Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Дана Абдыбекова:«АСЫЛ АППАСОВА 30 МИҢ ДОЛЛАР АЛЫП КЕЛСИН ДЕДИ. БУЛ – ФАКТ» (видеоматериал кошулду)

№592 07-март-13-март, 2014-ж


КТРКдагы көзү ачыктардын таймашына байланыштуу аудиожазуу пайда болуп, андагы телефондук сүйлөшүүдө таймаштын финалдык этабы тартылып бүткөнү, эми акыркы тапшырмалар калганы, ошол тапшырмаларда алдыга чыгуу үчүн 20 миң доллар же миллион сом суралып жаткандыгы түшүнүктүү болот. Сүйлөшүү катышуучулардын бири жана Дана аттуу аялдын ортосунда жүргөн. Аудиожазуудан коомчулук кабар тапкандын эртеси эле сүйлөшүүнүн каармандарынын бири таймашка катышып жаткан Индира Исманкулова, экинчиси көрсөтүүнүн менеджери Дана Абдыбекова экени белгилүү болду.

Индира Исманкулова редакциябызга келип, аудиожазуу монтаж эместигин, алар пара талап кылган соң укук коргоо органдарында иштегендер, юристтер менен кеңешип сүйлөшүүнү жаздырып алганын баяндап берген эле.
Баян гезит бетине жарык көргөн соң редакциябызга Дана Абдыбекова байланышка чыгып, чуулгандуу окуя боюнча өзүнүн чындыгын айтууга бел байлаганын билдирди.
Сүйлөшүү үчүн ооруканага бардык. Анткени каарманыбыз Дана Абдыбекова учурда ооруканада дарыланып жаткан чагы. Айтымында, ысымы коомчулуктун талкуусуна түшкөнү абдан катуу таасир этип, алгач Улуттук кардиологиялык борборго, андан соң ушул ооруканага кайрылууга аргасыз болгон.
«Ушул абалга алып келгенине дагы Кудайга миң мертебе ыраазымын. Анткени мен өзүмдүн жазамды көрүп жатам...» Анын жолугушканыбыздагы алгачкы эле сөзү ушул болуп, көз жашы жүзүн жууп жатты.
«Мен бул окуядан ушуну түшүндүм, адамга бир туугандары жана эне-атасы гана чын дилден күйөт экен. Дос, жакын санаалаш деген жок экен, жаныңда жүргөндөр душман экен. КТРКда башка студияларда иштегендер, алып баруучулар, режиссёрлор, продюсерлер келип ал-абалымды сурап жатышат, ал эми биздикилерден (ред. «Аалам сырлары» берүүсүнүн уюштуруучулары) бирөө да сурап коюшкан жок. «Мен өлүп калсам чоң той берет окшойсуңар» деп кат жаздым» деп 10 күндөн бери ооруканалап жүргөнүн, УКМК менен прокуратурадан чалып жатышканын, ал эми чогуу иштешип-чайлашып келген адамдар «кандайсың?» деп абалын суроого жарабагандарын айтып кейиди.
Учурда сөз болуп жаткан сүйлөшүү чын эле болду беле же уюштуруучулар жоромолдоп жаткандай ал монтаждалганбы? Пара талап кылуу кантип орун алган? Дана айымга бере турган суроолорубуз көп болчу. «Асыл Аппасова айтты мага, 30 миң доллар алып келсин деп, бул – факт. «Асыл эже, бул суммаңыз өтө эле чоң эмеспи» дедим. Мени ортодо көзү ачык менен Асыл Аппасова колдонуп коюшту. Индира менин артымдан тигилерден өч алды. Булар акчаны колдоруна алышат беле, жокпу, билбейм, мен деле көк мээ эмесмин да?! Акчаны колума алмак эмесмин да! «Бар, өзүнө алып барып бер» демекмин. Ушул жерден мени колдонуп кетишти»,- дейт ал.
Маектешибиздин айтымында, пара талап кылуу эмес, тескерисинче, пара сунуштоо болгон: «Индира чалды, экөөбүз «Тюбетейкага» бардык. Ошо жерден эле «өмүр бою кулуң болуп берейин, Даночка, тагдырым сенин колуңда, мен картаны ачтым, сенден башка киши мага жардам бере албайт» деп калчылдай баштады. Ошентип боорукерлигимден кармады да, мени пайдаланып, бүткүл Кыргызстанга шерменде кылып, акча талап кылгыч катары чыгарып койду...»
Көз жаш менен коштолгон сүйлөшүүдө дагы бир жагдай тууралуу сөз болду. Каарманыбыздын айтымында, аудиожазуу чыгардан мурун «Аалам сырларында» көрсөтүүнүн редактору Айбек Акматов менен катышуучулардын айрымдары аралашкан былык иштер билинип калган. Алардын катарында Индира Исманкулова да болгон. Бирок режиссёр Асыл Аппасова жетекчилигине да, коомчулукка да ал окуянын айтылышын каалабай, жашырып койгон. «Биринчи күнү жолугуп Индираны издегенде эле айткам, «Асыл эже, чындыгын айталы, Акматовду эмнеге жашырып жатасыңар, айткыла» дегем...»- дейт Дана Абдыбекова.
КТРКнын Байкоочу кеңеши бул маселени өз жыйынында караганда Асыл Аппасовага да, Назира Айтбековага да «Эгер эч кимден акча талап кылбаган болсоңор, «акча сурап жатат» деп атыңарга көө жапса, анда Дана Абдыбекованы эмнеге эмдигиче сотко берген жоксуңар?» деген суроо берилген эле. Мындай суроону Дана Абдыбековага да узаттык. «Беш мүнөт эмес, бир секундада мени сотко беришсе болмок да? «Аалам сырларына» эч кандай тиешем жок болсо... Болгону эки тарап тең мени пайдаланып, куурчак кылып коюшту» дейт ал.

БАЙКООЧУ КЕҢЕШТЕ СУРОО КӨП БОЛДУ
27-февраль күнү КТРКнын Байкоочу кеңеши жыйын өткөрүп, анда «Аалам сырларындагы» маселе каралды. Кеңештин мүчөлөрүнүн катарында кыргыз телевидениесинин алптары Тамара Джаманбаева, Абды Сатаров өңдүү залкар адамдар, КТРКга көп жылдык маңдай терин, өмүрүн арнаган Жеңишкүл Өзүбекова, Мыктыбек Арстанбек өңдүү мыкты телеишмерлер бар. КТРКны четтен эмес, ичтен жакшы билген бул инсандар берүүнүн уюштуруучуларына карата көптөгөн суроолорду берип жатышты, кескин сындар айтылды. Алар кызыгып, тактагысы келген суроолор коомчулукту да кызыктырары анык. Андыктан, ошол жыйындын урунттуу учурларына токтоло кетүүнү туура көрдүк.
Мисалы, Абды Сатаровдо Асыл Аппасовага карата мындай суроо болду:
«Дана Абдыбекованы директордун уруксаты жок туруп, эмне үчүн командаңа кошуп алгансың? Бул жер жеке менчик ишкана эмес да, мамлекеттик мекеме да?» Мындай суроо кеңештин мүчөлөрүнүн баарын кызыктырды, бирок түшүнүктүү жооп алынган жок.
Жыйында былтыр дагы Байкоочу кеңеште талкуу болуп, «Жаңы жылда көрсөтүлүүчү «Көгүлтүр от» берүүсүндө ырчылардан акча алышат» деген маселе каралганын, анда да Асыл Аппасова менен Дана Абдыбекованын ысымы айтылганын эске салышты.
Телеишмер, акын, драматург Жеңишкүл Өзүбекова олуттуу бир ишке элдин көңүлүн бурду: «Асыл, Дана деген аял боюнча телевидениеде өтө көп сөз болуп жатат. Ушунчалык өзүн эркин сезип, бул жерде кожоюндай иш кылат экен. Аны мен биринчи жолу угуп жаткан жокмун. Анан менин жөн гана пендечилик суроом да. Силер айтып жаткандай, эч кандай акча албаса, эч кандай кызыкчылыгы болбосо, чоп-чоң эле аял, үй-бүлөсү бар чыгар, бала-бакырасы бар чыгар, ушу менеджер деп жазылыш үчүн эле жүрдүбү силерде?». Буга Асыл Аппасова «ал суроону өзүнө бериңиз» деп кутулду.
Тамара Джаманбаева бул сыяктуу шоулор Орусияда, башка өлкөлөрдө деле болуп келе жатканын, бирок аларда мамлекеттик телеканалдан, негизги телеканалдан берилбей турганын айтты. Атүгүл Байкоочу кеңеш былтыр эле ушунчалык эл каршы болуп жаткан соң берүүнү көрсөтпөйлү деген чечимге келгенин, Оторбаевге ушундай тапшырма айтылганда ал «биринчи блогу бүтсүн, андан кийин бул берүү болбойт» дегенин эскерди.

«ФИНАЛГА ЧЫГЫП, АНАН АКЧА БЕРҮҮНҮН МАГА ЭМНЕ КЕРЕГИ БАР?»
Дана Абдыбекованын мындай билдирүүлөрүнөн улам кайрадан Индира Исманкуловага кайрылдык. Анткени жогоруда айтылгандай, «пара талап кылуу эмес, чынында пара сунуштоо болгон, өзү жалынып-жалбарып суранган» деген кеп-сөз айтылды. ИНДИРА ИСМАНКУЛОВА төмөнкүчө жооп узатты:
– Биринчи эле маалымат кеткенде алардын айткандары бүтүн калп болду. Мисалы, аудиожазууну «монтаждалган» дешкен, «атайын уюштурулган» деп да айтышкан. Дана Абдыбекова болсо «Индира менен жолуккан эмесмин, съёмка учурунда гана көргөм» деди интернет барактарындагы интервьюларында. Мунусу калп, анткени менин записимде бар. Буларга ишенсе болот эле, эгер башында калп айтышпаса.
Мен акчаны берсем жакшынакай эже-сиңди, курбу болмокпуз. Акчаны бербегендиктен жаман нерсенин баарын мага үйүп жатышат.
Дана мени менен жолуккусу келген, телефонумду сураган, анан акча сураган. Акча сурагандан кийин мен өзүм чала баштадым. Анткени мен ушундай паракор адамдардан коргонушум керек эле. Ошондуктан чөнтөк телефонума жаздырышым керек эле.
Жаздырып алынган телефондук сүйлөшүүдөн уксаңыздар керек, мен Данадан «гарантия бересиңерби?» деп сурагам. Алар мага даяр сценарий беришмек, ошол боюнча акыркы, чечүүчү тапшырма тартылмак.
Жолукканда «30 000 доллар» деген, телефондон «ладно, 20 000 доллар» деди. Мага деле чиновниктер, органдын кишилери келет, алардан эмне кылам деп кеңеш сурап жаттым.
Миллион деле бермекмин, эгер келишимде ушундай талап жазылган болсо. Мага эмне кереги бар, финалга чыгып, анан акча берүүнүн.

«ДАНА МЕНИ ТАҢ КАЛТЫРДЫ...»
Интер.кж маалымат булагына Дана Абдыбекованын билдирүүсүнөн кийин АСЫЛ АППАСОВАНЫН кыскача маеги жарыяланды. Ал кечээки «коллегасынын» айткандарына таң калганын билдирген:

– Дана Абдыбекова сизди «30 миң доллар суратканы чындык. Мени ортодо «кукла» кылып, колдонушту» деп айтып чыкты. Буга кандай жооп кайтарасыз?
– Бүгүн Дана Абдыбекованын мени шыбап чыккан видеомаегин интернет булактарынан көрүп, таң калдым. Мени «30 миң доллар сураткан» деп айтып жатат. Башында, ызы-чуу болгондун эртеси «бул монтаж, мен эч кандай акча талап кылган эмесмин» деп айтып чыккан. Жадакалса сайттардан бери «Асыл Аппасованын тиешеси жок» деп жаткан да. Эми бүгүн мени «крайняя» кылып, айыптап жатат. Мен Дананын бул жоругуна түшүнө албай турам. Үйүндө жатып айласы кетип, эми абийирим ачылды деп акырындан бир-бирден сууруп чыгып жатат го. Анан да «ал акчаны Асыл алат беле, жокпу, билбейм» дегени мени таң калтырмак түгүл, күлкүмдү келтирди.

– Айбек Акматовду коррупциялык схемага тийиштүү дегендей пикир айтты. Деги Акматовдун кандай тиешеси болушу мүмкүн эле?
– Айбектин «Жаш канат» жана «Балдардын сынагынан сынбайсыңбы?» телеберүүлөрү бар. Ал көпчүлүк учурда ошол өзүнүн долбоорлору менен алек. Акматов Жаңы жыл алдында эмгек өргүүсүнө чыккан. Ошондон бери мыйзамдуу түрдө эс алууда жүрөт.

Дана Абдыбекова:«БУЛ МОНТАЖ, ЖАЛАА ДЕП АЙТ ДЕШКЕН»
Асыл Аппасованын «башында монтаж деген эле, эми абийирим ачылып калды деп мага жалаа жаба баштаптырбы... күлкүмдү келтирди» деген маанидеги билдирүүсүнөн соң биз кайрадан ДАНА АБДЫБЕКОВАГА кайрылууну чечтик.
– Чогуу жүргөндөн кийин адам катары аягына чейин чогуу болобуз деп ойлогом. Бул чуу башталгандан бери 10-15 күн өттү да, ошондон бери күттүм буларды. Эгер Индира да бул маекти угуп, окуп жаткан болсо суранат элем, ачыгын эле айтыңыз деп. Бул жерде адамдын өмүрүнө шек келтирип жатышат. Мен, мисалы, күнөөмдү мойнума алып жатам да? Ооба, барып жолукканым чын, Индира менен сүйлөшкөнүм чын, почтальон болгонум да чын, ошол эле Индиранын өтүнүчү менен.
Аудиожазуу чыккан соң Индираны издеп баштаганыбызда эле «бул монтаж деп айт» дешкен. Мен оор акыбалда жатканымда Назира Айтбекова үйүмө келип, жанымда күбөлөр да бар болчу, эжем менен курбу кызым мени карап жатышкан эле, ошолордун көзүнчө телефондорун өчүрүп, ары жакка коюп, ноутбугун алып, «Айбекти билбейсиз, мунун баары монтаж, мунун баары жалаа деп айтасыз» деп мага жазган. Мен Айтбекованы кууп чыккам үйдөн, «көзүмө көрүнбөй жоголчу» деп.
Эми деле Айбек Акматовго байланыштуу ишти жаап-жашырып жаткандарына караганда, демек, мен билбеген бирдеме бар.
Мына, азыр силерге сүйлөп берип жатам, менин үнүмдү салыштырып көргүлө. Аферисттенип «бул менин үнүм эмес» дегенге бетим чыдабайт. Бул жомок эмес да, бул жерде чоң иш болуп жатат.
Ар бир үйдө үй-бүлөлүк сот бар. Биздин үйдө атам сот. Ал киши келип айтты. «Кызым, чындыгын айтасың. Кыңыр иш кырк жылда билинет, сен менин атымды уятка калтырдың» деди.
Пендечиликте чогуу басып, чогуу жүргөн соң саткын болгум келген эмес. Ошон үчүн бул кырдаалдан бирдеме болуп чыгып кетербиз деп ойлогом. Бирок Асыл Аппасова акыр түбү келип мага гана шылтоолоп коюптур, анткени сүйлөшүүдө менин үнүм жазылган. «Я в шоке, я первый раз слышу...» Шамал болбосо чөптүн башы кыймылдабайт да? Макул, өзүм эле барып, Индирадан пара талап кылып, «сени финалга чыгарам» деген күндө да, мен Асыл Аппасовасыз эч нерсени чече албайт болчумун. Бул келесоого деле түшүнүктүү. «Мен акмын» деп эле көкүрөктү чаба берсек, ар бирибизге жарашат. «Монтаж, монтаж» деп ушу күнгө чейин айта берсем мага деле жарашмак. Бирок бул ооруканага деле Кудай мени жазалап жаткырып койду да?
Индира мындай жол менен өзүн тазалап жатат. Ал буга чейин Айбек Акматовдун «подсказкасы» менен чыгып келгенин мойнуна албайт. Эртең Айбек пайда болсо ал деле мойнуна албайт. Бул жерде «крайняя» эле мен болуп калып жатам.
«Бул монтаж» деп айтабыз, ошентип бул кырдаалдан чыгып кетебиз» деген ойлору болгон булардын. Силер эмне деген жооп күтүп жатасыңар Асыл Аппасовадан, «ооба, мен алган болчумун, байкуш Дана айыгып кетсин же эртең майып болуп калсын» деппи? Это нормальная реакция. Ошондой эле жооп келет, и до конца ошондой позицияда турат ал адам. Кечээ Байкоочу кеңештен Мыктыбек Арстанбек келип кетти. Ал да таң калды «ушунча чогуу жүрүптүрсүңөр, Дана, мен Асылдан сурадым, «эмнеге анан Абдыбекованы сотко берген жоксуңар?» деп. Жооп бере албай койду» деди. Окуянын эртеси эле күнү сотко беришсе болмок да мени, эгер жалаа жаап жаткан болсом? Өзүңөр деле логикага салып ойлонуп көрсөңөр, мен Индирадан 30 миң долларды сураган күндө дагы ал акчаны көтөрүп алып кимге барат элем?
Мен аягына чейин болгонун болгондой айта берем. Азыр эми булар Акматовду катат, аягына чейин. Себеби факт бар, аны Асыл Аппасова билет. Эгер бул окуя ачыкка чыкса, бардыгы тең былгып чыгат да. Ошон үчүн булар аягына чейин жаап-жашырышат.

Берүүнүн жетекчилиги жиптин учугу Айбек Акматовго барып такалышын каалабай жатат. Бул жигит кандай сырды билет?

«Назира «Айбекти билбейсиз, мунун баары монтаж, жалаа деп айтасыз» деп жазды».

Окуяга байланыштуу бир нече тараптын пикирлерин угуп көрдүк. Берүүнүн режиссёру менен алып баруучусу чуулгандуу бул окуяга Айбек Акматовдун ысымынын аралашып калуусун каалабай жатышат. Анын дайыны жок кеткени да шектенүүнү күчөтөт. Ушуларга карап бизде эки версия пайда болду.

1-версия: Айбек Акматов берүүнүн жетекчилигинин жашыруун тапшырмасы менен катышуучулардын айрымдарына кандай тапшырмалар болорун айтып келген. Ал үчүн катышуучулардын арасынан чоң акча берүүгө мүмкүнчүлүгү бар адам тандалып алынган. Бир күнү Айбек Акматов атайы кармалып калат. Башкача айтканда, Айбек Акматов айыбы ачылган адамдын ролун ойноп берет. Андан соң «Айбектин жардамын пайдаланып жүрүптүрсүң, эми сени шерменде кылабыз» деген психологиялык басым менен катышуучуну «финалыңдын да кереги жок, мени элге уят кылба» деп акча сунуштоого түртүшөт. Мындай «гениалдуу» сценарий боюнча башкалар айыбы ачылып калбас үчүн үн катпай отуруп калышат, ал эми «керектүү» адам жеңүүчү болуп чыга келет. Бул версия боюнча Айбек Акматов өзүнүн ролун ийгиликтүү аткарган соң жоголуп кеткен.

2-версия: Айбек Акматов берүүнүн катышуучуларына кандай тапшырмалар болорун акырын айтып коюп жүрүп, аягында кармалып калган. Бирок ал берүүдөгү элге айтылбаган бир топ сырларды билет. Эгер анын бетин ачып коюшса, Айбек унчукпай калбайт. Ошондуктан анын дайынсыз кетиши уюштуруучуларга ыңгайлуу.

Маек берип жатып Дана айым «бекеринен ушул ооруканага жатып калган жокмун. Ушундай абалга алып келип, жазалап жатканы үчүн Жаратканга ыраазымын» деди. Болуп жаткан иш баланын оюну эмес. Анын үстүнө кеп болуп жаткан адамдардын дээрлик баары жаш балалуу энелер, аялзаты. Коомчулуктун талкуусуна түшүп калуу эч бир пендеге оңойго турбайт. Эгер билип-билбей күнөө кылышкан болсо, алар жазасын алышты. Дана айымдын ыйын көрүп туруп ушундай ой жаралбай койбойт.Буга чейин чуулгандуу окуяда эки тарап: Индира Исманкулова жана көрсөтүүнүн уюштуруучу тобу болуп келсе, эми берүүнүн редактору Айбек Акматовдун ысымы аралашкан шектүү жагдай билинди. Албетте, бул иште мындан башка версиялар да болушу мүмкүн. Тилекке каршы, бул жигит менен учурда байланыша албай жатабыз. Ал эмнени айтат? Анын оюн-пикирин да окурмандын назарына алып чыгууга аракет кылабыз. «Супер-Инфо» иликтөөсүн улантат.

Айбек Нурадилов
koom@super.kg


Дана Абдыбекова: «Кудай мени жазалап ооруканага жаткырып койду»

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -4 
Комментарийлер(137)
13.03.2014. 02:34 
Тайпасы:
Кыймылы жок
Комментарийлердин саны:
9
Катталган:
15-02-2014
Соӊку аракети:
31-05-2014 13:09
Жынысы:
Белгисиз
+2
асыл апасова айбек назираны ээрчип алып малахого келгиле ырчылардын эмгегин жединер эле дана сен деле оной эмессин артык менен мирбекти эстегиле индира булардын бетин рас ачтын сен да кыйын экенсин назиранын жулунган куйосу кайда
13.03.2014. 03:03 
Тайпасы:
Тартип бузгандар
Комментарийлердин саны:
117
Катталган:
31-05-2013
Соӊку аракети:
03-10-2014 16:23
Жынысы:
Белгисиз
+4
Байкоочу кенеш, анча-мынчасы чайкоочу кенеш, кубат аке актоочу кенеш, кээ бир калпыс нерсени кормоксонго салып мактоочу кенеш, Жогорку жакты жактоочу кенеш, анык-мынча байкуштун канын кактачу кенеш эх кенеш кенееееш...
Super TV
13.03.2014. 03:13 
Тайпасы:
Кыймылы жок
Комментарийлердин саны:
1
Катталган:
05-01-2014
Соӊку аракети:
31-03-2016 17:37
Жынысы:
Белгисиз
+2
Ээ, эжелер ушунча Шерррменде болгонубуз жетишет! Ойлонгулачы кичине, кичине. Орустарды кайталабай эле эптеген ишибизди кылсак да жакшы болмок экен.
Super TV
13.03.2014. 03:14 
Тайпасы:
Кыймылы жок
Комментарийлердин саны:
1
Катталган:
05-01-2014
Соӊку аракети:
31-03-2016 17:37
Жынысы:
Белгисиз
0
Кудай баарын коруп турат, ынсап берсин баарынарга
13.03.2014. 03:34 
Тайпасы:
Жаран
Комментарийлердин саны:
163
Катталган:
10-04-2012
Соӊку аракети:
03-06-2017 23:41
Жынысы:
Белгисиз
Калаасы:
Бишкек
+2
Жанагы айтбекова деген адамдан алгыла да интервью балеенин баарын баштап коюп ал мине унчукпайт
13.03.2014. 09:37 
Тайпасы:
Жаран
Комментарийлердин саны:
9
Катталган:
09-07-2011
Соӊку аракети:
03-07-2018 23:04
Жынысы:
Белгисиз
Калаасы:
USA
+3
Murok, ошону айтсан, долбоордун автору менмин деп тошун какылаган посторду соц.тармактарга кундо жазган Назираханум очтубу же Оруссиянын каналдарына дагы жугуруп журобу? Эмнеси болсо да куто туралы чыгып калар,ххх, ххх
Модератор admin_media түзөттү 13.03.2014 10:30
13.03.2014. 10:31 
Тайпасы:
Супермодератор
Комментарийлердин саны:
7530
Катталган:
22-02-2011
Соӊку аракети:
24-09-2018 15:52
Жынысы:
Белгисиз
Калаасы:
...
0
Shaki,
Кимдир-бирөөнү кемсинтип, мазактоого тыюу салынат! Эскертүү!
Super TV
13.03.2014. 07:16 
Тайпасы:
Кыймылы жок
Комментарийлердин саны:
41
Катталган:
12-11-2013
Соӊку аракети:
20-08-2014 04:18
Жынысы:
Белгисиз
0
Santa barbara bolup ketti go dananin interviwsu
13.03.2014. 10:18 
Тайпасы:
Жаран
Комментарийлердин саны:
37
Катталган:
03-03-2014
Соӊку аракети:
04-02-2018 19:43
Жынысы:
Белгисиз
0
мына бутун элди алдаган учун ушуларды законго тартыш герек.каяактагы адамдарга 17 жыл бербей.
13.03.2014. 11:14 
Тайпасы:
Жаран
Комментарийлердин саны:
37
Катталган:
03-03-2014
Соӊку аракети:
04-02-2018 19:43
Жынысы:
Белгисиз
0
сасет элдер укпасын эми уяат .уулу урматуу теле каналы ушинтиптир деп.
Super TV
13.03.2014. 13:41 
Тайпасы:
Жаран
Комментарийлердин саны:
51
Катталган:
14-10-2011
Соӊку аракети:
14-03-2018 15:26
Жынысы:
Белгисиз
+1
Суперчилер сиздердин ишиңиздерге ийгилик.Эми сураныч Айтбекованын чыныгы жүзүн көрсөтүп койгулачы.
13.03.2014. 14:19 
Тайпасы:
Кыймылы жок
Комментарийлердин саны:
7
Катталган:
02-03-2014
Соӊку аракети:
10-09-2014 21:08
Жынысы:
Белгисиз
0
Жакшы эле окуп бараттым эле уялганынан коздорум окубай койду. Эмне болуптур озу?
13.03.2014. 14:50 
Тайпасы:
Жаран
Комментарийлердин саны:
5
Катталган:
16-04-2012
Соӊку аракети:
18-02-2018 01:10
Жынысы:
Белгисиз
+2
Асыл Аппасова куноолу,аябай тойбосго... Назира противная,суйлосо нервин кайнайт..Унчукпаганына караганда куноолуго,болбосо жолдошун алып Россияна жономок..Дана эжэ чынында элу "кукла" болуп калганго дейм
Super TV
13.03.2014. 22:20 
Тайпасы:
Жаран
Комментарийлердин саны:
50
Катталган:
08-08-2012
Соӊку аракети:
10-09-2018 23:15
Жынысы:
Белгисиз
Калаасы:
Бишкек
+3
Айтбекова интервью бербейт болуш керек супер инфого,эмне болгонун баарыбыз билебиз го....Аллах бар!кой десе да болбой каршы чыгышкан,эми оздорунон корсун,бул башталышы гана болсо керек..Жаратканга каршы болсо ушундай болот достор((((
13.03.2014. 23:12 
Тайпасы:
Жаран
Комментарийлердин саны:
6
Катталган:
26-10-2011
Соӊку аракети:
13-01-2018 20:47
Жынысы:
Белгисиз
+4
Бахияна боюнча маалымат берип койгулачы Суперчилер.
14.03.2014. 09:26 
Тайпасы:
Жаран
Комментарийлердин саны:
5
Катталган:
09-06-2013
Соӊку аракети:
26-08-2017 06:14
Жынысы:
Белгисиз
0
Админ аудиожазууну кайдан уксак болот?
14.03.2014. 09:50 
Тайпасы:
Супермодератор
Комментарийлердин саны:
7530
Катталган:
22-02-2011
Соӊку аракети:
24-09-2018 15:52
Жынысы:
Белгисиз
Калаасы:
...
0
NuRt1,
Саламатсызбы! http://www.super.kg/kabar/news/51699/ ушул шилтеме менен кириңиз.
14.03.2014. 10:45 
Тайпасы:
Кыймылы жок
Комментарийлердин саны:
314
Катталган:
30-10-2012
Соӊку аракети:
20-11-2015 22:16
Жынысы:
Белгисиз
+2
Индира мн Супер Инфо булардын "культурный каракчылыгын" ачыкка чыгарбаганда дагы канчасынын канын сорушмак... Кеп тиги ТВнин башчысындаа-а-а,ошол жактан программанын эфирге чыгышы же чыкпашы чечилет.Эхх,бул шермендечилик ачыкка чыкпаганда азыр Асыл эжекебиз шайкалары мн олжого карк болуп олтурат эле да ээ)))Бала-чакаларын арам акча мн баккандан уялышпайбы,кандай немелер эле.калп,арам иш,кылмыш деги айтор кыныр иш кырк жылда деген ак соз да.
14.03.2014. 14:10 
Тайпасы:
Жаран
Комментарийлердин саны:
102
Катталган:
12-03-2014
Соӊку аракети:
23-06-2018 01:09
Жынысы:
Белгисиз
+2
30 000 $ кантип коркпойт ушунча чон акчаны сураштан
Super TV
14.03.2014. 18:36 
Тайпасы:
Жаран
Комментарийлердин саны:
8
Катталган:
26-11-2010
Соӊку аракети:
29-11-2017 18:31
Жынысы:
Белгисиз
0
Жашоо бул БУМЕРАНГ былтыр так ушул маалда, булар да бироолорду ак жеринен сыздатышкан. Эми озун Чынгызханга тенеген Назиранын куйосунон дайын жок го.. Эми корсотсун кыйындыгын!"!
14.03.2014. 23:52 
Тайпасы:
Жаран
Комментарийлердин саны:
37
Катталган:
07-09-2013
Соӊку аракети:
05-08-2018 20:30
Жынысы:
Белгисиз
+1
Мына сага корупция,мына ушул аялдарга ишене берчу емес елем.асыл апасова мирбек иманбековдуда аябай еле колдонду уялсанар болмок чон еле аялдар."я вообще в шоке".
15.03.2014. 09:22 
Тайпасы:
Кыймылы жок
Комментарийлердин саны:
10
Катталган:
28-04-2013
Соӊку аракети:
22-01-2016 18:09
Жынысы:
Белгисиз
Калаасы:
Бишкек
+1
Кандай гана акмакчылык!
15.03.2014. 10:35 
Тайпасы:
Кыймылы жок
Комментарийлердин саны:
3
Катталган:
16-02-2014
Соӊку аракети:
29-04-2014 18:51
Жынысы:
Белгисиз
0
Балык башынан сасыйт! Деген соз бекеринен айтылган эмесда! Аалам сырларын уюштургандардын башынан сасыганда озу! Кандай гана окуя болсо Кыргызстанда келип келип акыркы адамдар зыян тартат! Башындагы адамдар суудан курук чыгып кетишет ар дайым ошондой эле болуп келип жататко!
15.03.2014. 11:25 
Тайпасы:
Жаран
Комментарийлердин саны:
13
Катталган:
12-03-2014
Соӊку аракети:
01-08-2018 20:23
Жынысы:
Белгисиз
0
Кайсы бирине ишеништи деле билбейсин.корупциясыз жашоо жок болуп калды каерге барба акча акча акча.
15.03.2014. 13:34 
Тайпасы:
Кыймылы жок
Комментарийлердин саны:
6
Катталган:
10-03-2014
Соӊку аракети:
28-05-2014 21:47
Жынысы:
Белгисиз
+1
1-сезондогу Кубаныч байке жонундо жазгылачы супер инфо. Эмнеге ал жонундо соз болбой жатат
15.03.2014. 19:35 
Тайпасы:
Жаран
Комментарийлердин саны:
257
Катталган:
29-07-2013
Соӊку аракети:
03-12-2017 23:34
Жынысы:
Белгисиз
+1
Назира Айтбекова камалып,жазасын алсын.
16.03.2014. 23:07 
Тайпасы:
Жаран
Комментарийлердин саны:
84
Катталган:
15-10-2011
Соӊку аракети:
07-07-2018 10:05
Жынысы:
Белгисиз
Калаасы:
чуй
0
Аппасова озу башында эле Иманбеков мн чыр чыкканда эле жакпай калган.М.Иманбековду да аябай гезиттерде адепсиз жамандап чыкпады беле,..
16.03.2014. 23:14 
Тайпасы:
Жаран
Комментарийлердин саны:
84
Катталган:
15-10-2011
Соӊку аракети:
07-07-2018 10:05
Жынысы:
Белгисиз
Калаасы:
чуй
0
Эгер Дананын айткандары жалган блгондо тигилер унчукпай калсын...ажылдап жетип келишмек да, молчание знак согласия.
17.03.2014. 10:40 
Тайпасы:
Жаран
Комментарийлердин саны:
51
Катталган:
14-10-2011
Соӊку аракети:
14-03-2018 15:26
Жынысы:
Белгисиз
0
Назира Москвага качан аттанасың, жолуң байсалдуу болсун.
17.03.2014. 10:43 
Тайпасы:
Супермодератор
Комментарийлердин саны:
7530
Катталган:
22-02-2011
Соӊку аракети:
24-09-2018 15:52
Жынысы:
Белгисиз
Калаасы:
...
0
tazabek56,
Коомдук адепке туура келбеген сөздөрдү жазып, кимдир-бирөөнү мазактоого тыюу салынат! 10 күн банга!
18.03.2014. 10:15 
Тайпасы:
Кыймылы жок
Комментарийлердин саны:
11
Катталган:
09-09-2013
Соӊку аракети:
27-09-2016 22:19
Жынысы:
Белгисиз
0
Булар чынында чегинен чыгып кетишкен. Уят сыйды жыйыштыргандардын аягы ушундай болот. уят эле
Super TV
24.03.2014. 03:44 
Тайпасы:
Кыймылы жок
Комментарийлердин саны:
9
Катталган:
17-02-2014
Соӊку аракети:
17-04-2014 19:42
Жынысы:
Белгисиз
0
Оштуктар айтмакчы ажап болуптур бул аз сага
02.04.2014. 01:38 
Тайпасы:
Кыймылы жок
Комментарийлердин саны:
9
Катталган:
15-02-2014
Соӊку аракети:
31-05-2014 13:09
Жынысы:
Белгисиз
+1
булардын аягына чыктыбы тынчып эле калды эмне болду супер инфо жооп берип койгулачы
1
2
3
4
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: