Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТОЙ БОЛООР КҮНҮ ЖАНАРАМДАН АЙРЫЛЫП КАЛДЫМ

№208 27-октябрь-2-ноябрь, 2006-ж.


ЧЫНЫГЫ СҮЙҮҮГӨ КАБЫЛГЫМ КЕЛЧҮ
– Негедир кичине кезимден чыныгы сүйүүгө кабылгым келчү. Балким, китепти көп окуганымданбы, айтор, кыялымда жомоктогудай сүйүүнү элестетээр элем. Бирок, мен күткөн сүйүү негедир жолукпай, кыялымдагы перини таппай жүрдүм. Пери десем сулуулукту гана баалайт экен деп түшүнбөңүз. Мен сырткы сулуулугу менен ички дүйнөсү айкалышкан өзүмдүн адамымды күтүп жүрдүм. Балким, отузга чейин бой жүргөнүмдүн себеби да ошондон улам болсо керек,- дейт Максат оор үшкүрүп.
Ооба, Максат өзү курдуу миңдеген жаштардай эле өз теңин, өз адамын күтүп жүргөн. Үйбүлөсүнүн тун уулу болгондуктан, жаштайынан турмуштун ак-карасын таанып өскөн. Алтургай, үйбүлө­сүнүн башына кыйын кезең түшүп турганда ата-энесине арка бел болгон. Ал дагы бардык эле адамдар сыяктуу жар күтүп, бактылуу турмуштун ээси болгусу келчү. Бирок, ал күткөн периште кеч кезигээрин, кезиккен соң азабы болоорун билбеген эле.
Максат Жанара менен телефон аркылуу таанышкан экен. Негедир биринчи укканда эле добушу жүрөгүнө жакын туюлуп, жолугууну өтүнөт. Жолукканда эле өмүр бою издеген адамы ушул экенин билди. Жигиттин карегинен учкан учкундары кыздын жүрөгүн аралап өттү. Тез эле тил табышкан эки жаш тагдырынын буйругунан баш бура албай махабат аралына бет алышты. «Мен Жанарага жолуккандан кийин гана чыныгы сүйүү эмне экенин түшүндүм. Жанарадан башка жашоонун кызыкчылыгы жок калды мен үчүн. Бирок, Жанарам жаш болчу. Азыр менин жашоомдун негизги маңызы өзү экенин түшүнчү болду бекен деген күмөн ой кетет. Албетте, ал деле мен сүйгөндөй эле сүйчү. Ошентсе да...»
Максат кайрадан башын жерге салып ойго чөгүп кетти.

БУЙРУКСУЗ ТОЙ
Ошентип, арадан төрт жыл өтөт. Жанара Бишкек Гуманитардык университетинде окучу. Максат экөө үйлөнүүнү пландап жүргөндө кыздын туугандары Максатка турмушка чыгуусуна караманча каршы экенин угат. Максат ага деле моюбайт. Тоскоолдуксуз, күрө­шүүсүз эч нерсе келбесин билген Максат анча-мынча тоскоолдуктарды жеңип өтөм деген ишенимде эле. Бирок...
«Мен көп жолу айттым. Жанара, мен сенден айрыла албайм. Сен жанымда болгонуңда гана турмуштун сыноосунан өтүп, чогуу болобуз. Сен эч нерсени ойлобо дечүмүн.
Анын үстүнө жашыбыздагы болгон айырмаданбы, мен ага аябай эле камкор мамиле жасачумун. Аны бардык нерседен коргоп алгым келип турчу. Мендей аны эч ким жакшы көрө албаса керек. Ошентип, той болчу күн дагы жакындап калды. Бирок, бактыга карк болоор күнү Жанарам мени кайгынын уусуна сугарып салып баса берди. Үйлөнөөрүбүздү уккан ата-энеси келип алып кетишиптир.»
Максаттын айтуусунда, Жанаранын ата-энеси: «Кызыбызды чоң той менен алып кетчү адамга беребиз. Алам деген жигит өзү­нөн бир топ улуу экен» деген экен.
«Мен деле андай кылып той кылганга кудуретим жетмек эле. Бирок, таянаар эч кимим болбогондон кийин карызга батып кийинки жашоомду карыздан баштагым келген эмес. Ал жөнүндө Жанара экөөбүз сүйлөшүп чечкенбиз. Ошонун айынан минтип Жанарамдан ажырап калам деп түк түшүмө кирген эмес. Дүңгүрөткөн той бербесем да сүйүүм менен бактылуу кылаарымды ойлоп коюшкан жок» дейт Максат. Чын эле ушундай арзыбаган нерсе үчүн эки адамдын тагдырына балта чабылып жатканын негедир кыздын ата-энеси түшүнбөгөн окшойт.

АЙРЫЛУУНУН АЗАБЫ...
Ооба, Максаттын башына түшкөн кайгысы өтө оор эле. Айрылуунун азабынан жанын кыюу үчүн эки жолу кан тамырын кесет. Бирок, бактыга жараша экөөндө тең саксактап турган достору аман алып калышат. Жашоо кызыгын жоготкон Максат кийинки кезде арактан баш көтөрө албай калганын да жашырган жок.
«... Мен өзүм ичкен адамды жаман көрчүмүн. Мунун арты жаман болоорун да түшүнөм. Анткени, өзүмдүн апам дагы күйүттөн көп ичип, денсоолугунан ажыраган. Ошондон улам эч ка­чан арак ичпейм деп ойлочумун. Көкүрөгүм бассам-турсам ачышат да турат. Негедир арак ичсем ошол оору басаңдай түшкөнсүйт. Кайрадан эле жанымды кейиткен оору. Ушул арактын айынан жумушума да барбай койдум. Анткени, түрктөрдүн фирмасында иштечүмүн. Алардын көзүнө ичип барып кадыр-баркымды түшүргүм келген жок.
Жанарам кандай күндө экенин билбейм. Ал эч качан өз эрки менен менден баш тартпайт болчу. Эжелеринин, ата-энесинин сөзүнөн чыга албай калганына көзүм жетип турат. Балким, жаштык кылып жаткандыр... Негизи, кенжеси болгондонбу, көп учурда бирөөлөрдүн кө­ңүлүн калтырып өз оюн айта алчу эмес. Кө­ңүлү назиктигинен, ата-энесин кыйбагандан улам эле ажырашып калдык. Кандай болгон күн­дө да мен аны эч качан күнөөлөбөйм».
Максат мойнунан кичинекей тумарчаны сууруп чыкты. Көрсө, бул Жанарасынын эң биринчи берген белеги экен. Ошол алган күндөн баштап эч качан мойнунан түшүрбөй тагынып жүргөнүн, эң баалуу белеги ушул экенин да айтты.

БАЛКИМ, КЫТАЙДАН ЖОЛУГААРБЫЗ...
«Бардыгынан кыйналганым, Жанараны эми эч качан көрбөй каламынбы деген ой. Ата­сына барып жолуктум. Бирок, ал: «кызымды коркутат экенсиң. Бычак менен коркутупсуң» дегени эсимди оодарды. Чындыгында мен Жанарамдын чекесинен чертмек тургай, катуу сүйлөп көргөн эмесмин. Бол­гону мен «Караңгыга калба, көп баспа» деп анын келечегинен коркуп айтканым бар. Анан кызганычтан улам кичине жиним келип кетээр эле. Бирок, эч качан үнүмдү көтөрүп сүйлөгөн эмесмин. Бардыгын акырын сөз менен гана чечип алчубуз. Жанара менен төрт ай бир үйдүн ичинде жашадым. Бирок, мен ага тийген эмесмин. Сүйүүмдү булгап, көңүлүн кирдетип аламбы деп корк­конумдан улам мындайга барбагам. Ал мен үчүн эң бийик, эң ыйык адам эле. Ушундан эле мен аны кандай сүйгөнүмдү билсеңиз болот.
Жакында ал Кытайга стажировкага кетип калышы мүмкүн. Эгерде кетсе ал кийинки жылдын жаз айларында келет. Ага чейин эмне болуп кетээримди түшүнбөйм.
«Качандыр бир кезде унутулат» деп жооткотот досторум. Кайдан, күн өткөн сайын ого бетер кусам ташып келет. Бирок, мен өзүмдү билгендей эч ким мени билбейт эмеспи. Мен Жанарасыз жашай албасымды сезип турам. Баары бир чогуу болобуз деген үмүтүм бар. Жакында мен дагы бир адамдар менен Кытайга барып келсемби деп турам. Бирок, барганда кантип табам башым жетпейт.
Жанара! Мага сенсиз күн караңгы экенин түшүнчү. Кайра мага кайрылып келчи кеч бо­ло электе. Мен сенсиз жашай албайм!
Айткылачы, эмнеге ата-энелер балдарынын турмушун өз колдору менен бузушат? Эмнеге абийириң да, адамкерчилигиң да, ал­тургай, сүйүүң да байлыкка сатылат?
Айланайын ата-энелер! Балдарыңардын материалдык жагын эле ойлобой, жандүй­нөсүнө кулак салып, жүрөк түрсүлүн тыңшап койгулачы... Балким, ушул гезитти Жанаранын ата-энеси окуп калса менин абалыма түшүнүшөөр деген ой менен келип отурам...»
Оор үшкүргөн Максат сөзүн ушинтип бүтүрдү. Анын каректеринде үмүттүн шооласы турду...

Даярдаган Нуржамал Жийдебаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(4)
02.09.2009. 13:58 
Тайпасы:
Жаран
Комментарийлердин саны:
20
Катталган:
28-07-2009
Соӊку аракети:
22-06-2018 15:44
Жынысы:
Белгисиз
+2
нет,если бы девушка любила бы....она бы вернулась...хоть любым способом...но Максат она тебя не любит почему ты это не можешь понять...просто ты боишься признать это...
27.10.2011. 18:30 
Тайпасы:
Жаран
Комментарийлердин саны:
21
Катталган:
24-12-2010
Соӊку аракети:
12-08-2018 14:45
Жынысы:
Белгисиз
Калаасы:
Атбашы, Бишкек
0
Кайгылуу окуя экен, бирок экинчи тарапты (кызды мумкун болсо) уксак да жакшы болмок!
02.01.2012. 00:12 
Тайпасы:
Кыймылы жок
Комментарийлердин саны:
12
Катталган:
07-10-2011
Соӊку аракети:
27-09-2013 14:09
Жынысы:
Белгисиз
0
Suibogongo suikonbo, kyz seni suibooru anyk ele bilinip turbaiby!!! Realist bol.. Arak saga suiuundu kairyp berbeit ech kachan
18.08.2012. 14:27 
Тайпасы:
Жаран
Комментарийлердин саны:
7
Катталган:
15-08-2012
Соӊку аракети:
18-09-2018 13:56
Жынысы:
Белгисиз
Калаасы:
Там где моя Звезда.
0
men da uwundai bolgom Maksat baike ata enem 4 jyl birge jurgon adamyman airydy azyr meni Kytaiga jiberiwken men uwu jerde iwteim ,okuim ,jardam berein maga jazynyz ejenin dannyilaryn je email darekterin
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: