Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАМАК-АШТАН УУЛАНУУДАН САКТАНЫҢЫЗ!

№609 04-июль-10-июль, 2014-ж


Мээ кайнаткан ысыкта тамак-аштар бат бузулуп, адамдын ден соолугуна коркунуч туулары анык. Буга жакында “Мансур” кафесинин тамак-ашын жеген адамдардын ууланып калгандыгы мисал. Андыктан ушул окуя боюнча фактыларды берүү менен атайын адистердин уулануунун алдын алуу боюнча кеңештерин сунабыз.

“МАНСУР” КАФЕСИНИН ТАМАГЫН ЖЕГЕН 22 АДАМ УУЛАНГАН”

Бишкектеги “Мансур” кафесинен уулангандардын себеби эмнеде? Буга карата кафенин кожоюндарына кандай чара көрүлдү? Булар тууралуу маалыматты Бишкектин Мамсанэпидемкөзөмөл борборунун тамак-аштын гигиенасы бөлүмүнүн башчысы Мухаммадкалый Мурзашевден жооп алдык:
– 27-июнда бизге Бишкектин Курманжан датка көчөсүндө жайгашкан “Мансур” кафесинен уулануулар болгону тууралуу кабар түшүп, ал кафени барып текшердик. Окуя мындайча болгон экен.
Бишкектеги бир компаниянын 20 кызматкери “Мансур” кафесине кечки тамакка деп алдын ала тамакка заказ беришет. Заказ боюнча, аларга 24-июнда саат 19:30дарда "Цезарь" салаты менен ганфан (гарнирине күрүч) жеткиришет. Ал эми 25-июнда 19:30дарда фунчоза салаты менен бефстроганов (гарнири күрүч, пюре) жеткирилет. 24-25-июнда тамакты алар иштеген жеринде саат 22:00-23:00дөрдө жешкен. Кызматкерлердин экөөсү тамактарын жебей, үйүнө алып барып, бири уулуна, бири апасына берген. Натыйжада 27-июнда тамактан ууланган кызматкерлердин экөө Жугуштуу оорулар ооруканасына кайрылышкан. Бири 1 күн жатып чыкса, экинчиси амбулатордук түрдө дарыланган. Калган кызматкерлер да кусуп, дааратканага чуркап, уулануунун белгилери билинген. Бирок ооруканага кайрылышкан эмес.
Ошол эле 27-июнь күнү дагы бир үй-бүлө (аялы жана күйөөсү) ууланып, Жугуштуу оорулар ооруканасына кайрылат. Алар да “Мансур” кафесинен тамак жегендерин айтышкан. Ашказандарын жуугузушкандан кийин үйлөрүнө кетишкен.
27-июнда кафени текшергенибизде жалпы 19 кызматкердин 8инин медициналык китепчеси жок болуп чыкты. Андыктан алардын жугуштуу оорусу бар же жок экенин такташ үчүн баарына анализ тапшырттык. Жыйынтыгында баары таза чыкты. Компаниянын кызматкерлери жегенден ашып калган "Цезарь" салатын жана кафеден салатка кошулуп берилчү соусту анализге алып келгенбиз. Текшерүүдөн өткөзгөндө салаттан стафилококк жана энтеробактер (экөө тең ооруну козгоочу бактериялар) чыкты. Ал эми соустан ичеги таякчалары (бактерия түрү, ууланууну жаратат) табылды. Демек, уулануунун себеби салат жана ага кошулуп берилген соус болгон деп болжолдоп жатабыз.
27-июнда кафени убактылуу жаап, кожоюнуна 2 миң сом айып салганбыз.
Уулануунун алдын алуу үчүн биз коомдук тамактануу жайларды жана соода түйүндөрүн күтүүсүз текшерсек жакшы болмок. Бирок мыйзам боюнча биз аларды жылына бир гана жолу, анда да 10 күн мурун эскертип барууга милдеттүүбүз. Алар биз барганда баарын жылтыратып коюшат. Кемчиликтери болсо 1000-2000 сом өлчөмүндө гана айып салынат. Бул сумма кафелер үчүн түккө турбаган эле айып пул. Андыктан айып пулдун суммасын көбөйтүү зарыл.
Статистикага кайрылсам: Бишкекте 2013-жылы 200дөн ашык адам, ал эми 2014-жылы 6 айдын ичинде 65 адам тамак-аштан ууланып, Республикалык жугуштуу оорулар ооруканасына кайрылышкан.

БАТ БУЗУЛУУЧУ АЗЫКТАРДАН АБАЙЛАҢЫЗ!
Эми биз Республикалык жугуштуу оорулар ооруканасынын башкы дарыгеринин орун басары Айнура Узакбаевага кайрылып, тамак-аштан уулануунун алдын алуу боюнча кеңеш сурадык:
– Ысыкта, өзгөчө тазалык сакталбаган жерде бактерия, вирустар бат көбөйүп, тамак-аштар бат бузулат. Анан аларды жеп-ичкен адам ууланууга чалдыгат. Айрыкча майонез кошулган салаттар, сүт азыктары, эт туурамжысы, килкилдек, консервалар, балык, колбаса бат бузулууга жөндөмдүү. Кыскасы, булганган, туура эмес сакталган, мөөнөтү өтүп кеткен тамак-аштар, кир кол оорунун булагы.
Оорунун белгилери.Тамак менен кошо ичке кирген бактерия, вирустар көбөйүп, организмди ууландырууга өтүшөт. Оорунун белгилерине ичтин оорушу, шалдыроо, көңүлдүн айнышы, кусуу, ичтин өтүшү, дене табынын көтөрүлүшү кирет. Улам кускандан, ич өткөндөн денедеги суюктуктар сыртка чыгып кетип, суусоо, дененин кургай башташы келип чыгат. Дененин бат кургашы бөйрөк ооруларын жаратат. Ушундан улам көз жумган балдар да бар. Жогорудагы белгилер билингенде “Тез жардам” чакыруу же Жугуштуу оорулар ооруканасына баруу зарыл.
Дарылоо. Оорунун белгилери билинер замат акыл-эсине кирип калган балдар жана чоң кишилер врачка барганга чейин эле ашказанын жууганга киришүүсү зарыл. Бул оорунун оорлошуп кетүүсүнүн алдын алат. Ал үчүн 3 литр туздуу сууну өзүн кыйнап ичип, анан кусууга аракеттенүүсү кажет. Суусаган сайын регидрон, кайнатылган суу, күрүчтүн же өрүк кактын суусун берүү туура.
Дарылоо. Ооруканада деле туздуу дарыны – регидронду ичиришет, антибиотик, тамчылатма дарылар жазылат.
Оорунун алдын алуу. Тамак ичер алдында колду самындап жууш керек. Тамак-ашты муздаткычта сактоо, бат бузулуучу азыктарды мөөнөтү өткүчө гана колдонуу, сүттү жана сууну кайнатып ичүү, жашылча-жемиштерди жакшылап жуу шарт. Мөөнөтү өткөн, туура эмес жерде сакталган азыктарды колдонбоо, көчөдөн тамак сатып алып жебөө зарыл.



Канымжан Усупбекова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
07.07.2014. 18:33 
Тайпасы:
Жаран
Комментарийлердин саны:
33
Катталган:
05-09-2013
Соӊку аракети:
25-09-2018 18:57
Жынысы:
Белгисиз
0
организми кучтуулор выживает, а слабыйлар ууланып коп оорушат, так что спорт менен коп машыксанар эч кайсы оору жене албайт силерди, бул илимде доказано
07.07.2014. 21:30 
Тайпасы:
Жаран
Комментарийлердин саны:
60
Катталган:
29-11-2011
Соӊку аракети:
09-02-2018 20:15
Жынысы:
Белгисиз
Калаасы:
БИШКЕК
0
2000с айып салганбыз дейби? Бизде Россияда кафеде бир адам отравление болсо 150000р штраф.еще жаап салат. Уууужас. 22 адам отравление болгондо камалмак. 2000 дейтго.....
08.07.2014. 18:19 
Тайпасы:
Жаран
Комментарийлердин саны:
214
Катталган:
20-04-2014
Соӊку аракети:
10-04-2017 12:23
Жынысы:
Белгисиз
0
Кызык эле,22 адам отравление болуп атса 2000 сом штраф.ужасс.
08.07.2014. 21:32 
Тайпасы:
Кыймылы жок
Комментарийлердин саны:
45
Катталган:
09-02-2014
Соӊку аракети:
02-04-2015 11:26
Жынысы:
Белгисиз
0
озу тез тез санэпидем текшерип турушу керек. 10 кун мурда эскертпей эле баруу керек жок дегенде
10.07.2014. 16:23 
Тайпасы:
Жаран
Комментарийлердин саны:
108
Катталган:
26-04-2012
Соӊку аракети:
12-04-2018 19:48
Жынысы:
Белгисиз
Калаасы:
Бишкек
0
Ой баары белгилуу эле болуп турат го, таанышын болсо танкасын болуп кетти да, болбосо ошончо текшерип аран 2000 мин сом салышмак беле, андан 3-4 эсе коп акча "левый" чонтокко салынды да...
12.07.2014. 19:39 
Тайпасы:
Жаран
Комментарийлердин саны:
28
Катталган:
04-12-2013
Соӊку аракети:
20-02-2018 10:28
Жынысы:
Белгисиз
0
если 22 адам андан ары ууланып олуп калса анда ашып кетсе 5000 айып салынмак окшойт кафени биротоло жаап салышса болмок ууужас
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: