Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ВАРИКОЗ – ВЕНА КАН ТАМЫРЫНЫН КӨӨП КЕТИШИ

№364 23-29-октябрь, 2009-ж.


Буттун варикоз оорусу менен калктын 40 пайызы жабыр тартат. Булардын жарымынан көбү аялдар. Оору күчөп кетсе, адамды узакка эмгек жөндөмдүүлүгүнөн айрыйт.

Оору эмнеден келип чыгат?

Төмөндөн жогоруну көздөй жүрөккө кан ташуучу венадагы клапандар кулпунун ролун аткарат. Кан клапандар аркылуу өткөн соң клапандар кулпу сымал жабылып, канды чыгарбай алып калат. Качан бул система бузулганда кан ылдыйга эркин агып, дененин кайсы бир бөлүгүндө, көбүнчө бутта көпкө туруп калат. Ушундан улам вена серпилгичтигин жоготуп, чоюлуп, кеңейип кетет. Кеңейген жерлерде түйүндөр пайда болуп, ал жер териден бадырайып көрүнүп калат.

Дененин кайсы жеринде учурайт?

Вена дене бөлүктөрүнүн бардыгында кездешкендиктен, варикоз оорусу да дененин ар жерлеринде кездешет. Мисалы, бетте, кызыл өңгөчтө, жамбашта, түз ичегинин оозунда (геморрой), бутта, ички органдарда, ал тургай жыныстык органдарда да кездешет. Жыныстык органда кездешкен түрүнө эркектердин варикоцеле оорусун (жумуртка баштыкчасындагы вена тамырынын кеңейиши) мисал кылсак болот. Антсе да буттун варикозу менен көпчүлүк адамдар оорурун айта кетели. Эмесе, сөз буттун варикоз оорусу тууралуу болмокчу.

Бут варикозунун белгилери

  • Бут талып, салмактанат, карышат.
  • Жумуш кылган соң бут сөзсүз ооруп чыгат.
  • Кечкисин тизенин жана кызыл ашыктын тегереги шишийт.
  • Буттун сезимталдыгы төмөндөп, сайгылашат жана ачышат.
  • Бутта, көбүнчө тизеде узакка айыкпоочу жаралар пайда болот.
  • Буттун терисинин өңү өзгөрөт.
  • Буттун кан тамырлары лукулдатып оорутуп, түнкүсүн тарамыштар тартышып, карышат.
  • Кан тамырларда торду элестеткен түйүндөр пайда болот.

Оорунун себептери

  • Дамамат туруп же отуруп иш­төө.
  • Аз кыймылдуулук же физикалык активдүүлүктүн төмөндүгү.
  • Семирүү, оор жумуштарда иш­төө.
  • Тукум куучулук.
  • Тубаса варикоз оорусу менен төрөлүү.
  • Аллергиялык оорулар.
  • Жыныстык гормондордогу өз­гөрүүлөр. Буга көбүнчө аялдар кез келишет. Мисалы, этек кирлери келерде көп­чү­лүгү буттарынын оорутканын сезишет. Мындан тышкары, аял кош бойлуу кезинде салмак кошулат да, вена кан тамырларына күч келет. Адатта төрөттөн соң калыбына келет. Бирок кайсы бир себептерден улам кээ бир аялдарда калыбына келбей, биротоло калып калышы күтүлөт. Варикоздо гормондордун өзгөрүшүнүн айынан аялдар төрөттөн эрте калып да калышат.

Дарылоо

Консервативдүү дарылоо

Бул дары-дармекти кабыл алуу, атайын багытта чыгарылган трикотаж колготки, байпакты кийүү (дарыканаларда сатылат), дарылык багыттагы дене көнүгүүлөрү менен машыгуу. Дарыларды кабыл алуу менен катар аталган кийимдерди туура кийип жүрсө, кеңейип кеткен веналар төрөттөн кийин калыбына келет же алардын саны азаят.

Хирургиялык дарылоо

Склеротерапия. Дартка чалдыккан вена иштен чыгып, кан соо тамырлар аркылуу ага баштайт. Склеротерапияда ошондой иштен чыккан веналар атайын аппараттын жардамы менен алынып салынат. Аптасына бир жолудан жасалат. Мындай ыкма менен ооруга чалдыккан веналардан толук кутулуунун убактысы оорунун формасына жараша болот.

Флебоэктомия. Наркоз же ооруну сездирбөөчү дары-дармектер менен операция жасоо ыкмасы.

Аппарат менен дарылоо

Кыргызстанда варикоз оорусунун тереңдеп кетишинин алдын алуучу жана оору белгилерин жок кылуучу атайын аппарат 3 гана жерде бар. Бишкектин “Грация” медициналык борборунда, Баткен облустук ооруканасында жана Ысык-Көлдүн “Кыргызское взморье” санаторийинде. Аппарат буттагы төмөндөн өйдөнү көздөй кеткен кандын агымын жакшыртат.
“Грация” медициналык борборунда “Хивомат-200дөн” башка “Лимфовижин” аппараты бар. Дарылоо курсу 10 күн.

Варикоздун коркунучу

Ысыкка чыкканда, күнгө кактанганда, семиргенде, мончого барганда түйдөкчө болуп уюп калган кандар (тромб) үзүлөт. Алар кан менен кошулуп мээге жетсе инсультка же жүрөккө жетсе инфаркка чалдыктырышы мүмкүн. Ошондуктан варикоздун башталыш кезинде эле врачка кайрылып, дарылануу кажет.

Илдетти алдын алууга карата кеңештер

  • Бир орунда узакка отуруудан же туруудан качыңыз. Чуркоону, сууда сүзүүнү, жөө сейилдөөнү адатка айлантыңыз.
  • Балтыр эттин булчуңдарын иш­те­түү үчүн гимнастикалык кө­нү­гүү менен машыгуу зарыл.
  • Эс алганда бутту өйдө көтөрүп жатуу туура. Бул үчүн буттун алдына жаздыкча төшөп коюу жакшы.
  • Бутту кайчылаштырып отуруу варикозго алып келерин эске алып, мындай адатыңыз болсо таш­таңыз.
  • Тар шым менен ичке, бийик такалуу бут кийим кийүүдөн, катуу курларды пайдалануудан баш тартуу зарыл.
  • Ичимдиктерди ашыкча ичүүдөн, ачуу татымалдарды көп колдонуудан качыңыз.
  • Кош бойлуу аялдар ашыкча тамактануудан баш тарткандары оң. Себеби ашыкча салмак бутка күч келтирет.

Эске алыңыз!

  • Буттар чарчаганда деңиз же аш тузу салынган ванна кабыл алуу зарыл.
  • Бутту муз менен сүртүү, массаждоо да эс алдырарын жадыңызга түйүңүз.
  • Тар ич кийимдер варикоз оорусу барлар үчүн коркунучтуу. Анткени мындай ич кийимдер жамбашты бекем кысат. Ошондуктан ал жерде кан көп топтолуп, варикоз оорусунун күчөшүнө алып келет.
  • Бутунда варикоз оорусу барларга мончодо бууда көпкө отурууга жана жайкысын буттарын күнгө кактоого болбойт.
  • Кан тамырлардын чыгып кетишине (варикоз), геморройдун жаралышына да ичегилердин жакшы иштебегени алып келет. Анткени денеге шлактар толуп, салмакты оордотот. Андыктан ичегини тазалап туруу кажет.
  • Оор жумуш кылууга, оор көтө­рүүгө болбойт (кан тамырларга күч келет).
  • Ашыкча салмактагылар арыктоону пландоолору зарыл.
  • Жылына жок дегенде бир ирет кан тамырлар боюнча дарыгер-фле­бо­логдун тек­шерүүсүнөн өтүп турууну жа­ды­ңызга тутуңуз.

Бутту дайыма учкаштырып отуруу варикозго алып келет.


Элдик медицинадан

Эрменден компресс. Варикоздон жапа чеккендер бутуна эрменден компресс жасаса болот. Упадай абдан майдаланган 1 аш кашык эрменге 1 литр жаңы уюган айранды кошуп, аралаштыруу кажет. Анан дакини ал аралашмага нымдап алып, ооруган жерге 2-3 саат тартуу керек. Бул бир күндө 2 жолу кайталанат.
Эрмен болбосо, анын ордуна теңге гүл (календула) же ромашканы колдонсо болот. Дарылануу курсу 4 күн.
Помидордон компресс. Жаңы үзүлгөн помидорду тегерек кылып кесип алып, кеңейип кеткен тамырлардын үстүнө жабуу керек. 3-4 сааттан кийин жаңы помидордун кесимдери менен алмаштыруу кажет.
Картошкадан компресс. Картошканы сүргүчтөн өткөрүп, ботконун ка­лың­дыгын 1 сантиметрдей кылып тартуу керек. Үстүн целлофан, мата менен жаап коюу талапка ылайык. Компресс 4-5 саат коюлат.
Бутка ванна. Мажүрүм талдын же эмендин кургатылган кабыгын абдан жанчып, упадай майдалап алуу кажет. Андан 2 аш кашык алып, үстүнө 400 грамм ысык суу куюп, 15 мүнөттөй жай отко кайнатуу зарыл. Эми бутка ванна жасай берсе болот (бутту тизеге чейин салуу ылайык). Ваннага бутту 30 мүнөт кармоо талапка ылайык. Дарылануу курсу 4 күн.
Эскертүү: Элдик медицинаны колдонуудан мурун, врачтан кеңеш алуу зарыл!

Эчкинин сүтү – кургак учук үчүн табылгыс дары

Кургак учук (туберкулёз) менен ооругандар врач сунуштаган дары-дармектен тышкары, 1 стакан эчкинин сүтүнө 1 чай кашык куйрук май кошуп, ачкарын 3 маал ичип, илдеттен арылышса болот. Бул дарылануу ыкмасын толук айыкканга чейин колдонуу керек.

Куяңды дары ботко айыктырат

Куяң (радикулит) кармаганда чакан идишке ар бирин 1 аш кашыктан кылып бал, өсүмдүк майын жана кургак горчица салуу кажет. Эми ал идишти ичинде жылуу суусу бар чоңураак идишке салып, дары боткону аралаштыруу менен жылытып алуу зарыл.
Жылуу боткону таза кагаз бетине сыйпап, далыга горчичник сындуу тартуу керек. Сыртынан жылуу жоолук менен таңып, 2 күн жүрүү зарыл. Керегине карап муну кайталай берсе болот.

Канымжан Усупбекова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
27.06.2017. 00:23 
Тайпасы:
Жаран
Комментарийлердин саны:
33
Катталган:
28-01-2016
Соӊку аракети:
15-11-2018 12:11
Жынысы:
Белгисиз
0
Аял затына азапты уйуп берген экенго Кудай.
Баардык оору бизге жабышат аябай кыйналып журом варикодон.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: