Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЛИ ПОРСУКОВ ЛЕЗГИНКА ЧЕБЕРИ ЭЛЕ

№363 16-22-октябрь, 2009-ж.


2002-жылдын 1-ноябры кыргыз спортунун тарыхында кара дата болуп калды. Бул күнү өзү кумык болсо да, кыргыз туусун дүйнөлүк ири мелдештерде даңазалап жүргөн кикбоксчу Али Порсуков өлтүрүлгөн. Андыктан биз бүгүн өмүрү трагедиялуу аяктаган бул спортчунун басып өткөн жолун эскермекчибиз.

Трагедия кандай болгон?

Эске сала кетсек, ошол каргашалуу окуя Бишкекте Али машыгуудан кийин достору менен жолугушууга баратканда болгон. Ошондо аны алдын ала күтүп турган киллер капысынан чыга калып 3 ок атып, изин жашырып кете берген. Ошол учурда спортчу жалгыз болуп калган. Каргашаны угуп жетип келген клубдаштары аны дароо республикалык ооруканага жеткиришсе да, өмүрүн сактап калуу мүмкүн эмес эле. Анткени 3 октун бири спортчунун дал башына тийген. Спорттон кетүүнү ойлоп жүргөн Порсуковдун Дагестандан Бишкекке келгенине 3 эле күн болгон. Окуядан кийин Алинин кылмыштык топтордун ортосундагы териштирүүдө курмандык болуп калгандыгы тууралуу маалыматтар тараган. Ошентип, чоң спортто мүмкүн болгон бардык жеңиштерге жетишкен кикбоксчуну күтүүсүздөн шум ажал алып кете берген. Бул “Гермес-профи” үчүн эле эмес, жалпы ата мекендик спорт үчүн чоң жоготуу эле. Анткени кыргыз спорту атактуу Дүйнө чемпионунан ажыраган.

Аккан арыктан суу агат

Али Порсуков өзү Дагестан республикасынын кулуну болуп саналат. Ал 1969-жылдын 1-апрелинде дүйнөгө белгилүү спортчулар чыккан Хасавюрт районунун (эркин күрөш боюнча бир нече жолку Олимпиада чемпиондору – бир тууган Сайтиев жана Батировдор да дал ушул райондун кулундары болуп саналышат) Аксай айылында туулуп-өскөн. Үй-бүлөдө 2 эле бир тууган болуп, иниси экөө бирге чоңоюшкан. Болгондо да жөн үй-бүлөдө эмес, Социалисттик эмгектин 2 жолку баатыры Акбар Порсуковдун үй-бүлөсүндө өскөн. Андыктан анын жашынан эле мыкты тарбия алып, спортко жакын болуп чоңойгондугу айтылып келет.

Алинин “Гермес-профинин” курамына кошулгандыгы талашсыз түрдө анын жашоосунда чоң окуя болгон десек жаңылышпайбыз. Кененирээк маалымат алуу максатында КРнын Өкмөтүнүн алдындагы Дене тарбия жана спорт агенттигинин директорунун милдетин аркалап келаткан КРнын Эмгек сиңирген машыктыруучусу Александр Хусаиновичке кайрылдык.

Александр Воинов: “АЛИ КӨЗДӨГӨН МАКСАТТАРЫНЫН БААРЫНА ЖЕТКЕН”

– Александр Хусаинович, айт­саңыз, Али Кыргызстанга кандайча келип калды эле?
– Алиге биринчи жолу 1993-жылы Махачкалада (Дагестан) өт­көн ушу-саньда боюнча Эл аралык мелдеште көзүм түшкөн. Анан 2 жылдан кийин Балтимордо (АКШ) өткөн мелдеште анын машыктыруучусу менен агасы мага кайрылып калышты. Алар: “Алинин атасынын бир тилеги бар эле. Ал уулунун Дүйнө чемпиону болуусу. Алинин өзү да атасынын бул тилегин ишке ашырууну ойлоп жүрөт”, – дешти. Мен баарын түшүнүп, Алини сынап, «секундировать» этип да көргөм. Анткени анын мүмкүнчүлүктөрүн байкаш керек эле да. Кара күч жактан даярдыгы жана башка жагынан да мага жаккан. Анан экөөбүз сүйлөшүп, макулдаштык. Ошентип, ал 1995-жылдан баштап Кыргызстанга келип машыга баштады.
– Анан ишеничтин баарын актадыбы?
– Бул үчүн ал жан үрөп аракет кылды. Анткени анын моюнунда атасынын керээзин аткаруу милдети бар эле да. Буга чейин ал бокс жана ушу-саньда менен машыгып келгендиктен, бул жакта буту менен иштөөнү көбүрөөк үйрөнүүгө туура келди. Тынымсыз машыгууларынын акыбети 2 жылдан кийин кайта баштады. 1997-жылы Югославияда өт­көн мелдеште байгелүү орундардын бирин ээледи. Ал эми кийинки жылы көптөн күткөн жеңишине жетишип, Дүйнө чемпиону аталды. Ал көп убактысын Кыргызстанда өткөрчү. Ануар Ибраев экөө чогуу жашашчу.
– Көп­чү­лүк­түн айтымында, ошондо ал чоң спорттон ке­түү­нү план­даш­тырып жаткан. Бул чынбы?
– Ооба. Ал үчүн коштошуу беттешин өткөрүүнү пландап жаткан. Тилекке каршы, күтүүсүздөн каза болуп калды. Дагестанга сөөгүн алып барганыбызда жакындары сурашкан: “Алини эмне үчүн өлтүрүштү? Акча үчүнбү же аял үчүнбү?” дешип. Анда кандайдыр бир кокустук, түшүнбөстүктөн улам ошондой болуп, Али ортодо курмандык болуп калганын айтканбыз. Командада баарыбыз билебиз, анын кылмыш дүйнөсү менен эч кандай байланышы жок болчу. Менин билишимче, аны өлтүргөн киши табылган. Бирок мен балдардан иштин чоо-жайын териштирткен жокмун. Анткени кандай болгондо да, Алини кайтара албайбыз.
– Клубдаштарынан эмнеси менен айырмаланчу?
– Мыкты физикалык даярдыгын баса белгилейм. Анан абдан чыдамкай эле. Мыкты сокку узата алгандыктан, көп беттеште­рин мөөнөтүнөн мурда нокаут менен жеңип алчу. Анан дагы бир өзгөчөлүгү, лезгинканы катыра бийлечү. Рингде ар бир жеңишинин аягы лезгинка бийи менен коштоло турган. Негизи, Али кыска өмүр сүрсө да, көздөгөн максаттарынын баарына жетишти деп айта алам. Эң оболу Дүйнө чемпиону болду. Кийинчерээк бактысын таап, үй-бүлө курду. Эки уулу чоңоюп жатат. Туулуп-өскөн жеринде үй курууга да же­тишкен.
– Маегиңизге рахмат.

Кызыктуу фактылар

  • Каза болгондугунун 40 күндүгүнө карата Бишкекте “Кыргызстан-Орусия” достук беттешүүсү өт­кө­рүл­гөн.
  • Эки уулу бар. Экөө тең 4-сентябрда тө­рө­лүшкөн. Экинчи уулун досунун урматы­на Ануар деп атаган.
  • Сүйлөшүүдө кандай гана суроо болбосун, шашпай ойлонуп жооп бергендиктен, клубдаштары «акылман» деп атап коюшкан.

Акылман тууралуу

  • Порсуков Али Акбарович 1969-жылы 1-апрелде Дагестан республикасынын Хасавюрт районунун Аксай айылында төрөлгөн.
  • Бою – 180 сантиметр
  • Салмагы – 81 килограмм
  • Лакап аты – Акылман
  • Кикбокс сүйүүчүлөр жана профессионалдар арасында Дүйнөнүн 2 жолку чемпиону, Азиянын жана Евразиянын чемпиону, Дүйнө кубогунун ээси, КРнын Эмгек сиңирген спорт чебери

Базарбек Абдураимов
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: