Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

50 МИҢ СОМ МЕНЕН КЫЛМЫШ ЖАБЫЛАБЫ?

№362 9-15-октябрь, 2009-ж.


Үстүбүздөгү жылдын 20-июль күнү Талас облусунун Бакай-Ата районуна караштуу Маданият айылында жүрөктүн үшүн алган кырсык болгон. 5 жаштагы Мадияр кызы Ширин ойноп жүрүп, кеч киргенде үйүнө жол кесип өтмөкчү болгондо жүк ташуучу КамАЗ коюп кеткен. Бактыга жараша периштедей кыз аман калса да, кайдыгер мамиледен улам бир өмүр майып болуп калды.


“Уруксат албай эле колун кесип салышты”

Шириндин кейиштүү тагдырына бир да адам кайдыгеркалбас. Кичинекей кыз килейген КамАЗ­дын дөңгөлөгүнүн алдында калып, айдоочу Керимкулов Анаркул окуя болгон жерден качып кеткен. Бул окуянын жагдайын толук билүү үчүн Бишкек шаардык №3 балдар бейтапканасында үч айдан бери дарыланып жаткан Шириндин ал-акыбалын сурап, таенесин кепке тарттык. Роза апа “мындай кырсыкка эч бир жаш жеткинчек кабылбасын” деп сөзүн баштаары менен көзүнө жаш тегеренип, анан өзүн-өзү жоошутуп, окуяны кыскача баяндап берди.
– Ширин кызымдын дөңгөлөктүн алдында калганын укканда айыл жаңырта чыңырып жөнөдүм. Акыбалын көргөндө эс-учумду жоготуп коюптурмун. Эсиме келсем, кызымды кошуналар райондук ооруканага алып кетишкен экен. Мен да артынан жетип бардым. Врачтар кызымдын абалын көрүп, «эч жардам көрсөтө албайбыз» дешип, облустук бейтапканага жөнөтүштү. Ал жерден врач-хирург Үркүнбаев Жолдошалы алгачкы жардамын көрсөттү. Операциядан чыккан доктур “кызыңардын өмүрүн сактап калсак да эки колун сактай албадык” деп чыканагынан ылдый кесилген колду целлофанга салып бизге сунду. Эмне бизге бир ооз айтпай туруп кесесиңер дегеним менен, кызымдын аман калганына сүйүндүм. Дарыгер “эми Бишкекте дарылансын” деп, түндө Бишкектен санавиация чакыртты. Ал үч сааттын ичинде жетип келип, бизди борборго алып кетти.

“Кызым, колуңду кайра салып беришет”

– Андан бери кызыбыз башынан беш жолу операцияны өткөрдү. Эки ай мурунку абалына салыштырмалуу, кудайга шүгүр, сакайып баратат. Бирок күндөн-күнгө эсине келген кызым жүрөктү оорутуп, ар кандай суроолорду берип жатпайбы. Мисалы, “апа, мен эми кантип тамак жейм, балдар менен кантип ойнойм? Анан алар колуң кана деп сурашса, эмне дейм?” дейт. Менин болсо, кызым, сенин колуңду доктурлар дарылап жатат. Бейтапканадан чыгарда кайра салып беришет деп сооротуудан башка айлам жок. КамАЗ сүрүп барып дөңгөчкө такаганда белинин териси шылынып, колу жанчылып калган экен. Кайсы доктур экенин айтпай эле коёюн, бирок анын айтымында, жок дегенде бир колун кеспей аман алып калганга болмок экен.


Ширин 3 айдан бери ушундай абалда уктайт, тамак ичет.

“Жээниңерге эмне мынча күйөсүңөр?!”

– Эми колун салып берүүгө каяктан каражат табарыбызды билбейм. Доктурлардын айтымында, ал үчүн 17 миң евро керектелет экен. Бүгүнкү күндө дарыканага эле 13 миңден ашык карызыбыз бар. Ширинимди ушул акыбалга алып келген Керимкулов Анаркул бул акчаны башында төлөйм деп, кийин айнып кетти. “И так силер үчүн милиция кызматкерлерине 50 миң сом акчам кетти. Эми билгениңерди кылып алгыла. Кызың саксаңдап жолго өзү чыга калган. Жакшылап карабайсыңарбы?! Анан эмне эле мынча күйүп жатасыңар?! Силерге бул кыз жээн эле экен го!” деп койду.

Кылмышты кылган соң башын жерге салып кечирим суроонун ордуна мага минтип атырылганын кандай түшүнсө болот? Эмне, 50 миң сом менен кылмыш иши жабылат деп ойлойбу? Жок, калыстык бар. Акыйкаттык бар экенине ишенем!

Тергөө жүрүп жатат

Жабыр тарткан үй-бүлө укугубуз тебеленди дешет. Айдоочу кылган күнөөсү үчүн жооп бербей минтип боштондукта жүрөт. Бакай-Атанын ички иштер бөлүмү бул ишти жаап койгонун укканда Шириндин жакындары “укугубузду коргой тургандар табылар” деп жакшы юрист издешет. Жакшы юристке да жакшы акча керек. Болгон каражатын ооруканага жумшап жаткан үй-бүлө баары бир ааламда айкөл адамдар бар экенине ишенишип, “Статут” юридикалык компаниясына кайрылышат.
Компаниянын президенти Бопоев Назаркул окуяны укканда бекер жардам көрсөтүүгө сөз бериптир. Ал: «Шириндин кең келечегине балта чапкан адам мыйзам боюнча өз жазасын алууга тийиш. Окуяны укканда фирманын атынан Таласка юрист жөнөттүм. Ал үч күндүн ичинде райондо жабылган кылмыш ишти көтөрүп, Талас облусунун прокурору Акышев Талантбекке тапшырды. Учурда аталган кылмыш иши боюнча иликтөө жүрүп жатат. Акыркы маалыматтар боюнча ишти жапкан тергөөчү А.Кокоев кызматынан четтетилди. Анын да үстүнөн текшерүү, тергөө иши жүрүп жатат. Ал эми хирургдардын жакындарынан уруксат албай туруп кыздын колун кесип салышын да териштирүү керек»,- деп билдирди.

Ортопед Сабырбек Жумабеков: «Эң негизгиси, кыздын өмүрүн сактап калышты»

Кызга доктурлар тийиштүү жардамын беришпедиби? Колун кеспей эле аман сактап калууга мүмкүн беле?” деген суроолор менен ортопед Сабырбек Жумабековго кайрылдык.
– Ошол учурда абал кандай болгонун өз көзүм менен көрбөгөн соң толук кандуу комментарий бере албайм. Ал жерде жогорку билимдүү, көп жылдык тажрыйбасы бар врачтар иштейт. Менин башымдан 1 секунд да чоң роль ойногон кырдаалдар өткөн. Балким, доктур туугандары менен кеңешкиче кыз каза болуп калуу коркунучу пайда болгондур. Эми, бири кем дүйнө да. Доктурлар өз ишин аткарды. Ушундай оор абалда да анын өмүрүн сактап калышты.

Ширин дале ооруканада. Качан чыгары али белгисиз. Таенеси небере-жээнине “колуңду салып беришет” деп жоошутканы менен, өзүнчө “кайсы каражатка кол салдырабыз?” деп көзүнөн жаш чуурутат. Учурда алар боорукер бардар адамдардан жардам сурап турган чагы. Ал эми шектүү деп саналган адамга сот кандай чечим кабыл албасын, ал чечим Ширинге өзүнүн мурунку мотурайган манжаларын кайрып бере албайт. Бирок калыстык бар экенин сездириши мүмкүн. Соттун чыгарган чечими тууралуу гезитибизде кабарлайбыз.

Бактыгүл Сокушова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(5)
12.10.2009. 14:27 
Тайпасы:
Кыймылы жок
Комментарийлердин саны:
50
Катталган:
11-09-2009
Соӊку аракети:
26-12-2012 22:59
Жынысы:
Белгисиз
Калаасы:
Бишкек
0
Кудайым ушундай кырсыктан озу сактасын, айрыкча жаш балдарды. Чон жолдун жээгинде жашагандан кийин ушул сыяктуу кичинекей балдарды эмне учун кароосуз калтырасыздар? Ал эми биздин врачтарга азыр ишенич кыйын, коркунучтуу - анткени алар билимсиз болуп баратышат жана таш боор. Менин ушул кыз жонундо окуганда же коргондо кадимкидей журогум копко чейин ооруйт ыйлагым келет. ЭМНЕ КЫЛСАК?
13.10.2009. 13:57 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Менин оюмча Шириндин атына лицевой счет ачыш керек дагы каалочулар болсо ар кандай терминалдардан же банк менен кичине болсо да акча жонотуп турса."Коп тукурсо кол болот" демекчи анча мынчадан чогулуп атып операциясына жетишээрлик каражат топтолот беле дейм.Ушуну окуган адамдардын баарын эле журогун ойутсо керек бул окуя.Эгер лиц.сч.ачылып гезитке жарыяланса жакшы болот.
16.10.2009. 16:42 
Тайпасы:
Кыймылы жок
Комментарийлердин саны:
59
Катталган:
22-05-2008
Соӊку аракети:
14-06-2014 17:26
Жынысы:
Белгисиз
Калаасы:
Алма-Ата
0
Албетте кудай сактасын!!! Жаман болупутур,жакшы болуп кетишин каалайм,окуп алып журогум ооруду,
Alimkylova: айткандай лицевой счет ачышса жакшы болмок.
29.01.2010. 14:42 
Тайпасы:
Кыймылы жок
Комментарийлердин саны:
5
Катталган:
10-01-2009
Соӊку аракети:
02-02-2011 23:28
Жынысы:
Белгисиз
0
Бул медиктер таптакыр бетин жоготтуго, эч бир пайдасы тийбейт, кобунчо хирургия болумундогулор. каяк балеедеги каридордо окуп келишип опурация жасашат, а диагностический центрде туура эмес диагноз коюшуп, кереги жок дарыларды жазып беришет, алеги сетевой маркетинг эптеп озунун касиети жок дарысын сатуу. Эххх ошол кыздын колун кескен адамдын бир манжасын кескенде, соз жок, ачуум келип кетти, иттер десе....
16.01.2012. 01:22 
Тайпасы:
Кыймылы жок
Комментарийлердин саны:
5
Катталган:
06-09-2011
Соӊку аракети:
09-11-2016 22:22
Жынысы:
Белгисиз
Калаасы:
Bishkek
0
Urmattuu super info! Bul 3 jyl murun bolgon okuyany men azyr ele bildim. Mymkyn4ylyk bolso Shirindin Den- soolugu kandai bolup kaldy,bizge kabar berip koiosuzdarby. Je daregin,ras4etnyi s4etun. Koldon kelgen4e jardam berebiz. Rahmat!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: