
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: