НУРЛАН СУЛАЙМАНОВГО ИЗДӨӨ ЖАРЫЯЛАНДЫ

23-апрель күнү Башкы прокуратура мурдагы транспорт жана коммуникациялар министри, Жогорку Кеңештин экс-депутаты Нурлан Сулаймановго сыртынан айып тагып, ушул эле күнү Бишкек шаарынын Октябрь райондук соту камоо чечимин чыгаруу менен издөө жарыялады. Н.Сулайманов кызматтык абалынан кыянаттык менен пайдалануу беренеси боюнча, тагыраагы, 2007-2008-жылдары министр болуп турган чакта мыйзам бузуу иштерине барып, мамлекетке 41 миллион сомдун тегерегинде зыян келтирген деп айыпталууда.
Эске салсак, быйылкы жылдын 31-январында Боршайком Нурлан Сулаймановду парламенттин 30дан ашуун сессиясына катышпаганына байланыштуу мандатынан ажыраткан болчу. «Ата журтчу» экс-депутат 2012-жылы Кыргызстандан чыгып кеткен (Чек ара кызматынын маалыматы боюнча), ошондон бери ал мекенине кайтып келе элек. Н.Сулаймановдун жардамчысы экс-депутаттын жүрөгүнө операция жасалганын айткан.

Эльвира Караева
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

Alga.kg90

2014-04-28 11:29:13

Эптеп операция,псих больной деген сыяктуу отмазкаларды таба беришет колундагы кучуктору акча учун.Кудай жалгап,алып жуткан нерселерини,Фемиданын служительдери жазалай албаса жараткан озу чыгарып алышына ишенемин!Закондун алдында бардыгыбыз бирдей болбогонубуз аябай окундурот!

kama_future_millioner

2014-04-29 09:45:58

Alga.kg90, туура айтасын

kamal777

2014-05-02 12:42:58

оз элине душман.

nurik..asem

2014-05-04 15:33:16

Озунун капчыгын толтурду качтыда биздин атка минерлер ошондой эле экс президэнттер озунун уй булоосу кыйналбай жашай турган даражага жеткиче жеп качып кеткенди адатка айландырып алыштыго

Комментарий калтыруу үчүн өз ысымыңыз менен кириңиз же каттоодон өтүңүз.

№ 599, 25-апрель-01-май, 2014-ж