САГЫНБАЕВА ЖООП БЕРЧҮ КҮН КАЧАН КЕЛЕТ?

4-март күнү саламаттыкты сактоо министринин орун басары, башкы мамлекеттик санитардык врач Кубанычбек Чойбеков кармалып, эртеси Бишкек шаардык соттун чечими менен үй камагына чыгарылды. Министр Динара Сагынбаеванын оң колу «медициналык ишмердүүлүк менен алектенүүгө лицензияларды мыйзамсыз берген» деп айыпталууда.
Саламаттыкты сактоо министринин дарегине негиздүү сындар айтылып келсе да, ал креслосун сактап келгендердин катарында. Дүйнөлүк ЖМКларга дүң болгон кара тумоо чуусу, мал-жандын кырылуусу, психиатриялык ооруканадан коомго коркунучтуу кылмышкерлердин качышы, алардын кайрадан өзгөчө оор кылмыштарды кылуусу, төрөт үйлөрүнөн балдардын уурдалып, сатылышы, тирүү балдардын өлүктөргө алмашылып калышы, айтор, санай берсең өтө көп. Бир жылдын тегерегинде эле Саламаттыкты сактоо министрлигинин айланасында ушунча мыйзамсыз, кейиштүү жыйынтыктарга алып келген окуялар болуп өттү. Минтип Сагынбаева орун басары аркылуу дагы бир ирет чалынып отурат. Качан Сагынбаева жетекчи катары жооп берчү күн келет?

Эльвира Караева,
Ширин Турдакунова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

infiniti

2014-03-10 17:15:27

Улуулар айтышчу эле "ден соолук болсо,акча табылат"-дешип. Азыр тескерисинче:Акча болсо-ден соолук. Кааласан "оорукчан" адамсын. Кааласан "соо".

kombat

2014-03-11 17:46:15

Батукаевти узатып жооп бербеген министр айым эми жооп бермек беле.Бул"ксдп"чылар бийликте турганда эч качан суракка алынбайт.Андыктан ташынды терип,кетменинди чап КЫРГЫЗ!

Beise

2014-03-12 22:27:24

Сагынбаева согуштун ардагерине орун табылбай кочодо ар бери суйролуп журду эле эмне болду жооп берип коюнузчу атаныз бардыр ушундай

nurel50

2014-03-16 10:31:55

Beise, шефи жогоруда турганда андай нерселерге жооп бербейтко

Комментарий калтыруу үчүн өз ысымыңыз менен кириңиз же каттоодон өтүңүз.

№ 592, 07-март-13-март, 2014-ж