Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ДИПЛОМДУ ТАЛАП КЫЛБАГАН КЕСИПТЕР

№364 23-29-октябрь, 2009-ж.


Окууну аяктап, колго диплом алгандардын баары эле өз кесиби менен иштеп кете алышпайт. Ошентип, дипломдор сандыктын түбүндө чаң баскан боюнча кала берет. Бирок учурда дипломду талап кылбаган, ага карабай өз ээсин баккан кесиптер бар.

Стриптизчи

Дене-бойду эч кандай дипломсуз эле ийкемдүү кылып тарбиялап алууга болорун стриптизчилер далилдеп келет.
22 жаштагы Юля баш калаадагы бир топ түнкү клубдарда өзүнүн бийлери менен белгилүү. Аны “стриптизчи Барби” деген ат менен таанышат.
«Мен учурда юридикалык факультетте окуйм. Бир жолу курбу кызым “түнкү клубда бийлеп акча таап көрбөйсүңбү?” деген сунуш киргизип калды. Биринчи жолу барганда мени бийлетип көрүштү да, дароо эле жумушка чакырышты. Сыягы, мен сексуалдуу бий аткарып берген окшойм. Башында өзүмдү ыңгайсыз сезчүмүн. Бара-бара кадимки эле жумушка айланды. Учурда бир бий үчүн 1500-3000 сомго чейин алам. Эми стриптиз бийин үйрөтүү боюнча курс ачсамбы деп ойлонуп жатам. Азыр калп айтпасам, ар бир бешинчи адам юрист. Андыктан бул кесипке кызыгым жоголуп кетти. Бирок стриптиз бийчиси болуп иштеп жүрүп, турмушту жөндөп кетүү оңой эмес. Мисалы, ушул жашка чейин жигитим жок. Кайда иштегенимди айтсам эле жигиттердин ою бузулат».

Официант

Бул кесип үчүн тыкандык, чыдамкайлык керек. Анткени түн уйку, күн тынымы курмандыкка чалынат.
Жеңиш бир топ жылдан бери официант болуп иштейт. Ал мындай дейт:
«Официанттык – акчалуу кесип. Бирок кыйынчылыгы арбын. Кардарлардын орой мамилелерине чыдашың керек болот. Мен түз басканга жана кардарларды күлүп тосуп алганга да көнө албай бир топ жүдөгөм».

Үтүкчү

Кыргызстанда тигилген кийим-кечектер Орусия, Казакстанга сатыла баштагандан тарта кийим тигүүчү кичи ишканалар көбөйдү. Андыктан үтүкчүлөргө да суроо-талап өстү. Үтүкчүлүктүн да өзүнө ылайык түйшүгү, оорчулугу бар. Бул иш менен көп жыл алектенгендерде буттун варикозуна жана дем алуу органдарынын өнөкөт оорусуна кабылуу коркунучу бар.
Фариданын үтүктү колунан түшүрө элегине 6 жылдын жүзү болуптур. Ал күнүнө орто эсеп менен 200-300 сом табарын айтып өттү:
«Кечке үтүктөн чыккан бууга какталып, тикеден-тик туруп иштегенге бөйрөктөрүм көп ооруйт. Буттарым кечке чейин кадимкидей шишип кетет. Эми антип арызданганда эмне, бирөө келип менин табагыма аш салып бермек беле?!»

Араба түрткөндөр

Базарда кол арабасын сүйрөп, дайыма даяр турган бул адамдардын кызматынан баарыбыз пайдаланабыз.
Бакыт байке 6 жылдан бери “Мадина”­ базарында кол араба менен жүк­ ташып иштейт. “Биз акчаны жүккө, жеткирген аралыкка карата бычабыз. Мисалы, бир түрмөк кездемени салсак, 50-60 сом алабыз. Орто эсеп менен күнүнө 400-500 сом табабыз. Кээ бирлер араба түрткөндү намыс көрүшөт экен. Ушуну менен нан таап жаткан соң эмнеге намыстануу керек экенин түшүнбөйм. Кыйынчылыгы көп дечи. Оор жүктөрдү түртө берип колу-бутум, белим көп ооручу болду”.

Модель

Шыңга бой, сулуу жүз жана келишимдүү мүчө-келбетиң болсо, анда тартынбастан моделдикке барса болот. Бирок бул кесип түбөлүктүү эмес. Сулуулуктун өңү өчүп, келишимдүү келбет бузулганда, бул кесип менен кош айтышууга туура келет.
Айканыш аттуу модель буларды айтып берди:
«Мен бала чагымдан эле ушул кесипти аркалагым келчү. Бирок түбөлүктүү кесип болбогондуктан, дизайнер-ар­хи­текторлукту да окуп жатам. Модель болуу үчүн биринчи дене-мүчөңдүн келишимдүү болушу каралат эмеспи. Бирок оорчулуктары да болбой койбойт. Белгилүүлүккө жетүү үчүн көптөгөн нерселерден баш тартасың. Мисалы, таттуу-даамдуу тамактардан. Бизде моделдик кесипке суроо-талап көп болбогондуктан, эмгек акыбыз кубанарлык эмес».

Куруучу

Кыргыздын ишке жарамдуу мырзаларынын басымдуу бөлүгү ушул кесипти аркалап Орусияда, Казакстан­да жүрүшөт.
Элмин аттуу жигит маал-маалы менен Орусияга барып, курулушта иштеп келип турат. “Жетишпестиктин айынан мектепти да толук бүтпөй калдым. Улуу агам Орусияга иштейм деп кетип, анан мени чакыртып алды. Алгач шыбакты үйрөндүм. Анан улам бир нерсени үйрөнүп жүрүп отуруп, азыр өз алдымча үй курууга жарап калдым. Тапканым жакшы эле. Бир жылда үй алдым. Эми мына дагы Орусияга баратам. Буюрса, келгенде машина алам”.

Өтүкчү

Диплом талап кылбаган, бирок дайыма калкка керек болгон кесиптердин катарын өтүкчүлүк да толуктайт. Бул өнөр көбүнчөсү атадан-балага, тааныштан-таанышка өтүүчү кесип.
Өтүкчүлөр менен маектешип жү­рүп, Мирлан аттуу мырзага туш болдук. Өзүнүн кесиби боюнча “химик”. 5 жылдан бери өтүкчүлүк менен жан багып келет. “Өтүкчүлүгүмдөн эч кандай ар кылбайм. Анткени адал иштеп, үй-бүлөмдү кем кылбай багып келе жатам”,- дейт ал колундагы ишине үңүлүп.


Бүгүнкү күндө татыктуу жашоо үчүн дипломдун кереги барбы?

Кеңешбек, 54 жашта, мугалим:

– Азыр жаштардын көбү билим алууга умтулушпайт. Акча
баарын чечет деген пикирге көнүп баратышат. Жумушка орношууга деле
көп акча сарпталууда. Ошондуктан бүгүнкү күндө дипломдун зарылчылыгы жоголуп баратат. Акчаң болсо, кааласаң депутаттык креслого деле отуруп аласың.

Курманжан, 18 жашта, студент:

– Учурда бүт энергиямды жумшап окуп жатам. Арабызда калп эле убакыт коротуп жүргөндөр бар. Алар диплом алганы менен деле кыйратып иштешпесе керек. Айрым кыздарыбыз “диплом бардар үй-бүлөнүн уулуна турмушка чыгуу үчүн керек” дешет. Аны угуп күлкүң келет. Буларга кийин дипломдун кереги тийбесе керек.

Төлөн, 32 жашта, жеке ишкер:

– Көпчүлүк эле билимдүүлөр базарда же курулушта жүрүшөт. Канчалаган жогорку билимдүүлөрдүн диплому сандыктарда жатат. Ушундан улам азыр дипломдун деле кереги жок болуп калган окшойт деп ойлоп кетесиң. Бирок бул убактылуу нерсе деп айтар элем.

Элмира, 39 жашта, экономист:

– Азыр жумуш берүүчүлөрдүн да талабы башкача болуп баратат. Адистин билим деңгээлине караганда, жаш курагына көбүрөөк басым жасашат. Биздин куракка келгендерди кызматка алгылары келбейт. Анан айла жок бала багуучу, үй кызматкери өңдүү иштер менен күн өткөрүүгө туура келет. Учурдун талабы ушул болуп калды окшойт.

Мухамбет, 20 жашта, студент:

– Эгер акчасы көбүрөөк жумуш болсо, мен деле дипломду сандыкка салып коюп, кесипти өзгөртүүгө даярмын. Анткени айлыктан айлык күтүп акыйып жүрүп өткүм келбейт. Окубай калды дегенден намыстанып эле ата-энесин кыйнап, убактысын текке кетиргенден көрө дипломсуз деле жашоону жөндөп кетүүгө болот.

Жылдыз, 42 жашта, журналист:

– Диплом сөзсүз керек. Бирок учурда дипломду сатып алгандар да аз эмес. Угушума караганда, экзаменден “5” алыш үчүн 1000-1500 сом беришет экен. Ушинтип баа алгыча окубай эле койгон жакшы да. Ырас окуйм деп чечкен соң дипломго эле эмес, чыныгы билимге да ээ болуу керек.

Темирбек, 36 жашта, темир уста:

– Менимче, диплом алган соң кайда иштейм деп ойлонбой, бул маселени окууга тапшырарда чечип алуу керек.
Беш жыл акча коротуп окуп, анан дипломдун үзүрүн көрбөгөндөн кийин окугандын эмне зарылчылыгы бар?

Бахияна Сатылганова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(9)
30.10.2009. 12:39 
Тайпасы:
Кыймылы жок
Комментарийлердин саны:
3
Катталган:
26-01-2009
Соӊку аракети:
18-01-2013 22:10
Жынысы:
Белгисиз
Калаасы:
Жер планетасы жана Кун СисТЕмасы
0
типок тура
30.10.2009. 18:03 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Эмнеге колунда дипломун болсо башында билимин болсо акыйып ишсиз каласын Эптеген эбин табат созсуз иштейсин да дипломдун кереги бар албетте
30.10.2009. 18:06 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Окубай атасынын акчасына ишенгендер учун гана дипломдун кадыры жок болушу мумкун себеби пешене тери менен баа албай атасынын акчасына алып жатпайбы созсуз аларга дипломдун кереги жокта мээсинде бир деме болсо иштейби
26.12.2009. 17:44 
Тайпасы:
Кыймылы жок
Комментарийлердин саны:
19
Катталган:
12-09-2008
Соӊку аракети:
29-09-2011 15:03
Жынысы:
Белгисиз
Калаасы:
Шаарда турам.
0
deks досум туура баа берген!
26.12.2009. 17:47 
Тайпасы:
Кыймылы жок
Комментарийлердин саны:
19
Катталган:
12-09-2008
Соӊку аракети:
29-09-2011 15:03
Жынысы:
Белгисиз
Калаасы:
Шаарда турам.
0
Кыргызстанда азыркы шарттарда айрым кесиптердин кадыр-баркы билинбей жатат. Ошондуктан мындай кесиптерге жарандарды дипломсуз эле кабылдап жатышкандай. Бирок келечекте кара күч жумшалган жумуштардын саны азайып, көпчүлүк нерсе кесипкөй тейлөөгө же акыл күчүнө байланышкан кесиптерге айлана баштаганда кыргызымдын дипломсуз уул-кыздары кыйналып калышат го дейм. Азыр деле бар мындай көрүнүш! Ошондуктан, дипломсуз жум
26.12.2009. 17:49 
Тайпасы:
Кыймылы жок
Комментарийлердин саны:
19
Катталган:
12-09-2008
Соӊку аракети:
29-09-2011 15:03
Жынысы:
Белгисиз
Калаасы:
Шаарда турам.
0
Стриптиз бийлеген кыздарга да атайын бий курстарынын бир тармагы боюнча билим берип, алардын профессионалдуулук деңгээлин өстүрүп, этикасын толук үйрөтүү керек. Антпегенде, стриптиз бийлеген кыздар (кечиресиздер, сойкулардын бир түрү сыяктуу) бузулган кыздардай болуп элестеши мүмкүн көбүнө.
26.12.2009. 17:50 
Тайпасы:
Кыймылы жок
Комментарийлердин саны:
19
Катталган:
12-09-2008
Соӊку аракети:
29-09-2011 15:03
Жынысы:
Белгисиз
Калаасы:
Шаарда турам.
0
Бизде официанттарга атайын билим берилбегендиктен, кафе-ресторандардагы тейлөө начар. Ошол эле учурда аларга болгон коомдук көз караш да төмөн. Материалдык жактан эң жакыр катмар официант болуп иштейт сыяктуу көз караштар да бар. Мисалы, былтыр менин иним официант болуп иштейм дегенде үйдө эки тарапка бөлүнүп калдык. Мен иштесин дедим, ата-энем каршы чыкты.
26.12.2009. 17:52 
Тайпасы:
Кыймылы жок
Комментарийлердин саны:
19
Катталган:
12-09-2008
Соӊку аракети:
29-09-2011 15:03
Жынысы:
Белгисиз
Калаасы:
Шаарда турам.
0
Модель кыздарга дипломдун кереги жок десеңиздер, такыр түшүнбөйм. Алардын келбетинен башка да, башында бир нерсе болбосо, алар оңой эле атаандаштарынын же айрым аларга кызыккан адамдардын курмандыгына айланып калуулары мүмкүн.
26.12.2009. 17:55 
Тайпасы:
Кыймылы жок
Комментарийлердин саны:
19
Катталган:
12-09-2008
Соӊку аракети:
29-09-2011 15:03
Жынысы:
Белгисиз
Калаасы:
Шаарда турам.
0
Куруучулук диплом менен гана ишке ашат. Муну мага караганда сиз да жакшы билесиз. Көр тиргиликтин айынан улам дипломсуз аз акчага иштеп жатышат да бир туугандарыбыз айлап-жылдап үйдөн безип. Негизи, Японияда катардагы эле мектеп окуучусуна куруучулук жана техниканын ар түрү боюнча кеминде 4-5 жылдык берилет. Ал эми курулушта иштегендер болсо, 7-10 жылдык жогорку билим алууга милдеттүү. Ошондуктан катардагы жапон биздин ЖОЖдогу математиканы семичкедей чаг
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: