КАНДАЙ АЙЫМДАР КУМАРЛУУ?

Адатта мырзалар «аял үйдө – кожойке, ашканада – ашпозчу, уктоочу бөлмөдө – өрт болушу керек» дешет. Ооба, аял ашкананын да, төшөктүн да ханышасы боло алары толук мүмкүн. Андыктан кыз-келиндерди мүнөздөөдө топторго бөлүп карап көрөлү. Мырзалар болсо өзүнө туура келген жубун издеп көрүшсүн.

КУМАРЛУУ АЙЫМДАР
Экстримден коркпогон, шайыр, күлкүсү шыңгыр, атыр жыттуу болушат. Алар эркектер тараптан да шоктукту талап кылышат. Мындай айымдарды ар дайым жаңы өнөрүңүз менен таң калтырып турбасаңыз, талабына ылайык өнөктөш издеп кетиши мүмкүн.
Табитиндеги мырзалар: тамашаны түшүнгөн, тойлорду, кечелерди көркүнө чыгара алган жана сөзсүз түрдө кумарлуу болуусу керек.

КОЖОЙКЕ АЙЫМДАР
Биринчи орунга үйдүн тазалыгын, иреттүүлүгүн коюшат. Мындай айымдар эч качан кумарга батуу үчүн ашкана столун пайдаланышпайт. Алар үчүн бардык нерсе ирети менен болушу керек. «Колду жуумайынча тамакка отурбаш кажет. Жуунуп-тазаланмайынча төшөккө жатпаш керек» деген эрежелерди катуу сакташат. Аялыңыз бул типтен боло турган болсо, анда үйүңүз таза болот деп ишене бериңиз.
Табитиндеги мырзалар: тазалыкты сүйгөн, тыкан жана камкор. Таштандыны чыгарып, үйгө азык-түлүк алмайынча кирбеген мырзалар.

ЫЙЛААК
Назик, тил алчаак жан келишет. Жай сүйлөп, жай кыймылдайт. Кумарга батууда да өнөктөшүнө баш ийип, анын каалоосун канааттандырганга аракет жасайт. Кумарга баткан соң дароо уктап калсаңыз, аны таарынтасыз. Мунун айынан таң атканча ыйлап чыгышы ыктымал. Бул учурда ал өзүн барксыз сезет.
Табитиндеги мырзалар: сабырдуу, билимдүү, тартиптүү эркектер.

ӨЗҮМЧҮЛ
Мүнөзү токтоо, акылы терең айымдар. Ар дайым өзүнө кам көрүп, келбетин идеалдуу алып жүрүүгө аракет кылышат. Өзүн башкалардан бийик сезет жана сүйөт. Төшөктө өзүнүн гана кызыкчылыгын ойлойт. Мындай айымдан «кармаба», «акырын», «чач жасалгамды бузба» деген сөздөрдү угушуңуз толук мүмкүн.
Табитиндеги мырзалар: эстетиканы сүйгөн, искусство адамы.

БЛОНДИНКА
Шайыр, ачык-айрым жана алсыз келишет. Алар гүл сыяктуу, жылуулукту, жарыкты жана багууну сүйүшөт. Мырзаларды акчасына карап тандашат. Эгер кыялындагы мырзага жолукса, аны сөзсүз ыраазы кылат. Кумарга батуу учурунда сүйүктүүсүн эркелетет, жалынып-жалбарган сөздөрдү айтат жана өзү кумардын туу чокусуна жеткенче эркектин жанын койбойт.
Табитиндеги мырзалар: ийгиликтүү, бай жана өзүнө ишенген мырзалар. Келбети жана жаш курагы маанилүү эмес.

МУЗ ХАНЫШАСЫ
Ийгиликтүү, билимдүү жана акылдуу аялдар. Бир караган кишиге абдан кумарлуу сезилиши ыктымал. Чындыгында алар муздак айымдар. Төшөктө өнөктөшүн түртүп салып, китеп окуган да алардын колунан келет. Алар үчүн төшөк оюндары тукум улоо үчүн гана керек. Сылап-сыйпалашуу, эркелешүү бул обу жоктордун жасаган пайдасыз иши деп эсептешет.
Табитиндеги мырзалар: ак көңүл, билимдүү, акыл-эсти, билимди бийик туткан эркектер.

ЛЕДИ-БОСС
Билерман, көрөгөч, колунан көөрү төгүлгөн, ийгиликтүү айымдар. Алар эч нерседен коркпойт жана эч кимге кор болушпайт. Өнөктөшүнөн каалаган учурда, ал каалагандай кылып кумарга баткызууну талап кылат. Эгер талабын мыкты аткара алсаңыз, анда шыпка түкүрүп жата берсеңиз болот. Калган маселени айымыңыз өзү чечип алууга кудурети жетет.
Табитиндеги мырзалар: келбети келишкен, өтө кумарлуу, жаш мырзалар.

СЕЗИМТАЛ
Оокатка тың, музыкага жакын, сезимтал айымдар. Кыялы чорт, ачуусу чукул. Кыткылыктап көп күлөт. Адатта мындай айымдын тегерегинде эркектер көп болот. Эркек менен кошулуу ал үчүн маанилүү иш-чара. Ар бир кыймылы, ар бир сөзү кумарга алып барчу жолдогу аялдама сыяктуу. Сөзсүз аларга маани берет, токтолот, бирок ордунда туруп калбай андан ары оргуштайт.
Табитиндеги мырзалар: өзүнө ишенген, абройлуу, өрт жигиттерди тандайт.

Астра Айдарова
erotika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (64)
Ayka1994
2015-03-04 15:51:04
А мне болсо сезимтал жана кумарлууга кирет окшоймго
0
elisa89
2015-03-16 14:50:03
не все совпадает
0
anyay
2015-03-23 17:19:28
башка темаларга караганда, бул тема комментарий боюнча рекорддо окшойт. а мен учун "болбогон кеп"!
0
nargiz-94kg
2015-03-25 18:43:06
Сезимтал экенмин.
0
tutuzver
2015-04-29 07:26:50
Эркек озунун куч кубаты менен эркек боло алат.
0
Meri111
2015-06-29 18:23:37
сезимтал
0
Kunbeken
2015-07-29 19:21:06
Озумчулго кирет экенмин бирок табитимдеги мырза туура келбейт экен
0
bakyt_2015
2015-08-13 17:38:42
Форумдун айымдары ынгайлуу учурду текке кетирбей оздорун рекламалап алышкан экен азаматсынар.
0
MIRAN
2015-10-26 03:38:55
Мен ыйлаака кирет экенмин
0
baha.121289
2016-01-08 00:03:08
Менин келинчегим муз ханышасына кирет экен анда Эртен менен тургандан баштап жумуштан келгенче жалдырайсын иш болобу деп, ичим ооруп атат тияк минтип атат бир шылтоолор айтат врачка барсак чыдап кой 2 торогондон кийин башталат дейт каалоосу экини торогунчо мээге тепиирип журуш керек экен ))) кудайга шугур боюнда бар азыр
0
Sura.M.A
2016-02-25 04:33:08
Бул тема абдан жакты. Уй булонун кызыктуу бурчу да
0
gamster
2016-04-17 05:15:09
Кумарлуу айымдар жагат элего бирок. Бирок экенда. Леди босстор менен келише алаткем. Отто жакты.
+1
aydoshka7171
2016-06-29 11:50:03
Жакшы маалымат экен, ар биринен озумдун сапаттарымды коро алдым. Рахмат.
0
asancher
2016-07-05 01:46:29
Менин аялым кожейка экен. Даана озун жазыпсынар. Иштен келишим м-н: колуну, бутуну, тишини жуу. Таптаза болмойун мага жолойм деп ойлобо - ж.б.у.с. сапатары бар. Бирок, мен аны жакшы кором. Эн биринчи тазалыгы учун.
0
DAF-077
2016-07-17 23:10:43
бул бир ХХХ ХХХ жомогу мен ишенбейм. Экектерди билбейм аялдар ар сааттын ичинде алтымыш жолу кубулуп турушат,беш минута мурун сексуальная беш минута кийин стерва
0
admin_superstan
2016-07-18 09:14:44
DAF-077, этика нормаларын сактоону сунуштайбыз. Оозеки эскертүү!
0
№ 596, 04-апрель-10-апрель, 2014-ж
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА