КЫЗЫЛ-ЖАР ПСИХИАТРИЯЛЫК ООРУКАНАСЫНДА КОЗГОЛОҢ ЧЫКТЫ

Жалал-Абад облусундагы Аксы районуна караштуу Кызыл-Жар психиатриялык ооруканасында 17-февраль күнү козголоң чыкты. Бул бейтапканадан Боом окуясы боюнча кылмышка шектүү Заур Магомедов дарыланып жүргөн учурунда оңой эле качып чыгып, өлкө ичинде эркин жүргөндүгүнөн улам Кызыл-Жар коомчулуктун көңүл чордонуна түшкөн. Укук коргоо органдары З.Магомедовдун палатасына тинтүү жүргүзүшүп, ал жактан баңгизат, уюлдук телефон таап чыгышкан. Ошол эле палатанын башка пациенттерин текшерүүгө келгенде алар каршы чыгып, ооруканадагы башка бейтаптар менен козголоң чыгарышкан. Баш аламандыкта 1 тергөөчү жана 3 медицина кызматкери барымтага алынып, кийин алар кошумча күчтөрдүн жардамы аркылуу бошотулду.
Бир милиция кызматкеринин өлүмү менен аяктаган Боом окуясынан кийин аталган оорукананын кызматкерлерине «шалаакылык» беренеси боюнча кылмыш иши козголгон болчу. Козголоңдон соң Таш-Көмүр шаардык ички иштер башкармалыгы тарабынан «ээн баштык», «тергөө жүргүзүүгө тоскоолдук кылуу», «бийлик өкүлүнө каршы зомбулук көрсөтүү» беренелери боюнча да кылмыш иштери козголду. Болуп өткөн окуялардан улам 18-февралда Жогорку Кеңештин жыйынында мындай шалаакылыкты көзөмөлдөбөгөндүгү үчүн саламаттыкты сактоо министри Динара Сагынбаеваны кызматынан четтетүү тууралуу талкуу жаралды.

Эльвира Караева,
Ширин Турдакунова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

nurgiza03

2014-02-24 13:28:26

закондон качкандын баары, барып жатып алышат. врачтын чонтогу акчага толуп козуно эч нерсе корунбой калса керек да.

nurzada1992

2014-02-24 22:38:28

Элге кызмат кылсын деп ачылган оорукана кайра элге зыян алып келген го...башы жок, мээси иштебеген кпндай врачтар иштейт болду экен?!

hakker

2014-02-25 16:14:55

Врачтардын шалаакылыгынан да бийликтин кайдыгерлиги акыры ушундай олумго алып келди.Тартип болбосо мындайлар дагы кобойот.Врачтарга акча берип же коркутуп деле чыга берет андайлар врачтар деле адам да чочуйт, алардын коопсуздугун камсыз кылуу--бийликтин иши.Кылмышкерлерди болбогон шылтоолор менен чыгара бербей Кытайдагыдай кылып катаал шарттар менен жазалоо керек.

Комментарий калтыруу үчүн өз ысымыңыз менен кириңиз же каттоодон өтүңүз.

№ 590, 21-февраль-27-февраль, 2014-ж