Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СОЙКУКАНАДА ӨТКӨН БИР АПТА

№364 23-29-октябрь, 2009-ж.


Ислам мыйзамдарында да, Кылмыш-Жаза кодексинде да адамды сексуалдык кулчулукка мажбурлоо оор кылмыштардын бири деп саналат. Ал эми жашы жете элек өспүрүмдү мажбурлап сойкулукка иштетүү мындан эки эсе оор күнөө.

«Кызымды таап бергиле, сураныч!»

Үстүбүздөгү жылдын август айында орто жаштагы аял баш калаанын Свердлов райондук милиция бөлүмүнүн эшигин каккан. 33 жаштагы бул айым аталган райондун тургуну С.Фисенко болчу. Ал “14 жашар кызым Даша үйдөн чыгып кеткен боюнча кайрылып келген жок. Өзүм тааныштарынан сураштырып таба албаган соң силерге кайрылдым. Суранам, кызымды таап бергиле!”- деп көз жашын көлдөтүп жатты. Бул өңдүү арыздар милиция бөлүмүнө айына ондоп түшөт эмеспи. Кылмыш иликтөөчүлөр көптөн бери иштелип келаткан план боюнча алгач дайынсыз кеткен кыздын тааныштарынын тизмесин түзүп, алардан сураштырууну башташкан. Бул аракет жемишин бербей койгон жок. Көп өтпөй кыздын дайыны чыкты. Болгондо да баш калаадагы сойкуканалардын биринен...

Азгырык

Келишимдүү кыздарды жумушка чакырабыз. Айлык акысы жогору” деген өңдүү жарыяларды бүгүнкү күндө гезит-журналдардан, телерадиодон байма-бай жолуктурууга болот. Акча тартыш заманда “көп акча төлөнүүчү” жумуш кыздарды азгырбай койбойт. Айрымдар билип барса, кээ бирлер эмне жумуш экенинен кабары жок барып, түрдүү сойкуканалардын курмандыгына айланышат. Ал эми 14 жашар Дашанын окуясы башкачараак. Ал сойкуканага гезиттердеги жарыя аркылуу эмес, эски таанышынын азгырыгынан улам туш болуптур.

Калп кардар

– Арыздануучу Фисенко кызы жоголгондон үч күн өткөндөн кийин келди. Анын айтымында, буга чейин деле кызы курбуларыныкында түнөп калчу учурлар болуп келиптир. Бирок кайда калганын, себебин дайыма энесине кабарлачу экен. Ошондуктан алгач үйгө түнөбөгөн күнү энеси көп тынчсызданбаптыр. Качан гана 3 күн өтүп, кызынан кабар болбогон соң милицияга келиптир.

Бизге арыз келип түшкөн соң Дашанын дайынын сураштырып отуруп, “кайсы бир сойкуканада иштеп жаткан имиш” деген кабар алдык. Имишти иликтеп жүрүп, Линейная көчөсүнөн орун алган үйлөрдүн бирине туш болдук. Сыртынан караганда кадимки көп кабаттуу үй. Башкалардан айырмаланбайт. Ошол үйдүн биринчи кабатындагы 3-квартирада сойкулар иштешет экен. Милициядан деп ачык эле бастырып барууга мүмкүнчүлүк болбоду. Алар шек алып калышса, Дашаны катып же ал үйдө эч нерсе болбогондой түр көрсөтүп коюулары мүмкүн эле. Ошон үчүн башка бирөөнү кардар катары киргизүүгө аргасыз болдук. Ал адамга Дашанын сүрөтүн көрсөтүп, кандай аракет кылуу керек экенин алдын ала үйрөтүп, жашыруун камера кошуп берип киргизген биздин опертоп тышта калды. “Сойку керек” деп кирген биздин кишибизден эч ким шек албаптыр. Сойкуларды сатуучуларды “мамаша” деп атап алышат эмеспи. Ошол “мамашалар” алгач көрсөткөн “товардын” арасында Даша жок экен. Биздин киши “булар жакпады, башкаларын көрсөт” дегенде “товардын” экинчи партиясын көрсөтүшүптүр. Ошол жерден Дашаны тааныган ал тыштагы опертопко белги берди. Анан биздин кылмыш иликтөөчүлөр бастырып киришти. Квартирада 4 кыз бар экен. Жабырлануучуга кошо 4 кызды, бул сойкуларга көчөдөн кардар таап келчү 5 “сатуучуну” бөлүмгө алып келдик”,- деп баяндайт РИИБдин кылмыш иликтөө бөлүмүнүн башчысынын орун басары Айдар Донбаев.

Алданып барып, чыга албай калган

Тергөөчү Каныбек Алибиевдин айтымында, Дашаны ал сойкуканага алдап алпарышкан. Өспүрүм кыз: “Менин Маша аттуу курбум боло турган. Ал менден улуу. Ошол кыз “үйдөн кийимдеримди алып келип берчи” деп, бир үйдүн дарегин берди. Мен кийимдерди алып барган жер сойкукана экен. Ошентип, мени чыгарбай алып калышты. Бир жума аралыгында качып чыгууга аракет кылып көрдүм. Бирок майнап чыкпады”,- деп көрсөтмө берген.

Ар бир кардардан 500 сом...

Башка көптөгөн сойкуканалар сыяктуу эле бул үйдүн да өзүнүн мыйзамдары бар болчу. Сыртынан караганда башка квартиралардан эч кандай өзгөчөлөнбөгөн бул квартирага каалаган адам кирип, каалаган адам чыга албайт. Анткени эшик дайыма кайтарууда турат. Кардарларды тескеген администратордун уруксатысыз кыздар эч кайда чыга алышпайт болчу. Андыктан Даша да бул квартиранын босогосун аттап киргенден тартып кайра эркиндикке чыга албай калган. Жабырлануучунун айтымында, кыздарга ар бир кардардан 500 сомдон беришчү. Ал эми сойкулардын бир сааттык тейлөөсү үчүн кардарлардан канча акча алышарын администратор гана билчү.

“Мамашалар” кармалды

Бул сойкуканага кардарларды көчөдөн алып келип, сексуалдык кулчулукту уюштуруп жүргөн деген шек менен 5 аял кармалып, РИИБге жеткирилген. Алар: 40 жаштагы Динара, 43 жаштагы Мунара, 50 жаштагы Наталья, 41 жаштагы Юлиана жана 37 жаштагы Гүлзамира.
Иликтөө-тергөө иштеринен соң Осмонова Гүлзамиранын үстүнөн Кылмыш-Жаза кодексинин 261-беренеси боюнча кылмыш иши козголду.

Кандай жаза күтөт?

 Жашы жете элек өспүрүмдү сойкулукка тарткан адам Кыргызстанда кандай жаза алат? Бул суроо менен биз адвокат Азамат Дүйшөнбаевге кайрылганыбызда төмөнкүчө жооп берди:

– Кыргыз Республикасынын Кылмыш-Жаза кодекси боюнча жарандарды сойкулукка тарткан же сойкулук кылуучу жайларды уюштурган адам жазаланат. Эгер айыпталуучу сойкулукка жашы жете элек өспүрүмдү тартса, КЖКнын 261-беренесинин 3-бөлүгүнө ылайык айыптуу деп табылып, кылмышкердин үй-мүлкү конфискацияланып, 5 жылдан 10 жылга чейин эркинен ажыратылат.

Учурда тергөө жүрүп жатат. Ал эми Даша теңтуштары менен бирдикте мектепте окуп жаткан убагы. Сөз соңунда жаш өспүрүмдүн сойкуканада өткөргөн бир жумалык өмүрү анын келечегине оор залакасын тийгизбесе экен деп тилек кылабыз.

(Жабырлануучунун аты-жөнү өзгөртү­лүп берилди).

Шаиста Шатманова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: