Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Алексей Филатов: “ТӨШӨК ДААМЫН ОН ТӨРТ ЖАШЫМДА ТАТКАМ”

№363 16-22-октябрь, 2009-ж.


Алгач телекөрүүчүлөр аудиториясында белгилүү болгон Алексей Филатовду азыр көпчүлүк продюсер катары да таанып калышты. Мына ушул жигит бирде "орозо кармап, намаз окуп жатам" десе, бирде мусулман кызын сүйүп, күйөрмандарын таң калтырып келет. Алексейден кызыктуу маек бүгүнкү саныбызда.

– Алексей, учурда эмне менен алектенип жатасың?
– Мындан үч жыл мурун бий мектебин ачкам, ошону менен алпурушуп келе жатам. Кабыл алынгандар бийчи, уюштуруучу, ырчы, продюсер дегендей, ар түрдүү багыт менен кетишет. Андан сырткары НБТ телеканалындагы “Жаңы ысымдар” долбоорун алпарам.
– Мектебиңе кандай талап менен кабыл аласың? Кабыл алынгандар канча акча төлөшөт?
– Кастингге келген адамдын аранжировкаланган даяр ыры же даяр бийи болушу керек. Эгер жок болсо, жандуу үн менен кыргызча, орусча, англисче ырдатып көрүп кабыл алабыз. Адамда эгер 1 пайыз талант, 99 пайыз аракет болсо, андан бирдеме чыгат. Ошондуктан аракети күч экенин байкасак эле кабыл ала беребиз. Кабыл алынгандар айына 1000 сомдон төлөшөт.
– “Жылдыз менен бааар­лашкың келеби? Анда телефон чал” деген долбоорду ким ойлоп тапкан. Бул жарнамадан сен кандай пайда табасың?
– Мындан эки жыл мурун күйөрмандарым менен кантип жакындан байланышсам болот деп көпкө ойлондум. Анан сайт ачтым. Кат алышканың менен, жүзүн көрбөйсүң да. Ошон үчүн ушундай ыкманы ойлоп тапкам. “Мага чал” жарнамасынын негизинде таанышкан жаштардын саны абдан көп. Алардын ичинен жакын дос болуп калганы, чогуу иштешип калганы да бар. Айрымдар “телефон чалганыбыз менен, операторлор жооп берип коюшат” дешет экен. Бирок таптакыр андай эмес. Мага телефон чалышса мен, Алькамилге телефон чалышса Алькамиль өзү алат.
– Алькамилге кандайча продюсер болуп калдың?
– Кайсы концерт экени эсимде жок, 2007-жылы бир концертти алпарып калдым. Алькамиль менен ошондо таанышкам. Алькамиль “Жаңы ысымдар” долбоорунун таланттуу, ийгилик коштогон жылдызы.
– Көптөгөн концерттерди өткөрүп жүрөсүң. Уюштуруучулук таланттан сырткары каражат жагынан колдоо болушу керек эмеспи. Демөөрчүлөрүң күчтүү окшойт...
– Эл ичинде “Алексейдин атасы депутат. Ата-энеси өтө бай адамдар, ошолордун акчасына көпкөн бала. Байкеси шаар башчысынын орун басары” деген сөздөрдү көп угам. Мэрияда Филатов деген бирөө иштейт экен, бул сөз ошондон улам чыкса керек. Айрымдардын “вице-мэр сенин байкеңби?” дегенине сыр бербей, ооба деп коём. Бирок таптакыр андай эмес. Апам борбордогу ооруканалардын биринде врач. Атам менен апам мен үчкө чыкканда ажырашып кетишкен экен. Атам азыр Орусияда жашайт. Башка үй-бүлөсү бар. Атам ал жакта депутат эмес. Экөөбүздүн байланыша элегибизге көп жыл болду. Ошондон улам өзүмдү-өзүм бакканга жаштайымдан көнгөм. Башкача айтканда, он эки жашымдан тарта акча таап, финансы жагынан өзүмө-өзүм демөөрчүмүн.
– Апаң андан кийин турмушка чыккан жокпу? Сурайын дегеним, ини-карындаштарың барбы?
– Апам турмушка чыккан жок. Бирок учурда сүйүктүү адамы бар. Мен болсо жалгыз баламын.
– “Орозо кармады” деп ук­тум эле. Мусулмансыңбы же христи­ансыңбы?
– Христиан элемин. Бирок ислам динине абдан кызыгам. Өткөн жылы бир ай орозо кармагам. Орозо кармоодо адам баласы бардык жагынан тазаланат эмеспи.
– "Эл көзүнө көрүнүш үчүн калп эле "намаз окуп жатам, кыргыз кызы менен сүйлөшөм" деп айта берет" деген имиштер бар...
– Намаз окуп көрө элекмин. Бирок мусулман кызы менен сүйлөшкөнүм чын. Аты – Малика. Малика менден эки жаш улуу. Кыргызстандагы белгилүү компаниялардын биринде иштейт. Экөөбүз үч жылдан бери кыз-жигитпиз. Мен аны чын эле жакшы көрөм. Негизи, менин мүнөзүм оор. Ошол оор мүнөзүмө үч жылдан бери чыдап, мени менен сүйлөшүп жүргөндөн кийин ал деле мени сүйсө керек.
– Жарандык никеде жашай­сыңарбы?
– Азырынча жашай элекпиз.
– Качан үйлөнөсүңөр? Апаң кыргыз кызына үйлөнүшүңө уруксат береби?
– Үйлөнүү туурасында азырынча сүйлөшө элекпиз. Анын да, менин да ишим чачтан көп. Бирок күнүгө жолугабыз. Жолуга албасак телефон аркылуу сүйлөшөбүз. Бир нерсени айта кетпесем болбос, мен СМС жазгандар арасынан 2008-жылы жеңүүчү болуп табылгам. Бардыгы болуп 12 миң СМС жазыптырмын. Анын 10 миңи Маликага жөнөтүлгөн. Эгер мен кыргыз кызына үйлөнөм деп чечим чыгарсам, апам эч качан каршы чыкпайт. Анткени апамдын жашоосу башка, менин жашоом башка.
– Канча жа­шыңда төшөк даамын таткансың?
– 14 жашымда өзүмдөн үч жаш улуу бир кыз менен таанышып, кыз-жигит катары сүйлөшүп калдым. Аңгыча туулган күнүм болуп калды. Туулган күнүмдө сүйлөшкөн кызым менен биринчи жолу төшөк даамын таткам.
– Кантип шоу-бизнеске аралашып калдың?
12 жашымдан баштап “Лимон” гезитинде иштедим. Бир жолу кесиптештеримдин бири менен сүйлөшүп отурсам “сен телевидениеде иштей албайсың” деп калды. Ошондо аябай намыстандым. Эмнеге иштей албайм деп катуу ойлондум. Аңгыча Ассоль Молдокматова интервью бергени келип калды. Сиздерге барып иштесем болобу десем, “эртең съёмкага кел, байкап көрөлү” деди. Эртеси барып тартылдым. Дароо эле жактырышты. Ошентип, “Улуттук хит парадды” алпарып калгам.
– Продюсерлер Ассоль, Канат, Динара болуп бир команда элеңер, чачырап кеттиңер го. Кимиси менен кандай мамиледесиң?
– Ассоль Модокматова мени телевидениеге алып келип, эфирге алып чыккан адам. Ошондуктан КТРден чыгарып жатканда дайыма ал кишинин жанында моралдык колдоо көрсөтүп жаттым. Биз утулган да, уткан да жокпуз. Азыр Ассоль менен эң жакшы мамиледемин. Ал эми Канат байке, Динара эжелер менен саламым түз.
– Кыргыз тилин канчалык деңгээлде үйрөнүп калдың?
– Күн сайын кыргызча сөз байлыгым өсүп баратат. Ал эми кыргыз тилин түшүнүү жагынан бир топ эле жылыш бар.
– Кандай косметика колдо­носуң? Чачыңды канча жолу боёгонсуң?
– Эфирге чыгаарда, концерттерди алпарарда упа колдоном. Мурун чачымды жума сайын боёчумун, азыр эмнегедир андай кылгым келбей калды.
– Кантип эс аласың?
– Үйдө жалгыз китеп окуп, кино көрүп эс алганды жактырам.
– Сыртыңдан караганда бой көтөргөн адамдай көрүнөсүң. Чын эле ошондойсуңбу?
– Сиз кандай ойлойсуз?
– Мен мурун бой көтөргөн жигит деп ойлочумун. Бирок жөнөкөй эле окшойсуң...
– Туура айтасыз. Сыртымдан ошондой көрүнөт окшойм. Анткени мындай сөздү көп угам. Бирок мени менен сүйлөшкөн адам жөнөкөйлүгүмдү байкабай койбойт.
– Маегиңе рахмат.

“Алькамилдин концертине келгиле”

23-октябрда өтө турган Алькамилдин концерти туурасында Алексей төмөндөгүлөрдү айтып берди.

Алькамилдин жаңы жазылган ырларынын көбү чыгыш стилинде. “Улуттук хит-парад” теледолбоорунан “Жылдын саркеч ырчысы-2008” наамын алган. Ошондуктан концертти заманбап кылууга аракет кылуудабыз. Алькамиль өзү архитектор, дизайнер. Ошондуктан сахнанын жасалгасын өзгөчө кылууга өзү аракет кылууда. Андан сырткары камералык оркестр болот. Он жети ырын тең жандуу үн менен аткарат. Скрипканы да жандуу ойнойт. “Сенсиз жаным, ай” ырынын клибинде Алькамилди 2 метр бийиктикке ыргытышат го. Ошол жерин сахнада 7 метрге ыргытышат. Концерттин "фишкасы" ушул десем болот.

Сүйүн Кулматова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: