Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАШООГО БИР КЕЛГЕН ТАЛАНТ – МАНАС БЕРДИБЕКОВ

№592 07-март-13-март, 2014-ж


Манас Бердибеков мындан 12 жыл мурун жарык дүйнө менен кош айтышса да, анын жаркын элеси элдин жүрөгүндө жашап келет. «Жалпак жөжө», «Көзү ачык», «Мажит, светти өчүр» жана башка кайталангыс интермедияларды жаратып, элдин боорун эзгиче күлдүргөн куйкум сөздүү Манас деген ысым кыргыз сатирасынын легендасына айланган. Ал жашоосунда 5 жолу үйлөнүп, артында 4 уул, 1 кызды калтырып кетти.

КААРМАН ТУУРАЛУУ
Туулган жери
– Базар-Коргон району, Партсъезд айыл өкмөтү (азыркы Бай-Мундуз айылы)
Туулган жылы, күнү – 1956-жыл, 15-май
Каза болгон жылы – 2001-жыл, 9-сентябрь

Каныбек Курмантаев, композитор:«БОЛДУ, МАНАС, КҮЛДҮРБӨЧҮ ДЕП КАЛЧУБУЗ»
-1977-жылы Шамшыбек Өтөбаев Манасты Фрунзеден Ошко алып келди. Мен анда «Назик» деген ансамблде музыкалык жетекчи элем. Биргеликте уюштурган алгачкы концертибиз Оштогу Сакалды деген айылда 1978-жылы болду. Шамшыбек агай Манастын куудулдукка чымыны бар экенин байкап, сахнага чыгарган. Ошондон баштап анын өнөрү ачылып, кийинки концерттерде өркүндөп отуруп, мыкты куудул болуп аты таанылды.
Манас адамдын оюна келбеген сөздөрдү таап күлдүрчү. Аны менен отурган жерде күлө берип чарчагандан «болду, Манас, болду, күлдүрбөчү» деп калар элек. Бир жолу эжесиникине барып, короосуна кирсе эле чоң ити бар экен, ал Манаска асылып кириптир. Эжеси чыга калып: «Кокуй, Манасты карма, ал итти каап алат» деп кыйкырган экен. Мына ушундай эле турмуштан алып жаратчу сатираларды. Манас келет экен дегенде Маданият үйлөрүнө эл жык толуп, батпай калган күндөр болгон. Анан да акчанын артынан түшпөгөн жигит болчу. Концерттери аншлаг менен өтсө да, бир жолу кассага басып келип сурап койчу эмес. Касса жагына аялы Малика жоопкер болчу.
Манас чынында кыз жандуу жигит эле. Менимче, көбүнчө аялдар өздөрү берилишчү ага. Анын сүйлөгөн сөзүнө, мамилесине, өңүнө деле азгырылышчу.

Жамбыл Камчиев, куудул:«ЧЫН СӨЗҮНӨ АЯЛЫ ДА ИШЕНЧҮ ЭМЕС»
- Манас негизи жакшы ырдачу, «Назик» деген топтун солисти эле. Мен Ош шаардык Маданият үйүндө иштеп жүргөндө аны менен тааныштым. Ыраматылык досубуз маанайы чөгүп турса катуу-катуу кыйкырып, болор-болбос жерден чыр чыгарып жиберчү. Ал эми күлдүрүп сүйлөгөндө кыйрап калат элек. Көп кызыктар баштан өттү чогуу жүрүп.
Бир күнү Манас үйүнө эртең менен келиптир. Аялы Азиза «түнү менен кайда жүрдүң?» десе, «концерт бүткөндөн кийин эки кыз келип Рахман экөөбүздү алып кетти. Алардын үйүнө барып чайын ичтик, «жатып калгыла» деди эле, калып калдык. Алардын аттары ким экенин деле билбейм» десе аялы «ий, акмак, дайыма жалган сүйлөйсүң, чыныңды айтчы» деп ишенбей коюптур.
Бир жолу мончого чогуу барсак, менин түктүү денемди көрүп, «Жаке, сен маймыл болоюн деп болбой калган экенсиң да» деп жатпайбы күлдүрүп.

Абдылда Иманкулов, куудул:«МАНАСТЫ АРАКТАН ӨЛДҮ ДЕГЕН КАЛП СӨЗ»
-Мен Манас менен 84-85-жылдары болсо керек эле, Токтогул элдик театрында иштеп жүргөндө таанышкам. Анда Манас «Миң кыял» деген элдик ансамблде иштечү экен. 1987-жылы Ошко Рыспай атындагы филармонияга которулуп барганда Рахман, Манас, Жамбыл, Дөөлөт «Аралаш» тобун ачып, концерт коюп жүрүшчү. Арадан 3-4 жыл өтүп, топ тарап кетиптир. Бир күнү Рахман менен Манас «топту кайра түзөлү» деп келишиптир. Ошентип, 1988-жылы Рахман, Манас, Жамбыл, мен төртөөбүз «Аралаш» тобун кайра жаңыртып иштеп калдык. Манастын топтогу өзгөчөлүгү – бир эле сөздү беш-алты мааниде айтчу. Азыр кээ бир ал ойногон сатираларды биз жаңылайбыз деп аракет кылганыбыз менен, окшоштура албайбыз.
Манас өмүрүнүн аягында да биз менен болду. Ысык-Көлдүн Тоң районунда концерт берип жүргөнбүз. Ал уктаганды жакшы көргөндүктөн ойготпой койгон элек. Эшикте Дөөлөт Мадымаев, Рахман Разыков, Абдыманап Төрөбеков менен сүйлөшүп, «кой, Манасты тур дейли» деп күндүзгү саат 11лерде кирсек, жаткан жеринде көз жумуптур. Дароо эле милиция кызматкерлерин чакырдык. Бул окуя боюнча ар кандай сөздөр айтылды, «Рахман менен Абдылда өлтүрдү» деген сөздөр да тарап кетти. «Арактан» деген да кептер болгон. Бирок Манас көп күн арак ичип жатып алчу эмес. «Арактан өлдү» деген калп сөз.
Ошол жакта жүргөндө эки-үч күн мурда «табитим ачылбай жатат» деп тамак көп жеген жок. «Ичим ачышып жатат» дегенинен Тоңдогу ооруканага келип көрүнгөн. Медициналык экспертизадан «уйку бези жарылып кеткен» деп жыйынтык чыгарып беришти. Манас арабыздагы лидерлердин бири эле. Менден 7 жаш улуу болсо да, жаш көрүнчү. Конокко барганда мени улуу деп Манастан мурун устукан тартып жиберген учурлар болгон.

Манас Бердибеков өмүрүнүн акырын жубайы Малика менен өткөрдү.

«Аралаш» тобу жылдап үй бетин көрбөй гастролдо жүрчүбүз».

Рахман Разыков, куудул:«МАНАС БИР ЭЛЕ ЖОЛУ ҮЙЛӨНГӨН...»
–1979-80-жылдары «бир куудул бала бар, ал сүйлөсө элдин баары кыйрап калат экен» деп угуп жүрдүм. Бир туугандарым менен Кара-Суу районундагы Октябрь айылына концерт коюп барып калдык. Ал жакка Манас да келген экен. Концерт бүткөндөн кийин Каныбек Курмантаев деген композитор тааныштырып калды. Манас экөөбүз таанышкан күн менин жашоомдогу бурулуш күн болду. Экөөбүз ал күнү таң аткыча уктабай сатира тууралуу сүйлөшүп, каткырып күлүп жаттык. Менимче, Манас менен чогуу өмүр бою болот деген тагдыр жазылса керек маңдайга. Себеби досум өлгөн күнү да мен жанында болчумун.
Таанышканыбыздын эртеси күнү Манас иштеген жерге бардым. Мени топко администратор кылып дайындап коюшту. Манастын ойногонун карап суктанып отурчумун. Мен да сатира ойноп калам деген оюмда жок болчу. Бир күнү концертке Манас келбей калып, ордуна ойной коём деп талантым ачылган. Ошондон кийин ал «интермедия жазбайсыңбы, экөөбүз ойнойлу» деп сунуштап, чогуу иштешип калдык. Ал кезде шарт деле жок болчу. Бардык аппараттарды, керектүү аспаптарды, костюмдарды колубузга көтөрүп алып гастролго чыкчу элек. Анда бизди эч ким тааныбайт да, үйүнө жатып кеткиле деп эч ким чакырчу эмес. Концерт бүткөндө Маданият үйүндөгү колонкаларга жатып уктап, эртеси автобус келгенде түшүп алып кайра кетчүбүз. 86-87-жылдары «Аралаш» түптөлүп, 5 жыл репетиция кылып, Ошко үч күндүк алгачкы концертибизди койгонбуз. Эл көп келип, залга батпай, театрдын чоң терезелерин сындырып жиберишкен. Акыры ошол кездеги театрдын директору Надыр аке бизди кууп чыгып, араң токтогон. Ал жерден чыгып, Токтогул сейил багына барып 8 күн концерт бердик. Кийинчерээк Бишкекке «Мыскыл жана тамашага» катышабыз деп келдик. Ал кезде Бейшен Мамбетакунов «Мыскыл жана тамашанын» редактору эле. Ал киши «кайдан келдиңер, кошпойм» деп бизди катыштырбай жатат. «Биз элди жакшы күлдүрөбүз» деп артынан ээрчип алганбыз. «Башты оорутпа» деп ал болбойт. «Бир эле номер аткаралы» деп суранып, араң көндүрдүк. Төртөөбүз тең чыгып сахнаны «жардык», эл кетирбей кол чаап жылуу кабыл алышты. Ошонун эртеси күнү Бейшен агай «силер каалаган «Мыскыл-тамашага» келип, интермедияңарды ойной бересиңер» деп жолдомо берди. Ошентип телевизор аркылуу бүтүн Кыргызстанга таанылдык.
«Аралаш» куудулдар тобун биз машинага салыштырсак, Манас ошол машинанын мотору эле. Ал интермедияга даярданчу деле эмес. Канча айтсаң деле «ии» деп коюп, сахнага чыкканда өзүнүкүндөй кылып жиберчү. Андай кайталангыс өнөрлүү адам азыр жок. Манас өзү бир эле жолу үйлөнгөн, калган аялдары аны өздөрү алып кетип калышкан. Ошентип, ал көп аял алды болуп калган (күлүп).

Малика Бердибекова, жубайы:«МЕН СЕНДЕН ТИРҮҮ АЖЫРАБАЙМ ДЕЧҮ»
-Мен Манас менен таанышкан кезде Кара-Суу Маданият үйүндө иштечүмүн. Бир чөйрөдө иштегендиктен, чогуу концерттерге барып, жакындан таанышып, мамилебиз сүйүүгө айланып кетти. Ал кезде мен да, ал да турмуштан жаңылган элек. Бир жолу бир аз кызуу келиптир. «Мен кызуу болуп келбесем айта албайт экенмин» деп мага сезимдерин билдирди. Ошентип, экөөбүз баш кошуп калдык. Ортодо көп сөздөр, ушактар болду. Бирок мен Манаска гана ишенип жашадым. Бир жолу уруша кетип «кетчи» десем, жаактан ары бир чаап, «мени эч ким кет деген эмес. Мен сенден өлүп ажырабасам, тирүү ажырабайм» деп айтты. Анан да «сен мурунураак жолукканыңда минтип көп жолу үйлөнбөйт элем» деп калчу.
Акыркы концертине барарда «барбай эле койчу» десем болбой кетип калды. Барба дегенимдин себеби, кетерде жаман түш көргөн элем. Ал жакта жүргөндө чалып турду, анан эле бир күнү суук кабар келди... Көлгө барып карасам колдору, буттары тырышып калыптыр. Ошентип 12 жыл болду, жолдошумдун жашоодон кеткенине. Азыркыга чейин мен үчүн «кантип өлдү?» деген нерсе суроо бойдон кала берди. Ортобузда бала болуп, бирок ал чарчап калды.

Санжар Бердибеков, уулу:«МАНАСТЫН УУЛУМУН ДЕП МАКТАНЧУМУН»
-Атам менен апам Калия жаш кезинде баш кошушуптур. Атам Фрунзедеги филармонияга эки жылдык студияда окуганы келип, ошол бойдон айылга барбай койгонунан апам таарынып мени көтөрүп алып таене-таятамдыкына кетип калыптыр. Атам менен мен 1996-жылы таанышып, Бишкекке келип, 10-15 күндөй чогуу жашап, кайра бөлүнүп кеткем.
Атамды аябай жакшы көрчүмүн. Өзүм тентек болсом да атамдан сүрдөп, ашыкча сүйлөчү эмесмин. Жаш кезде масчылыкта «мен Манастын баласы болом» деп мактанып жиберген күндөр өткөн. Азыр ошол сөздөрүмө уялам. Бир жолу атам «карындашың менен тааныштырам, концертке келсең» деп чакырып калды. Залда баратсам эки татынакай кыз каршымдан чыгып калышты. Шоктугум кармап, жолун тосуп айлаларын кетирдим. Концерттен кийин атама барсам «таанышып ал, бул карындашың» деп мен жолун тоскон кызды көрсөтүп жатпайбы. Көрсө, өзүмдүн карындашыма тийишкен экем да (күлүп).

Элнура Бердибекова, кызы:«АТАМ МЕНЕН СЫРДАШЧУБУЗ»
-Атам борукер киши эле, балдарын аябай жакшы көрчү. Биз көп жолугуп, сырдашып калчубуз. Мен 19 жашка чыкканда анын көзү өтүп кетти. Азыр баламды атама окшоштурам. Куудулдугу да бар анча-мынча. «Таятаңдай артист болбойсуңбу?» десем, «менин таятам, таякем да артист, жетиштүү» деп калат. Апам Гүлнара атам менен чогуу жашаган күндөрүн көп эстейт. «Шарт деле болгон эмес, батирде жашачубуз, бирок дайыма бири-бирибизди түшүнүп өмүр сүрдүк. Барчылык-жокчулукта да күлдүрө берчү. Жашоо атаң менен оңойдой сезилчү» деп эскерип калат.

 

 



Манас Бердибековдун сатиралары:«АДАМДЫН ЖАРАЛЫШЫ»
Аялзатынын жаралышы өзүнчө кызык экен. Алла Таала биринчи Жерди жаратып, ага жер-жемиш, айбанаттарды жаратып туруп, ошого баш-көз кылып бир эркекти жасаган экен. Эркек бары-жокту караса айбандар деле экиден-үчтөн жетелешип жүрүптүр. Аларды көрүп «эмне үчүн мен жалгыз болуп калганмын?» деп таң калып, Алла Таалага кайрылган экен.
- Алла Таала, бул жагы кызык болуп жатат го?..
- Эмне болуп жатат?
- Айтышка дагы неудобно...
- Жок, айта бер...
- ... Карасам айбандар деле экиден кетип жатышат, чымчыктар экиден-үчтөн учуп жатышат. Мен деле экиден болсомбу дедим эле...
-Аа, сага аялзаты керек болуп калган турбайбы, - деп ошондо Алла Таала аялзатын жараткан экен.
Ошол маалда күн тийип турган мезгил экен. Күндүн нурунан алып, Айдын ойлуулугу менен токтоолугун аралаштырыптыр. Аралаштырып-аралаштырып, дагы эмне кошсом экен деп караса гүл туруптур, гүлдүн назиктиги менен жытынан кошуптур. Арткы жагын караса суу агып жаткан экен, суунун тунуктугунан аралаштырыптыр. Анан асманды караса эле сагызган учуп бараткан экен, сагызгандын шакылдаганын кошуптур. Шамал жүрүп жаткан экен, анын туруксуздугунан, булуттун көз жашынан аралаштырган экен. Ошого аялзаты сүйүнсө да, күйүнсө дагы баары бир ыйлай берет тура. Анан чагылган менен күндүн күркүрөгөнүнөн аябай жакшылап аралаштырып, татынакай, чырайлуу аялзатын жасап туруп эркекке берген экен.
- ... Ме, алгын дагы өмүр бою кыйналып жашагын!

«ЖАЛПАК ЖӨЖӨ»
- Бир жолу КамАЗ айдаган айдоочу келатып, байкабастан жолго чыга калган жөжөнү тебелеп кетиптир. Айдоочу жакшы киши экен, жөжөнү баккан чалга алып барып, «бул сиздин жөжөңүзбү?» десе, абышка «менин мындай жалпак жөжөм жок» дептир.

Гүлжамал Бөрүкулова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  10 
Комментарийлер(28)
10.03.2014. 10:52 
Тайпасы:
Жаран
Комментарийлердин саны:
27
Катталган:
30-01-2013
Соӊку аракети:
07-01-2017 14:02
Жынысы:
Белгисиз
Калаасы:
bishkek
+4
Мен сыйлаган кайталангыс талант!...
10.03.2014. 14:34 
Тайпасы:
Жаран
Комментарийлердин саны:
83
Катталган:
05-09-2013
Соӊку аракети:
01-10-2018 13:33
Жынысы:
Белгисиз
-1
Манас сыяктуу адамдар бар, бирок биздикилер аларды колдоп, которбой жатышат,
12.03.2014. 01:56 
Тайпасы:
Тартип бузгандар
Комментарийлердин саны:
29
Катталган:
29-01-2014
Соӊку аракети:
26-09-2014 23:29
Жынысы:
Белгисиз
+1
nazarnew, аябай ЧОН жанылышасын!!!!Манас Бердибеков агайдай талант бир жаралат!!! Жада калса кесиптештери деле айтышыптыр го,анын сатираларын азыркы кунго чейин Манастай ойной албай атабыз-деп.Талантына таазим))) Санжар акеге айтаарым,атакесинин атын очурбой,чон-чон ийгиликтерди жарата берсин!!!!
10.03.2014. 15:21 
Тайпасы:
Жаран
Комментарийлердин саны:
61
Катталган:
02-11-2012
Соӊку аракети:
07-11-2018 20:48
Жынысы:
Белгисиз
Калаасы:
Баткен
+6
Андай талант 100 жылда бир жаралат. Манастын гана айтуусундагы сатираларды эле уккум келе берет. Укмуш сонун аткарчу. Дискин издеп таппай журом.
10.03.2014. 16:04 
Тайпасы:
Жаран
Комментарийлердин саны:
47
Катталган:
17-01-2014
Соӊку аракети:
24-09-2018 19:57
Жынысы:
Белгисиз
+3
талантык кудурету кучтуу эле. Эмне дей биз жаткан жери жайлуу болсун демекмин.
10.03.2014. 17:10 
Тайпасы:
Кыймылы жок
Комментарийлердин саны:
13
Катталган:
20-12-2013
Соӊку аракети:
09-06-2014 10:13
Жынысы:
Белгисиз
+3
Эх кандай керемет таланттуу киши болчу анын дисктерин же аyдио жазуусун же китептерин кайдан тапсак болот супер инфо
10.03.2014. 17:33 
Тайпасы:
Супермодератор
Комментарийлердин саны:
7573
Катталган:
22-02-2011
Соӊку аракети:
16-11-2018 17:44
Жынысы:
Белгисиз
Калаасы:
...
+4
Tynar89,
Саламатсызбы! Куудулдун жакындарына байланышып үй-бүлөлүк архивде жок экендигин биле алдык. Башка булактардан таап, жүктөп коюуга аракет кылабыз. Сунушуңузга рахмат!
11.03.2014. 14:11 
Тайпасы:
Жаран
Комментарийлердин саны:
1
Катталган:
21-05-2013
Соӊку аракети:
04-09-2018 17:29
Жынысы:
Белгисиз
+1
admin_media, Биз чыдамсыздык менен кутобуз!
10.03.2014. 17:29 
Тайпасы:
Тартип бузгандар
Комментарийлердин саны:
219
Катталган:
05-02-2014
Соӊку аракети:
21-09-2016 12:47
Жынысы:
Белгисиз
Калаасы:
Бишкек
+1
Эх омуру кыска экенда жаткан жериниз жайлуу болсу,Санжар байкенини таалантына таазим,эмнеге эле тайенесин айта берет десе Аман болун
10.03.2014. 17:39 
Тайпасы:
Кыймылы жок
Комментарийлердин саны:
141
Катталган:
17-01-2014
Соӊку аракети:
07-11-2014 17:03
Жынысы:
Белгисиз
Калаасы:
Карышкырлар мекени.
0
Чынында,аттын кашкасындай гана таанымал,саналуу таланттарыбыз калды. Ушунчасында баалап,барктайлы.
10.03.2014. 18:31 
Тайпасы:
Жаран
Комментарийлердин саны:
2
Катталган:
11-04-2011
Соӊку аракети:
23-04-2017 13:30
Жынысы:
Белгисиз
+1
Манас байке залга чыкканда эле отурган элдин кыраан каткырыгын жаратчу эле. Ал адамдын козу откондон кийин башка куудулдардан андай кулкуну коро алаган жокмун.
10.03.2014. 21:00 
Тайпасы:
Кыймылы жок
Комментарийлердин саны:
103
Катталган:
07-02-2014
Соӊку аракети:
10-06-2015 16:59
Жынысы:
Белгисиз
+2
Видеолорун
жуктоп койунуздарчы


10.03.2014. 21:49 
Тайпасы:
Кыймылы жок
Комментарийлердин саны:
114
Катталган:
14-01-2014
Соӊку аракети:
16-01-2015 15:24
Жынысы:
Белгисиз
+2
манас дагы уулу санжар дагы аябай жагат талантынарга таазим.
10.03.2014. 21:59 
Тайпасы:
Кыймылы жок
Комментарийлердин саны:
3
Катталган:
13-01-2014
Соӊку аракети:
02-08-2015 18:04
Жынысы:
Белгисиз
0
жаткан жери жайлуу бейиштен орун тапсын!!!
11.03.2014. 03:49 
Тайпасы:
Жаран
Комментарийлердин саны:
69
Катталган:
11-07-2011
Соӊку аракети:
31-07-2018 04:01
Жынысы:
Белгисиз
+1
Жаткан жери жайлуу брлсун мен ал кишини айбай сыйлачуумун
11.03.2014. 09:58 
Тайпасы:
Кыймылы жок
Комментарийлердин саны:
52
Катталган:
22-02-2013
Соӊку аракети:
02-02-2016 23:14
Жынысы:
Белгисиз
+1
кайталангыс талан санжарда атасынын таланты бар
11.03.2014. 11:30 
Тайпасы:
Жаран
Комментарийлердин саны:
37
Катталган:
14-02-2012
Соӊку аракети:
16-11-2018 19:41
Жынысы:
Белгисиз
Калаасы:
токмок
+2
Жалпак жожосу эле укмуш да. )))))
11.03.2014. 14:44 
Тайпасы:
Жаран
Комментарийлердин саны:
22
Катталган:
10-01-2014
Соӊку аракети:
23-04-2018 22:45
Жынысы:
Белгисиз
+1
Атанын уулу демекчи. Санжар да мыкты жигит .ага колдоо жок болуп жатат окшойт
11.03.2014. 23:33 
Тайпасы:
Жаран
Комментарийлердин саны:
14
Катталган:
01-04-2010
Соӊку аракети:
26-09-2018 12:47
Жынысы:
Белгисиз
+2
"Жалпак жожо" интермедиясы кобуроок эсте калды)) видеосун жуктоп койгулачы.

12.03.2014. 19:48 
Тайпасы:
Кыймылы жок
Комментарийлердин саны:
16
Катталган:
05-02-2014
Соӊку аракети:
22-03-2014 15:05
Жынысы:
Белгисиз
-1
Бул кишинин эмнесине таазим этесинер?Беш жолу уйлонсо,аракты коп ичсе,эмне эркектин баары ушундай болушун каалайсынарбы?Кайдагы жок нерселерди айтып кулдурсо.Дагы мындай киши 100жылда бир келет деп коет.Жуз жылда эмес мин жылда да келбей койсун мындай эркектер.Бул менин жеке оюм,дагы озунор билесинер...
13.03.2014. 01:49 
Тайпасы:
Жаран
Комментарийлердин саны:
1
Катталган:
08-07-2011
Соӊку аракети:
17-11-2018 09:27
Жынысы:
Белгисиз
0
Adina86, ушинтип жазбай эле койбойспу эми, ичин ачышса туз жала да! Керек болсо, ичкен, уйлоно берген адам да,1000 ичи тар адамдардан караганда кен пейил, жакшы адам болуп калышы мумкун.Абайлап суйлонуз...!!!
13.03.2014. 01:33 
Тайпасы:
Тартип бузгандар
Комментарийлердин саны:
117
Катталган:
31-05-2013
Соӊку аракети:
03-10-2014 16:23
Жынысы:
Белгисиз
+1
adina86 ото эле аша чапкан го, онбогон очун бар беле Манас мырзада. Козу откон адамдын артынан эч качан жамандабайт эси бар адам.Манас кайталангыс талант, бул факт.
13.03.2014. 08:10 
Тайпасы:
Жаран
Комментарийлердин саны:
234
Катталган:
28-05-2011
Соӊку аракети:
27-06-2018 01:21
Жынысы:
Белгисиз
0
Менин мынжай жалпак жожом жок :)
14.03.2014. 08:21 
Тайпасы:
Жаран
Комментарийлердин саны:
79
Катталган:
20-09-2013
Соӊку аракети:
16-11-2018 15:42
Жынысы:
Белгисиз
0
Jatkan jeri jailuu bolsun!Tan kalganym Sanjar baike aiabai atasyna okshosh eken,kalgan omurun ui bulosuno,baldaryna bersin.
15.03.2014. 00:57 
Тайпасы:
Тартип бузгандар
Комментарийлердин саны:
15
Катталган:
14-01-2014
Соӊку аракети:
16-05-2015 23:26
Жынысы:
Белгисиз
0
Менин эн суйуктуу куудулум. Эмгиче окуном Агабыздын арабыздан эрте кеткенине.
15.03.2014. 22:38 
Тайпасы:
Кыймылы жок
Комментарийлердин саны:
46
Катталган:
12-11-2013
Соӊку аракети:
20-08-2014 04:18
Жынысы:
Белгисиз
0
Kichinekei kezimde manas berdibekovdu ayabai kutup kachan chigat tv dan dechi elem
15.03.2014. 23:49 
Тайпасы:
Жаран
Комментарийлердин саны:
8
Катталган:
07-03-2014
Соӊку аракети:
05-09-2018 23:32
Жынысы:
Белгисиз
0
Men manastyn satiralaryn kop korom en mykty kyrgyzda ushundai jashtar koboiso deim.birok balasy sanjarda atasyna okshop ketet "taaine "degen intermediasy da manastykyna okshoshup ketet .jatkan jeeri jailuu bolsun .
16.03.2014. 23:18 
Тайпасы:
Кыймылы жок
Комментарийлердин саны:
5
Катталган:
28-02-2014
Соӊку аракети:
30-04-2014 03:45
Жынысы:
Белгисиз
0
Бечера "Жалпак Жожо"
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: