Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КЫРГЫЗСТАНДЫ САПАТСЫЗ ДАРЫЛАР БАСЫП КЕТТИБИ?

№602 16-май-22-май, 2014-ж


Дары-дармектер дарыканаларда да, базарларда да сатылат. Андыктан алардын сапатына терс пикир айткандардын саны көп. Деги бизде дары-дармектерге ким көзөмөл жүргүзүп, ким текшерет? Сапатсыз дарылар чындап көппү?

«ДАРЫЛАРДЫ МЕНДЕН АЛЫП БАРЫП, ДАРЫКАНАДА САТЫШАТ»
Сапаттуу дары адамды оорудан айыктырса, сапатсызы ооруңду күчөтүп, ал тургай өлтүрүп да коёт. Дары сатканга мыйзамдуу уруксаты болбосо да, базарларда саткандар көп. «Ош базарына» барып, 1 саат ичинде андайлардын 25ин кезиктирдик. Буларга эч ким лицензия, сертификат бербейт. Андыктан дарылары тазабы же жасалмабы, билип болбойт. Атын айткысы келбеген жигит «менден дарыканаларда иштегендер алып кетишет да, кайра сатышат. Анткени арзан, сапаты деле жакшы эле» дейт.

«МИЛИЦИЯ ДАРЫЛАРДЫ ТЕКШЕРҮҮГӨ КАТЫШПАЙТ»
1 саат ичинде дары саткандарды кубалаган бир да милиция кызматкерин көргөн жокпуз. Андыктан «Көчөдө дары саткандарды ким тыят?» деген суроо менен Ленин РИИБинин башчысынын орун басары ЗАКИРЖАН УСМАНОВГО баш бактык:
– Биздин укук коргоо кызматкерлери көчөдөн дары саткандарды кубалайт. Бирок бир аздан кийин кайра келип алышат. Ушул боюнча катуу чара көрө тургандай кылып депутаттар мыйзам чыгарып беришсе болмок. 2013-жылы биздин кызматкерлер чоң 2 рейдге катышкан. Бирок алар чатак чыгып кетпешин гана көзөмөлдөп беришет. Дарыларды текшерүүгө катышууга укугу жок.

«ДАРЫКАНАЛАРДЫ 1 ЖЫЛДА 1 ГАНА ЖОЛУ ТЕКШЕРЕБИЗ»
Эми КРнын Саламаттыкты сактоо министрлигинин алдындагы Дары-дармектер жана медициналык техникалар менен камсыздандыруу департаментине баш бактык. Башкы директордун биринчи орун басары ЖАҢЫЛ ЖУСУПОВА суроолорубузга мындайча жооп берди:
– Биздин департамент дарыканаларды гана текшере алат. Ал эми базарларда, көчөлөрдө сатылып жаткан дарыларды көзөмөлдөө, сапатын текшерүү укугунан мыйзам боюнча четтетилген. Биздин дарыканаларды 1 жылда 1 гана жолу текшерүүгө укугубуз бар. Башка учурларда аткезчилик менен алынып келинип жаткан сапатсыз дарыларды же мөөнөтү өтүп кеткендерин сатып жатабы, биле албайбыз. Анын үстүнө биз текшерүүгө мыйзам боюнча 10 күн мурун алдын ала эскертип анан баруубуз керек. Бул аралыкта алар жанагыдай дарылары болсо бекитип же жок кылып, суудан кургак чыгып кетип жатышпайбы.
Бирок, айтып кетчү нерсе, сапатсыз дары адамды өлүмгө жеткизе тургандыктан карап тура албай, Бишкек ШИИБи, Экономикалык кылмыштарга каршы күрөшүү боюнча мамлекеттик кызматы жана Бажы кызматы менен план түзүп, 1 жылда 10-15 ирет алар менен чогуу текшерүүлөргө чыгып турабыз. Башка учурларда биз кайсы жерде аткезчилик жол менен алынып келинген дарылар сатылып жатканын билип калсак, жогоруда айтылган органдарга билдирүү менен гана чектелебиз. Өзүбүз текшергенге укугуз жок.
2013-жылы жыл ичинде департаменттин сертификация боюнча бөлүмү 75 түрдүү аталыштагы дары-дармекке сертификат берүүдөн баш тарткан (жараксыз деп табылгандыгы үчүн). Алардын жалпы суммасы 23 миллион 767 миң 695 сомду түзгөн.
Биздин департамент квартал сайын жашоого маанилүү делген дары-дармектердин тизмегиндеги айрым дарылардын гана (баарын эмес!) дүң жана чекене бааларын көзөмөлдөп, байкоо жүргүзүп турат. Башка дарылардын бааларын көзөмөлдөөгө акыбыз жок.
Негизи дарыларга бааларды алгач дары чыгарган фирмалар коёт. Ага бааны дарыны алып келген биздеги компаниялар, анан дарыканалар кошот. Дарылардын бааларынын мамлекет тарабынан көзөмөлдөнүүсү мыйзам тарабынан каралган эмес.

«БААРЫ КОРРУПЦИЯГА БАРЫП ТАКАЛАТ»
Дарылар маселеси боюнча ЖКнын депутаты, Коррупцияга каршы аракеттенүү боюнча комитетинин мүчөсү ДАСТАНБЕК ЖУМАБЕКОВДУН оюн билдик:
– Дарылардын баалары өсүүдө жана аткезчилик жол менен да келип жатат дегенге кошулам. Баары коррупцияга барып такалат. Экономикалык кылмыштарга каршы күрөшүү боюнча мамлекеттик кызматы, Бажы кызматы, Антимонополдук агенттик дегендер таза иштешсе, бизде сапатсыз дарылар сатылмак эмес. Негизи дарылардын бааларын Антимонополдук агенттик көзөмөлдөшү керек. Бирок бул агенттик жана жогоруда айтылган органдардын баары пайда табуу үчүн «сен мага, мен сага» дегенге өтүп алышкан. Ошондуктан ар ким өз билгенин кылып жатат. Андыктан коррупцияга жол берген мыйзамдарды оңдоо керек деп ойлойм. Дары-дармектерди сатуу жоопкерчилигин күчөтүп, айыптардын өлчөмүн көбөйтүү зарыл. Болбосо хаос боюнча калышы мүмкүн.

Бул темага кийин дагы кайрылабыз.

СТАТИСТИКА ЭМНЕ ДЕЙТ?

  • Республикадагы фармацевтикалык уюмдардын саны (2014-жылдын 31-мартына карата) – 3128. Башкача айтканда, 964 дарыкана, 1359 дарыкана пункту, 249 дарыкана күркөсү (киоск), 43 оптика дүкөнү жана башкалар.
  • Өлкөдө сырттан алынып келинген дары-дармектер 97 пайызды түзөт. Аларды дүңүнөн алып келүүчү компаниялардын саны – 253.
  • Кыргызстандагы дары-дармектерди жана медициналык керектүү буюмдарды чыгарган өндүрүш компанияларынын саны – 43. Ата мекендик дары-дармектер 3 гана пайызды түзөт.
  • Дарылар 70 өлкөдөн алынып келинет. Алар: Орусия, Германия, Венгрия, Индия, Кытай, Малайзия жана башка.
  • 2013-жылы дары-дармектерге жана медициналык каражаттарга берилген сертификаттардын саны – 34 167.

«Супердин» сурак бурчу
КЫРГЫЗСТАНДА САТЫЛЫП ЖАТКАН ДАРЫЛАРДЫН САПАТЫНА ИШЕНЕСИЗБИ?

Нурила Сариева,үй кожойкеси:
– Дарылардын сапатын карапайым эл ажырата албайт. Дары каражаттардын жарнамалары да көп. Биологиялык активдүү кошулмаларды дары деп саткандар да бар. Айтор, баш аламан.

Акпай Сарыбаев, дарыгер:
– Кытай, Пакистандан аткезчилик жол менен сапаты күмөн дарылар келет. Базарда колдон жасалгандары да сатылат. Дарыны дарыканадан гана алуу керек. Себеби бир нерсе болсо жооп берет.

Асел Дарбанова, студент:
– Учурда «дары алсам таасири тийбеди» дегендер бар. Баалары кымбат, айлык акыга туура келбейт. Андыктан мамлекеттик дарыканаларды ачуу зарыл.

Акылбек Усупбаев, дарыгер:
– Бел кубатты көтөрүүчү виагранын түрлөрү көп келүүдө. Кытай, Пакистандан алынып келингендери тазалоодон өтпөгөндөр. Алар боорго, ички органдарга зыян.

 

Гүлмира Саманчиева, сатуучу:
– Сапаты жакшы эле. Жээним ооруганда врач дарыларды жазып, анан бизди өзү дарыканага алып барды. Көрсө, врачтар дарыканалар менен иштешип, ставкасын алат экен.

Айдар Калдыбаев, сатуучу:
– Фармацевтикалык компанияларды депутаттар менен чиновниктер калкалайт. Мамлекеттик көзөмөл жок, ар ким өзү билгендей баа коюуда. Сапаттарын айта албайм.

 

Дилбар Боронбаева, үй кожойкеси:
– Сапаттуусу да, сапатсызы да аралаш. Анткени дарыларды Казакстандан, Орусиядан аткезчилик жол менен алып келишерин билем.

Канымжан Усупбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(10)
19.05.2014. 12:05 
Тайпасы:
Жаран
Комментарийлердин саны:
25
Катталган:
10-01-2011
Соӊку аракети:
16-03-2018 13:39
Жынысы:
Белгисиз
Калаасы:
Красноярск
0
Толтура сапатсыз даарылар. Текшерген эч ким жок, базарларда сатып жатышпайбы. Малдын даарысыбы адамдыкыбы эч ким билбейт. Кой деген кожо жок, даарылар учун эч ким жоопко тартылбайт
19.05.2014. 13:07 
Тайпасы:
Кыймылы жок
Комментарийлердин саны:
18
Катталган:
05-06-2012
Соӊку аракети:
03-05-2016 11:57
Жынысы:
Белгисиз
0
Даарыларды билбейм бирок менин бир таанышым эч теке диплому жок эле иштеп атат аптекада,анан билбейм калганын.
19.05.2014. 13:13 
Тайпасы:
Кыймылы жок
Комментарийлердин саны:
102
Катталган:
31-12-2013
Соӊку аракети:
01-10-2016 02:22
Жынысы:
Белгисиз
+3
Негизи еле рекламаларга ишенип корунгон дарыны иче бербеш керек. Емне дары болбосун терс жактары да болот. Менин баламдын врачы дары жазгандан сарандана берет деп ойлочум башында. Корсо ал жонокой еле нерсе учун дары ичуудон баш тартыш керек деди. Европада врачтын кагазы жок
аптекадан дары ала албайсын. Бизде акчан болсо болду да.
20.05.2014. 02:49 
Тайпасы:
Кыймылы жок
Комментарийлердин саны:
36
Катталган:
14-03-2014
Соӊку аракети:
15-09-2015 18:00
Жынысы:
Белгисиз
0
Aisanat, Tuura aytasız Tursıyada da ech kım vrachtın kagazı jok antıbıyotık satpayt jana gınekologıyalık svech j.b satpayt akchasın on ese bersen dagı. Anan al jakta darılardın baaı antalyada da stambulda da bardık jerde bırdey jana bızdey bolup kunu tunu bardık aptekalar ıshtey berıshpeyt. dejurnıy aptekalar bar osholor gana tunkusun ıshteyt.Darılardın bazarda satılıshına emı soz jok.
19.05.2014. 20:44 
Тайпасы:
Жаран
Комментарийлердин саны:
371
Катталган:
25-01-2014
Соӊку аракети:
17-11-2018 00:03
Жынысы:
Белгисиз
Калаасы:
Ордолуу Ош
0
Ошондой корунгон жерден ала бергенда болбойт...тыюу малыш керек...
20.05.2014. 01:11 
Тайпасы:
Жаран
Комментарийлердин саны:
101
Катталган:
23-04-2014
Соӊку аракети:
27-02-2017 17:41
Жынысы:
Белгисиз
0
сапатсыз даарылар аябай коп, эл аны байкабайт.
20.05.2014. 01:43 
Тайпасы:
Тартип бузгандар
Комментарийлердин саны:
117
Катталган:
31-05-2013
Соӊку аракети:
03-10-2014 16:23
Жынысы:
Белгисиз
0
дарынын бааарын жанагы дамира деген депутатша ташып келет деп журушпойт беле, бийликтегилерге баары бир,эл олуп жатабы,тирилип жатабы баягы козум корбосо к....ду бору жесин кылып журушот да.Жон эле элдин акчасын жеп байыша бербейби десен, элге сапатсыз дарысын берип,элдин ден-соолугуна зыяндуу дарыларын таратышпай эле... тообо, булардын байыганы да элге зыян алып келчуу болду го...(((
20.05.2014. 11:06 
Тайпасы:
Жаран
Комментарийлердин саны:
91
Катталган:
01-02-2012
Соӊку аракети:
10-08-2018 19:02
Жынысы:
Белгисиз
0
Албетте озубуз колдоп жатпайлыбы базардан барып ала калып ойлоп корсок аптека мн базар баасы бирдей эле убагында мен да саткам базарда бизге алматыдан эле туз алып келишет эле мисалы мезим ж.б.у.с бары эле алматинский подделкалары бизде
22.05.2014. 12:21 
Тайпасы:
Супермодератор
Комментарийлердин саны:
72
Катталган:
19-11-2013
Соӊку аракети:
18-11-2018 00:32
Жынысы:
Белгисиз
0
Misi, Tao - эскертүү!
Жарнама жана коммерциялык маалыматтарды "Коммерциялык жарыялар" аттуу бөлүмгө гана калтырууга уруксат берилет.
22.05.2014. 14:39 
Тайпасы:
Жаран
Комментарийлердин саны:
195
Катталган:
27-01-2013
Соӊку аракети:
16-11-2018 11:01
Жынысы:
Белгисиз
Калаасы:
Токтогул
0
Баарын сапатсыз деп айтууга болбойт бирок арасында бар сапатсыздар алар базарда гана сатылат,аптекадан гана алуу керек себеби лицензиясы барда
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: