Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Айчүрөк Абасова, Руслан Абасовдун аялы:«ТООБУЗ КУЛАГАН АБАЛДА ТУРАМ»

№596 04-апрель-10-апрель, 2014-ж


Өткөн жумада кыргыздын чыгаан уулдарынын бири, кикбокс боюнча Дүйнө чемпиону Руслан Абасов киши колдуу болуп каза тапты. Ата-энеси алмончоктой уулунан, бала-чакасы ардактуу атасынан, элибиз дагы бир мыкты уулунан ажырап, орду толбос оор жоготууга учурады.

РУСЛАН АБАСОВ
Лакап аты: Гермес
Туулган жылы, күнү: 1976-жыл, 15-ноябрь
Туулган жери: Токмок шаары
Билими: Токмок Техникалык институтунун экономика бөлүмүн аяктаган
Каза тапкан күнү: 27-март, 2014-жыл

ОКУЯ КАНДАЙ БОЛГОН?
27-март күнү кечки саат 17:30дар чамасында Токмок шаарындагы 1-кичи райондон 3-кичи районду көздөй бара жатканда жардыруу болгон. Руслан Абасов айдап бараткан Тойота Ленд Крузер унаасынын астына коюлган жардыруучу зат жарылып, спортчу ооруканага жетип каза болгон. Күбөлөрдүн айтымында, жардыруу ушунчалык катуу болуп, ал жерге эл бат эле чогула калган. Руслан менен келинчегин унаадан алып чыгышканда спортчудан кан суудай эле шырылдап акканын айтышат, көргөндөр. Буттарын курлар менен байлашса да, баары бир кан көп кетип калган. Ал эми унаанын арткы орундугунда отурган жубайы медициналык жардам көрсөтүлгөндөн кийин үйүнө чыгарылган.
Чүй ОИИББинин маалымат кызматынын билдиришинче, бул факт боюнча Токмок ШИИБинин тергөө бөлүмү Кылмыш жана жаза кодексинин 97-беренеси (киши өлтүрүү) менен кылмыш ишин козгогон. Тиешелүү соттук экспертизалар дайындалган. Аны иликтөөгө ИИМдин, Бишкек ШИИББинин жана Чүй ОИИББинин кызматкерлери тартылып, иликтөө иштери жүрүп жатат.

СПОРТТОН КИЙИН БИЗНЕСКЕ КЕТКЕН
Руслан Абасов. Бул ысым убагында кыргыздын сыймыгы эле. Кезинде канчалаган атаандаштарынын үшүн алып турган. Табына келип турганда Александр Устинов, Сурен Калачян, Алексей Кудин жана «Шайтандын жактоочусу» каймана аттуу Эдуард Вознович сыяктуу супер оор салмактагы Дүйнө чемпиондорун жер кучактаткан.
Ал 2009-жылы Москвада өткөн профессионалдар арасындагы супер оор салмакта Дүйнө чемпиондугун уткан соң чоң спортту таштап, бизнес менен алектене баштаган. Ак-Сай жайлоосунан 50 миң гектар аянттагы жер алып, аң уулоочулук менен алектенип келген. Кыргызстанда жаныбарлардын түрү азайып кеткендигине кейип, чет өлкөлөрдөн кийиктин ар кандай түрлөрүн алып келип көбөйтүүнү максат кылып жүргөнүн айткан эле, гезитибизге берген маегинде. Андан тышкары маркум Токмоктогу аэродромдо коммерциялык унаа жарыштарын да уюштуруп турган. Өкмөттүн Ысык-Көл облусундагы ыйгарым укуктуу өкүлүнүн экология жана спорт иштери боюнча кеңешчиси болуп да иштегени бар.

Атактуу спортчунун артында эки уулу жана бир кызы калды.

Жарылгандан кийинки спортчунун унаасы. Көрүнүп тургандай, кан өтө көп кеткен.

Руслан Абасов мындан 3 жыл мурун бизге берген маегинде ошол убактагы 9 айлык уулу Русланды «Олимпиада чемпиону кылам» деп кыялданган эле.

ЖЕТИШКЕНДИКТЕРИ:

Александр Воинов, машыктыруучусу:«РУСЛАН РИНГДЕ БАШКА, ЖАШООДО БАШКА АДАМ ЭЛЕ»
– Мен Руслан менен 20 жылдан бери таанышмын. Ушул 20 жылдын ичинде ал көптөгөн ийгиликтерге жетишти. Тарбия берген балдарымдын ар бирине үстүртөдөн мүнөздөмө берип койсом деле болот, бирок Руслан бөлүп карай турган өзгөчө адам болчу. Ал рингде ушунчалык каардуу, күчтүү жана беттешкенин жеңмейинче рингден кетпеген каршылаш катары сүр көрсөтөр эле. Ал эми рингден түшкөн соң анын жүзүндө каршылашына көрсөткөн бир дагы каарын таппайсың. Ал эч качан өзүнө душман күткөн эмес. Мен аны көлөмү чоң кичинекей бала деп койчумун. Себеби андан баланыкындай таза кыялды, мээримди көрчүмүн. Анын бир да жолу текебердик кылып, адам менен бир колдоп учурашканын көргөн эмесмин. Дайыма кичи пейилдик менен душманынын да, досунун да, улуу-кичүүнүн да колун эки колдоп кысып, ийилип салам айтчу.
Экөөбүз көп сырдашчубуз. Акыркы жолугушууларыбызда «балдарымды татыктуу тарбияласам экен. Аларга татыктуу ата болуп, арасынан бирөөнү спорттон көрөм деген тилегим бар. Билесизби, бала тарбиялоо бул өзүнчө эле искусство экенин түшүнүп жатам» дегендери эсимде. Бул анын келечекке койгон максат-кыялдарынын эң башкысы болчу. Илим изилдөөгө кызыккан спортчулар сейрек болот эмеспи, Руслан «жаныбарлардын түрдүү түркүмүн изилдеп, ал боюнча илимий изилдөөлөрдү, эмгектерди жазайын деп жатам» деп жүргөн. Кыргызстандагы тоо жаныбарларынын дээрлик бардыгын эле билчү. Аны менен сүйлөшүү абдан кызыктуу болчу. Анан аквариум балыктары тууралуу дагы маек курганды жакшы көрөр эле. Алар тууралуу бир-эки саат бою кызыктуу нерселерди айтып берсе да тажабай уга бересиң. Берген тапшырманы бир да жолу туура эмес аткарып же такыр аткарбай койгон эмес. Спарринг учурунда агрессияга алдырып, күчүнөн тайып калган спортчулар болот. Мен андан машыгуу учурунда көзүнө тике карап туруп, агрессияга эч алдырбаган токтоо, беттешүүнүн аягындагы өзүнүн жеңишин көрүп турган, өзүнө ишенген адамды байкачумун.
Күтүлбөгөн жерден анын кырсыкка учурап каза табышы баарыбызга эле табышмак болууда. Мен билгенден анда душман деле жок болчу. Жакында жаратылыш коюнунда эс алууну пландап, сапаттуу фотоаппарат алдырып жаткам. Эгер ошол колубузга тийсе тоого чыгып жаныбарларды, жаратылышты сүрөткө тартып, өзү айткандай, фотоаңчылык кылып келели деп жүргөнбүз.

Райкан Төлөгөнов, депутат:«РУСЛАНДЫ ӨЛТҮРГӨНДӨР – КЫРГЫЗДЫН ДУШМАНЫ»
– Руслан менен 2010-жылдан бери таанышмын. Ага чейин белгилүү спортчу, Кыргызстандын намысын коргогон адам катары сыртынан таанычумун. Ал Токмоктогу «Ата Мекен» партиясынын ишмердүүлүгүнө кол кабыш кылып бир топ иштерге аралашып жүргөн. «Баатырдын даңкын алыстан ук, жанына келсең бир киши» дегендей, сыртынан караган адамга абдан сүрдүү көрүнчү. Ал эми жанына келсең, ички жан дүйнөсү бетине чыккан, таза, бала кыял, эч кимге жамандыгы жок жигит эле.
Адатта кээ бир спортчулар чоң ийгиликтерди жаратып, мөөнөтү келип спорттон кеткенден кийин кылмыш чөйрөсүнө аралашып кетишет эмеспи. Руслан андай жолго барган жок. Угушума караганда, буга чейин ага криминалдык чөйрөнүн адамдарынан мыйзамсыз иштерге баруу тууралуу сунуштар түшүп, бирок ал баш тартып койгон экен.
Русланды өлтүрүүнү көптөн бери пландап жүрүшсө керек. Себеби жардырып өлтүрүү Кыргызстанда биринчи жолу болуп жатпайбы. Бул боюнча атайын органдар иш алып барып, иликтөөнү өтөсүнө чыгарат деген ишеничтемин. Руслан Абасовго кол салып, анын өлүмүнө себепкер болгон адамды бүткүл кыргыздын душманы дээр элем. Себеби Руслан – кыргыз элинин сыймыгы, элдин уулу болчу. Анын көзүн тазалагандар кыргыздын даңкына кол салышты.

Малик Борбашев, кикбоксчу:«РУСЛАНДЫН АР БИР ИЙГИЛИГИ МЕНИ КУБАНДЫРЧУ»
– Руслан менен Токмок шаарында бир аймакта чогуу жашап, тааныш болчумун. Короодогу балдар чогулуп, ар кайсы спорттун түрлөрү менен машыгып жүргөнбүз. Руслан башында ушу-саньда, бокс боюнча секцияларга барчу. Анын тайманбас мүнөзүн байкап, бир күнү «бизге келбейсиңби?» деп сунуштап калдым. Башкалардай болуп «билбейм, көрөм го» дебей, дароо эле «барам, макулмун» деп жөнөп кетти. 1994-95-жылдар болчу, анда Руслан 18 жаштагы арык чырай, кичинекей бала эле. Көп өтпөй машыгуунун жүрүшүндө артыкчылыгын көрсөтүп, ийгиликтери менен кубанта баштады.
Адам бак тигип, ал чоңойсо көлөкөсүнө жатып эс алып, салкын саябанынан кандай ырахат алат. Мен да Руслан жеңишке жетишкен сайын кубанып, анын чоң спортко келишине себепкер экениме сыймыктанып турчумун. Кийин баягы кичинекей, арык баланын элеси да жок, менден да чоң, чымыр денелүү, алп жигит болуп чыга келди. Менден 4 жаш кичүү. Ар дайым «ага» деп сыйлап турчу. Клубга жаңы бара баштаганда Русландын апасы «балам, Русланды карап, баш-көз бол. Тентектик кылса какыс-кукус кылып коё бер, унчукпайм» деди. Мен апасына макул деп сөз берип койгонумду эстеп, туура эмес бир нерсе кылса, ашыкча басып кетсе тарбиялап койчумун. Ачуусу келип, ызаланса да баш ийип, унчукпай, сыйлап, ызасын ичине катып туруп берчү. Анын намыскөй, тарбия көргөн бала экенин ушундан эле билсе болот. Анан да ал 60 килограмм салмактан 100 килограммга чейин жеткен. 75 килограммдык менин салмагыма келгенде, сыйлагандыгынан улам мени менен спаррингге чыкчу эмес.
Көрө албастык, ичи тардык – адамзатын курута турган эң жаман сапаттар. Өз күчү, тайманбастыгы менен бийиктикке жетип, Кыргызстандын намысын бир эмес, бир нече ирет коргосо дагы ага рахмат айткандын ордуна өз өлкөсүнөн, болгондо да туулган жеринен киши колдуу болуп өлүм таап жатканы өкүндүрөт. Русландын киши колдуу болуп каза тапкандыгы боюнча бул же тигил деп жоромолдорду айта албайм, себеби ал бирөөгө жамандык кылып касташа турган адам эмес болчу. Кандай болгон күндө да кыргыздын намысын коргогон бир кулунунан ажырап турганыбызга ичим туз куйгандай ачышып турат...

Айчүрөк Абасова, жубайы:«РУСЛАНДЫ ЖОКТОО ООР БОЛУП ТУРАТ»
– Азыр мен өзүмдү абдан жаман сезип жатам. Ал менин ошол күнү Русландын жанында болуп алган жараатымдан эмес, жолдошумдан түбөлүккө ажырап калган жараатымдан улам болуп жатат. Адам болгон соң арга жок артынан кете албай, башка түшкөндү көтөрөт экенсиң. Азыр таянган тообуз кулагандай абалда турам. Ал жашоомдогу биринчи катардагы эң маанилүү адам жана балдары үчүн алмаштыргыс ата болчу. Кара көздү кашайтып, ажал айттырбай келип көздөгөнүн алып тынат экен. Мен мындан башка эч нерсе айта албайм. Русландын баскан-турганын эстеп, аны жоктош мен үчүн өтө оор болуп турат.

РУСЛАН АБАСОВГО ЧЕЙИН ДА КӨП СПОРТЧУЛАР КИШИ КОЛДУУ БОЛУШКАН
Эгемендүү Кыргызстандын тарыхында буга чейин да бир топ атактуу спортчулар кылмышкерлердин колунан каза тапкан. Алардын арасында саясатка ыктап кеткендер да бар. Мисалы, 2002-жылы ноябрь айында Бишкек шаарында машыгуудан чыгып келе жаткан жеринен кикбоксчу Али Порсуков атып өлтүрүлгөн. Ал да Руслан Абасов менен чогуу «Гермес-Профи» клубунда машыкчу.
2006-жылы январь айында Бишкек шаарынын 7-кичи районунда балбан Раатбек Санатбаевди белгисиз бирөөлөр атып кетишкен.
Мындан сырткары спортчулар Үсөн Кудайбергенов, Баяман Эркинбаев, Санжар Кадыралиев, Жыргалбек Сурабалдиев, Кабылбек Карымшаков киши колдуу болуп каза табышкан. Булардын көпчүлүгүнүн өлүмүнүн сыры ачылбай, кылмышкерлер табылбай кала берди.
Руслан Абасовдун өлүмү бүткүл коомчулукту селт эттирди. Тирүүлөй кишини жардырып өлтүрүү Кыргызстандын тарыхында биринчи жолу катталып отурат. Буюртма киши өлтүрүү болгондугу жана профессионал аткаргандыгы байкалып турат. ИИМдин маалыматына караганда Руслан Абасов эч качан уюшкан кылмыштуу топтун мүчөсү болгон эмес. Анда ал кимге жолтоо болгон, анын өлүмү кимге керек эле? Ким буюртма берген? Ким аткарган? Күнөөлүүлөр кармалып, тийиштүү жазаларын алышабы же жогоруда айтылган окуялардай эле күнөөлүүлөр табылбай калабы? Суроолор абдан көп...

СОҢКУ СӨЗ
Руслан Абасов мындан 3 жыл мурун гезитибизге маек куруп, спорттогу басып өткөн жолу, кийинки жашоосу жана келечектеги пландары тууралуу айтып берген эле. «Уулум Руслан Русланович Олимпиада чемпиону болушу үчүн бар күчүмдү жумшайм» деген спортчу уулунун чоңойгонун көрбөй кетти. Ажал минтип спортчунун жолун тороп, «кичүү уулумду чоң спорттон көрөм» деген тилеги менен кошо алып кетти. Негизи, ал кыска өмүр сүрсө да, көптөр жетпеген чоң ийгиликтерди багындырды. Ал – кыргыздын чыгаан спортчусу, татыктуу уулу эле. Руслан Абасовдун артында 2 уул, 1 кызы калды. Кыргыздын мыкты уулун өлтүргөн кылмышкерлер табылып, өз жазасын алат деп ишенели. Жамаатыбыздын атынан анын жакындарына, дос, туугандарына терең кайгыруу менен көңүл айтабыз.

Уулу Темирлан көпкө чейин кетпей атасынын мүрзөсүнүн жанында турду.

Уулунан ажыраган эненин күйүтүнө чек жок.

Нурбек Абдыкадыров,
Гүлжан Асанкожоева
koom@super.kg



Руслан Абасовдун зыйнатына 400дөй адам келди

Автор: Максат Орозумбетов
Оператор: Азамат Бакиров

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(71)
07.04.2014. 11:04 
Тайпасы:
Кыймылы жок
Комментарийлердин саны:
21
Катталган:
11-05-2012
Соӊку аракети:
07-01-2015 12:07
Жынысы:
Белгисиз
Калаасы:
бишкек
0
Асия Сасыкбаева жоолук салынып алса болмок экен
07.04.2014. 13:41 
Тайпасы:
Жаран
Комментарийлердин саны:
27
Катталган:
09-01-2014
Соӊку аракети:
28-11-2017 05:10
Жынысы:
Белгисиз
+1
Бул кылмыштын деле бети ачылбайт тилекке каршы.
07.04.2014. 13:54 
Тайпасы:
Жаран
Комментарийлердин саны:
12
Катталган:
15-01-2014
Соӊку аракети:
10-07-2018 17:59
Жынысы:
Белгисиз
0
Менин оюм боюнча бул кылмыштын да бети ачылбайт,иликтоочулор да журо беришет да айлап жылдап таба элекбиз деп.
07.04.2014. 14:37 
Тайпасы:
Кыймылы жок
Комментарийлердин саны:
51
Катталган:
27-07-2013
Соӊку аракети:
20-09-2014 21:53
Жынысы:
Белгисиз
0
Жоолук салынбаса дагы юбка кийип алса болмок экен чоп-чон эле аялга жарашпай калыптыр.
07.04.2014. 14:47 
Тайпасы:
Кыймылы жок
Комментарийлердин саны:
10
Катталган:
06-11-2013
Соӊку аракети:
23-02-2015 11:35
Жынысы:
Белгисиз
+1
Ооба туура айтасынар бети ачылбайт менда кошулам.
07.04.2014. 15:28 
Тайпасы:
Жаран
Комментарийлердин саны:
131
Катталган:
02-11-2013
Соӊку аракети:
31-12-2016 05:22
Жынысы:
Белгисиз
Калаасы:
Москва
0
Эх журогум зыркырап кетти,жайы жаннатан болсун,
07.04.2014. 15:37 
Тайпасы:
Жаран
Комментарийлердин саны:
11
Катталган:
23-08-2012
Соӊку аракети:
13-11-2018 08:00
Жынысы:
Белгисиз
Калаасы:
Кара-Көл
+2
Жаткан жери жайлуу болсун, калган омур жашын уул кызына берсин, ойлоп олтурсан кыргыздын кандай акылдуу атактуу бир кылымда бир жарала турган асыл адамдардан айрылып жатабыз, айтпаса да белгилуу Русландын олумуно дагы деле бийликте одтургандар аралашкан себеби башка спортсментер да жаны идеа ойлоп таап ошону ишке ашырам элиме бир нерсе жасайын деп, кимдир бироого тоскоол болот же идеасын алыш учун озун жок кылат, бул биздин бийлик КР болгондон бери канча эр азамат асыл баштар кара жер кучактады.
07.04.2014. 15:40 
Тайпасы:
Жаран
Комментарийлердин саны:
239
Катталган:
03-04-2012
Соӊку аракети:
30-10-2018 15:42
Жынысы:
Белгисиз
Калаасы:
Ош
+1
Бети ачылбаса ал адам олуктун тируусу болуп жашайт аны кудай жазалайт Тируу болуп туруп куноо кылып кордук коргон жаман
Super TV
07.04.2014. 16:18 
Тайпасы:
Жаран
Комментарийлердин саны:
432
Катталган:
19-02-2013
Соӊку аракети:
13-11-2018 12:43
Жынысы:
Белгисиз
Калаасы:
Мекеним Кыргызстан
0
Жаткан жери жайлуу болсун. Калган омурун балдарына берсин
07.04.2014. 16:56 
Тайпасы:
Кыймылы жок
Комментарийлердин саны:
47
Катталган:
27-03-2014
Соӊку аракети:
16-09-2015 09:58
Жынысы:
Белгисиз
0
Жаткан жери жайлуу болсун! Эмне дейт элек олтургондор журотда жыргап азыр Бакиевтин убагында буйрутма адам олтуруу коп болгон дешет АША кеткенге чейин Бакиевтен отуп кетпесе эле болду кудай сакта.
07.04.2014. 18:21 
Тайпасы:
Кыймылы жок
Комментарийлердин саны:
100
Катталган:
03-07-2012
Соӊку аракети:
22-08-2015 23:42
Жынысы:
Белгисиз
Калаасы:
Ош. Алай району
-1
Чынгыз Айтматов атабыздай башка олкодо жашабаптыр...... Биз сагынганда бир келип коюп журо бермек.....
07.04.2014. 21:24 
Тайпасы:
Кыймылы жок
Комментарийлердин саны:
31
Катталган:
13-01-2014
Соӊку аракети:
02-08-2015 18:04
Жынысы:
Белгисиз
0
жаман болду жаман болду жаткан жери жайлуу болсун!!!
08.04.2014. 02:16 
Тайпасы:
Кыймылы жок
Комментарийлердин саны:
12
Катталган:
15-08-2013
Соӊку аракети:
21-04-2014 22:32
Жынысы:
Белгисиз
+1
кыргыздар озубузду кырып тубуно жетебиз.кылмыштын бети ачылбайт ачылган да эмес.
08.04.2014. 06:43 
Тайпасы:
Кыймылы жок
Комментарийлердин саны:
25
Катталган:
16-01-2012
Соӊку аракети:
15-03-2016 21:53
Жынысы:
Белгисиз
+1
Руслан Абасовдун каза болгонун уккан эл, аны узатуу зыйнатына чакырылбаган элдин келгени бул кабарда жазылгандагыдай 400 эмес 1500дой болсо болду, же болсо андан коп. Токмоктун усту жагындагы Султан айылында машиналардан тузулгон пробка бир канча убакыттан кийин гана жоюлду. Токмокто Русландын баркын ушундан билсе болот. Криминалда аралашкан бала болсо, эл мынча акыркы сапарына узатканы келмек эмес. Элдер оздору келди, аларды эч ким чакырган эмес.
08.04.2014. 06:46 
Тайпасы:
Кыймылы жок
Комментарийлердин саны:
25
Катталган:
16-01-2012
Соӊку аракети:
15-03-2016 21:53
Жынысы:
Белгисиз
0
Руслан Абасовду акыркы сапарына узатууга, ЖК депутаттары келип, Кыргызстандын бийлик окулдору келсе да, жергиликтуу бийликтен Токмок шаарынын мэри Оморканов, айылдаш кошуна болсо да келген жок, Чуй районунун акими Идрисов да болгон жок.
08.04.2014. 13:46 
Тайпасы:
Кыймылы жок
Комментарийлердин саны:
23
Катталган:
18-07-2013
Соӊку аракети:
21-06-2014 09:53
Жынысы:
Белгисиз
0
Asul, окунучтуу
08.04.2014. 19:15 
Тайпасы:
Жаран
Комментарийлердин саны:
179
Катталган:
06-04-2014
Соӊку аракети:
09-08-2018 15:55
Жынысы:
Белгисиз
Калаасы:
Орто Азиядагы Байыркы шаар
0
Жайы жаннаттан болсун. Калган омурун балдарына берсин
08.04.2014. 21:37 
Тайпасы:
Кыймылы жок
Комментарийлердин саны:
54
Катталган:
20-06-2013
Соӊку аракети:
28-08-2014 19:54
Жынысы:
Белгисиз
0
Олтургон адамдарды да арбагы тартып кетет ,табылса табылбаса Баары бир адам олтургон адамдарды кудай кыйнап же алып кетет ,эх кыргыз биз ушинтип жазганыбызды ошолор окушат бекен биринчи ,кудай жазалайт дей берели ,а иликтоочулор боктун жытын да билишпейт ,жактан жери жайлуу ,топурагы торко болсун ,олтургондорду озу менен алып кетет анан жатат.
08.04.2014. 22:37 
Тайпасы:
Жаран
Комментарийлердин саны:
287
Катталган:
04-01-2014
Соӊку аракети:
04-11-2018 03:20
Жынысы:
Белгисиз
Калаасы:
азыркы убакта Москва шаарында жашайм
+2
Эээ кыргыз элииииим, , ушундай кетиште болсок биз эч качан дуйного таанылбайбыз, пикет, кубалап чыгыш менен эле таанылбасак.Биздин жердин, элдин атын чыгаруучуларды олтурсок кантип Кыргызстандын аты чыгат.Окунучтуу Русландын олуму, эмне дейбиз жайы жаннттан болсун, душманы да артынан олсун
09.04.2014. 09:24 
Тайпасы:
Жаран
Комментарийлердин саны:
227
Катталган:
20-11-2013
Соӊку аракети:
09-03-2018 15:40
Жынысы:
Белгисиз
0
ким олтурсода жазасын алсын ылайым,
09.04.2014. 14:01 
Тайпасы:
Кыймылы жок
Комментарийлердин саны:
95
Катталган:
06-12-2011
Соӊку аракети:
02-06-2014 11:17
Жынысы:
Белгисиз
0
жаткан жери жайлуу болсун...
09.04.2014. 15:04 
Тайпасы:
Жаран
Комментарийлердин саны:
7
Катталган:
02-02-2014
Соӊку аракети:
13-01-2017 19:19
Жынысы:
Белгисиз
Калаасы:
москва
0
жайы жаннаттан болсун!жошоодон коп кыйналып коз жашым куруп калган,жада калса жакындарымды узатаарда кантип ыйлаар экенмин деп ойлончуу элем.журогумдо дале мээрим бар экен.ыйладым...!аябай окунучтууу болуптур!ошол жардыруу койгон адамдын жазасын озум бергим келди!
09.04.2014. 19:29 
Тайпасы:
Кыймылы жок
Комментарийлердин саны:
4
Катталган:
01-09-2013
Соӊку аракети:
26-03-2015 22:15
Жынысы:
Белгисиз
0
Ушул кылмышка барган адамдарды жараткан 7 атасына чейин жазалайт да, адам кантип айбан кейпин кийип калат, тушунбойсун. Жаткан жери жайлуу, топурагы торко болсун.
09.04.2014. 21:30 
Тайпасы:
Кыймылы жок
Комментарийлердин саны:
59
Катталган:
04-12-2013
Соӊку аракети:
31-05-2014 00:31
Жынысы:
Белгисиз
0
Jatkan jeri jailuu bolsun....okup alyp kozumo jaw tolup, ushunchalyk jurogum oorudu. Emgege biz kyrgyz eli uwunday kalk kelebiz. Ichi tar koro albastyk...kandai adamdyn kolo bardy eken ushul iwke((((
10.04.2014. 12:05 
Тайпасы:
Жаран
Комментарийлердин саны:
100
Катталган:
25-02-2013
Соӊку аракети:
07-11-2018 17:59
Жынысы:
Белгисиз
Калаасы:
Кереметтүү жерде.
0
Ыйлагым келди... жазасын берсин кудай.
10.04.2014. 15:19 
Тайпасы:
Кыймылы жок
Комментарийлердин саны:
173
Катталган:
14-08-2013
Соӊку аракети:
10-04-2017 06:06
Жынысы:
Белгисиз
0
Ото жакшы адам эле (((
10.04.2014. 17:21 
Тайпасы:
Кыймылы жок
Комментарийлердин саны:
86
Катталган:
02-12-2011
Соӊку аракети:
12-08-2015 03:15
Жынысы:
Белгисиз
Калаасы:
Москва
0
Жайы жаннаттан болсун!Бул ишти ким кылган болсо да ошол адамдын башына да кыйынчылык кун тушсун ылайым!Амиинь!!! Барган сайын 2буттуу жырткычтар кобойуп баратат, бул ото окунучтуу...
10.04.2014. 17:36 
Тайпасы:
Кыймылы жок
Комментарийлердин саны:
17
Катталган:
20-03-2014
Соӊку аракети:
25-07-2014 15:44
Жынысы:
Белгисиз
0
Анекдот бар го: Кыргыздар турган казандын оозун жаппай деле койгула булар баары бир сыртка чыга алышпайт анткени бири биринин бутунан тартып турушат.Бул ошого окшоп калыптыр.
12.04.2014. 16:05 
Тайпасы:
Тартип бузгандар
Комментарийлердин саны:
21
Катталган:
28-02-2014
Соӊку аракети:
17-11-2015 20:09
Жынысы:
Белгисиз
Калаасы:
Кереметтуу кыргыз жери.
0
Кыргызым дагы бир азаматынан айрылып отурат окунучту, кимге керек болду экен бул адамдын олуму, бизде ким баш которсо эле жок кылып турушат эх Кыргызым колдогондун ордуна жок кылып тынышат, ким олтургонун тааппайт биздикилер гарантия берем. Канчалаган азамат уулдарыбыз киши колду болуп каза табууда.
13.04.2014. 02:01 
Тайпасы:
Жаран
Комментарийлердин саны:
28
Катталган:
08-04-2014
Соӊку аракети:
28-10-2018 16:44
Жынысы:
Белгисиз
0
Azyr modaga ailanyp baratkandai,atyn chyga bashtasa olturup ketishet...
13.04.2014. 19:09 
Тайпасы:
Жаран
Комментарийлердин саны:
1
Катталган:
08-07-2011
Соӊку аракети:
13-11-2018 11:22
Жынысы:
Белгисиз
0
Ээээххх!! Бироолорубуз ,, Балдарыбыз акылдуу, кыргыздын атын чыгарган адам болуп чонойсун,, деп остуруп, кыргыздын наамын алып берип, атагын жакшы жагынан чыгарып атса, бирообуз кайра буттан тартып, олтуруп жок кылып атабыз!!! Эми мынтип журо берсек, кыргызыбыздын аты кандай жагынан чыгат болду экен.Ичтен чыккан жат жаман, мындай адамдарды Алла таала озу жазасын берсин! Ээээххх дагы бир азаматты алып кетти, жаткан жерин жайлуу болсун, аттин!
1
2
3
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: