Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ИЗДЕП ЖҮРГӨМ СЕНИ, ТАПТЫМ...

№593 14-март-20-март, 2014-ж


Үлбүл шамдын жарыгында үч адам отурушту. Азыр урушуп кетчүдөй чукчуйган абышка, маңдайында отурган сары кемпири кечки тамактын үстүндө. Экөөнүн суз маанайынан үйдүн да куту качып, маңдайында чай сунуп отурган жаш келиндин сулуу жүзү гана үйдүн жүрөк тоңдурган суздугун бир аз жибитип тургандай.
– Жарыгың түшкүр, күтсөк деле күйбөчүдөй, төшөк сал,- деген кайненесинин өкүм үнүнөн улам келин тез туруп төркү үйгө жөнөдү.
Кайнене-кайнатанын төшөгүн салып, идиш-аягын жууп болуп өз бөлмөсүнө кирген келин сумсая терезени тиктеди.
Мына, тирүүлөй кыйноо деген, үч жылдан бери келиндин турмушу ушу. Наргиз окуусун бүтүп келгенде ата-энеси өздөрүнүн көңүлүнө туура келген жерге турмушка узатып коюшкан. «Бардар жер, канышадай жашайсың!» дешти. Туура, кайындары бардар турушат, балдарынын баары чет жакта жүрүп заңгыраган там салышты, ичи кирсең чыккыс... Анысы го мыкты дечи, бирок үйлөнгөндөн төрт айдан кийин жолдошу кайрадан Орусияга жөнөп кетти. Ана келем, мына келем болуп жатып ортодон жылдар өттү. Мурун анда-санда болсо да абалын сурап турган күйөөсүнүн эми дайыны жок.
Келин оор үшкүрүп алды. Үшкүрүктүн артында көңүлүн түшүргөн үмүтсүздүк, жаштык эңсөө, кимгедир кусалык көңүлүн буулуктуруп ийди. Терезенин пардаларын ачып, жаркып турган айды томсоро тиктеп алды да, кайра көңүлүнө эртеңкинин камы түштүбү, уктоого даярданды. Чачтарын жазып, ич көйнөгүн кийип, күзгүнүн алдына барып көпкө тигилди.
– Карып баратамбы?- деди өзү менен өзү сүйлөшө.
Бул учурда бир иш менен карыяга келе жаткан эркек адам бул көрүнүшкө селдейе туруп калды. Ич көйнөкчөн турган келинди бир тиктеп алган Абиш уяла жүзүн буруп кетти. Эркинен тыш бир күч жанын койбой, каректери кайра айнекке кадала берди.
Ана, солкулдаган, жаштыгы чыңалып турган сулуу дене, муңайым жүз! Дал болуп тиктеген Абиш мындай сулуулукту эч бир аялдан, ал тургай кинодон көрбөгөндөй. Өзүнөн өзү тердеп, уялып басып кетейин дейт, бирок... Шырп деген үндөн селт чочуган келин кыйкырып жиберди.
– Ай, ким бул?
– Чочуба, мен... мен иштер менен...
– Кетиңиз!
Денеси титиреген келин халатын жамына салды.
– Макул, бирок сен жаман ойлобо...
Көз ирмемде болуп өткөн бул окуядан кийин Абиш көпкө жаман болуп жүрдү. Оюнда жаман нерсе болбогонун айтып актангысы келет, «түрмөдө отуруп келген» деген атына бул да кошулуп... Акыры келиндин мектептен келе жаткан убактысын болжолдоп жөнөдү. Ойлогонундай эле өзү жалгыз келе жатыптыр. Адатынча кабагы түшүп муңайым. Ал алдынан чыга калган Абишти көрүп коркуп кетти.
– Эмне керек сизге?
– Карындашым, мен өткөндө кокусунан гана корооңорго барып калып... Уста акеде бир ишим бар эле.
– Анан?
– Ошого жаман ойлоп калбасын деп...
Андан ары эмне айтарын билбей башын тырмап туруп калды.
Келин кечирим сурап жаткан бул адамга эреркей жылмайды. Ортолорун жылт эткен жылуулук аралады. Келиндин эсинде мээримдүү көздөр калса, Абиштин элесинде жымың эте жылуулук чачып өткөн гүлбурак келиндин турпаты. Абиш ушуну менен тынчып калсачы. Кайдан, келиндин элеси өчөшкөндөй маңдайынан кетпейт. Чакан устакана ачып алган, өтүк тиге коё турган өнөрү бар эле. Эми иши колунан түшүп, эс-мас. Кээде өзү байкабай анын келе турган жолун акмалап калат. Көрүп көкүрөгү тынч алып калгансыйт да, кайра бир аз көрбөй калса бир нерсесин жоготкондой бушайман. Таң калычтуу бул ооруну аңдап аягына жете албай жүргөн кезинде устаканасына Наргиз өзү келди.
– Саламатсызбы, атам балта мокоп калды дегенинен курчутуп алайын деп...
– Кел...
Ушундан соң Наргиз да устаканасына көп келе турган болуп калды. Бир нерселерди сүйлөшүп кээде күлкүлөрү чыгып калат.
– Сизди эл «ак жеринен отуруп чыккан» дешет, ээ...- деди бир күнү капысынан келин.
– Ошентишеби, билбейм...- талуу жерине тийгендей Абиш кашын тырыштырып алды.
– Сиздин колуңуздан жаман нерсе келбейт, билем го мен.
Муңайым күлүп турган келин азыр бул адамдын дилин өрттөп жатканын сезбеди. Аны өлтүрүп-тирилткен ушу эки ооз сөз болду. Өзүнөн өзү буурчактап аккан жаштарын жашырмакка жүзүн бура берди. Анан... Капысынан кичине, назик колдор жаштарын аарчып жатканда денесин ток ургандай селдейе түштү.
– Наргиз?!
Келин үнсүз жылмайды. Жакын турган келинден укмуштуудай аңкыган жыт уруп, эркек кургур өзүн башкара албай калды. Абиш келинди ичке белинен сыга кучактай эңги-деңги. Келин да жан далбастай түштү. Кудум от бүткүл денесин жалындатып, жагымдуу, карылуу колдордон коргонуч издегендей, бирок уят, намыс, эртеңки бүдөмүк күнү, күйөөсүнүн алдындагы милдети экинчи тараптан кысып, алдастатып бараткандай. Эмне дээрин билбей энтигип алды.
– Мен...
– Унчукпа, эч нерсе дебе... Каргылданган эркектин үнүнө, кыймылдарына баш ийип берди.

***

Эмне болуп кетти?- деген Абиш каруусунда жаткан келиндин маңдайынан өөп койду. Келин чачтарын сылап жатканына кытыгысы келдиби, шыңк эте күлкүсү чыкты.
– Эми эмне кылабыз?- деди келин аппак денесине жабышкан чачтарын түйүп жатып.
– Менин жашоомду өзүң билесиң, жарыгым, айыпсыз жерден камалып кеттим. Мен сага укмуш нерсе убада кылбайм, бирок тигиниң бербеген, бере да албаган ысык сүйүүм, ыкласым сеники. Элден-журттан коркпо, эч ким сен үчүн жашабайт. Макул десең...
– Мени сүйөсүзбү?
– Ооба, жарыгым.
– Сүйүү деген барбы?
– Бар! Мен сени, сүйүүмдү издеп жүргөм. Эми таптым...- деди Абиш ишенимдүү.
– Мен билбейм, сүйүү эмне экенин. Балким, ушудур... Билбейм али... Бирок мен өзүмдү арнап, андан кийин ушунча жыл кызматымды кылып, андан балалуу болгум келген күйөөмдөн мындай жылуулук сезбегем... Демек, сүйүү кагаздагы нерсе эмес, никеде да эмес, кимдир бирөөгө чындап керек экениңди сезгениңде окшойт.
Ушундан көп өтпөй Наргиз күйөөсүнөн телефон аркылуу билдирүү алды. «Мен дагы бир жылга кармалат окшойм, иштер бүтө турган эмес...»
Үзүлөйүн деп араң турган жип үзүлүп кетти.
– Мен кетем,- деди бир күнү кайненесине.
– Эмне дейт?!- кемпирдин көздөрү чакчайып кетти.
– Уулуңуздан кетем. Мен бул үйгө жакшы ниет менен келгем. Бирин экиге кошоюн, үзүлгөнүн улайын дегем. Бирок ал менин бар экенимди унуткандай, акча менен акча болуп жүрө берсин.
– Сен бекер ашка көпкөн экенсиң,- деди көк ала сакалын силкилдете сөзгө кошулган абышка. Бир да жолу өйдө карай элек кайнатасына келин бул жолу тике карады.
– Ооба, балким, сиздики туурадыр. Бирок дүйнөдөгү бардык жакшылык акча менен ченелбейт, андан башка ырахат бар экен. Акчанын артынан кеткен эки уулуңуздун кимиси бактылуу, айтыңызчы?..
– Жогол үйүмдөн, шуркуя!
Кайнатасы уулуна «келинчегиң кетип жатат» деп телефон чалса, ал жүүнү бош кургурбу же башка билгени барбы, «өзү билсин» деп жооп бериптир. Наргиз кетем деп сепке келген оокатын жыйыштырып баштаганда катуу чыр чыкты. Албууттанган кайнене кыйкырып баштады. Коңшулар чогула калышты.
– Мен муну жөн кетирбейм, абийирин ачып туруп кетирем. Эч кандай оокат албайсың, биз атаңа калыңды кабаттай бергенбиз. Ошону төлөгүлө биринчи...
Көзүнөн салаа-салаа жаш аккан келин мындай кара өзгөйлүккө дили өрттөнүп турду. Чогулган эл ак-көк дей албай турганда топту жарып Абиш келинди көздөй түз басып келди да, колдон алды. Эч кимге назар салбады, эч кимден корунбады. Наргизди тургузуп, жашын сүртө берди.
– Ыйлаба, мен сени буларга кор кылбайм. Алба, бир учук да жип алба, баары калсын. Дүнүйөсүн башына тартышсын, кереги жок, мага сен болсоң болду. 
Наргиз алгач дел боло түшүп, анан Абиштин колун бекем кысып ордунан туруп жөнөдү. Ээрчише жөнөп калышкан экөөнө эл тең жарыла жол бошотуп беришти. Алар артындагы күбүр-шыбырды, алкынган кайнененин ачуу үнүн да угушкан жок. Тек гана ара жолдон, мүмкүн болбогон жерден бирин-бири таап алышканына ыраазы боло кетип бара жатышты...

Асия Алиева
lira@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  9 
Комментарийлер(16)
17.03.2014. 09:56 
Тайпасы:
Кыймылы жок
Комментарийлердин саны:
35
Катталган:
17-11-2011
Соӊку аракети:
17-12-2014 22:14
Жынысы:
Белгисиз
Калаасы:
Воронеж
+6
Жашоонун кызыгы акча менен ченелбейт, сонун чыгарма болуптур!!!!!
17.03.2014. 11:17 
Тайпасы:
Кыймылы жок
Комментарийлердин саны:
58
Катталган:
23-07-2012
Соӊку аракети:
07-11-2014 20:53
Жынысы:
Белгисиз
+2
Мм жомок болуп кеттиго дейм))
17.03.2014. 17:45 
Тайпасы:
Тартип бузгандар
Комментарийлердин саны:
3
Катталган:
21-02-2014
Соӊку аракети:
14-04-2015 20:32
Жынысы:
Белгисиз
Калаасы:
Москва
-5
азыркы бизге окшогон жаштарга ылйык экен
17.03.2014. 19:37 
Тайпасы:
Кыймылы жок
Комментарийлердин саны:
27
Катталган:
15-01-2014
Соӊку аракети:
02-08-2014 19:29
Жынысы:
Белгисиз
0
уландысы барбы?
17.03.2014. 20:19 
Тайпасы:
Тартип бузгандар
Комментарийлердин саны:
22
Катталган:
23-11-2010
Соӊку аракети:
04-03-2016 11:21
Жынысы:
Белгисиз
-1
Уландысын эмне кыласын Индийский болуп кетиптир
19.03.2014. 03:43 
Тайпасы:
Кыймылы жок
Комментарийлердин саны:
10
Катталган:
09-02-2014
Соӊку аракети:
28-04-2014 14:40
Жынысы:
Белгисиз
+1
келин туура кылган кетип болбосо дагы канча жыл кутуп жашамак куйоосун
19.03.2014. 12:49 
Тайпасы:
Жаран
Комментарийлердин саны:
115
Катталган:
05-06-2007
Соӊку аракети:
23-04-2018 13:19
Жынысы:
Белгисиз
+1
Туура, сүйүү байлык менен эч качан ченелбейт. Дүнүйө бул утурумдук болушу мүмкүн, а бирок чыныгы сезимдер адамдын жүрөгүндө өмүр бою жашайт.
21.03.2014. 20:58 
Тайпасы:
Жаран
Комментарийлердин саны:
56
Катталган:
21-09-2012
Соӊку аракети:
21-08-2018 07:35
Жынысы:
Белгисиз
Калаасы:
Алай
0
Мумкун ал эри уйлонуп алгандыр башкага. Ошого келбей жаткандыр
22.03.2014. 04:52 
Тайпасы:
Кыймылы жок
Комментарийлердин саны:
5
Катталган:
30-06-2013
Соӊку аракети:
20-12-2014 01:47
Жынысы:
Белгисиз
+1
Индийский эмес, бул бизде кырг.да эле коп болсо керек, уйлонуп аялын таштап чет жактарга кеткен.мына ажырашууда ушундан келип чыгат,индияда мындайлар редко болсо к.к.Кайда барышпасын уйлонгондон кийин тугойу менен болушса.
22.03.2014. 17:19 
Тайпасы:
Кыймылы жок
Комментарийлердин саны:
27
Катталган:
03-03-2014
Соӊку аракети:
25-09-2014 20:56
Жынысы:
Белгисиз
0
Мындай нерселер арабызда болуп жатбайбы
22.03.2014. 23:13 
Тайпасы:
Кыймылы жок
Комментарийлердин саны:
11
Катталган:
26-05-2013
Соӊку аракети:
24-04-2015 15:36
Жынысы:
Белгисиз
-1
жамийла болгонго молодец
24.03.2014. 01:24 
Тайпасы:
Кыймылы жок
Комментарийлердин саны:
12
Катталган:
15-08-2013
Соӊку аракети:
21-04-2014 22:32
Жынысы:
Белгисиз
0
Сонун жазыптыр.Мындайлар толуп жатат арабызда газетага жазып койсо эле жомок деп чыга келишет.
25.03.2014. 13:26 
Тайпасы:
Жаран
Комментарийлердин саны:
2
Катталган:
23-03-2014
Соӊку аракети:
04-06-2018 23:30
Жынысы:
Белгисиз
Калаасы:
Ош
0
Jakshy jazyptyr, jashoodon bardyk nerseni kutuugo bolup kaldy.
27.03.2014. 20:21 
Тайпасы:
Кыймылы жок
Комментарийлердин саны:
62
Катталган:
10-03-2014
Соӊку аракети:
31-10-2016 19:16
Жынысы:
Белгисиз
0
мындай эркектен кудай сактасын
28.03.2014. 19:31 
Тайпасы:
Жаран
Комментарийлердин саны:
6
Катталган:
20-09-2013
Соӊку аракети:
07-09-2018 15:54
Жынысы:
Белгисиз
0
Bizdin aiylda ushul okuiaga okshoshkon tagdyrlar bar,aiyrmasy 1 ai jashap,kuioosu ross.ga ketken,kelin kosh boiluu bolup,balasy 4 ko chykkanda keldi,baikush kelin kainene-kainatasy m.n pochti 5 jyl jashady chydap.
06.05.2014. 20:40 
Тайпасы:
Кыймылы жок
Комментарийлердин саны:
13
Катталган:
20-04-2014
Соӊку аракети:
09-08-2014 11:20
Жынысы:
Белгисиз
0
Тагдыры келиндин меникине окшошуп кетет экен бирок мен чыдап кутком жолдошуму.биз турмуш курганыбызга ноябрда 5жыл бт бирок чогуу жашаган кунубуз 1жыл 8ай экен.Ошентсе да жашоо экен деп журобуз азыр да экообуз эки жактабыз.Бирок эн негизгиси эки кызыбыз бар.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: