БИР ЖУМАДА ЭКИ КЫЗ МЫКААЧЫЛЫК МЕНЕН ӨЛТҮРҮЛДҮ

Учурда жаш, сулуу кыздардын белгисиз бирөөлөр тарабынан мыкаачылык менен өлтүрүлүшү коомчулукта резонанс жаратууда. Бир жуманын ичинде эле 19 жана 21 жаштагы 2 кыздын өлүгү табылып, азырынча аларды өлтүргөндөр колго түшүрүлө элек.

КАМИЛАНЫН СӨӨГҮ 6 КҮНДӨН КИЙИН ТАБЫЛДЫ
19 жаштагы Камила Дүйшөбаева 10-мартта түнкү саат 10:30да Бишкектин Достук кичи районундагы үйүнөн курбуларына жолугуп келем деп чыккан боюнча дайынсыз жоголуп кеткен. Аны күтүп жаткан курбулары телефон чалганда бир аз убакыттан соң барып каларын айткан. Бирок көп өтпөй анын телефону өчүп калган. Камиланы жакындары кайрылып келет деп 3 күн күтүшүп, акыры укук коргоо кызматкерлерине кайрылууга аргасыз болушкан. 14-марттан баштап маалымат каражаттарында жана социалдык тармактарда Камиланын сүрөтү илинип, издөө салына баштады.
16-мартта Камиланын жансыз денеси Бишкектен алыс эмес Байтик айылынын четиндеги көрүстөндөрдүн жанынан табылганын Чүй ОИИББинин басма сөз кызматы маалымдады. Камиланын денесин текшерүүгө алганда денесинде катуу нерсе менен ургандан калган жаракаттар бар экени жана белгисиз бирөөлөр тарабынан муунтулуп өлтүрүлгөндүгү аныкталган. Маркумдун жакындарына байланышканыбызда учурда сөөктү жерге берүү каадасын кылып, кылмышкерди издөөгө көмөк көрсөтүү иштери менен бошой албай жаткандыктарын билгизишти.
Гезиттин кийинки сандарында маркумдун жакындары менен байланышып, окуя тууралуу кененирээк маалымат бермекчибиз.

БАШЫНА ПОЛИЭТИЛЕН БАШТЫК КИЙГИЗИЛИП ӨЛТҮРҮЛГӨН КЫЗДЫН СӨӨГҮ ТАБЫЛДЫ
Ал эми 13-марттан 14-мартка караган түнү Бишкек шаарынын Исхак Раззаков көчөсүнөн 20-25 жаштардагы белгисиз кыздын денеси табылганын Бишкек ШИИББинин басма сөз кызматы кабарлаган. Алгач «каза тапкан кыз изделип жаткан Камила Дүйшөбаева болушу мүмкүн» деген божомол тарап, бирок жыйынтыгында ал эмес болуп чыкты. Сөөктү текшерүүгө алганда анын башына полиэтилен баштыгы кийгизилип, эки колу артынан көк түстөгү чүпүрөк менен байланган абалда болгон. Мунун негизинде «маркум кыйнап өлтүрүлгөн» деген божомолдор бар. Ошондой эле жанынан айымдардын кара бут кийими жана күрөң түстөгү кур табылган. Эртеси эле жансыз дененин өздүгү такталып, ал Ош облусуна караштуу Араван районундагы Жаңы-Жол айылынын 21 жаштагы тургуну болуп чыкты. Бишкек ШИИББи бул тууралуу «Каза болгон кыз Кытайда окучу экен, жакында эле Кыргызстанга каникулга келиптир. Анын атасы Ош облусунда, апасы Кытайда жашаары белгилүү болду. Маалымат ата-энесине кабарланып, экөө тең Бишкекке учуп келишти. Ал Абдрахманов көчөсүндөгү үйлөрдүн биринде убактылуу батирде жалгыз жашап жүргөндүгү аныкталды» деп маалымат берди.
Учурда жогорудагы кылмыш иштеринин экөөнүн тең бети ачыла элек. Бирок Раззаков көчөсүнөн табылган экинчи кыздын өлүмүнө шектүүлөр бар экенин Бишкек ШИИББинен билдиришти. 2 факт боюнча киши өлтүрүү беренеси менен кылмыш иши козголуп, иликтөө иштери жүрүп жатат. Коомчулуктагы «2 кызды тең бир эле адам өлтүрүшү мүмкүн» деген божомолдорду Бишкек ШИИББинин башчысы Мелис Турганбаев төгүнгө чыгарды. Ал кылмыш иши толук иликтенип бүтмөйүнчө негизсиз божомолдор менен коомчулукту дүрбөтпөө керектигин айтып өттү. Ошондой эле укук коргоо кызматкерлери 2 кыздын тең зордукталганы же зордукталбай эле өлтүрүлгөндүгү тууралуу маалыматты соттук-медициналык экспертизанын жыйынтыгынан кийин гана маалымдашарын айтышууда.

Гүлжан Асанкожоева
koom@super.kg

 Кыстарылган видео 
Камиланын өлүмүнө ким күнөөлүү?
"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (22)
snegurochka11
2014-03-24 19:00:17
Кудай озу сактасын!Бирок сактанганды сактайм дегендей кыздар озунорго сак болгулачы!!!Тезирээк табылып калса экен зоокурлор,дагы бир байкуштун жанын алгыча!!!
0
gulperi.kg
2014-03-24 21:46:59
Кыздар этият болгулачы туну кочого жалгыз чыкпай эле койгон жакшы
+1
aqua-94mema
2014-03-24 22:17:17
уройду учуратко.
0
Aku1977
2014-03-24 23:59:54
Оо КУДАЙ ушундай кырсыктардан сактай кор!!!
0
nuri.88
2014-03-25 01:03:58
Кудай озу сактасын жана адамдарга ынсап берсин!
0
asel-89a
2014-03-25 16:48:40
ооба Жаратканым озу жамандыктан сактасын!Туну кочого чыкпайле койгулачы кыздаар!?
0
Lunatena
2014-03-26 13:15:29
Жаткан жери жайлуу болсун! Жаратканым озу колдосун!
Камиля Одноклассникте да бар экен эле,суроттору менен почтасы дагы эле турат! страничкасына кирип алып ыйлагым келет
0
Peristem-koo
2014-03-26 18:59:03
Ошол мыкаачы, айбан, кылмышкерди айосуз жаза беришине ишенем.. Камиланын суротторун коруп мен да ыйладым.. Жаткан жери жайлуу болсун!
0
kumuz
2014-03-26 13:44:06
Булар бейишке барат. Ар бир адам озуну каерде болбосун этиятап журуу ке рек Кыргыздарым кандай абалга тушуп баратат кыргызым менин мээримдуу болгулачы ээ
+1
A_l_i_b_e_k
2014-03-26 21:53:49
Мне очень жаль,
0
meerim94
2014-03-27 03:21:06
кечиндекыз балага сыртка чыгып болбойт!
+1
zhalyn13
2014-03-27 14:27:07
ааиий коркунучтуу го...кыздар этият болгула
+1
zurayana
2014-03-27 16:35:14
Чуроктой болгон кыз тура.Ата энесине кудайым сабыр берсин.Негизи сактанганды кудай сактайт дейт,бойдок кыздардын тундо кочодо жургону туура эмес да.
+2
lolo
2014-03-27 21:24:51
Beyiwi bolsun birok kop baskan ayak bok basat degen uwundai bolot!!!
+1
kolya121212
2014-03-28 04:55:51
Алсыз кыздарды мыкаачы жигиттер куруткан тура. Эххх, айбандар десе. Супсулуу кыздардын сулуулугуна суктанып абайлап арайлап коргоонун ордуна мынтип отурса.
Этият болгулачы кыргыз кыздары
0
jomik_kg9595
2014-05-06 22:35:26
жаш жакшынакай кыздар экен эх !
0
№ 1032, 16-22-сентябрь, 2022-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА