Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ФИЛИПП КИРКОРОВ

№210 10-16-ноябрь, 2006-ж.


Чыгармачыл үйбүлө

Филипп Киркоров артисттердин үй­бү­лөсүндө, тагыраак айтсак, болгар ырчысы Бедроса Киркоров менен орус кызы Викториянын чоң сүйүү­сүнөн жаралган. Филипптин чыгармачылык жолу 18 жашынан башталган. Антсе да сахнага чыгып ырдап, артист болууну ырчы 5 жашынан кыялданып келген. Анткени, Филипп ата-энеси менен көп жерлерге гастролдорго барып, артисттик турмушка аралашып чоңойгон. Ырчынын артисттик шыгы мектепте окуп жүргөн кезде эле байкалган. Филипп мектепти алтын медаль менен бүткөн соң, театралдык институтка тапшырат. Бирок, тилекке каршы, «сенден дагы таланттуу артисттер иши жок жүрүшөт» деп институтка аны кабыл албай коюшат. Кийинки жылы мамлекеттик музыкалык окуу жайга тапшырып, аны кызыл диплом менен аяктайт. Биринчи жолу Филипп ырчы катары «Ши­ре круг» аттуу телепрограммага чакырылып, ырдайт. Алгачкы эмгек жолун 1987-жылы Ленинграддык мюзик-холлдон баш­тайт. Көп узабай чет өлкөлүк турнеге, Германиянын Берлин шаарына аттанат. Мюзик-холлдун солисти болуп жүрүп Филипп профессионалдуу сахна менен таанышып, чыгармачылык тажрыйба топтоого жетишет. Бирок, келечектен көптү үмүттөнгөн боз улан ал жерден популярдуулукка жете албасын сезет да, мюзик-холлдон чыгып кетет. Андан көп өтпөй ийгилик жылоолоп, болочок жылдыз Илья Резник аттуу акынга жолугат. Ошондон тартып ырчынын чыгармачылык жолу ачылат.

Филипп жана популярдуулук

1988-жылы Илья Резниктин маараке тоюнда Алла менен Филипп биринчи жолу жолугушат. Бул жолугушуу жаш ырчынын турмушунда чоң роль ойнойт. Биринчи жолугушуудан жарым жыл өткөндөн кийин Филипп Алладан «Рождество» кечесине чакыруу алат. Ал кезде Филипп чыгармачылыкта бир топ ийгиликтерге, айта кет­сек, Ялтадагы конкурска катышууга, «Кармен» аттуу ырына клип тарттырууга, Монголиянын аскер бөлүгү­нө бекер концерт берүүгө үл­гүргөн. Алланын чакыруусун Филипп чоң кубануу менен кабыл алат. Примадоннанын өткөргөн кечесинен Филипп шоу-дүйнөсүнө кадам таштайт. Анткени, болочок жылдыз ал жерден эң алгачкы хит ырларынын автору Леонид Дербенев аттуу адам менен таанышкан эле. 1989-жыл Киркоровдун чы­гар­мачылык жолундагы же­миш­­түү жыл­дар­дын бири болуп калат. Ал ошол жылы Алла менен бирге Австралия, Германия өңдүү өлкө­лөргө гастролго барып, чет өлкө­дөн күйөр­манда­рын чогултууга жетишет. Ошол эле жылдын аягында Алладан бөлүнүп кетет. Бирок, кетип жатып: «Бул жакка Алланын колун сураганы кайтып келем» деп өзүнө сөз берет. 1990-жылы анын жеке чыгармачылык жолу башталат. «Небо и Земля» аттуу ыры хитке айланып, «Шлягер-90» конкурсунан жеңип чыгат. Ошондон кийин ырлары биринин артынан бири хитке айланып, популярдуулукка жетишет. «Антлантида» ырынын клиби 1992-жылы эң мыкты деп табылат. 1993-жылы ыр­чы «Жылдын мык­ты ырчысы» наамын алат. Жылдызы жанып турган кезде Петербургдун 4 миң кишилик концерттик залында 20 жолу аншлаг менен концерт өткөрөт. АКШ, Канада, Германия, Израиль өлкөлөрүнө жеке турнеге чыгат. Үзүрлүү эмгегинин аркасында бир топ наамдарга ээ болот. 1994-жылы өзү сөз бергендей жүрөгү­нүн ээси, популярдуу ырчы Алланын колун сурайт.

Табышмактуу дал келүү

Филипптин өзүнөн бир топ жаш улуу ыр­чы айымга үйлөнөөрүн Ванга айткан. 1975-жылы 8 жаштагы болочок ырчы катуу ооруп калат. Өзүнө ке­ле албай жаткан баласын ырчынын ата-энеси ошол кездеги популярдуу көзү ачык Вангага алпарышат. Баланын абалын көргөн Ванга «Уулуңар тез эле сакайып кетет. Анан дагы балаңарды мен бийик тоонун чокусунда колуна металлдан жасалган таяк кармап турганын көрүп жатам» деген экен. Ошон­­до бийик тоо бул по­­пулярдуулук, ал эми металл таяк микрофон экенин эч бир жан билген эмес. Ал эми кандай жанга үйлөнөт деген Филипптин апасынын суроосуна «үйүңөр­гө алпарганыңарда көзүн ачканда биринчи кайсы аялды көр­сө, ошого үйлөнөт» деп жооп берген экен. Ата-энеси баласын үйүнө алып келишип, көзүн ачканда кимди көрөт болду экен деп чыдамсыздык менен күтү­шөт. Филипп көзүн ач­канда эле телевизордон «Золотой Орфей» берүүсү­нөн Алла Пугачёваны көрөт. Ошен­тип, Ванганын айтканы туура чыгып, 1994-жылы эки жылдыз баш кошушат. «Менин популярдуу ырчы болушума Аллага болгон сүйүүм себепкер. Алла менен акыры бирге болом деген үмүт мага чындап дем берчү. Анткени, мен Алланын деңгээлиндей артист болууга болгон күчүмдү жумшап отуруп ушул деңгээлге жеттим» деген ырчы. Филипптин сүйүү­сү­нө арзыган Алла «Алгач мен Филипптен абдан каччумун, анткени, Филиппти көргөндө менде да толкундануубу, айтор, башкача сезимдер пайда болчу. Бул сезимдерди башкаларга билдирбеш үчүн ал болгон жерден кетип калууга аракеттенчүмүн. Бирок, Филипп артымдан калбай ээрчип, бир келгенде 325 даана роза тартуулаганы эсимде» дейт Пугачёва. Эки жылдыз үйлөнүү тоюнан кийин Американын «Тадж-Махал» казиносунда өздөрүнүн чоң программадагы концертин беришет.

Ажырашуу

Экөөнүн бактылуу тур­мушу 11 жылга созулат. Алла менен Филипп мыйзамдуу түрдө 2005-жылдын март айында ажырашышат. Бул факт алардын документтери катталган ЗАГСта жа­шыруун сакталып келген. Экөөнүн ажырашуусу финансылык ызы-чуулардан улам болгон дешет. Учурда эки жылдыз эки башка жашашат. Ошентсе да бири-бирине телефон чалышып, акыбалдарын сурашып, жаңылыктарын айтышып байланышып турушат. Филипп «Алладан башка эч кимге үйлөнбөйм. Анткени, менин турмушумда бир эле Алла деген аял жашайт» деп өзүнүн берген интервьюларында айтып кеткен.

Филипптин биринчи аялы

Киркоровдун Пугачёвага чейин ая­лы болгону көпчүлүккө белгилүү болбосо керек. Филипптин биринчи жубайы Мария Шатланова болгон. Филипп Марияны бир концерттен көрүп, жактырып калган. Ошондо Мария 17 жашта болгон. Бирок, Мария менен Филипп 10 жыл мыйзамдуу же граждандык никеде жашашкандыгы азыркыга чейин сыр болуп келет. Узун буттуу, келишимдүү Мария Филипптин «Небо и земля», «Ты, ты, ты» аттуу алгачкы хит ырларынын клиптеринде тартылган. Филипп Примадоннага үйлөнгөндөн кийин Мария сахнадан кетүүнү чечкен. Мария кичинесинен бийге катышып келсе да учурда йогадан сабак берет. Үйбүлөлүү, сүйүктүү жубайы бар жана бир кыздын энеси. «Мен Филипптин талантын сыйлайм. Мындай деңгээлге ал өзүнүн күчү менен жет­ти дейт элем. Чынын айтсам, Алла Филипптин кумири болуп келген. Ошондой эле менин сахнадан кетүүмө дагы Алланын таасири тийген. Анткени, ал мени абдан жек көрчү. Анын үстүнө мен Алладан бир топ алсыз жанмын. Бирок, Филипп экөөбүздүн ортодогу мамилебиз жакшы. Филиппке жолуктурган тагдырыма ыраазымын» дейт Мария.

Даярдаган Жаркынай Нусубалиева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: