Бул аптанын назар борбору Равшан Жээнбеков жана Камчыбек Ташиевдин төрагалыгында өтүүчү оппозициялык митингдин тегерегинде болду. Башында шаардык администрациянын демилгеси менен Ак үйдүн жанында митинг-пикет өткөрүүгө тыюу салынса, кийинчерээк оппозициянын митинги өтүүчү Горький сквериндеги таштарды студенттерге чогулттуруп, жыйнап кетишти. 10-апрель күнү митингдин катышуучулары шаардын ар бурчунан Горький скверине жетпей эле милиция кызматкерлери тарабынан кармалып жатышты.
МИТИНГ БАШАТЫ АЛАЙДА Жогорку Кеңештин депутаты Равшан Жээнбеков менен экс-депутат Камчыбек Ташиев баштаган улуттук оппозициялык кыймыл 10-апрелде митинг өткөрө тургандыгын жарыялаган болчу. Өткөн саныбызда Бишкек шаарынын Биринчи Май райондук соту борбордук аянтта 31-марттан тартып 1-майга чейин митинг өткөрүүгө тыюу салганын жазган элек. Бирок Башкы прокуратура бул чечимди жокко чыгаруу үчүн шаардык сотко кайрылып, жыйынтыгында бул инстанция прокуратуранын арызын канааттандырды. Ал ортодо оппозиция митинг алдындагы даярдык иштери боюнча маалымат берип, Бишкек шаарына Жалал-Абад облусунан тарапташтардын келери айтылган болчу. Өзгөчө кырдаалдар министрлиги «Ош-Бишкек жолу кар көчкү түшүү коркунучунда турат. Андыктан көчкүлөрдү атып түшүрүү иштери жасалат» деп түндүк менен түштүктү бириктирген жолду убактылуу жаап салды. Оппозиция муну бийликтин 10-апрелде өтүүчү митингге тымызын тоскоолдук жаратуу аракети, барчуларды бардырбай коюу амалы деп баалады. 9-апрель күнү Жогорку Кеңештин депутаты Ахматбек Келдибековдун үй камагына чыгарылышын талап кылган тарапташтары Алай райондук администрациясын басып алууга аракет жасашты. Ошондой эле топтолгон митингчилер автоунаага өрт коюшту. Кийинчерээк машинанын ээси А.Келдибековдун жакын туугандары экендиги маалымдалды. Р.Жээнбековдун Кыргызстандагы АКШнын элчилигине өзүнө жана үй-бүлөсүнө виза берүүнү эртелетүү менен кайрылгандыгы тууралуу маалымат тарады.
К.Ташиев:«МЫЙЗАМДУУЛУКТУ САКТАЙЛЫ» 10-апрель күнү улуттук оппозициялык кыймылдын митинги М.Горький атындагы скверде белгиленген убакыттан бир саатка кечигип башталды. Буга кыймылдын мүчөлөрү, анын башында ички иштер министринин мурунку орун басары, экс-депутат КубанычбекКадыров, экс-депутаттар Мукар Чолпонбаев, Максат Кунакунов менен Камчыбек Ташиевдин уулу Таймурас Ташиевдин милиция кызматкерлери тарабынан кармалгандыгы да себеп болду көрүнөт. Ички иштер министрлиги кармалгандар алар менен түшүндүрүү иштери жүргүзүлгөндөн кийин бошотуларын билдирди. Кийинчерээк Бишкек ШИИБинин башчысы Мелис Турганбаев 16 кишиден сырткары кармалган митингчилердин баары бошотулганын айтты. Бул аралыкта интернет булактарына укук коргоо органдары тарабынан кармалган митингдин катышуучулары аларга 1,5 миң сом төлөнгөнүн айтып берген видео чыгып кетти. Митингге келген К.Ташиев чогулгандарды коомдук тартипти бузбай, мыйзамдуулукту сактоого чакырды. «Саясий куугунтук күчөп жатат. Азыр эки жолубуз бар. Унчукпай бийликтин кылганына көз жумуп жашооже өлкөдө адилеттүүлүктү, мыйзамдуулукту орнотуу үчүн чогуу күрөшүү»,- деди К.Ташиев. Кыймылдын тең төрагасы Равшан Жээнбеков митингге көп элдин келүүсүн күткөнүн айтты. «Биздин башкы талабыбыз – «Манас» аэропорту сатылбасын»,- деди Р.Жээнбеков. Ал эми кыймылдын лидерлеринин бири Азимбек Бекназаров митингдин башкы талабы – «Кумтөр» боюнча макулдашууну денонсациялоо экенин айтты. Бийликке нааразычылык билдирүүгө жогорудагылардан тышкары Жогорку Кеңештин депутаты Өмүрбек Абдрахманов, экс-акыйкатчы Турсунбек Акун, коомдук ишмер Нурлан Мотуев жана башкалар келишти. Кыймылга кошулду деген экс-мэр Мелис Мырзакматов митингден көрүнгөн жок. Митинг бир гана Бишкек шаарында эмес, Жалал-Абад, Ош жана Каракол шаарларында да өттү. Оштун борбордук аянтына чогулгандар Мелис Мырзакматовду мэрлик кызматка кайтарууну жана Ахматбек Келдибековду үй камагына чыгарууну талап кылышты. Равшан Жээнбеков саат 15:00дөн өтүп митингдин белгиленген убакыттан эки саат эрте аяктаганын жарыялады. Жыйынтыгында бийликке бир канча талаптар коюлуп, анын башында президентти отставкага кетирүү менен парламентти таратуу айтылды. Оппозициянын бийлик менен боло турган сүйлөшүүсү боюнча: «Ак үйгө барсак эч ким жок экен. Депутаттар да тарап кетишиптир»,- деди Р.Жээнбеков. Депутаттын айтымында, митингди уюштурууга жана катышуучулардын тамак-ашына 500 миң сом жумшалды.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (12)
kara_kulzha
2014-04-14 13:42:12
бажы союзуна кирбеш керек Казакстан не болуп жатканын коруп атабызго бажы союзуна кирип алып, оздору чечим чыгара албайт казактар орустардын айтканын аткрышат. МИСАЛЫ Казакстанда ЛАДА менен Уз деевонун конкренттуулугу кучтуу бирок элдер кобунчо нексия машинаны алышат ладаны эмес, Россия казактарга уз девонун ишин токтот деди эле 2014 баштап уз девонун машиналары казакстанга кирбейт. битзда ушул акыбалга тушуп калышыбыз мумкун кирбеш керек бажы союзуна.
+12
jaazira13
2014-04-14 20:34:33
митинг откордунор, что потом???? калп эле элди дуулдатып бийликтин бир майлуу жерин жулуп алып алалы деген кадам
-16
ABU
2014-04-14 22:31:57
ушулардын барынан жогу жакшы. Уят деген жок!!!! эмне болсо эле митинг!!! колдорунан келбегени ушу экен да эээээхххх
мына кыйын болуп коркутуп жатышты эле колдорунан эч нерсе келбей койдубу. эми тушунуштубу буларды эч ким колдобоорун... ушунтип уят болбой эле коюшса болмок. Позор!! коп кишилер уйлоруно эле барып эс аылшса болмок, карып деле калышты..
-19
Ylykbek1990
2014-04-16 11:26:15
Эмне кереги бар митингдин, тынч жашап жаткан элдин тынчын алып. Мен чынын айтсам каршымын митингдерге.
хе-хе ким барып санап келди ошончо акча кеткенин же суперчилер силерге санатыштыбы кеткен чыгымын))))
+9
admin_portal
2014-04-17 09:57:19
madina.00,
Саламатсызбы!
Макаланы кунт коюп окусаңыз. Аягында жазылып турат: "Оппозициянын бийлик менен боло турган сүйлөшүүсү боюнча: «Ак үйгө барсак эч ким жок экен. Депутаттар да тарап кетишиптир»,- деди Р.Жээнбеков. Депутаттын айтымында, митингди уюштурууга жана катышуучулардын тамак-ашына 500 миң сом жумшалды." деп.
-15
admin_portal
2014-04-17 09:59:38
madina.00,
Демек аны эч ким санаган жок. Депутат Равшан Жээнбековдун айтымында жарым миллион сом кеткен.
-13
kadyrkulkg
2014-04-20 00:39:34
Митинг болбосо Кыргызстандын бар байлыгын сатып жок кылышатго булар, качанга чейин эл ырыскысын жешет экен?Кудай бизге бир ынсаптуу элди ойлогон, эл учун иштеген президент берсекен!!
+19
4alma77
2014-04-20 07:00:09
Анан неге жомарт оторбаев билбей эле 100 млн сом кетти дейт.
0
Комментарий калтыруу үчүн өз ысымыңыз менен кириңиз же каттоодон өтүңүз.
