Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Бекен Назаралиев, “Жаңы Ордо” гезитинин башкы редактору: “ГЕЗИТ ҮЧҮН ТЕПКИ ЖЕГЕН КҮНДӨРҮМ БОЛГОН”

№362 9-15-октябрь, 2009-ж.


“Аялзаты кырк бешке келгенде кайрадан кулпурса, эркек элүүсүндө жаш болот” деп коюшат. Анын сыңарындай “Жаңы Ордо” гезитинин кожоюну Бекен Назаралиев элүүгө келип, жаш болуп турган чагы. Туулган күнүн шылтоолоп, бул мырзаны кепке тартык.

– Бекен мырза, мына элүүнүн чайын ичкени турасыз. Артыңызга кылчайып, болуп өткөн окуялардын кайсы бирин өзгөрткүңүз келеби?
– Элүү жашка чыкканча жаш баладай сүйүнгөн, катуу күйүнгөн учурлар, албетте, болду. Кайсы бирин өзгөрткүдөй сыйкырчылык кудуретим жок. Бирок өзгөрткүм келбесе да такыр унута албаган учурлар бар. Алсам, мен беш жашка чыккан кезимде апам каза болуп калды. Азыр да көз алдымда турат. Пахта терим бүтүп, атам, апам бир туугандарыбыз болуп пахтанын сөңгөгүн козопая деп коёт, ошону терип жатканбыз. Апам мүрзө жакты карап отуруп, бир топко ыйлады да эстен танып жыгылып калды. Жакында эле Шекен деген (Шермамат)­ агам каза болуп калган болчу. Көрсө, апамдын шордуу жүрөгү андай жоготууну көтөрө албаптыр. Ошентип, агамдын күйүтүн көтөрө албай, апам бизди чыркыратып таштап кете берди. Азыр ойлосом, ошол учурда атама абдан эле оор болгон экен. Алгач апасы, көп өтпөй баласы, анан аялы катарынан каза болуп, биротоло мүңкүрөп калган тура.
– Апаңыздан эрте калган турбайсызбы?
– Ооба. Апам Паиз болгону отуз жашында өтө жаш кете бериптир. Үч уул, бир кызы менен атам апабыздан ажырап отуруп калды. Карындашым Майрамкандын жөрмөлөп жүргөн кези болчу. Биз жашпыз. Атамдын үй-бүлөлүк көйгөйү менен ишибиз болмок беле? Чарага унду көтөрүп алып, көрүнгөн туугандыкына барып «нан жаап бергиле» дейбиз. Бирөөнүн колу бошобойт, башкасы дагы бир шылтоо­ну айтат. Жалгыз гана Зулайка аттуу жеңем бардык жумушун таштап, бизге нан жаап берчү. Азыр ал жеңеме миң мертебе рахмат айтып келем.
– Атаңыз кийин үйлөндүбү?
– Ооба. Бала кезде оюндан башканы эске албайт эмессиңби. Бир күнү ойноп жүрүп, курсак ачкандан үйгө келсек, жоолук салынган бир аял жүрөт. Көрсө, бизди багып чоңойткон азыркы апабыз Калия экен. Атам бизди чакырды да “мындан кийин силердин апаңар болот…” деди. Мен биздин апабыз тигине деп жакында эле каза болгон апамдын дубалда илинип турган сүрөтүн көрсөттүм. Атам мени кулагымдан чоюп, тамдын артына жетелеп барып, куйрукка чаап калды. Эмнеге урасыз деп айтышып кирдим. Ошондо атам «сен балдарды бузбагын!» деп катуу эскертти. Атамдын “болор иш болду, жаш кезинен апа деп чоңоюшсун” дегенин эми түшүнүп отурам. Анан апамдын сүрөтүн илинип турган жеринен алып коюптур. Эртеси иним Алтынбекке эшикти кайтартып коюп, сүрөттү издеп жүрүп таптым да тырмалаңдап жатып ордуна илип койдум.
– Атаңыз байкадыбы?
– Ансыз деле чөгүп жүргөнүндө жанагыдай жоругум менен жанын кашайтсам керек. Атам мени көк ала кылып сабап салды. Ошондо көзүмдөн жаш чыгарып ыйлаган эмесмин. Көп күнгө чейин денем ооруп жүргөн. Эми ойлосом, урбай деле түшүндүрсө болмок экен. Акыры чыдабай айылда окубайм деп Базар-Коргондогу мектеп-интернатка кетип калгам.
– Кийинки апаңыз менен мами­ле­ңиз келишпей койдубу?
– Жок, жакшы эле тил табышып кеттик. Эс тарткандан кийин баарына түшүнүү менен мамиле кылып калдым. Менден көптөгөн кемчиликтер кеткенин эстеп уялып калам. Бала кезде бул кишини таарынтып алганыма өкүнөм. Азыр айылга барган сайын ал-жайын сурап турам.
– Учурда журналистика айды­ңында атыңыз белгилүү. Бала кезиңизде ким болсом деп кыялданчу элеңиз?
– Журналистикада аздыр-көптүр ордум болсо, анын баары эмгектен. Бала кезде атактуу сүрөтчү болгум келчү. Ошол үчүн Чуйков атындагы сүрөтчүлөр окуу жайын аяктаганмын.
– Балалык кезиңиз кайда өт­көн?
– Базар-Коргондун Акман айылында өттү. Балалык кез баары эле окшош. Балдар менен чогуу уй жайчубуз. Пахтага дары чачып жүргөн учактарды рогатка менен атып, учкучтарды тажатсак, алар үйүбүзгө чейин дары чачып кубалашчу. Кээде киного барчубуз. Айылыбызда клуб жок эле. Кимдин үйүнүн дубалы акиташ менен акталган болсо, ошого мотор менен коё беришчү.
– Канча жашта үй-бүлө күт­түңүз?
– Кеч үйлөндүм. Сусанна менен таанышып калбасам дагы канча жүрөр элем, ким билет? Ошон үчүн балдарым жаш. Кызым Ширин – КУУда студент, уулум Иса колледжде окуп жатат.
– Балдарыңыздын кимисине жакынсыз?
– Ширинди кичинесинен катуу эркелетип чоңойттум. Апасына караганда мага жакын. Исанын болсо кандай чоңойгонун иш менен алаксып жүрүп билбей деле калдым.
– Журналистикага кандайча келип калдыңыз?
– Белгилүү журналист Нышанбек Кочкоров биздин айылдан. Аны менен Султан Раевдин журналист болуп калышыма таасирлери чоң.
– Сиз «Криминал» деген гезит ачкан элеңиз. Эми элге сиңе баштаганда чыкпай калды. Ошол кездеги премьер-министр Апас Жумагуловго байланыштуу былык иш жарыяланган соң жабылып калганы чынбы?
– «Криминал» жабылбаса учурда «Дело №» гезитинин кыргызчасы болмок. Апас Жумагулов туурасында «Премьер-министрдин үйүн айланган арбактар» деген сын материал чыккан. Макаланын автору КТРдин экс-жетекчиси, азыркы «Кыргыз Туусу» гезитинин башкы редактору Кыяс Молдокасымов эле.
Апас Жумагулов ким жазганын териштирип баштаганда мен ал журналисттин ким экенин айтпай, жигит бойдон калайынчы деп туруп алгам. Ошентип, Молдокасымовду премьердин каарынан сактап калгам.
– Куугунтукка кабылып көрдүңүз беле?
– Көп ирет. «Криминал», «Ордо», «Кыргыз Ордо» гезиттерин Акаевдин бийлиги жаап тынды. Көчөдө тепкилеп кетишип, ооруканага жатып калган күндөрүм да болду.
– Акаев бийлигинен запкы жеп калган үчүн Бакиевдерге жакынсызбы? “Генерал Жаныбек Бакиев менен жакын дос” дешет го...
– Бакиевдер менен илгертеден эле таанышмын. Жаныш Бакиев менен майор кезинен бери мамилебиз өтө жакын. Ашыкча кеп-сөзү жок эле көз караштан түшүнүшөбүз.
– 50 жылдыгыңыз­га карата Жаныбек мыр­за темир тулпар мин­гизгенин айтышуу­да. Чынбы?
– Ооба. Бирок бул Бакиевдер белек кылган биринчи машина эмес. Мурун да Жаныш аке машина алып берген. Ал эми Курманбек Салиевич Жалал-Абадда губернатор болуп турганда «Кыргыз Руху» гезитинин 5 жылдык тоюнда мага машина мингизген.
– Мелис Эшимканов экөөңүздөр бири-бириңерди мазактап, чымчып келдиңиздер. Бул адам менен жеке адамдык мами­леңиздер кандай?
–Азыркысын айтсам, мамилебиз жакшы эле. Мурун ал Акаев­ди, мен оппозицияны жактап, жаакташып келгенбиз. Бир кезде мени жылаңач индеец кылып коллаждап, Бакиевди желпитип гезитке жарыялаган эле. Эми ал желпигичти өзү алып, кыйла жеңилдеп калды.
– Жакында «Бешик» деген аңгемеңизге кино тартылды. Кинорежиссёр Бакыт Карагулов кандайча бул чыгармага токтолуп калды?
– Мени көпчүлүк журналист катары билишкени менен, бир канча повесть, аңгеме, пьесаларым бар. Ошолордун ичинен «Бешик» деген чакан аңгемем Бакыт Карагуловго жагып калыптыр. Аңгеменин негизинде кыска метраждуу кино тартты. Бул кинону ар кандай Эл аралык фестивалдарга алпарганы жатат.
– Бекен мырза, кызыктуу маек куруп бергениңизге рахмат. Элүү жашты эр ортону деп бекеринен айтышпаса керек. Сизге мындан ары да албан ийгиликтерди каалайбыз. Элүү жашыңыз кут болсун!

Кыска маалымдама

  • Ишке ашпай калган кыялы – сүрөтчүлүк
  • Баалаган спортчусу – Майк Тайсон
  • Баалаган саясатчысы – Курманбек Бакиев
  • Баалаган ырчысы – Гүлнур Сатылганова
  • Кан досу – Султан Раев
  • Жактырган жыл мезгили – жай
  • Акыркы ирет ыйлаганы – атасы менен өкүл баласы катарынан каза болгон күн
  • Сагынганы – балалык

Шаиста Шатманова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: