БОЗО КАНДЫ КӨБӨЙТҮП, АДАМДЫ ТОК КАРМАЙТ

Элибиз дандан жасалчу бозонун ден соолукка тийгизер пайдасына карап илгертен салып келет. Азыр көптөр бозо салуу ыкмасын биле беришпейт. Бул жаатта Гүлбарчын Карабаева бозо салуунун сырларын сиздер менен бөлүшмөкчү.

«25 ЛИТР БОЗО САЛЫП, 600 СОМДОЙ ПАЙДА КӨРҮҮГӨ БОЛОТ»
Баш каарманыбыз ГҮЛБАРЧЫН бозо тууралуу мындай дейт:
– 9 жыл мурун 3 эм балдарым туулуп, телчиге баштаганда алардын да, өзүмдүн да кандагы гемоглобинибиз аз экендиги билинди. Ошондо «баарыбыз дары ичкенден көрө, бозо пайдалуу» деп бозо салып баштагам.
Бозону дандардан, мисалы, таруу, буудай, жүгөрү, арпадан салса болот. Мен таруу менен жүгөрүнү аралаштырып жасайм. Жүгөрү шактын килограммын базардан 20 сомдон, таруунукун 35 сомдон сатып алам. Даяр угуттун килограммы 70 сом, ал эми 1 килограмм ундуку 36 сом (1-сорт). 25 литр бозо үчүн 3 килограмм таруу, 3 килограмм жүгөрү шак, 200 грамм угут, 150 грамм ун керек. Тоң май ар үйдөн табылат. Ошондо баары үчүн 184 сом чыгымдайм. Дүкөндөргө литрин 30 сомдон өткөрөм (алар 40 сомдон сатат). Эгер ичпей, баарын сата турган болсом 25 литрден 750 сом түшөт. 750 сомдон 184 сом чыгымды алып салсам, 566 сом таза пайда көрөм. Үйүндө бозо ачыткысы жоктор 1 литр бозо үчүн 184 сомдон тышкары дагы 40 сом чыгым тартат. Бозону күчтүү салгысы келгендер угутту көп салса болот.

КЕРЕКТЕЛҮҮЧҮ АЗЫКТАР:
25 литр бозо үчүн 3 килограмм таруу, 3 килограмм жүгөрү шак, 1 литр ачыткы (мурунку бозодон), 200 грамм угут, 150 грамм ун, 1 аш кашык тоң май, керектөөгө жараша суу.

1-КАДАМ – ШАКТЫ АЧЫТУУ
Алгач бош чакага таруу салынып жуулат.

Жуулган тарууга жүгөрү шак кошулуп, үстүнө 200 грамм ачыткы куюлат.

Булардын үстүнө кол күйбөгүдөй кайнаган сууну куюп, аралаштыруу кажет. Башкача айтканда, шак боткодой болуп чыланат. Эми чаканын капкагын жаап, шакты эртең мененкиге чейин ачытууга коёсуз. Бөлмө муздагыраак болсо, үстүн жылуулап жабууну унутпаңыз.

2-КАДАМ – ШАКТЫ КАЙНАТУУ
Эртең менен газга чоң кастрюлду асып, ысытып алган соң ичине тоң май салынат. Ал эригенде унду салып, кызарта кууруп алуу керек.

Анан үстүнө 1 литрдей кайнак суу куюлуп, толук бир кайнатылат. Кайнаган соң 24-25 литр суу куюлат. Суу шар кайнаганда ачытылган шакты кошуп, түбүнө тартып кетпөө үчүн тынбай аралаштыруу абзел. Шак боркулдап кайнап чыккандан кийин отту жайлатып, 1,5 сааттай кайнатуу зарыл. Анан оттон алып, муздатылат. Даяр болгон шактын үстүнө угутту салып, 800 граммдай ачыткы куюп, аралаштырылат. Үстү жабылып, кайра түнү менен ачытууга коюлат.

Эскертүү! Угутту ысыгында салса, бозо кыйгыл болуп калат.

3-КАДАМ – БОЗОНУ СҮЗҮҮ
Эртеси эртең менен буркулдап ачыган бозо сүзүлөт. Сүзгөнгө капрон баштык жана 3 идиш керектелет (бозо сүзүүгө, сүзгөндө чыккан топту салып турууга жана бозону актоо үчүн кайнатылган жылуу суусу бар идиш).
Шак четинен сузулуп, баштыкка салынып, кол менен мыжылып, сүзүлө баштайт.

Бозо жакшы акпай баштаганда баштыкты ичинде жылуу суусу бар идишке салып, дагы мыжыкса бозо дагы чыга түшөт. Бул бозону актоо делет. Баштыкта калган топ өзүнчө идишке салынат. Иш ушул калыпта уланып, бозо сүзүлүп бүтөт.
Бозо даяр. Акырында бозо акталган суудан бозонун үстүнө куюп, суюлтуп алса болот.

УГУТТУ ӨНДҮРҮҮ
Угут – өндүрүлгөн дандан (арпа, буудай, таруу ж.б.) даярдалган ачыткы. Белгилүү өлчөмдөгү дан баштыкка салынып, ага жылуу суу себилип, жылуу жерге думбаланып коюлат. Дан көөп, өнүп чыга баштаганда жаргылчакка же эт майдалагычка тартылат да, анан кургатылып, сакталат.

КАНДЫ КӨБӨЙТӨТ
Кыргыз улуттук гематология илим изилдөө институтунда бозонун пайдалуу сапаттары изилденген. Анда бозонун курамында белок, май, көмүртек, микроэлементтер, витаминдер бар экендиги аныкталган. Бозо ичтейди ачып, тамакты жакшы сиңирип, кандагы гемоглобинди көбөйтөт. Андыктан аз кандуулукту дарылоодо бозо мыкты суусундук. Ашказан менен ичегини жакшы иштетип, чарчоону жазып, адамдын жалпы абалын жакшыртат.

Канымжан Усупбекова
kenesh@super.kg

 Кыстарылган видео 
Бозо канды көбөйтүп, адамды ток кармайт
"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (52)
tokitok
2014-03-26 18:32:05
ичеби ичпейби ар кимдин оз иши бирок бозо арам ишенип коюнуздар аны дары иретинде колдонсо да арам бул жакта талаш болушу мумкун эмес а кымыз адал муну биз чечкен эмеспиз даже мин эсе кучтуу болсо да кымызда спирт бар бирок ал суттогу спирт. кандай аталарын унутуп калдым бозо пайдасы пайда озунор билгиле
+1
PeRa
2014-03-27 05:26:48
tokitok, спирт сутто болобу, аракта болобу, бозодо болобу , баари бир спирт болуп эсептелет. андан анын химиялык формуласы озгорбойт.
0
оштук
2014-03-26 20:16:08
Арам-адал деп талашып аткандар эгер катуу суусап турганынарда жанынарга музздак бозону сунушташса жон эле бир которуп жутуп койосунар.Обу жоктонбогулачы болду!!!
0
boris8907
2014-03-26 22:02:21
Бозону кымызды кыргыз эли мусулман дини пайда боло электе ичип келишкен бул ата бабаларыбыздан калган суусундук. Ал эми адал арамга келсек эгерде шариятта адамдын кыгы адал болсо жейт беленер
-2
Nur Abdulaziz
2014-03-27 18:17:51
Чубак ажы Жалилов айтмакчы:"Бозо -арам,арам жана дагы бир жолу арам".Гемоглобинди башка нерсе менен деле которсо болот,ичин ооруса аракка туз кошуп ич деп,кээ бирине бозо,арак-мин дартка шыпаа болуп баратат.Тообо,бозону адал дегенден коркпогондор кобойду.
0
best-life
2014-03-28 01:42:23
Ошол эле шариятта бар дартка чалдыгып дарылык иретинде кээ бир тыюу салынган нерсени колдонсо болот деп.Бозонун туру бар жумшак,орто,кучтуу делинип.Кымыз да ошондой.Эми мас болоюн деп ниетинди бузсан ал арам иш.Кыргыздарда деле эч качан ачуу кымыз мн ачуу бозону каалаганча ичип кулап кал деген эмес.Кайсы бир биздин диний кызматкер айткан,кыргызчылык мн Ислам95%окшош деп.Ашынуунун кереги жок.
0
Titi
2014-03-28 13:56:55
Бозобу бозо эмеспи эн негизгиси Аллахты унутпагыла.
+1
only_progress
2014-03-29 10:20:25
Бозо,кымыз,чанкоону кандыруучу улуттук суусундук.Бозо ичуу куноо эмес.Анда кара жузумду да жеген куноо дегиле,андан вино жасалат.Мисалы:Жазылгандарга карай турган болсок жылкынын эти адалга кирбейт,ал ача туяктуу эмес,кымыз да арам болуп калат.Бирок Кудай алдында ден-соолука зыяны жок болсо анын баарын жегенге болот.Баарынан да дилибиз,руханий жан дуйнобуз таза болсун.Кудайым биринчи журокту карайт,денени эмес.
0
Dadasdasd
2014-03-29 11:56:30
only_progress, Сен кечирип кой. Өнүгүү деп өзүңдү атаганың менен, артта калбайын деп Суперге киргениң менен. Бари бир оюң төмөн экен. Ача туяк деген эрежең шарыятта жок. Чочко ача туяк ко. Анан жүзүм менен ачып, кычып кеткен бозону салыштырба.
0
Kuba_87
2014-03-29 10:31:45
Арам нерсени арам деп айтып силер оз милтенинерди аткардынар.Ал эми жарандар оз денгелине жараша тыянак чыгарып алышат,талашканда пайда жок.
0
laki
2014-03-29 15:29:30
Бозону харам деп айтууга каршымын! Ден-соолук учун пайдалуу болсо эмнеге четке кагабыз!
Баса, бозо сүзүү үчүн атайы аспап бар! керек болсо мага купуяга жазгыла!
0
Dadasdasd
2014-03-29 17:06:26
laki, Ошол аспабың менен бешиктеги шимек, пампесртин айылмасы жок. Үчөө тең арам нерсени сүзөт.
0
asha302
2015-01-15 23:22:53
Dadasdasd, арам арам дей бербечи биз озубуз билебиз ичебизби ичпейбизби. Бул биздин ата-бабалардан калган касиеттуу суусундук!
0
admin_superstan
2015-01-16 10:23:37
asha302, башкалардын улутун кемсинткен билдирүүлөрдү жазуудан алыс болуңуз.
-1
baku24
2014-03-30 18:29:35
охо биринин кошуну бирин жеп албагыла бозо арам, адал деп жатып
0
оштук
2014-04-17 02:15:40
Бозону арам деп аткандар,омурунордо бир да ичип корбогонсунорбу ал суусундукту эмне?!Шаардыксынарбы же баарынар?Аларды го тушунсо болот бозону даярдаганга анчалык шарты жок чыгаар.Сендвич менен энергетический напитокторду ичип журо бергиле анда баарын.
0
ayzharkyn
2014-06-16 19:26:09
Таттуу бозону( жаны сузулгон) ичсе болот ал башынды айлантпайт. Ачып кеткен бозону ичсе арам деп уккам себеби ал башынды айлантат.
0
Misi
2015-03-19 07:28:18
мен бозо салам бугун, келип ичип кеткиле.
0
Arslanbek
2016-08-08 01:22:53
Бозо эн жакшы суусундук
0
jalguzum
2017-05-01 04:44:55
Москвада бозону кандай жасаса болот билгендер айтып койгулачы
0
№ 1032, 16-22-сентябрь, 2022-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА