Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

УСЭЙН БОЛТ – Чагылган мырза

№365 30-октябрь - 5-ноябрь, 2009-ж.


Былтыр Пекин Олимпиадасында Усэйн Болт деген жылдыз жарк этип жанган эле. Чуркаса таманынан чаң чыккан 23 жаштагы ямайкалык жөө күлүк эчак эле Чагылган деген атка конгон. Андыктан “планетабыздын эң ылдам адамынын ийгилигинин сыры эмнеде?” деген суроонун үстүндө изденип көрдүк.

Каарманыбыз тууралуу кыскача

Интернет булактарында Усэйндин жашоосуна караганда спорттогу жетишкендиктери тууралуу маалыматтар көп. Болгону, анын үй-бүлөдө жалгыз бала экендиги (өзгөчө апасынын эрке баласы деген маалыматтар бар) белгилүү. Бала кезинде баскетбол, футболго аябай кызыгып, катыра ойносо да, машыктыруучусунун тилине кирип, чуркоону тандап кеткен. Эң алгачкы медалына 2002-жылы жаштар арасында өткөн Дүйнө чемпиондугунда ээ болгон. Ошондо ал 1 алтын жана 2 күмүш медаль тагынып, келечектен көптү үмүттөндүргөн спортчу экендигин бүт дүйнөгө далилдеп койгон.

Ийгилигинин сыры

Токтоолук. Дал ушул сапатты Усэйн ийгилигинин башкы сыры деп билет. Негизи эле чемпиондордо “олимпиадалык токтоолук” деген түшүнүк бар. Бул тууралуу Болт: “Мыкты спринтер болуу үчүн дайыма эркин жана бош абалда болуу шарт”,- дейт. Муну иш жүзүндө да байкоого болот. Усэйн жарыш алдында көп атаандаштарынан өтө эле токтоолугу менен айырмаланат. Бул жашоо же өлүм маселеси эмес, жөн гана спорт деген принципти кармангандай туюлат.

Допингби? Эгер спринтер 1 жыл ичинде натыйжасын 10,03төн 9,69 секундга чейин жакшыртса, “допинг колдонобу?” деген суроо туулбай койбойт. Буга Усэйн: “Ооба, Ямайкада атайын допинг лабораториялары жок. Бирок такай ВАДАдан келишип, таңкы саат 6да деле чакыртышып, текшерип турушат”,- деп жооп берет.

Иштин баары генде.Болттун ийгилигинин сыры эмнеде?” деген суроого Ямайканын олимпиадалык курама командасынын дарыгери Херб Эллиот мындай түшүндүрмө берет: “Ямайкага Африкадан келген негрлер абдан күчтүү болушкан. Ошондуктан да кулчулукка каршы көтөрүлүштөр Ямайкада көп болгон. Ошол кездеги эркиндиктин духу, күч жана агрессия азыркы муундун өкүлдөрүндө да бар”.

Кошумчалай кетчү нерсе, Шотландиянын Глазго университетинин окумуштуулары ямайкалык жөө күлүктөрдү 2 жыл бою изилдеп көрүшкөн. Натыйжада, алар ямайкалыктардын булчуңдарында Actinen A заты бар экендигин аныкташкан. Ал компонент булчуңдардын кыскарышын адаттагыдан да күчөтүп, ылдам чуркоону камсыз кылат.

Ямс. Ал эми Усэйндин эжеси Лили таптакыр башка пикирде. Лилинин айтымында, кептин баары анын ашканасында жасалган ямс тамагында. Ямс тамагы, негизинен, картошкадан жасалып, Африка жана Кариб бассейнинин өлкөлөрүндө кеңири жайылган. Чындыгында, аталган аймактын элинин арасында байыртадан эле ямс-эркектердин тамагы деген түшүнүк калыптанган.

Бою да тоскоол эмес. Мындан бир нече жыл мурда “Sports Science & Medicine” журналы “бою 175тен 190 сантиметрге чейинки узундуктагы спринтерлер гана Дүйнө чемпиону боло алышат” деп жазып чыккан эле. Анткени кыска аралыкка чуркоодо кадамдын узундугу жана жыштыгы маанилүү. Бул жагынан алып караганда, мындай теория Усэйнге туура келбейт. Анткени анын боюнун узундугу 195 сантиметрди түзөт. Эгер башкалар 100 метр аралыкка 43-44 кадам таштап чуркашса, Болтко бул үчүн 41 кадам жетиштүү. Бул тууралуу Усэйндин машыктыруучусу мындай дейт: “Чындыгында, спринтер үчүн Усэйндин дене-бою идеалдуу эмес. Бирок ал кадамын кыскартып, бат чуркоо үчүн көп эмгек кылды. Линиядан чыкпай түз чуркоонун үстүндө эле бир жыл машыккан. Айтор, чуркоонун техникасын мыкты өздөштүрүү керек”.

Усэйн Сент-Лео Болт

  • Туулган жери – Трелони, Ямайка
  • Туулган датасы – 21-август, 1986-жыл
  • Бою – 195 сантиметр
  • Салмагы – 93 килограмм
  • Лакап аты – Чагылган
  • Күйөрмандык кылган футболдук командасы – “Реал” (Испания)
  • Ямайканын сыймыгы ордени менен сыйланган.
  • Спорттогу жетишкендиктери – 3 жолку Олимпиада (Бээжин-2008) жана Дүйнө (Берлин-2009) чемпиону, 100 жана 200 метр аралыкка чуркоо боюнча дүйнөлүк рекорддордун ээси.
  • Анабаптист.
  • Учурда Ямайкада жашайт.

Күчүбүз жеткени – коло

6 спортчудан тур­ган курама командабыз 25-октябрда Австрияда жыйынтыкталган Дүйнө чемпиондугунан 1 коло медаль менен кайтып келишти. 57 килограмм салмакта Мирбек Сүйүнбаев гана керекке жарады. 34 жаштагы спортчубуз эми спорттон ке­ти­ши­ңиз мүмкүнбү? деген сурообузга: “Мен 1 жылдан ашуун рингге чыкпай эс алып жүрдүм. Буюрса, карьерам жаңы эле башталып жатат”,- деп жооп берди. Ал эми командабыздын аталган мелдешке катышуусун чогуу барып келген машыктыруучу Жанбулат Амантаев төмөнкүчө баалады: “Чүчү кулак таштоо ийгиликсиз болуп калды. Мелдеште «Кыргызстан–Орусия» беттештик жолугушуусу ишке ашты. Ошондой эле калыстардын да биздин спортчуларга карата чыгарган чечимдери адилетсиз болуп жатты. Ал эми балдарга сөз жок. Колунан келген аракеттеринин баарын жумшашты”.
Жалпы командалык эсепте 1-орунду Орусия ээлесе, кийинки байгелүү орундарга Беларусь менен Италия татыды.

Абакир Рысов дүйнөнү багынтты

24 -октябрда самбо боюнча Латвияда өткөн Дүйнө чемпиондугунан Абакир Рысов 60тан 64 жашка чейинки чеберлер арасында алтын медаль тагынып кайтты. Мекендешибиз финалда орусиялык спортчуну жеңип алган. Абакир агай мындай ийгиликке 4-аракетинен кийин жетишип отурат. Агай жөнүндө айтсак, ал өзү күрөш боюнча КРнын Эмгек сиңирген машыктыруучусу жана элдик дарыгер болуп саналат. Учурда КМКТАУда Дене тарбия кафедрасынын башчысы милдетин аркалап келет. Өзү 62 жашта болсо да, спортту сүйүп, эл аралык мелдештерде өлкөбүздүн туусун бийик көтөрүп келаткандыгы жаштарыбыз үчүн үлгү болот десек жаңылышпайбыз.

Спорт жетекчилиги алмашты

Өткөн аптада КРнын Өкмөтүнүн курамы өзгөргөндөй эле анын ичинде өлкөбүз­дүн спорттук жетекчилиги да өзгөрдү. КРнын президентинин буйругу менен Өкмөттүн алдындагы Дене тарбия жана спорт агенттигинин директорлугуна Александр Воиновдун ордуна Айдарбек Керимкулов дайындалды. Кошумчалай кетчү нерсе, эми аталган агенттиктен жаштардын иши жана балдарды коргоо бөлүмү ажыратылды.

Базарбек Абдураимов
sport@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: