Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

УЮЛДУК ТЕЛЕФОН ДҮЙНӨНҮ БАГЫНТУУДА

№363 16-22-октябрь, 2009-ж.


Бүгүнкү күндө уюлдук телефонсуз жашообузду элестетүү кыйын. Муну заманбап адам тана албастыгы анык. Төмөндө уюлдук байланыш тармагындагы өзгөчө телефон, соңку жаңылыктар жана кызыктуу фактылар берилди.

Байланыш үчүн гана эмес

Уюлдук телефон башында байланыш үчүн гана колдонулса, кийинчерээк анын жазуу китепчеси, сааты жана ойготуучу коңгуроосу пайда болду. Алардын артынан радио, фотоаппарат, интернет жана электрондук поч­та кошулду. Аны менен катар уюлдук телефондун жардамы менен көңүл ачууга, жакындарды куттуктоого, маалымат алууга мүмкүнчүлүк түзүлдү. Айтор, адамдар телефонго байланды да калды.

Эске салсак

Уюлдук телефондун жаралышы 1973-жылга таандык. Ошондо америкалык “Моторола” компаниясы азыркы уюлдук телефондордун түпкү атасы болгон Motorola Dyna TAC телефонун иштеп чыгарган. Ал эми Кыргызстанда уюлдук телефон 1994-жылы 12-июлда биринчи жолу шыңгыраган. Ошол күндөн тарта республикабызда уюлдук байланыштын доору башталган. Өлкөбүздө уюлдук байланыштын алгачкы оператору КАТЕЛ (Кыргыз–Америка телефону) болгон.

Капчыгы калыңдар үчүн

Учурда “люкс” классындагы телефондорду чыгаруучу "Нокиа" компаниясынын бир бутагы болгон “Верту” компаниясы бар. Верту телефондорунун корпусу алтын, ак алтын, титан, болот жана башка баалуу, жогорку сапаттагы металлдардан жасалып, кымбат баадагылар болуп саналат. Бул телефондор чыгарыла баштаган 10 жыл ичинде бардарлыктын символу болуп, байлыкты даңазалоочу буюмга айланган. Анын эң атактуу түрү болуп Boucheron Cobra (Боушерон Кобра)саналат. Баасы 320 миң евро. Ал эми Signature (Сигнатур) жана Ascent (Аскент) үлгүлөрүн даярдоого 940 түрдүү бөлүкчөлөр колдонулат. Верту телефондорунун башка телефондордон дагы бир өзгөчөлүгү бар. Ал – бир гана өлкөдө (Англия) жасалгандыгы.

Соңку жаңылыктар

  • Төмөнкү таң калтыруучу изилдөө­лөрдүн жыйынтыгына көз чаптырып отуруп, уюлдук телефон дүйнөнү багынтып алгандай сезилет.
  • Изилдөөлөр боюнча уюлдук телефонду колдонуучу эгер телефонун унутуп койсо, болжол менен ар бир 18 мүнөт сайын аны эстейт. Ал эми кредиттик картасын же айдоочулук күбөлүгүн унутуп койсо, бир күн бою эстебей жүрө алат.
  • Эстонияда шайлоо бюллетендеринин ордуна уюлдук телефондор колдонула баштады. Эми жактырган талапкерге СМС аркылуу добуш берүүгө болот. Ошентип, “уюлдук добуш берүү” эрасын эстондор баштап беришти.
  • Англия менен Германияда поезддин жүргүнчүлөрү жол акысын телефондун жардамы менен эле төлөп коё алышат. Билет акысын төлөнгөндүгүн тастыктаган телефондогу билдирүүнү кондукторго көрсөтүп түшүп кете алышат.
  • Түштүк Кореялык SK Telecom уюлдук оператору чиркейден тажаган абоненттер үчүн өзгөчө кызмат ойлоп тапкан. Тактап айтканда, телефонго кошумча функция кошулуп, өзгөчө үн чыгаруу жолу менен адамга чиркейди жолотпойт. Мындай кошумча кызматтына кошулуу акысы 2,5 доллар.
  • Америкалык Cricket (Крикет) уюлдук оператору “Гиннес” рекорддор китебинин рекордун жаңыламакчы. Тактап айтканда, алар дүйнөдөгү эң чоң уюлдук телефонду чыгаруунун үстүндө иштеп жатышат.

Кызыктуу фактылар

Дүйнө жүзү боюнча 3 миллиард 300 миллиондон ашуун уюлдук телефон бар. Демек, Жер планетасынын калкынын жарымы уюлдук телефонду колдонот.
Жыл сайын дүйнө жүзү боюнча 125 миллиондон ашуун телефон керектен чыгып, ыргытылат. Ал эми уюлдук телефонун эң тез алмаштырган улут болуп корейлер саналат.
Статистикага кайрылсак, 2009-жылдын 6 айында дүйнөдө 555 миллион телефон сатылган. Бул көрсөткүч былтыркы жылдын ушул мезгилине салыштырмалуу 44 миллионго аз. Баарынан эң көп “Нокиа” компаниясынын аппараттары сатылган. Кийинки орундарда “Самсунг” жана “LG” компаниясынын продукциялары турат.

Дагы эмнеге жөндөмдүү?

Уюлдук байланыш бара-бара­ өнүгүп отуруп, адамдарга ыңгайлуулуктарды алып келүүчү дагы бир канча кызматтары пайда болмокчу. Учурда дүйнөлүк операторлор алардын үстүндө иштешүүдө.

Коргоочулук. Телефон кожоюнун капысынан кол салган тоноочудан бир нече жол менен сактап кала алат. Биринчиден, ток менен. Бул үчүн телефондо электрошокер болуп, ал тоноочудан ток менен сактай алат. Же болбосо телефонго көрүүнү начарлатуучу күчтүү нур орнотулуп, ал да кол салуулардан сактайт.

Дарыгерлик. Телефон адамдын үнү, кан басымы жана денесинин температурасын көзөмөлдөп турат. Керектүү учурда автоматтык түрдө “Тез жардам” чакыра алат.

Майыптар үчүн. Көрүүсү начарларга радио толкундардын жардамы менен алдында эмне тургандыгынан кабар бере алат. Ал эми сүйлөй албагандар үчүн атайын режимде маек уюштуруп бере алат.

Кыргыз тамгаларынын тагдырычы?..

"Жакында кыргызстандыктар үчүн ө, ң жана ү тамгалары камтылган телефондор чыга баштайт" деген маалымат тараган эле. Андыктан мунун дайынын билүү максатында Мамлекеттик тил боюнча улуттук комиссиясына кайрылдык. Аталган комиссияга котормо жана жарнама бөлүмүнүн башчысы Аалы Молдокановдун айтымында, комиссиянын сунушу менен ата мекендик уюлдук операторлордун бири жогорудагы тамгалар киргизилген жаңы аппараттарды чыгарууга макул болгон. Азырынча маселенин техникалык жагы гана чечиле элек.


"Супердин" сурак бурчу

Чөнтөк телефонсуз жашооңузду элестете аласызбы?

Замир, 27 жашта, котормочу:

– Ишкер адамдарга абдан пайдалуу буюм. Бирок ден соолукка зыяны да чоң дешет. Айрыкча кулакка, көзгө терс таасирин тийгизип, ракка чейин жеткирет экен. "Өспүрүм балдарга да көп зыянын тийгизет" деп угам. Телефондорду чыгарганга жараша ден соолукка зыянсыз жасашса жакшы
болот эле.

Махабат, 21 жашта, студент:

– Мурун телефонсуз эле жүргөм. Азыр ансыз жашоомду элестете албайм. Мисалы, сабактарды группалаштардан суроо, жигитиңе жолугушууга барарда кармалып калсаң, телефон аркылуу кабарлап коюу... Уюлдук телефон жок кезде мындай учурлардан кантип чыкчу элек деп таң калам.

Рысбек, 34 жашта, жол оңдоочу:

– Чөнтөк телефонсуз өзүмдү чолок болгондой эле сезем. Көнүп алсаң жаман экен. Баарынан да Орусияда же дагы бир алыс жерде жүргөн туугандарың менен сүйлөшүп турганга мүмкүнчүлүк түзүлгөнү жакшы болду. Илгери айда-жылда бир кат алышып, зарыл учурда байланышка чыга албай кыйналчу элек.

Гүлиза, 24 жашта, үй кожойкеси:

– Жашоомду телефонсуз деле элестете алам.
Бирок шашылыш учурларда керекке жараганы жакшы.
Ал эми телефонду
тимеле Кудай көрүп,
ансыз жашоо жок дегендерге кошулбайм. Азыркы күндө да уюлдук байланыш жете элек айылдар бар. Алар деле жашап жатышпайбы.

Тургун, 47 жашта, айдоочу:

– Мен ушул чөнтөк телефон деген немеге таптакыр кызыкпайм да, колдонбойм да. Анын пайдасынан зыяны көп экен. Бирдикке эле бир топ акча кетиришет. Азыркылар “чөнтөк телефонсуз иш бүтпөйт” деп калышат, кыжырды кайнатып. Илгери жетон менен сүйлөшүп жүрүп деле иштегенбиз, жашаганбыз.

Рыскүл, 38 жашта, инспектор:

– Менин жумуштарымдын көбү эле ушул телефон аркылуу бүтөт. Мисалы, сөзсүз эле кеңседе отура бербей, жумуш менен мага келгендерге кайсы жерде жүрбөгүн байланышып, ишти бүтүрүүгө болот.
Уюлдук телефондун зыяны тууралуу дагы угуп жүрөм. Бирок көп
маани бербейм.

Абакир, 57 жашта, бригадир:

– Азыркы жашоодо чөнтөк телефон керектүү буюмдардын бирине айланып баратат. Айрыкча жумуштун бүтүшүнө жакшы. Бирок ушул уюлдук телефонго көп акча кеткени жакпайт. Кайсы тарифке өтпө, баары бир ошол акчаны төлөйсүң.

Базарбек Абдураимов
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
19.10.2009. 12:28 
Тайпасы:
Жаран
Комментарийлердин саны:
22
Катталган:
19-07-2008
Соӊку аракети:
17-06-2018 16:37
Жынысы:
Белгисиз
Калаасы:
tokio
0
телефон колдонулуп келген жана колдонула берет!!!! илим бир орунда турбайт!!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: