Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СҮЙҮҮСҮ ДА, ӨЛҮМҮ ДА ТАБЫШМАКТУУ ТААЛАЙБЕК БЕКТУРГАНОВ

№610 11-июль-17-июль, 2014-ж


Ташкындаган таланты, элдин жүрөгүнөн түнөк тапкан ашыктык ырлары менен эсте калган ырчы Таалайбек Бектургановдун өлүмүнүн да, сүйүүсүнүн да сыры ачылбай келет. Анын басып өткөн жолун жакындарынан угалы деп, бала кезинде чаң ызгытып чуркап чоңойгон Чаткал районунун Жаңы-Базар айылына бардык. Ырчы дүйнөдөн өткөндөн кийин ата-энеси күйүткө чыдабай биринин артынан бири дүйнө салыптыр. Жакындарынын айтымында, жалган жалаа менен камалып чыккан агасы бүгүнкү күнгө чейин жалгыз бой жашаарын угуп, бирок айылдан таппай, аны менен маектешебиз деген тилегибиз ишке ашкан жок. Легендарлуу ырчыны жакындары эскерип, эл билбеген сырларын айтып беришти.

Ажар Бектурганова, эжеси:

«АГАМДЫ АБАКТАН ЧЫГАРАМ ДЕП КЕТИП, ӨЛҮП КЕЛДИ»
-Биз 10 бир тууганбыз, Таалай бир туугандардын сегизинчиси эле. Үй-бүлөдө атам чыгармачылыкка жакын болчу. Комузда кол ойнотуп, сөздү чебер сүйлөгөндүктөн уккан адам муюп калчу. Атама таасирленип Таалай да комузду эрте үйрөнүп, мектепте болгон шаң-кечелерде ырдай баштады. Туугандар чогулганда комуз менен ырдап, кинодогу каратисттерди кайталап куудулдана берчү.
Биз Таалайды чоңойгондо куудул болот дегенбиз. Кийин спортко болгон кызыгуусу күчөп, волейбол, сууда сүзүүнү мыкты өздөштүрүп, ал өнөрү менен районго аты чыккан. Студент кезинен тарта чыгармачылыкка ыктап, ырларды жарата баштады. 1992-жылы биринчи жолу «Эмне мынча сүйөм сени?» деген ырын укканда жакын адамы катары толкунданып, кубангам. Таалайдын 1995-жылы биринчи жана акыркы болуп калган Бишкектеги филармонияда берген концертине бара албай калганыма дагы деле өкүнөм. Концертте апам эл алдына чыгып сүйлөгөндө алып баруучу Таалайга «апаң тоолук болгону менен кыйын аял экен, жакшы сүйлөйт турбайбы» деп тамашалаптыр.
Инимдин «Назира» деген ырына байланыштуу көп кеп-сөздөр болгон. Чынында, Таалай менен Назира жаш кезинде сүйлөшүп жүрүшчү. Баш кошобуз дешкенде кыздын ата-энеси каршы чыгып, тилектери ишке ашпай калды.
1995-жылы май айында айылга ырчылар менен концерт коюп келгенде Жылдыз деген кыз менен тааныштырып кеткен. Ал ортодо милиция кызматкерлери өзүлөрү өлтүргөн адамды Чолпон аттуу инимди өлтүрдү кылып, жалган жалаа менен камап салышкан. Таалай менен Жылдыз баш кошобуз деп турган учур эле. "Агам камакта жатса менин үйлөнгөнүм туура болбой калат. Орусияга барып иштеп, ноябрда келип үйлөнүп, агамды абактан чыгарып, чындык үчүн күрөшөм" деген эле. Тилекке каршы, адилеттик үчүн күрөшөм деген инимдин Орусиядан жансыз денеси келди.

Токон Алыева, класс жетекчиси:
«АПАСЫ БАЛАСЫ БОЛСО БАГЫП АЛАМ ДЕГЕН»
-Таалайдын билими орто, бирок музыкага болгон шыгы күчтүү болчу. Аны "Таалай кара" деп эркелетип койчумун. Мектепте карагаттай көзүн жайнатып комузду күүлөп отура берчү. Музыка сабагы болбосо деле "Таалай, ырдап койчу" десем ырдап, күүлөрдү чертип берчү. Бир жолу ачык саат өтүп, Таалайга "Манас айтасың, жаттап кел" деп тапшырма бердим эле, Манасты чоң манасчылардай берилип айтып мугалимдерди таң калтырган.
Шаарда окуп жүргөндө «Назира» деген ыры чыгып, айылга концерт берип келди (ред. Т.Бектургановдун "Назира" деген ырынын текстин 21-беттен табасыз). Мени менен учурашканы келген экен, тамашалап «сүйгөн кызың Назира окшойт» десем күлүп койду. Ийгиликти бат багындырганы менен, акыбетин көрбөй, чыгармачылыгынын акырына жетпей калды.
Каза болгондо Жылдыз деген сүйлөшкөн кызы кошо келди. Апасы менден «кош бойлуу бекен сурап берчи, баласын өзүм эле багып алам» деп суранган эле. Жылдызга апасынын суранычын айтсам, кош бойлуу эместигин айткан. Мындай таланттуу кишинин артында туяк калса жакшы болмок.

Атантай Акбаров, айылдаш агасы, акын:
«ЧЫГАРМАЧЫЛЫК МЕНЕН КЕТСЕ КӨП ЖАШАЙТ БЕЛЕ?..»
-Таалай жаш кезинен эле музыкага жакын, зээндүү бала эле. Атасы Камчыбек аба комуз чертчү. Кезинде ал Улуу Ата Мекендик согушка аттанарда комуз күүлөрүн чертип, калың элди ыйлаткан экен. Таалай сууда мыкты сүзчү. Чаткал дарыясы чамынып кирип турган мезгилде деле сууга бой уруп, сүзүп өтүп кеткен учурлары болгон. Кыскасы, ар кандай учурларда тобокелге бел байлап, коркчу эмес. 1994-1995-жылдары Б.Бейшеналиева атындагы Кыргыз мамлекеттик искусство институтунун чопо чоор бөлүмүнөн билим алган. Ошол кездерде ушу-саньда менен да машыгып, республикада байгелүү орундарды ээлеген.
Студент кезинде менин үйүмө көп келип, гитара ойноп, ырдап берип кетчү. Балдарыбыз да аны жакшы көрчү. «Атантай аке, чыгармачылык кечеңизди өткөрүңүз, музыка жагын биз коштоп берели» деп бир ирет демилге көтөрүп калды. Ал учурда Таалай менин «Жүрөгүм күл калтырбай күйүп жатат...» деген ырыма обон чыгарып, гитаранын коштоосунда ырдап жүрчү. Ошондо чыгармачылык кече өткөргөнүмдө Нурлан Тилебаев, Дамира Ниязбекова сыяктуу досторун ээрчите келип, кечени музыка менен коштоп беришти. Өзү болсо бир эле жолу чыгармачылык кече өткөрүп калды. Балким, ошол чыгармачылык жол менен бара берсе, көбүрөөк жашайт беле деген да пендечилик ой келет. Бирок ал тезирээк үй салып, бутуна туруп, башка бир туугандарына да жардам берүүнү каалап, Орусияга соода кылганы жөнөп кетти.
Ошентип, 1995-жылы күлгүн 27 гана жашында мезгилсиз дүйнөдөн кайтты, кайран жигит. Аны эстесем, азыр да каңырыгым түтөп кетет. Таалай өзүнүн кыска өмүрүндө музыка жанрында өзүнчө чыйыр салып, башкалардын чыгармаларынан кескин айырмаланган ондогон жаңы обондорду жаратып кетти.

Дүйшөн Райымбеков, классташы:
«ТААЛАЙ ӨЖӨР ЭЛЕ»
-Таалай экөөбүз бир айылда көчөнү чаңыта чуркап, Чаткал дарыясында балыктай ары-бери сүзүп чоңойдук. Эшигинин алдында чоң түп алма бар эле, аны "Камчыбектин алмасы" деп коюшчу. Алма бышканда үстүнөн түшпөй үзүп жечүбүз. Азыр ошол алманы көргөндө досумду көргөндөй боло берем.
Таалай өжөр, чечкиндүү, эч нерседен тайманбаган бала эле. Көчөдө, достор чогулуп калганда Сагынбек Момбековдун сатиралык ырларын аткарып көңүлүбүздү көтөрчү. Спортко болгон кызыгуусу 7-классынан башталган. Ошону менен шаардан улантып, Казакстанда өткөрүлгөн Эл аралык ушу-саньда боюнча мелдешке катышып, байгелүү орун менен келгенде кубанычын чогуу бөлүшкөм.



Рустам Батырбеков, айылдашы:

«АЙЫЛГА КЕЛГЕНДЕ ТЕГЕРЕКТЕП КАЛЧУ ЭЛЕК»
-Таалай аке ырдап чыкканда айылдагы балдар анын ырларын ырдап, кумир тутуп жүрчүбүз. Жайкы каникулда айылга келип, гитара чертип ырдаганда балдар аны тегеректеп калар элек. Балдарга гитара черткенди үйрөтүп, өзү дагы ырдап берчү. Чаткал дарыясына барганда Таалайбек акенин сууда сүзгөнүнө суктанып тизилип отуруп алат элек. Дарыянын берки өйүзүнөн аркы өйүзүнө өтүп, жээгинде ойлонуп отура берчү. Биз анын кайра сүзүп келишин кызыгып күтчүбүз. Аябай тамашакөй жан эле. Бир жолу арабызда бир бала шоктонуп жатты эле, дарыянын шар аккан жерине ыргытып жиберди. Агып бара жаткан жеринен сүзүп барып, кайра жээкке алып чыкканы эсимден кетпейт.



Тотомидин Жолдошов, «Таалай элеси» тобунун солисти, шакирти:
«ТААЛАЙ БАЙКЕНИН ГИТАРАСЫ МЕНДЕ КАЛДЫ»
-Биз чаткалдык болгондуктан ар жылы жайында Таалай байке айылына концерт коюп келгенде анын ырын сүйүп уккан 5-6 бала чогулуп барып гитара үйрөнчүбүз. Ал киши бала кыял эле, эринбей бизге ар бир аккордду үйрөтчү. Өлөрүнө аз калганда биздин Каныш-Кыя айылына келип калды. Гитарасын Бишкекке унутуп коюптур. Биз ага айылдан эки гитара таап келдик. Таалай байке достору менен чогулуп гитара чертип отуруп, берилип кетип кылын үзүп алды. Андан соң катуу ойногонунан экинчи гитаранын да кылы үзүлүп кеткен. Өткөндө бир тууган эжеси «Тотомидин, инимдин атын өчүрбөй жүрөсүң. Сенин эмгегиң бар, бул сага эстелик болсун» деп инисинин гитарасын мага берди. Мен аны алып, бир сыйра оңдотуп, кан чыгарып, тууган-туушкандарга түлөө өткөрүп, азыр чертип жүрөм.



Жыргал Кыдыров, досу:

«КҮЙӨӨСҮ БАРЫ ДЕЛЕ, ЖОГУ ДЕЛЕ ТААЛАЙГА ЖАБЫША БЕРИШЧҮ»
-Таалайдай адам чанда гана төрөлөт. Аны кыргыздын алтыны десем жарашат. Экөөбүз Нурлан Тилебаев аркылуу таанышканбыз. Ал кезде мен да ырдачумун. Таалай башында менин ырларымды аткарып жүрдү. Бир күнү ага «сен өзүңдүн ырларыңды эл алдына алып чыксаң аябай өтүмдүү болот» дедим. Менин радиодо иштеген тааныштарыма барып, «Эмне мынча сүйөм сени?» деген алгачкы ырын, андан соң дагы бир ырын жаздырганбыз. Ал кассетаны алып барып, базарда иштегендерге өз колум менен таратып чыккам. Ырлары бат эле эл оозуна алынып кетти.
Досум экөөбүз чөнтөгүбүздө 1 тыйын жок соода кылууну чогуу баштадык. Ал кезде "Ош базарында" көлөч сатчубуз. Бизди тааныгандар жаныбыздан биздин ырларыбызды кыңылдап ырдап өтүшүп, «көлөч алабыз» деп тийишип калышчу. Айла жок унчукчу эмеспиз. Соодадан тапкан акчабызга ырларыбызды жаздырып жүрө бердик. Бир жолу экөөбүз соода менен Казакстандын Чымкент шаарына барып калдык. Ал жакта казак балдар соода кылган кыргыз жигиттеринен салык алат экен. Алар бизге да келип калышты. Ошондо Таалай мага карап «Жыкы, сен бул жерде туруп тур. Мен булар менен азыр сүйлөшөм» деди. «Кой» десем болбой барып, ошол баланы жакалап туруп «Эркексиңби?! Анда мага жекеге чык! Азыр ушул жерден "бачагыңды чыгарып", түздөп салам. Сен эч качан рэкет болбой каласың. Бизге тийишпе!» деди. Тиги казактардын бири да даап эч нерсе кыла албай, унчукпай туруп калышты. Анан кыргыз балдар бизге келип «эмне үчүн силер рэкеттерге алардын үлүшүн бербейсиңер, андай-мындай» дешип бизге нааразы болушкан. Анан Ошко бардык. "Кара-Суу" базарында жүрүп, Таалай өзбек улутундагы 3 милиция кызматкерлери менен мушташа кетиптир. Мен баргыча үчөөнү тең кулата чааптыр. Аңгыча эле бирөө келди, рэкет экен. Ал менин да, Таалайдын да ырларын угуп жүрүптүр, «Силер артист турбайсыңарбы? Ушу силерден таяк жеп калыштыбы мобу «чмолор» деп аларды ал да бир сыйра сабады да, бизди алып барып аябай сыйлаган.
Таалайдын жүрөктүүлүгүнөн чочулап, «өз башына муш болбосо экен» деп коркуп турар элем. Өзү бирөөгө оңой менен тийишчү эмес, тийишкендердин катыгын берчү. Ушу-саньда боюнча Орто Азия чемпиондугу өтүп, ал жактан 3-орунду алган. Эгер калыстар калыс болгондо финалга деле чыкмак.
Бир жолу Таалай менен Жалал-Абадга барып калдык. Ал жактагы абакта Чолпон деген агасы жалган жалаа менен отурчу. Агасына жолугуп, «Бек Борбиев деген ырчыны уктуңуз беле?» деп сурасам «Ооба, жакшы чыгып жатат» деп уккам» деди. «Азыр сиздин иниңиз да Таалай Бектурганов деп катуу чыгып жатат» десем агасы ошол жерден кубанганынан ыйлап жиберген.
Таалай бир кызга аябай ашык болуп жүргөн. "Ошол кызыңа арнап ыр жазбайсыңбы" деп сунуштадым. Көп өтпөй эле сүйгөн кызына арнап жазган ырын алып келди. Ырдап көрсөк, кыздын аты ырдын ыргагына дал келбейт экен. Кыздын атын өзгөртөлү деп «Назира» деген атка токтолгонбуз.
Кара тору, келишимдүү жигит болгондуктан Таалайды кыздар көп сүйчү. Күлгөнү да жарашыктуу, тиштери да сонун болчу. Айткандай, тиштерин айылдан бир классташ баласы таш менен күбүп салыптыр. Анан кийин жасалма тиш салдырган экен. Күйөөсү бары деле, жогу деле ага жабышып калышчу. Ал кезде мен үйлөнсөм деле кыздардын Таалайга жабыша бергенин көрүп ичим күйүп кетчү.
Таалайдын өлүмүнө байланыштуу көп нерселерди уктум. Кетерде Жылдыз экөө чогуу кетишкен. Жылдызды таштап өзү товарга келе жатканда каргашалуу окуя болуп отурат да. Угушумча, Таалай рэкеттер менен уруша кетиптир. Жанындагы кыргыз балдар качып кетип, мушташта Таалай өзү жалгыз калып кеткен дешет. Негизи өлүмүн эч ким иликтеп, артынан түшкөн жок. Кылмыш иши ачылбай калды. Анын көзү өтүп кеткен соң обончу болсом да ага арнап ыр чыгарган жокмун, анын элесин сыйладым. Себеби менин чыгарган ырым ага татыксыз болуп калат деп ойлодум.

Нурлан Тилебаев, устаты:
«ТААЛАЙ ӨЛГӨН СОҢ «ДОСТОРУ» КӨБӨЙҮП КЕТТИ»
-Аскерден жаңы келгенде «Кыргызавтомаш» заводунда иштеп калдым. Таалай да ал жерде ширетүүчү болуп иштечү. Экөөбүздү чыгармачылык тааныштырды десем болот. Ал кезде менин «Эңсөө бийлеп» сыяктуу ырларым чыгып, эл алдына гитара менен ырдап чыгып жүргөм. Бир күнү Таалай келип «мен да гитарага кызыгам, үйрөтпөйсүңбү» деп калды. 1991-жылдан тарта гитараны ага үйрөтө баштадым. Өзү деле мурда ойноп жүрчү экен, бирок мындай эле болчу. Ошентип жүрүп экөөбүз жакшы болуп кеттик. Бир төшөктө жатып, бир нанды бөлө жеген дос болдук. Кийин Таалай, Борончу Кудайбергенов, Болот Алымкулов болуп «Ак тилек» деген топ түзүп, ар кандай мааракелерде, тойлордо ырдап, концерттерди коюп жүрдүк. 1992-жылдан баштап өзү дагы обон чыгара баштады. Мен мурда «Мыскыл жана тамашага» жылда чыгып ырдачу элем. Таалайды ошол жакка алып барып биринчи жолу чоң сахнага чыгардым. Эл жакшы кабыл алып, досум бат эле популярдуу болуп кетти. Кийин жеке концертин берип, андан соң «келгенде Жылдыз экөөбүз үйлөнөбүз» деп Орусияга кеткен. Ошол боюнча кайтпай калды. Азыр, угушумча, Жылдыз Аксыда тиш доктур болуп иштейт экен.
Таалайдын өлүмү боюнча элде ар кандай имиштер айтылып жүрөт. Кээ бирөөлөр «Таалайды ырчылар көрө албай өлтүртүп коюшкан» дешет. Билишимче, Таалайдын жанында жүргөн балдардын айтымында, бул окуяга кыргыздар аралашкан эмес. Таалай поезддин эки коштоочусу (проводник) менен мушташа кетип, алар аны атып, Орусиянын Новокузнецк шаарына жакын жерден терезеден ыргытып жиберишкен. Эртеси аны темир жол оңдогучтар таап алып, ооруканага алып келишиптир. Ошол маалда ал жакта иштеген дарыгерлер өлүп калса деле «дарыга акча керек, шашылыш салып жибергиле» дешкенинен биз бул жактан достору, туугандары акча топтоп эки жолу салып жибергенбиз. Көрсө, ал мурда эле өлүп калган экен. Дарыгерлер акчаны алыш үчүн бизди алдашыптыр. Анан анын сөөгүн поезд менен Алматыга, ал жактан Бишкекке салып жиберишти. Бул жактан биз тосуп алып Чаткалга алып кеттик.
Өкүнгөнүм, досум өлгөндөн кийин эки-үч ай тааныш болуп калгандар деле «мен кыйышпас досу элем» деп чыга келишти.

Рустам Аташов, сахналаш досу:
«ТААЛАЙДЫН КЛИБИН ТАРТПАЙ КАЛГАНЫМА ӨКҮНӨМ»
-Таалайды мен жигиттин гүлү демекмин. Анткени ал келбеттүү мырза, гитара черткени, ырдаганы тим эле сонун болчу. Менин бир арманым, Таалайды видеоклипке тартпаганым болуп калды. Анткени өлөр алдында экөөбүз жолугуп, бир ырын айтып «ушуга клип тартып бербейсиңби» деген эле. Мен макул болуп, сценарийин жаза баштаганда ал «Орусияга барып, бир аз соода кылып келейин, анан тарталы» деди. Көрсө, ал акыркы жолугушуубуз экен.
Таалай бир гана жолу жеке концертин берди. 1995-жылы жаз айларында Бишкектеги филармонияга эки күн концерт коюп, эл аябай көп келип, аншлаг менен өткөн. Кийинки жаштар Таалайдын үнүн укканы менен, жүзүн тааныбай калышпасын деп ошол сөзү үчүн телеканалдан ырдаган съёмкасын таап, клип тартпасам да ал үзүндүнү клиптер жыйнагына кошкон элем.

Айылдан шаарга жаңы келген кези

Аскер кызматын өтөп жүргөн кези.

Таалайбек Бектургановдун ысымын алып жүргөн Чаткал районунун Жаңы-Базар айылдык Маданият үйү.

Ырчынын балалыгынын издери калган Жаңы-Базар айылы.


Султан Төрөбеков,
Асхат Субанбеков
star@super.kg



Таалай Бектургановдун табышмактуу сүйүүсү жана өлүмү

Автор: Максат Орозумбетов
Оператор: Азамат Бакиров

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(60)
14.07.2014. 12:54 
Тайпасы:
Кыймылы жок
Комментарийлердин саны:
5
Катталган:
03-01-2014
Соӊку аракети:
04-08-2014 10:15
Жынысы:
Белгисиз
+3
Супер Инфо сиздерден сураныч жогоруда айтылган эки суйуусунон тен интервью алыныздарчы абдан кызык болупатат. Чон рахмат
14.07.2014. 15:08 
Тайпасы:
Кыймылы жок
Комментарийлердин саны:
39
Катталган:
14-06-2014
Соӊку аракети:
25-04-2016 02:44
Жынысы:
Белгисиз
Калаасы:
Бишкек
+1
Т.Бектургановтун элесине таазим.Ырлары абдан жагат.Чыныгы талант эле.
14.07.2014. 15:16 
Тайпасы:
Кыймылы жок
Комментарийлердин саны:
41
Катталган:
10-10-2012
Соӊку аракети:
01-04-2015 16:07
Жынысы:
Белгисиз
Калаасы:
москва
+1
Мен да гитара чертем, Таалай агабыздын ырларын далай жерде далай кыздарга ырдадык го чиркин.
14.07.2014. 15:17 
Тайпасы:
Жаран
Комментарийлердин саны:
7
Катталган:
13-01-2013
Соӊку аракети:
06-10-2017 15:13
Жынысы:
Белгисиз
Калаасы:
Бишкек
+6
Жакшы адамдар эрте отуп кетет деген ушул экен да чиркин. Ырларын тажабай угам.Унуно, талантына таазим. Озу арабызда жок болсо да, ырлары менен дайым журогубуздо кала бермекчи.
Super TV
14.07.2014. 16:03 
Тайпасы:
Жаран
Комментарийлердин саны:
120
Катталган:
26-02-2014
Соӊку аракети:
24-07-2018 17:52
Жынысы:
Белгисиз
+5
Эмне мынча сулуу, сүйкүмдүү болдуңуз экен? Кабарчы жигит 46 жашка чыкмак десе "койчу" деп ишенгим келген жок. Жүрөгүбүздө дайыма ушундай жапжаш, сулуу, сүйкүмдүү, уяң романтик жигиттин образында кала бересиз. Ырларыңызды биздин эле муун эмес, биздин балдарыбыз да ушинтип жактырып, тамшанып угушат. Мен ишенем.
14.07.2014. 17:43 
Тайпасы:
Тартип бузгандар
Комментарийлердин саны:
86
Катталган:
21-05-2014
Соӊку аракети:
31-12-2014 18:54
Жынысы:
Белгисиз
+3
Таалайдын козу откондо Сыймык Бейшекеев катуу кайгырган,ыр кошок жазып эскерип, ар жылы Чаткалга барып Таалайдын туулган кунундо воллейбол турнирин откоруп концерт берип,элдин баары ыраазы болушкан ошондо неге Сыймык Бейшекеев жонундо эч нерсе жазылган эмес интервью да алынбаптыр,жогорудагы эки досу Сыймык Бейшекеевге тийиштирип айтышыптыр анын неси жаман ар ким колунан келгенин кылат да,менин оюмча козу откон адамды эскерген жакшы
15.07.2014. 18:37 
Тайпасы:
Жаран
Комментарийлердин саны:
6
Катталган:
18-04-2012
Соӊку аракети:
11-06-2017 03:13
Жынысы:
Белгисиз
0
restreppo, Сыймык Бейшекеев калп Эле кайгырымыш болуп Таалайдын ыр дептерин алып алган. сыймыктын коп ырлары Таалайдыкы. Менин созум менин обонум деп ышкыртып коюп ырдап даалай популярдуулукка жеткен. Аны эл деле билет.
19.07.2014. 22:52 
Тайпасы:
Кыймылы жок
Комментарийлердин саны:
9
Катталган:
29-04-2014
Соӊку аракети:
28-11-2015 23:02
Жынысы:
Белгисиз
0
Pepi, дептерин алып алган дептирсиз но.Сыймык алып атканда карап турдунуз беле?
Super TV
14.07.2014. 18:59 
Тайпасы:
Жаран
Комментарийлердин саны:
119
Катталган:
05-07-2013
Соӊку аракети:
25-08-2018 02:22
Жынысы:
Белгисиз
+4
Чыныгы Легендарлуу ырчы десек болот. Таалай Бектурганов кайталангыс талант. Кичине кезимден ырларын кассетадан угуп, гитарада ырдап чонойдук. Бирок азыр арабызда жоктугу баардыгыбызды окундурот. Жаткан жери жайлуу болсун! Аллахым бейиштен орун берсин!
14.07.2014. 19:20 
Тайпасы:
Жаран
Комментарийлердин саны:
45
Катталган:
17-04-2014
Соӊку аракети:
21-09-2018 22:51
Жынысы:
Белгисиз
0
Окунучтуу, буйурса созсуз бир ырын иштеп чыгам
15.07.2014. 03:50 
Тайпасы:
Жаран
Комментарийлердин саны:
120
Катталган:
20-09-2012
Соӊку аракети:
18-11-2018 16:28
Жынысы:
Белгисиз
Калаасы:
Бишкек шаары
0
калп айтпасам Таалай Бектурганов жонундо кино тартылып жатты беле?
15.07.2014. 11:50 
Тайпасы:
Кыймылы жок
Комментарийлердин саны:
25
Катталган:
10-06-2014
Соӊку аракети:
04-05-2016 23:59
Жынысы:
Белгисиз
0
эхх жашоо. Кулгун курак кезинде алып кетиптир. Жакындары эстеген сайын журоктору сыгылып кыйналып жатканын мен аявай тушунуп атам . Калгандарына АЛЛА ТААЛАМ омур берсин. Чыгармачылыгына таазим.
Сонун ырчы болчу,уну эч бир ырчыга окшобогон.
15.07.2014. 15:09 
Тайпасы:
Жаран
Комментарийлердин саны:
9
Катталган:
25-06-2014
Соӊку аракети:
25-05-2017 14:38
Жынысы:
Белгисиз
Калаасы:
Ош
0
Ар кандай рекламасы жок эле популярдуу болсо болот. Ал учун маанилуу, уккулуктуу, журоктон чыккан чыгарма болсо жана Т.Бектургановдой чыныгы талант керек. Ошондо гана популярдуулук ар дайым эл арасында жашай берет.
15.07.2014. 18:25 
Тайпасы:
Кыймылы жок
Комментарийлердин саны:
5
Катталган:
01-06-2014
Соӊку аракети:
27-08-2014 17:57
Жынысы:
Белгисиз
0
Сиздерге рахмат ушунча аракет кылып алыскы Чаткал районуна барып маркумдун элесине арнап атайн репортаж кылганыныздар учун. мен озум Бектургановдун жеринен болом ырларын суйуп угам.
15.07.2014. 23:05 
Тайпасы:
Жаран
Комментарийлердин саны:
16
Катталган:
11-06-2014
Соӊку аракети:
18-02-2018 19:57
Жынысы:
Белгисиз
Калаасы:
Там где Ред Бен!
0
торт тарабы топ келген чон таланттын ээси кайран Таалай Бектурганов. Тагдыр экен 27жашында оо дуйно салыптыр. Ылайым жайы жаннатта болсун. Кыска бирок орноктуу жашап откон Кыргыздын очпос Чолпон жылдызына Мин ирет таазим кылам ийилип!
15.07.2014. 23:45 
Тайпасы:
Жаран
Комментарийлердин саны:
33
Катталган:
11-02-2014
Соӊку аракети:
18-11-2018 13:54
Жынысы:
Белгисиз
Калаасы:
Бишкек
+1
Бектургановду жакын саналаштары ыр дептерин уурдоо максатында да олтурушкон деп айтышат го,
18.07.2014. 11:25 
Тайпасы:
Жаран
Комментарийлердин саны:
10
Катталган:
17-09-2013
Соӊку аракети:
07-06-2017 17:43
Жынысы:
Белгисиз
0
Mononoke, чындык кырк жылдан кийин да чыгат дейт, балким созундо жан бар.
Super TV
16.07.2014. 21:07 
Тайпасы:
Кыймылы жок
Комментарийлердин саны:
4
Катталган:
21-06-2014
Соӊку аракети:
16-11-2014 00:01
Жынысы:
Белгисиз
+1
ооба Таалай Бектурганов агабыздын ырлары эскирбейт туура гитара уйроном деген адам болсо Бектургановдун чыгармаларынан баштайт мен бир аз кынылдатып калам назира деген ырын уйронгом гитара кармаганда эле..... Арбагы ыраазы болсун......
17.07.2014. 04:41 
Тайпасы:
Жаран
Комментарийлердин саны:
5
Катталган:
17-01-2014
Соӊку аракети:
06-11-2018 08:00
Жынысы:
Белгисиз
0
Таалайбек Бектургановдун талантына таазим. Чыгарган ырларын кары жашы дебей угушат. Аз жашап аз ыр жаратса дагы эл оозунда очпос болуп калып кетет.
Жакын кошуна болуп жашасам дагы мен кичине кезимде дуйно салган, жогоруда айткандай Т. Б коз жумган сон уйунон береке кетип ата-энеси биринин артынан бири коз жумган.
18.07.2014. 01:24 
Тайпасы:
Жаран
Комментарийлердин саны:
23
Катталган:
25-02-2014
Соӊку аракети:
29-03-2018 16:24
Жынысы:
Белгисиз
Калаасы:
Ош.
0
Аллах жаныбызды качан алат кайсы учурда озу билет.ошон учун Сооп иштерди кылыш керек .
18.07.2014. 04:44 
Тайпасы:
Жаран
Комментарийлердин саны:
196
Катталган:
03-04-2013
Соӊку аракети:
16-11-2018 19:36
Жынысы:
Белгисиз
Калаасы:
Ош
0
Козумо жаш келди окуп жатып( аттин талантуу бала экен эле. Жаткан жери жаннатта болсун. Ырчыны суйуп эстегенине Таалай Бектургановтун калган омурун берсин
18.07.2014. 04:46 
Тайпасы:
Жаран
Комментарийлердин саны:
196
Катталган:
03-04-2013
Соӊку аракети:
16-11-2018 19:36
Жынысы:
Белгисиз
Калаасы:
Ош
0
Супер Инфо сиздерге чоон рахмат!!! Эми Чубак Сатаевдин да откон кеткендерин билип берсенер убагында ал киши да аябай популярдуу болду эл. Даагы бир отунуч Кутман Жолдошевден интервью алып койсонор , рахмат алдын ала
Модератор admin_superstan түзөттү 18.07.2014 12:43
Super TV
18.07.2014. 15:00 
Тайпасы:
Кыймылы жок
Комментарийлердин саны:
11
Катталган:
22-04-2014
Соӊку аракети:
11-03-2015 23:54
Жынысы:
Белгисиз
0
Ошо жылдыз алыб кетсе керек да россияга
Super TV
18.07.2014. 17:25 
Тайпасы:
Кыймылы жок
Комментарийлердин саны:
19
Катталган:
21-07-2013
Соӊку аракети:
18-05-2015 02:27
Жынысы:
Белгисиз
0
азыр бар болгондо канча ыр жаратмак ех кыргыздар аныда олтурду неге коро албайсынар еххх
19.07.2014. 07:32 
Тайпасы:
Жаран
Комментарийлердин саны:
28
Катталган:
08-04-2014
Соӊку аракети:
28-10-2018 16:44
Жынысы:
Белгисиз
0
Озу олсо дагы,ырлары олбойт,аты очпойт,ар дайым биздин журогубуздо!!
19.07.2014. 13:02 
Тайпасы:
Жаран
Комментарийлердин саны:
7
Катталган:
20-12-2011
Соӊку аракети:
14-02-2018 17:30
Жынысы:
Белгисиз
0
тируу болгодо дагы канча жакшы ырлар жаралмак. окунучтуу
19.07.2014. 14:00 
Тайпасы:
Кыймылы жок
Комментарийлердин саны:
19
Катталган:
21-07-2013
Соӊку аракети:
18-05-2015 02:27
Жынысы:
Белгисиз
0
супер анын баардык ырларын таап жуктонуздорчу мумкун болсо.
19.07.2014. 15:11 
Тайпасы:
Жаран
Комментарийлердин саны:
27
Катталган:
16-02-2014
Соӊку аракети:
19-11-2018 11:12
Жынысы:
Белгисиз
0
Саламатсыздарбы супер инфо сиздерден сураныч баардык ырларын жүктөп коюңуздарчы? Алдын ала рахмат
20.07.2014. 11:53 
Тайпасы:
Жаран
Комментарийлердин саны:
16
Катталган:
11-06-2014
Соӊку аракети:
18-02-2018 19:57
Жынысы:
Белгисиз
Калаасы:
Там где Ред Бен!
0
Саламатсыздарбы супер инфо. Т.Бектургановдон :суйуу оту жанбай калды,
балким анда жок кунообуз,
махабатта арман барбы,-деген ыр саптары бар ырын да жуктонуздорчу сураныч.Алдын ала рахмат.
20.07.2014. 11:54 
Тайпасы:
Жаран
Комментарийлердин саны:
16
Катталган:
11-06-2014
Соӊку аракети:
18-02-2018 19:57
Жынысы:
Белгисиз
Калаасы:
Там где Ред Бен!
0
деген саптары бар
Super TV
24.07.2014. 02:32 
Тайпасы:
Жаран
Комментарийлердин саны:
177
Катталган:
28-04-2014
Соӊку аракети:
19-11-2018 09:52
Жынысы:
Белгисиз
0
Виктор цой менен таалай бектургановду окшоштура беремин
Super TV
26.07.2014. 08:53 
Тайпасы:
Жаран
Комментарийлердин саны:
0
Катталган:
28-07-2011
Соӊку аракети:
27-03-2017 17:03
Жынысы:
Белгисиз
Калаасы:
bishkekek
+3
Максат азаматсын Таалай жонундо коптогон кыргыз ели билгиси келчу!!!
Super TV
03.09.2014. 03:34 
Тайпасы:
Кыймылы жок
Комментарийлердин саны:
93
Катталган:
04-05-2013
Соӊку аракети:
05-05-2016 03:21
Жынысы:
Белгисиз
Калаасы:
москва
0
легенда Кыргызымдын...сыймйктанган жигитеринен болгон...эх азыр тируу болгондо кандай сонун ырларды жаратмак..
1
2
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: