Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАЛГАТ НИГМАТУЛИН. ҮЗҮЛГӨН САПАР

№363 16-22-октябрь, 2009-ж.


80-жылдары дээрлик бардык кыргыз, өзбек, казак аялдарынын кумири болгон актёр Талгат Нигматулинди кимдер гана билбейт? “Кыргыз киносунда из калтырган Талгаттын тасмадагы өмүрү узун, талантынын кудурети күчтүү болчу” дешет замандаштары. Бирок өмүрү калпыс үзүлүп, өзү аткарган образдардай учкул, тайманбас, сүйүүгө тойбогон жүрөгүн күтүүсүз ажал багынтып кете берди.

Эрктүү жана намыстуу

Талгат Нигматулин 1949-жылы 5-мартта Кызыл-Кыяда шахтачынын үй-бүлөсүндө туулган (атасы татар, энеси өзбек кызы эле). Атасы Талгат эки жашка чыкканда каза болуп калып, энеси аргасыз уулун балдар үйүнө өткөрөт. Жашында өтүкчү, жумушчу болуп иштеген Талгат турмуштун ачуу даамын эрте тартат. Намыскөйлүгүнүн айынан “сен орусча билбейсиң” деген сөзгө эрегишип, Толстойдун “Согуш жана тынчтык” китебин кол жазма менен эки томун баракка көчүрүп чыгып, орусча үйрөнгөн экен. Ал эми алгач жактырган кызы аны менен арыксың деп бийлебей койгону үчүн келбетин келишимдүү кылууну көздөп, жашынан чыгыш күрөшүнө, бийге, жеңил атлетика ийримдерине катышат. Эрктүү, өжөр Талгатты бийиктикке жетелеген да, өмүрүн кыйган да ушул сапаттар болчу.

Комсомол, спортчу жана жөн гана сулуу актёр

Талгат көп кырдуу таланттын ээси болсо да, эң башкы максаты актёр болуу эле. Кандай болсо да максатына жетүүнү көздөгөн ал цирк жана эстрада орто окуу жайына өтүп гана тим болбостон, спорт менен алектенүүгө да убакыт табат. Каратэ боюнча Өзбекстандын чемпиону аталып, кара курдун ээси болууга жетишет. Тынымсыз машыгып жүрүп, СССРдин чемпиону наамына арзыйт. Бирок бул жетишкендик Талгатты канааттандырган эмес. Ал чыныгы атак-даңкты кинодон тапкан. Москвадагы ВГИКти бүткөн соң “Мосфильм” киностудиясындагылар алгачкы ролго чакырышат. Тез убакытта эле таланттуу актёр катары таанылып, 15 өлкөдөн чакыруу түшүп турган. Ошол кездеги мыкты деген кинонун баарына Нигматулинди чакырууну режиссёрлор адат кылып алышкан. «Кыргызфильм» тарткан “Бөрү зындан”, “Айылдык роман”, өзбектердин “Жетинчи ок”, “Сыявуш тууралуу уламыш”, орустардын “20-кылымдын каракчылары” фильмдеринде башкы ролдорду аткарган. Келишимдүү келбети гана эмес, ролго жан дүйнөсү менен кирген таланты аркылуу Талгат максатына жетип тынган. Бирок тынчыбаган жан дүйнөсү буга да ыраазы эмес эле. Тынымсыз изденүү, ийгиликке жетишүү, тагдыр менен ойноо анын жашоосунун башкы маңызы болчу.

Сүйүүдөгү дербиш

Албетте, аялдар анын жашоосунда чоң роль ойногон. Тун сүйүүсү белгилүү актриса Ирина Шевчук болгон. Шевчуктун Талгат жөнүндө ”Эки жыл... Толук эки жыл анын магниттей тарткан таасиринин алдында болдум. Бирок аны түшүнүү үчүн, ал каалагандай болуу үчүн, өмүрүмдү сарптагым келген жок”,- деп эскергени бар. Андан кийин “Ялла” тобунун ырчысы Лариса Кандалова аттуу айымга үйлөнөт. Бул никеден Урсула аттуу кыздуу болушуп, кызганычтын айынан үй-бүлө бузулат. Талгаттын татаал мүнөзүн, атактуулугун да, азабын да көтөргөн экинчи аялы Халида Хасанова болгон. Үй-бүлөсү үчүн курулушта да иштеп, режиссёрлук талантын экинчи планга калтырган Халида менен 7 жыл жашаган. Экөө Саид аттуу уулдуу да болушкан. Бирок мээрман аялдын камкордугу Талгатты кармап кала албады. Талгаттай татаал инсанды сүйдүрүү үчүн дал ошондой оттой жүрөк, кайра тартпас кашкөйлүк керек эле. Акыры издеген адамын Талгат “Кыргызфильмден” кезиктирген. Бул анын эң биринчи жана эң акыркы чыныгы сүйүүсү эле. Кыргыз режиссёру Мелис Убукеевдин “Айылдык роман” тасмасына чакырылган Талгат тасма аянтынан казак кызы Венера Ибрагимова аттуу жаш актрисаны көрөт. Бул тууралуу Венера: “Акыркы тартылып жаткан күнүм болчу. Карасам эле гүлгө толгон машина, анын жанында Талгат турат. Ошол жерден ойлонуп отурбай, ЗАГСка жөнөдүк. Мындай жиндиликти Талгат экөөбүз гана кылсак керек эле”,- деп айтканы бар. Бул никеден Линда аттуу кыздуу болушат.

Капилет өлүм

80-жылдардын аягында ар кандай көзү ачыктар, диний секталар жайылып кеткен эле. Өз алдынча жашоонун философиясын издеген Талгат диний сектага жазылып, кыргыз кыштагындагы сектанын башчысы Абай жана Мурза аттуу адамдар менен мамилелеш болгон экен. Ал күндөрү кайсы бир фильмге тартылууга камынып жаткан Талгатты Абай чакыртып алат. Көрсө, дагы бир секта ачылып, жаңы ачылган сектанын адамдарын тигилер жазаламакчы болуп, Талгатты Вильнюска чакыртат. Талгат барганы менен, тигилерге кошулуп жазалоодон баш тартат. Тигилердин жини келип, сектаны сатып кеткен чыккынчы катары Талгатты жазалоону чечишет. Баарынан табышмактуусу, спортчу Талгат аларга эч кол кайрыбаганы эле. Беш адамдын тепкисинен денесине 119 жаракат алып, башына 22 жолу бычак жеген Талгат оор абалда о дүйнөгө кете берген. Денесин ушунчалык кордошконунан улам аялы Венера сөөктү өрттөтүп, күлүн Ташкенттеги “Чилонзор ата” күмбөзүнө койдурат. Ал эми кылмышкерлер өз жазасын алышкан.

Атактуу атанын белгилүү балдары

Линда Нигматулина:

– Атамдын жашоосу чабыттаган бүркүттү элестет. Апам да атам экөөбүздүн окшоштугубузга ушул кезге чейин таң калат. Менин актрисалыкты тандаганым мыйзам ченемдүү көрүнүш. Анткени түйүлдүк кезимде эле киного тартылгам. “Бөрү зындан” фильмине апам алты айлык боюнда бар кезинде тартылган экен. Бардык Нигматулиндердей эле спортко кызыгам. Анткени апам да, атам да каратэ боюнча кара курдун ээси.

Линда учурда Москвада жашайт. Ал Казакстанда белгилүү ырчы катары таанылса, Орусияда актриса катары белгилүү. “Вио­ла Тараканова, кылмыш дүй­нө­сүндөгү кумар”, “Алтын ачкыч”, “Көчмөндөр”, “Чоң оюн” фильмдеринде роль жараткан.

Дашук Саид Нигматулин:

– Атам менен апам ажырашып кеткенде эки жашта элем. Албетте, өңүм, каным, мүнөзүм Талгат Нигматулиндики. Бирок менин ийгилигим, дүйнө таанымым, баккан атам Владимир Дашукка таандык. Ошондуктан эки залкар атамдын ысымын алып, Дашук Саид Нигматулин болуп жүрөм.

Саид учурда белгилүү актёр, каскадёр. “Адам–амфибия” сериалында Ихтиандрдын ролу менен таанылып, эл жүрөгүнөн орун тапкан.

Нуржамал Жийдебаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: