Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАШООҢ КАНДАЙ, СТУДЕНТ?

№363 16-22-октябрь, 2009-ж.


“Студенттик күндөрүм, ай,
Уйкусуз түндөрүм, ай...” дегендей, жаштыктын жалындуу учуру студенттик күндөр эмеспи. "Чыныгы студентти жатаканасыз элестетүүгө болбойт" деп коюшат. Биз бир күн жатаканаларда болуп, студенттик жашоого аралашып кайттык.

“Жатаканада студенттер үчүн орун жок”

Биринчи кадамыбызды Б.Бейшеналиева атындагы Искусство институтунун жатаканасынан баштадык. Биринчи кабаттагы бөлмөлөрдүн бирине баш багып, анда студенттер эмес, батирге алгандар жашарын байкадык. Ушундан улам алдыбыздан чыккан студентти кепке тарттык. Аты Дүйшөн экен.

– Дүйшөн, бөлмөнү батирге алгандар көп окшойт?
– Биринчи жана төртүнчү кабатты жалаң батирге алгандар ээлеп алышкан. Көпчүлүк студенттердин атынан айтар элем, бизге орун жетпей жатса, башкаларды киргизгендерине түшүнбөйм. Мисалы, бөлмөлөшүм окуу башталганда орун таба албай бир топ эле кыйналды. Айрым үч адамга ылайыкталган бөлмөлөрдө алтыдан болуп жашашат. Кененирээк болсун деп керебеттерди биринин үстүнө бирин кийиштирип алышкан. Жүрүңүз, калган сөздү бөлмөдөгү балдар менен чогуу сүйлөшөлү,- деп Дүйшөн бизди өз бөлмөсүнө ээрчитип жөнөдү.

Анын бөлмөсүнө баш бакканыбызда эле эки кабат керебеттер көзгө урунду. Ошол эле бөлмөдө картошка кууруганы жаткан Урмат аттуу жигит бизди тосуп алып:

– Келиңиздер. Биздин жашоо ушундай, бирде ачпыз, бирде токпуз дегендей. Көптөн бери ашканабыз жабык бойдон турат. Ошондуктан ар кимибиз өз бөлмөбүздө тамак жасайбыз, уктайбыз, сабакка даярданабыз. Албетте, бул ыңгайсыздык жаратат,- деп божурап кирди.

Жигиттердин бөлмөсүнөн чыккан соң эмнеге студенттердин жатаканасы батирге берилип жатат деген суроого жооп алуу максатында аталган окуу жайдын ректору Субаналиев Сагылалы агайга кайрылдык.

– Агай, студенттер “жатаканада орун жок, 5-6дан жашап жатабыз” дешти. Бирок жатаканада батирге берилген бөлмөлөр да бар экен. Муну кандай түшүнсө болот?
– Чындыгында, студенттердин жатаканасынын биринчи, төртүнчү кабаттарында биздин кызматкерлер да жашайт. Сантехниктен баштап мугалимдерибизге чейин бар. Биз мындай ишке аргасыздан барып жатабыз. Анткени 400-500 сомго эч ким сантехник болуп иштебейт. Андан сырткары, бул жатаканада тарых музейинин кызматкерлери да жашашат. Негизи, алыскы райондон келген студенттердин баарына эле жатаканадан орун берилди. Мен бул жерге жаңыдан келгенде жатаканадагы балдар шырдак салып жерде жатышчу. Үйлөрүн сагынып ушинтип жатууну ылайык көрүп жатышкан го деп ойлоп койгон элем. Көрсө, сагынбай эле керебеттер жетишпейт экен. Анан “балдарды сызга жаткырбайлы” деп керебет алдырдык. Союз тарагандан бери каралбай калган жатакананы кичинеден жамачылап оңдоп келе жатабыз.
– “Ашкана иштебей турат” деп студенттер бөлмөлөрүнө тамак жасап жатышыптыр. Кудай анын бетин ары кылсын, эгер кокустуктар болуп кетсе кандай болот?
– Албетте, бизде газ бар. Бирок азыр газдын кымбаттап баратканына байланыштуу “эсептегич коёбуз” деп убактылуу жаап коюшкан. Мен да кырсык чыгып кетпесе экен деп кооптонуп жатам. Кээ бирлери плиткаларын сайган боюнча унутуп кетип калышы мүмкүн да.

“Өз жашоомо өзүм балта чаптым”

Дагы бир окуу жайдын жатаканасына кайрылганыбызда эшик кайтаруучу аял “куда?” деп бакырып жатып араң киргизди. Аларды орус туугандарды ээрчий "вахтёрша" деп коёт эмеспизби. Кире бергенде эле кыя ачылган эшиктен керебетте муңайым отурган кыз көзүбүзгө урунду. Эшик кагып кирип, аны менен тааныша кеттик. Аты Чолпон экен.

– Чолпон, жашоо кандай? Эмне муңайып отурасың?
– Ушул “вахтёрша” тажатып жиберди. Азыр эле уруша кеттик. Акчадан кыйналып кетип, кафеге официант болуп ишке кирип алгам. Официанттар кеч чыгат эмеспи. Кеч келсем киргизбей коёт. Түшүндүрсөм же түшүнсөчү?! Кээде окууга тапшырбай койсом болмок деп өкүнүп да кетем.
– Эмне, сабактарыңдан жетишпей жатасыңбы?
– Окууларым орто эле. Бир жолу кафеде банкет болуп калып кеч чыкканбыз. Келип “вахтёршага” жалдырасам да киргизбей койду. Эмне кыларымды билбей турганымда эсиме группалаш кызым түшө калды. Анын үйү жатаканага жакын эле. Барсам, эшикти байкеси ачты. Группалашым жок экен. Байкесине жатаканага кире албай калганымды айтсам, мага боору оорудубу, айтор үйүнө киргизди. Бир топко сүйлөшүп отургандан кийин конок бөлмөсүнө төшөк салып берди. Группалашым жок болсо да, мени сыйлаганына ичимден ыраазы болуп жатып алдым. Жакшы эле көзүм илинип бараткан экен, бир убакта олбурлуу неме басып калды. Карасам, тиги байке экен. Бул эмне кылганыңыз десем, “унчукпа, өзүң келбедиңби! Үнүңдү чыгарсаң менден бирди көрөсүң! Ким билди кылып таштайм!” деди. Ошентип, өз бактыма өзүм балта чаап алдым. Ошол окуядан соң бир жумадан кийин жумушка барсам, кайра албай коюшту. Эми ата-энемдин бетин кантип карайм? Акча салгыла дегенден тартынып жатам,- деп бышактап ыйлаган Чолпонду араң соороттук. Анын баянын угуп, эшик кайтаруучулардан да кабар ала кетүүнү чечтик.

Студенттер үчүн “пост ГАИ” – вахта!

Нөөмөтчү Валяга кайрылганыбызда, ал буларга токтолду:
– Биз деле студенттердин сыртта калышын каалабайбыз. Кечке тентип жүрө беришет, өзгөчө жигиттер. Анан эшикти ачпай койсоң, сөгүнүп-сагынып бизге ар кандай “мымра”, “бака” деген лакап аттарды да коюп алышат. Кээде “апа, нан алабыз, киргизиңизчи?!” деп жалдырашат. Кээ бир кесиптештерим нан алса киргизе берип жаман көндүрүшкөн окшойт. Мен ушинтип суранышса, киргизбейм. Ошондуктан менин кезегимде кечиккендер аз болот. “Бүгүн "вахтада" мымра турбайбы. Эртерээк келели, киргизбейт” деп сүйлөшүп чыгып бараткандарын көп эле угам. Негизи, тартипти сакташ керек да. Балдарды эркелете берсең, бузулуп кетишпейби.

“Сыйлуу тамак – майонез”

Мурат аттуу жигит түшкү тамактын камын көрүп картошка аарчып жаткан жеринен маектеше кеттик.
– Кайсы тамакты көп жасайсыңар?
– Студенттердин фирменный тамагы – куурулган картошка жана кесме. Кээде кууруганга май таппай калганда – кукси. Ал эми майонез болгон күнү бизге майрам да. Ысык нандын үстүнө сыйпалган майонезди майрам күндөрү жейбиз. Ата-энебизден айына 3000-4000 сомго чейин алып келсек деле бир айга жетпей калат. Алгачкы курстарда кыйналасың. Ал эми үчүнчү курста “волк” болуп каласың. Анча мынча иштей да калабыз. Кыскасы, көп курсагыбыз ачпайт.

“Жылаңайлак баатыр атка конуп...”

Ал эми өзүн “Атым – Кайрат. 4-курстун студентимин” деп тааныштырган жигит башынан өткөргөн окуясын айта кетти.
– Негизи, Дене тарбия академиясынын балдары көбүнчө университеттердин балдарына салык салышат. Андай учурга мен да кабылгам. Бир жолу жатакананын алдында турсам, топтошкон балдар келип, менден акча талап кылышты. Бирок бир тыйын таппаган соң жаңы алган туфлимди чечип алып баса беришти. Жатаканага жыңайлак келе жатсам, кире беришти көзөмөлдөөчү аял “здесь тебе не жайлоо” деп шылдыңдап жатпайбы. Муну досторума айтсам, мага “жылаңайлак баатыр” деген лакап ат коюп алышты. Эми биз деле чоң курс болуп калганда өзүбүздөн кичүү балдардын кийимдерин алып кече-конокторго кийип кете беребиз. Ал эми бир бөлмөдө жашаган балдардын кимиси эрте турса жакшы, таза кийим ошонуку. Жадакалса бири-бирибиздин бут кийимдерибизди кие берип, шыбоо жугузуп алгандарыбыз да бар.

“Шейшептерди аркан кылабыз”

"Альпинист" болуп баратканын айтып күлдүргөн Урмат деген жигит минтет:
– Жатаканалардын эшиктери саат 12де жабылат. Золушкадайбыз, 12ден кечиккендер кирбей калабыз да. Анан терезеден экинчи кабатта жашаган балдарга ышкыра баштайбыз. Алар шейшептерин ороп, аркан кылып бизди тартып алышат. Башында минтип чыккандан коркчубуз, азыр альпинисттердей эле машыгып калдык.

Гүлдөп турган союз мезгилинде, азыр деле жатаканада жашаган студенттер ачка калып келишкен. "Оңой оокат болбойт" дегендей, көйгөйсүз жашоо өзү кызыксыз эмеспи.


ТОКТОГУЛА, 5-КУРС СҮЙЛӨСҮН!

Жатакана. 1-курстан 5-курска чейинки студенттер жашаган бөлмө. Эртең менен саат чырылдайт.

1-курстун студенти:
– Балдар, сабакка баралыбы?
2-курстун студенти:
– Эй, койчу, дагы бир аз уктайлычы?!
3-курстун студенти:
– Андан көрө сыра ичпейлиби?
4-курстун студенти:
– Мүмкүн, арак ичебиз...
5-курстун студенти:
– Токтогула, мен азыр тыйын ыргытам. Эгер тыйын сан жазылган жагынан түшсө, сыра ичебиз. Герб тартылган жагынан түшсө, арак ичебиз. Эгер кырынан турса, уктайбыз. Ал эми жерге түшпөй, абада калкып калса, анда окууга барабыз.

Бахияна Сатылганова
koom
@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
19.10.2009. 23:32 
Тайпасы:
Жаран
Комментарийлердин саны:
63
Катталган:
12-09-2008
Соӊку аракети:
03-03-2018 21:56
Жынысы:
Белгисиз
Калаасы:
KG CITY
0
jakshu okuialar bar eken))))))
06.08.2012. 12:37 
Тайпасы:
Жаран
Комментарийлердин саны:
38
Катталган:
17-08-2010
Соӊку аракети:
19-10-2018 10:16
Жынысы:
Белгисиз
Калаасы:
ош
0
тыйындын абада калкып калганы укмуш го ыя?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: