Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТИРҮҮСҮНДӨ ЛЕГЕНДАГА АЙЛАНГАН БЕКМАМАТ ОСМОНОВ

№595 28-март-03-апрель, 2014-ж


«Бекмамат Осмонов президент болчу киши эле» дегендер көп. Эл ичинде шамалдай тараган мындай кеп кезинде бүтүндөй борбордук бийликтин аймактык лидерге каршы ачык жана тымызын согуш жүргүзүүсүнө себеп болгондур. Президент Аскар Акаевдин кийлигишүүсү аркылуу Осмоновду облустук жетекчилик кызматынан алып түшүү операциясы эгемендүү Кыргызстандын тарыхында урунттуу окуя катары калары бышык.
Залкар жазуучу Чыңгыз Айтматовдун «Өзүн таанып-билгендер жашап турганда адам өлбөйт» деген накыл кеби бар. Ош облусунан бөлүнүп чыгып, 1991-жылы жаңыдан түзүлгөн Жалал-Абаддын алгачкы губернатору Бекмамат Осмоновдун жүрөгү какпай калган жылы төрөлгөндөр быйыл 17 жашка чыгышат. «Убакыт унуткарат» деп коюшат, бирок калктын калың катмары «кыргызда Бекмаматтай лидер төрөлөр бекен» деп бүгүн да үмүт артат, бирге иштешкен досу «Бекем космополит киши болчу» дейт, ал эми уулу «атамды жоктогон жүрөк азыр да тына элек» деп эскерет.

ЖЫЛКЫЧЫНЫН УУЛУ
Бекмамат Осмонов жылкычынын үй-бүлөсүндө, сегиз эркек бир туугандын ичинен төртүнчүсү болуп 1945-жылы 24-майда Жалал-Абад облусунун Базар-Коргон районуна караштуу Беш-Бадам айылында туулган. Балалыгы жайлоо менен кыштоонун коюнунда өтүп, 1-класска ушул эле райондогу Акман айылынын мектебине барган. 1963-жылы Фрунзе шаарына келип, Айыл чарба академиясына тапшырып, ал жерден зоотехник кесибине ээ болуп чыккан.

КАРЬЕРАЛЫК ӨСҮҮ
Эмгек жолун Ош облусундагы асыл тукум кой заводунда зоотехник болуп иштөөдөн баштап, 26 жашында Чоң Алай совхозунун башчысы болууга жетишкен. Андан ары көтөрүлүп отуруп, Алай райондук аткаруу комитети, Ош облустук комитети, Токтогул райондук комитети, Жалал-Абад облустук кеңешинде жетекчилик кызматтарда иштеген. Жогорку Кеңештин 2 чакырылыштагы, анын ичинде «легендарлуу парламенттин» депутаты.

САЯСИЙ БУРУЛУШ
1991-жылы Жалал-Абад дубанынын биринчи губернатору болуп шайланган. Дал ушул кызмат орду Осмоновду чоң тандоо жасоого түртөт. Анын күн санап калк ичинде кадыр топтоосу борбордук бийликке жакпай, губернаторду кызматтан алып түшүү үчүн кутумдар менен жалаа жабуулар башталат. «Мен бийликтегилердин маданиятынын пастыгынан кеттим» деп маектеринин биринде Осмоновдун айтканы бар. Ошентип, бийликтин кысымы менен бул кызматтан отставкага кетүүгө мажбур болгон.

КҮТҮҮСҮЗ АКЫРЕТ
Көзү өтүп кеткенге чейин Токой башкаруу агенттигинин төрагасынын орун басары болуп турган. Осмоновдун демилгеси менен Жалал-Абад телерадиокомпаниясы негизделген. Анын жетекчилигинин алдында Токтогул Сатылгановдун 125 жылдыгы, Жоомарт Бөкөнбаевдин 80 жылдыгы өткөрүлгөн.
Бекмамат Осмонов жүрөгүнө жасалган операциянын эртеси, 1997-жылы 28-октябрь күнү дүйнөдөн кайткан.
Төрт уул, эки кыздуу болгон. Учурда 6 небереси бар.

Айтмамат Осмонов, иниси:«КОЙЧУГА ДА, ЧОҢГО ДА ТЕҢ МАМИЛЕДЕ БОЛ»
– Бекмамат акем экөөбүздүн ортобуздагы айырма 5 жаш болчу. Бир туугандар биригип калсак, анекдот айтып боорубузду эзип коёр эле. Шайыр мүнөз, бирөө жарымдан кысынып, жасакерлик кылмай жагы жок, дайыма шайдоот жүрчү. Студент кезинде лекция жазбай эле, сынакты бешке тапшырып салчу экен. Анткени эске тутуусу ушунчалык күчтүү эле. Жашы өтүп, кызматта жүргөн кезинде юридикалык факультетке тапшырды. Анда да сабак калтырбай окууга барып жүрдү. Бир жерде сүйлөгөн сөзүн экинчи жерде колдончу эмес, мунусу көп окугандыгынан болсо керек.
Балдарын да китепке абдан жакын тарбиялады, аларды качан караба энциклопедия кучактап отурушкан болор эле. Камкор аталыгын ушундан бил, бала-чакасын Кызыл-Үңкүр деген жайлоого чейин алып барып, таштан тизип очок жасап, өз колу менен аларга тамак жасап берчү.
Анан мен айыл өкмөтү болуп иштеп калганда, мага «аким же губернаторго барганда аларга бөжөңдөп, анан койчунун алдына барганда мурдуңду көтөрүп, бой көтөрбөгөн жетекчи бол. Кой кайтаргандар менен чоң кызматтагы адамдарга бирдей мамиле жаса» дегени эсимде.
Орусияга операция жасатууга кетерде атамдын үйүнө чогулдук. Ооруп жатканын деле сезбептирбиз, бизге эч нерсесин айткан жок да. Жадырап-жайнаган бойдон кетип, анан эле кайтпай калды.

Парад Салибаев, таякеси, мугалими:«ТҮН БИР ООКУМГА ЧЕЙИН ЧЫРАКТЫН ЖАНЫНДА ОТУРЧУ»
– Бекмаматтын апасы Алима бир тууган эжем болот. Жездем жылкычы болгондуктан, Акман айылынан алыс турушчу. Аларга жакын мектеп 3-класска чейин гана окутканы үчүн адегенде үйүмө экинчи уулу Эрмаматты ээрчитип келип, кийин анын арты менен башка бир туугандары да меникинде жатып окуп калышты. Эжемдер бешинчи уулу 1-класска барганда балдарынын окуусунан улам Акманга биротоло көчүп келишти.
Осмоновдор үйүмдө окуп жүргөн мезгилде бүгүнкүдөй жарык жок болчу, сабактарын чырактын жанында даярдашар эле. Бекмамат окууга өтө дилгир чыкты, балдардын баары уктагандан кийин да китеп окуп отура берчү.
Кийин ишине чечкиндүү, элине күйүмдүү жана кайрымдуу болуп, айылдын эскирген мектебин жаңыртуу демилгесин көтөрүп, көчөлөрүнө асфальт төшөтүп, электр энергиясын тарттырып келип, соода борборун курдурду.

Муканбек Алыкулов, классташы:«АНЫ «КУРКУ» ДЕП КОЁР ЭЛЕМ»
– Бекмамат экөөбүз 9-класстан баштап Базар-Коргондогу Ломоносов мектебинде окуп калдык. Жатакананын курулушу кеч бүтүп, кыздар мектептин ичинде, Бекмамат болуп балдар эшикте түнөп жүрдүк. Бир кар жаагандан кийин гана жатаканага кирдик. Жашоонун ысык-суугун чогуу тартып, кийин жакын достордон болуп кеттик.
Түз жүргөн, чынчыл, бетке сүйлөгөн, сөккөндү сөгүп, урганды урат болчу. Досум өтө курч жана тайманбас эле. Башкадан кетпесе, өзү эч кимге тийишчү эмес. Ал мени «кореец» десе, «сен куркулдай бересиң» деп мен аны «курку» деп койчумун. Көптү билгенинен жадакалса дасторконго келген тамак-аштан өйдө кайсыны кантип жеш керектигинен бери айтып берчү.
«Оорудум» деп ооз ачканын уккан эмесмин. Мага «досуң өтүп кетиптир» деп чалышса, түк ишенбей, бир кыйлага нес болуп отуруп калгам. Сыртынан алибеттүү көрүнүп турса, дарттан кайтыш болот деп ким ойлоптур? Досум күтүүсүз кете берди. Сөөгүн Шермамат деген агасы, Айтмамат деген иниси менен чогуу алып келгенбиз.

Жумабек Молдокадыров, кесиптеши:«ОСМОНОВ БАКИЕВДИ КЫЗМАТТАН АЛГАН»
– Өңү-түсү, сүрү да айкөл деп айтууга жарашчу ыраматылык киши эле. Аны менен 1986-жылы Ош облустук комитетинде иштеп жүрүп таанышып калгам. Обкомдун алдында айыл чарба, өнөр жай комплекси жана тамак-ашты кайра иштетип чыгаруучу бөлүм ачылып, Бекмамат Осмонович ошого башчы болуп келди. Насип буйруп, мен анын орун басары болуп калдым. «Иш дегенде жеген ашын жерге койгон» деген сөз ушул кишиге айтылса керек.
Cоюз ыдырап кеткенден кийин кызматсыз калдым, анан туулуп өскөн жериме, Чүйгө кайтып келейин деп, Осмонов менен коштошкону кирдим. Ага чейин эле «Беке, Чүй тарапка кадр керек болуп калса, мени эске ала жүрчү» деп калчумун. «Жумаке, сени жибере албайм» деп сөзүн баштап барып «Машина, үй алдың беле?» деп сурап калды. «Жок» дедим. «Туугандарыңдын жүзүн кантип карайм, ушунча жыл эмгектенип, жөө келиптир дешпейби» деген ыраматылык киши кол алдындагыларга «машина тапкыла» деп буюрду. Ошентип, биринчи менчик машинаны, Москвичти Бекем мингизип, анан мени жөнөткөн эле. Кең пейилдигин жеке мага эле көрсөткөн эмес, ал баарына ошондой мамиле кылчу.
Бир сөз менен мүнөздөө керек болсо, мен аны космополит киши демекмин. Ал жакындарынын, тууган-туушкандарынын, уруулардын эмес, жалпы элинин, мамлекетинин кызыкчылыктарын жогору койчу. Азыркылар партияларга чейин бөлүнө башташпадыбы, Бекемдин ой жүгүртүүсү район же облус менен чектелбей, масштабдуу чөлкөмдү камтып, бүгүн же эртеңки күн менен жашабай, жок дегенде, бир же эки жыл алдыга план коюп иш алып барар эле.
Бекем мырзалык сөөлөтүнө жараша «со вкусом» кийинчү. Чач-мурутун карага боёп, ак костюм-шым менен шляпаны кондура кийген жетекчилер бүгүн барбы? Ал киши мына ошондой болчу.
1987-жылы Бекмамат Осмонов Токтогул районунун 1-катчысы болуп кетти, кийин Жалал-Абад облусунун губернатору болуп шайланды. Ошол мезгилде экинчи президент (ред. Курманбек Бакиев) анын орун басары болуп келип калат. Иш боюнча кайсы бир маселелер чыгып, тагыраагы, орун басарынын билимине байланыштуу шек пайда болуп, жетекчи катары Осмонов Бакиев бүткөн окуу жайга сурам жиберет. Ал жактан «окуу жайды бүткөн эмес» деген маалымат келген экен. Ушундан уламбы, Бекем орун басарын кызматтан алып койгон дешет. Бирок ал мезгилде номенклатура деген бар эле, кызматка дайындоо жана бошотуу борбордон чечилчү. Бийлик «Бизден уруксат сурабай эмнеге иштен алып коёт?» деп, Бакиевди Тогуз-Торого аким кылып жөнөтүшкөн.
Акыретти деле ойлогон эмес болчу, кайтыш болор жылы экөөбүз Ысык-Көлдө 10 күндөй эс алганбыз. Ал мага «Жумаке, ушул жерден эки бөлмөлүү үй алып коюш керек экен» деп айтып, жакын арадагы пландары менен бөлүшүп отурган. Каза болуп калганын укканда мен таптакыр ишенген эмесмин.

Темирбек Бекмамат уулу:«АТАМДЫН ӨТҮП КЕТКЕНИНЕ МОЮН СУНУУ ООР БОЛДУ»
– Атам жөнүндө айта берсем сөз түгөнбөйт. Анын адамдык сапаттарына токтолсом, мактангандай болуп калсам керек. Жасаган иштерин, жакшылыктарын ар жолкусунда ар түрдүү адамдардан угуп келем. Элдин ушул кезге дейре унутпаганына рахмат айтам.
Айбаттуу сүрүнөнбү, атамдын үйдө кандай болгондугу көбүн кызыктырат. Өтө баласаак эле, убактысы боло калса биз менен өткөрүүгө шашчу. Чарба иштеринен улам биз ойгоно электе жумушуна кетип, кайра үйгө уктап калганыбыздан кийин келгенин билбейбиз да, түшкү тамакка келгенде «ата, биз менен жатып кетиңиз» деп суранар элек.
Аскерге СССР боюнча алдыңкы орундагы кавалериялык Таман дивизиясына барган. Ага атка жакшы мине алгандарды тандап алчу экен. Атам спортко жакын киши болгон, апам экөө күндө эртең менен чуркашчу.
1970-жылы апам Сажида Ош шаарындагы педагогикалык институтту аяктап жатканда атам менен таанышып калат. Бир-эки жолу жолугушуп, атам өзү эзиле берчүлөрдөн эмес болчу, дароо эле үйлөнүптүр. 27 жыл чогуу жашашты. Апам үйдүн оокатын, балдардын тарбиясын да колго алып, 20 жылдан ашуун математикадан сабак берди. Таң атпай атама ысык тамагын даярдап, кайра иштен келгенден кийин бүт ыңгайлуулугун түзүп берип турчу.
Бүгүнкү кесибимди тандап калуума (ред. Темирбек Бекмамат уулу учурда башкы прокурордун 1-орун басары) атамдын салымы чоң. Байкап жүрсө керек, мага «юрист бол» деген. Максатка умтулууну, ар бир маселеден туура жол таап чыгууну бизге жакшы үйрөткөн. «Прокуратурада иштейсиң» деп калчу, бул тармакка атамдын көзү өткөндөн кийин келдим.
Чоң кызматтан, ошол эле губернаторлуктан кетип калган күндөрү чүнчүй түшкөнүн көрбөдүк. Эмгегине мамлекет тарабынан туура эмес баа берилгенине капачылык орун алгандыр, бирок аны байкаткан эмес. Атам тирүү кезинде эле легендага айланган экен. Иши жок отуруп калган күнү болбогон. Кабагы көтөрүңкү, тике карап, бир калыпта жүргөнүнөн жазбады.
Саясий куугунтуктоолор кимге болсо да терс таасирин тийгизет. Ошол учурда бийликте тургандар атамды атаандаш көрүп алышкан. Жүрөгү ооруп калгандан кийин өлүмүнө ар кандай себеп болушу мүмкүн экенин айтышты. Бирок анык себеби бизге азыр да чоң табышмак. Киши колдуу болдубу же жокпу, ал тууралуу эч нерсе айта албайбыз. Андай жагдай убагында иликтенбей калып кеткен.
Ар бир адам үчүн атасынын орду ыйык. Аны эч ким толуктай албайт, ошондой эле бизге да күтүүсүздөн көз жумуп кетүүсү чоң жоготуу болгон. Эң улуубуз 26да, эң кичүүбүз 15инде атасыз калдык. Мен анда окуу жайын бүтө элекмин. Аза күтүү жылдарга созулуп, атамдын бул тирүүлүк менен коштошуп кеткенине моюн сунуу оор болду. Азыр да жүрөк тына элек. Элеси бүгүн да күчтүү, жаныбызда эле жүргөндөй сезилет.
Атам «Инжилде Муса пайгамбар 963 жыл жашаган деп жазылган. Бирок бир дагы адам ошончолук жашай албайт, чынында, пайгамбардын өзү эмес, анын идеясы ошончо өмүр сүргөнүн түшүндүрөт» деп айтчу. Атамдын да идеялары тирүү болгону үчүн эл ичинде унутулбай келет. «Бекмамат Осмоновдун уулу турбайбы» деп калышканы, атама болгон сый мамиле бизге да көрсөтүлүп турганы чоң жардам берет.

БЕКМАМАТ ОСМОНОВГО

Сагынбай Оруналиев

Бүркүт кабак, бекем эле айбаты,
Бекмаматтын зор болуучу кайраты.
Мындай адам көзү өтүп кетсе да,
Мүмкүн эмес эл эсинде калбашы.
Өткүрлүгүн кайран гана жигиттин,
Өзгөчө эле, аны айтууга тийишмин.
Өзү турчу калк ичинде тоого окшоп,
Өтсөң дагы, Бекмаматым, бийиксиң.
Элиң үчүн дилдиреген жүрөгүң,
Эмнеликтен токтогонун билемин.
Ажал алса сени оору жиберип,
Алда кандай күдүк ойдо жүрөмүн.
Бекмаматым, бой-келбетиң келишкен,
Бул дүйнөдөн эрте кеттиң неликтен?
Эл ичинде кеп-сөз жүрүп калды эле,
Эмки ушул, президент дегизген.
Күркүрөгөн жолборс сымал үнүңөн,
Коркчу көптөр, жалтанбаган сүрүңөн.
Так ушундай мүнөздөгү адамды,
Таппай азыр турганыма күйүнөм.

Аймактык лидерден улуттук лидерге айланып бараткан Бекмамат Осмонов Аскар Акаевге татыктуу оппонент эле...

Баласаак ата уулдары менен.

«Апам таң атпай атама ысык тамагын даярдап, ишке узатчу».

Эльвира Караева,
Гүлмайрам Сабырбекова,
Уулбү Каныбекова
(Сүрөттөр үй-бүлөлүк архивден алынды)
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(44)
31.03.2014. 14:57 
Тайпасы:
Кыймылы жок
Комментарийлердин саны:
3
Катталган:
28-11-2013
Соӊку аракети:
03-10-2016 02:23
Жынысы:
Белгисиз
+4
Бекмамат Осмонов бул кишиден Аллаа ыраазы болсун жаткан жерин жаннаттан берсин Оомин!Мен бир жонокой айдоочу элем Бишкекте Жалал Абад чайканасында жоолукканбыз,азырга чейин эсимде обед кылып отурганмын анан эле жаныма бир солидный кийинген чачын артка тараган бир караган кишиге сурдуу корунгон киши келип , эски таанышындай салам берип учурашты. Анан жанымдагы орундук бошпу деп сурап жаныма олтуруп , иштерими сурап,бала чакамы сурап , суйлошуп олтуруп чай ичти . Мен сурашып ошондо билдим Жалал Аб
31.03.2014. 15:04 
Тайпасы:
Кыймылы жок
Комментарийлердин саны:
3
Катталган:
28-11-2013
Соӊку аракети:
03-10-2016 02:23
Жынысы:
Белгисиз
+4
Жалал Абадтын губернатору экенин Мына чыныгы инсандык адамдарга болгон мамиле Артында калган женеге,балдарына,неберелерине ден соолук каалайм! Ал кишини эч качан унутпайм!!!
31.03.2014. 15:05 
Тайпасы:
Кыймылы жок
Комментарийлердин саны:
65
Катталган:
02-08-2013
Соӊку аракети:
07-10-2014 15:21
Жынысы:
Белгисиз
+3
Бекмамат Осмонов жонундо бут айыл бут кыргызстандан жалан гана жакшы соз угам
31.03.2014. 15:23 
Тайпасы:
Тартип бузгандар
Комментарийлердин саны:
10
Катталган:
04-06-2011
Соӊку аракети:
29-04-2015 16:53
Жынысы:
Белгисиз
Калаасы:
Indiana
0
Базар коргондон Бекмамат Осмонов, Омурбек Текебаев, Чубак ажы Жалиловго окшогон азаматтар Кыргызстандын тарыхында озулорунун ордун таба алды деп айтсам жалган болбос..
31.03.2014. 15:54 
Тайпасы:
Кыймылы жок
Комментарийлердин саны:
3
Катталган:
27-08-2013
Соӊку аракети:
10-04-2015 16:59
Жынысы:
Белгисиз
+5
Бекмамат Осмонов президент болгондо Кыргызстандын аброю дуйнолук денгээлде Орто Азия, СНГда баарынан ойдо болмок, баары биз менен эсептешмек, эмнеге азыркы ххх чиновниктер ушул адамдын жакшы жактарын алышпайт.
Модератор admin_media түзөттү 31.03.2014 17:09
31.03.2014. 17:38 
Тайпасы:
Супермодератор
Комментарийлердин саны:
7572
Катталган:
22-02-2011
Соӊку аракети:
13-11-2018 17:50
Жынысы:
Белгисиз
Калаасы:
...
-1
almazik2012,
Кимдир-бирөөнү мазактоого тыюу салынат! Эскертүү!
31.03.2014. 16:35 
Тайпасы:
Тартип бузгандар
Комментарийлердин саны:
57
Катталган:
24-09-2013
Соӊку аракети:
23-06-2015 12:16
Жынысы:
Белгисиз
+1
Жакшы ададар, мамлекетке керектуу адамдар эч качан коп жашаган эмес же коп жашатышкан эмес, бул адамзаттын илгертен келаткан каада-салты, илгери деле ушинтип козун тазалап коюшкан да. Керек болсо илгери козу ачыктары айтса, хандар бешикте жаткан наристени деле же крсакта жаткан туйулдук маалында деле олтуруп салышкан.
31.03.2014. 19:19 
Тайпасы:
Жаран
Комментарийлердин саны:
44
Катталган:
01-07-2013
Соӊку аракети:
14-11-2018 00:33
Жынысы:
Белгисиз
Калаасы:
нарын
-4
Туштон кийин мактана жана мактай бергендин эмне кереги бар.
03.04.2014. 23:15 
Тайпасы:
Жаран
Комментарийлердин саны:
18
Катталган:
15-05-2010
Соӊку аракети:
11-07-2017 14:05
Жынысы:
Белгисиз
Калаасы:
Moscow
+1
Altyn10076, Ойлонбой суйлой ххх бергенин туура эмес, кыргыздын тарыхий инсандарын унутпашыбыз керек. Сен тарыхыны тапанча менен атсан, келечек сени замбирек менен ыргыта атат.
Модератор admin_media түзөттү 04.04.2014 10:21
04.04.2014. 10:23 
Тайпасы:
Супермодератор
Комментарийлердин саны:
7572
Катталган:
22-02-2011
Соӊку аракети:
13-11-2018 17:50
Жынысы:
Белгисиз
Калаасы:
...
0
guragan,
Эскертүү! Ар бир колдонуучу эреженин талабына ылайык өз ой-пикирин жазып калтырууга укугу бар! Башка колдонуучунун өздүгүнө асылбай билдирүү жазыңыз!
31.03.2014. 19:33 
Тайпасы:
Жаран
Комментарийлердин саны:
657
Катталган:
30-04-2013
Соӊку аракети:
12-11-2018 22:04
Жынысы:
Белгисиз
+1
Ehhh kozdon jash agatko, ichim achyshyp ele kaldy. Azyr ushul maalda,ushul ubaktarda barbolso Kyrgyz elin karangylyktan suurup chykmak.
31.03.2014. 20:14 
Тайпасы:
Кыймылы жок
Комментарийлердин саны:
103
Катталган:
30-12-2013
Соӊку аракети:
03-04-2014 14:44
Жынысы:
Белгисиз
+1
Жайы жанаттан болсун. Бул инсанды жакшы жасаган иштерин эл айтып жургон маалда мен мектеп окуучусу элем. Бирок жакшы адамдар эрте кеткени ичти ачыштырат да
31.03.2014. 20:17 
Тайпасы:
Кыймылы жок
Комментарийлердин саны:
103
Катталган:
30-12-2013
Соӊку аракети:
03-04-2014 14:44
Жынысы:
Белгисиз
+2
Супер инфого терен ыраазычылык билдирем. Элдин чыгаан инсандары козу отуп кетсе да алардын идеялары жасаган ак иштерин гезит аркылуу бутундой калкка жайылтуу менен бирге жаш муундарга да жеткирип турганыныздарга. Бар болунуздар ар дайым
31.03.2014. 20:50 
Тайпасы:
Кыймылы жок
Комментарийлердин саны:
4
Катталган:
08-01-2014
Соӊку аракети:
16-09-2014 23:26
Жынысы:
Белгисиз
+2
аябай окунучтуу президент боло турган эле мындай адамдар менен сыймыктанышыбыз керек менин баламдын аты ушул кишинин атына койулган Бекмамат Осмоновдой адам болсун деп койгонбуз азыр 18 жашта
31.03.2014. 22:36 
Тайпасы:
Кыймылы жок
Комментарийлердин саны:
25
Катталган:
09-11-2013
Соӊку аракети:
14-01-2016 20:23
Жынысы:
Белгисиз
+2
Бетмаматов Осмонов мыкты лидер адам болгон, мен Б.Осмоновду кумир тутуп 11-класстагы эскеруу дептерлерине суротун чаптап чогулткам, азыр арадан 16 жыл отсо да сактап журом. Уушундай мыкты инсанды жок кылган А.Аакаевди жек кором.
31.03.2014. 23:17 
Тайпасы:
Жаран
Комментарийлердин саны:
195
Катталган:
21-10-2013
Соӊку аракети:
20-06-2017 01:54
Жынысы:
Белгисиз
+1
биз кыргыздар козу откондон кийин барктайбыз.уулу да атасындай адам болсун атасынын атын улаган

01.04.2014. 10:54 
Тайпасы:
Жаран
Комментарийлердин саны:
179
Катталган:
16-02-2014
Соӊку аракети:
14-11-2018 06:48
Жынысы:
Белгисиз
+1
акаев заказной олтурткон деген создорду угушп калчу элем мурда, ким билсин?
01.04.2014. 14:27 
Тайпасы:
Тартип бузгандар
Комментарийлердин саны:
12
Катталган:
24-03-2014
Соӊку аракети:
12-09-2015 20:45
Жынысы:
Белгисиз
+1
Kyrgyzdyn 4ynygy baatyry. Bizdin N:5- mektep-gimnazi9 uwul kiwinin naamynda. Syimyktanam
01.04.2014. 14:40 
Тайпасы:
Тартип бузгандар
Комментарийлердин саны:
12
Катталган:
24-03-2014
Соӊку аракети:
12-09-2015 20:45
Жынысы:
Белгисиз
0
Melis akeda uwul kiwidey jetek4i . Oo ALLAH ozun Melisti saktai kor.uzun omur bere kor
Oomin
02.04.2014. 17:52 
Тайпасы:
Жаран
Комментарийлердин саны:
14
Катталган:
25-05-2011
Соӊку аракети:
10-05-2017 08:48
Жынысы:
Белгисиз
+1
Бекмамат агадай мекенчил, ишке чын дили менен берилген, эли учун жанын сайган адам чанда кездешет. Азыркы бир аймактын же партиянын тын чыкмаларын ал адам менен салыштырып болбойт. Мелис анын жанында, чымындай эле болуп калат
02.04.2014. 17:53 
Тайпасы:
Жаран
Комментарийлердин саны:
18
Катталган:
01-11-2010
Соӊку аракети:
30-08-2017 09:43
Жынысы:
Белгисиз
Калаасы:
Bishkek
0
Урматтайым ушул кишини.
02.04.2014. 19:48 
Тайпасы:
Кыймылы жок
Комментарийлердин саны:
18
Катталган:
13-01-2014
Соӊку аракети:
07-01-2016 11:43
Жынысы:
Белгисиз
0
Жайы жаннаттан болсун.
02.04.2014. 19:50 
Тайпасы:
Кыймылы жок
Комментарийлердин саны:
18
Катталган:
13-01-2014
Соӊку аракети:
07-01-2016 11:43
Жынысы:
Белгисиз
-1
Азыркы замандын Осмонову,Мелис Мырзакматов!
03.04.2014. 23:18 
Тайпасы:
Жаран
Комментарийлердин саны:
18
Катталган:
15-05-2010
Соӊку аракети:
11-07-2017 14:05
Жынысы:
Белгисиз
Калаасы:
Moscow
0
Kykesh, Сен кулук атка эшекти салыштырба..
02.04.2014. 20:26 
Тайпасы:
Тартип бузгандар
Комментарийлердин саны:
17
Катталган:
09-01-2014
Соӊку аракети:
14-05-2014 21:13
Жынысы:
Белгисиз
Калаасы:
Moskva
0
Бекмамат Осмонов Ельсиндин башын сууга малып койгон деген создуда уккан жыйым бар эле туурабы ошол
03.04.2014. 13:34 
Тайпасы:
Жаран
Комментарийлердин саны:
7
Катталган:
19-02-2014
Соӊку аракети:
10-03-2018 18:33
Жынысы:
Белгисиз
0
Стол сүздүрүп сабайт болчу дешет, ката кетирген депутатыбы башкасыбы. Өңгөсүбү дөңгөсүбү. Акыйкат эли үчүн күйгөн киши дешет, аттиң өмүрү кыскалыгын айт.(((
03.04.2014. 22:13 
Тайпасы:
Жаран
Комментарийлердин саны:
36
Катталган:
22-02-2011
Соӊку аракети:
22-10-2018 10:28
Жынысы:
Белгисиз
Калаасы:
Бишкек.
+1
Ельцин Кыргызстанга келгенде,А.Акаев аны сыйлайм деп алдан тайып,тең келе албай калганда атайын Б.Осмоновду чакырткан экен. А киши кыргыздын дүйүм даамын ала келип, таң аткыча отуруп,Ельциндин жарпын жазыптыр.Эртеси кебелбей туруп,самолет м-н ишине жөнөгөн экен. Борис Ельцин аябай баа берип,мыкты президент болчудай экенсиң дептир.
03.04.2014. 23:32 
Тайпасы:
Жаран
Комментарийлердин саны:
18
Катталган:
15-05-2010
Соӊку аракети:
11-07-2017 14:05
Жынысы:
Белгисиз
Калаасы:
Moscow
0
Эн кызыгы бийликке Осмоновду Жалал-Абаддын губернаторлугунан кетирууго озунун эле жердеши Калматов Тойгон(эки жуздуу саткын) жардам берген.
05.04.2014. 19:10 
Тайпасы:
Жаран
Комментарийлердин саны:
5
Катталган:
04-06-2013
Соӊку аракети:
10-03-2017 22:46
Жынысы:
Белгисиз
+1
азыр биздин бийликке Б осмонвтун характериндей адам керек
05.04.2014. 19:20 
Тайпасы:
Жаран
Комментарийлердин саны:
5
Катталган:
04-06-2013
Соӊку аракети:
10-03-2017 22:46
Жынысы:
Белгисиз
+1
ошол кзде Ельцинди колдо сыйлап жатышып Акаев масболуп калса ельцин башына кашык менен ургулап ойногон екен ошондо Осмонов Елциндин галстугунан муунта кармап ты че нашего президента оскарбляеш деп отургуза турткон екен дешкенин уккам
05.04.2014. 19:24 
Тайпасы:
Жаран
Комментарийлердин саны:
5
Катталган:
04-06-2013
Соӊку аракети:
10-03-2017 22:46
Жынысы:
Белгисиз
+1
ЖАЛАЛ- АБАДДА губернатор болуп иштеп турганда ошондогу ишин аткаралбаган раистарди кабинтине камап алып сабачукен дешет
05.04.2014. 20:08 
Тайпасы:
Кыймылы жок
Комментарийлердин саны:
64
Катталган:
19-02-2014
Соӊку аракети:
20-09-2014 22:27
Жынысы:
Белгисиз
0
аттин дуйно.мындай адамдар кылымда бир жаралат окшойт ко.
06.04.2014. 09:09 
Тайпасы:
Тартип бузгандар
Комментарийлердин саны:
5
Катталган:
10-03-2014
Соӊку аракети:
16-10-2014 18:02
Жынысы:
Белгисиз
Калаасы:
Ош
0
Мындай Б.Осмоновдой адам азыр кыргыз бийлигинде көрө албайм.
Мындай адам 100 жылда бир жаралчу.
Жайы жаннаттан болсун.
Балдарынын өмүрү узун болсун!!!
07.04.2014. 16:36 
Тайпасы:
Кыймылы жок
Комментарийлердин саны:
3
Катталган:
27-08-2013
Соӊку аракети:
10-04-2015 16:59
Жынысы:
Белгисиз
0
Осмонов Токтогулда аким болуп турганда, малчыларды кыдырып барганда багажнигине дайым резина отук салып журушчу дешет.Сарайларга чыланы кечип кирип кетчу дешет, жанында баргандар айласы жок туфлиси менен артынан басышчу дешет, эх кайран киши.
1
2
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: