Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ИЧЕРГЕ СУУСУ ЖОК ЖАҢЫ КОНУШТАР

№611 18-июль-24-июль, 2014-ж


Жайдын ысык аптабы. Аба ырайын аныктап туруучу адистер "күндүн ысыктыгы 33-35 градуска чейин көтөрүлөт" деп билдиришүүдө. Бирок көлөкө таппай акактаган адамдар “40ка чамалап жатат го” деп жатышат. Ушундай ысык аптапта жүз чайый турган эмес, ичерге суусу жок Бишкек шаарынын айланасындагы жаңы конуштардын бар экени сууга бай делген өлкөнүн ар бир эле жаранын түйшөлтсө керек. Мисалы, Бишкек шаарынын Арча-Бешик жаңы конушунун тургундары суунун жоктугунан улам
3 жылдан бери жайкысын азап тартып келишет.

ЖАЙДЫН САРАТАНЫНДА ИЧЕРГЕ СУУ ТАППАЙ КАЛЫШАТ
Бишкек шаарынын айланасында акыркы учурда жыл санап жаңы конуштар көбөйүп жатканын баарыбыз билебиз. Алардын айрымдары мыйзамдын негизинде жайгашып, турак жай курууга уруксат берилген болсо, айрымдары массалык басып алуулардын негизинде пайда болгон жаңы конуштар. Жазында белчесинен баткакка чөмүлүп, кыштын күнү электр жарыгы жок карайлаган элдин, аң-чөнөк болгон жол маселеси, көкөйгө көк талкандай тийген жашоочулардын көйгөйлөрү менен таанышып, аларды гезитибизге байма-бай жарыялап келебиз.
Арча-Бешик жаңы конушунун жашоочулары “3 жылдан бери жайдын саратаны башталган маалда ичүүчү суубуз тып эле токтоп калат” деп зар какшап келишет. Айрымдары чарбагына майда-чүйдө жер-жемиш да айдап алышат экен. Жыл сайын суунун тартыштыгынан айдалган жер-жемиштерге суу жетпей куурап калып жаткандыгын айтышат.

“СУУ ТАШЫП БЕРИП ЖАТАБЫЗ” ДЕЙТ, БИРОК БИЗ КӨРӨ ЭЛЕКПИЗ”
Ичерге суусу жок, какырап турган бөлүк Арча-Бешиктин эң алгачкы турак үйлөр түшүрүлгөн аймагы болуп саналат. Чечилбей жаткан көйгөй тууралуу 75-кварталдын башчысы Таалайбек Корукчиев төмөнкүлөргө токтолду:

– Көйгөй туудурган көчөлөр Он-Арча, Бах көчөсүнүн күн чыгыш жагы жана Көк-Дөбө чолок көчөсү. Бул жерлерде май айынын ортосунан баштап эле жайкысын ичүүчү суу токтойт. Жашоочулар жакынкы көчөлөрдөн чыккан суу түтүктөн ташып келип ичишет. “Бишкексууканал” ишканасына бир нече ирет кайрылганбыз. Алар “Ушул суу келбей жаткан бөлүк Арча-Бешик жаңы конушундагы эң алгачкы эл отурукташкан аймак. Кийин айланасына кошулган турак үйлөр жаңы конуш катары баланска кирип, так ушул көчөлөр кирбей калган. Шаардык чарбага таандык болбогондуктан коммуналдык тейлөөлөр көрсөтүлбөйт” деп түшүндүрүштү. Баланска киргизип, коммуналдык кызматтарын көрсөтпөсө анда эмнеге ай сайын ичүүчү сууга жана сугат сууга деп акча жыйнап жатышат? Мындай суроо менен дагы аталган ишканага кайрылганыбызда “суу ташуучу унаа менен күнүнө 3 маал үйлөрдү кыдырып, суу жеткирип кетип турабыз” дешкен. Арызыбызды таштап, босогосун аттап чыккандан кийин эле кулактын сыртында калса керек, бир да жолу көчөбүздөн суу ташуучу унаанын караанын көргөн жокпуз.

“БАЛАНСКА КИРГЕН ЭМЕССИҢЕР” ДЕП СУУ БЕРБЕЙ ЖАТЫШАТ”
Арча-Бешик жаңы конушун аралай басып, тургундар менен да баарлаштык. Баары бир ооздон “айлабыз калбай калды, үйлөрүбүздү, 10 жылдан ашык байырлаган, балдарыбыз төрөлгөн жерди таштап кете албайт экенсиң” деген ойлорун билдиришти. Суу тартыштыгынын айрым себептерин болжолдоп, байкап жүргөн аталган конуштун тургуну Закир Медеров буларга токтолду:

– Биздин аймак ушул жерге отурукташканда, суу түтүктөрү тартыла элек кезинде жакынкы көчөлөрдөн ташып иччүбүз. Кийин айыл өкмөтүбүз демилге көтөрүп, суу түтүктөрүн сатып келип, Бах көчөсүн жээктей жайгашкан борбордук суу түтүктөн бул жакка суу тарттырган. Ар бир үй-бүлө акча чогултуп бергенбиз. Жай мезгилинен башка учурларда суу келет, бирок жай келсе эле тып токтойт. “Бишкексууканалга” кайрылсак бирде мөңгү эрибей суу тартыш десе, бирде суунун басымы жетпей жатат деген шылтоолорду айтып келишет.
Билишимче, суу шаркырап эле агып жатат. Жогору жактагы көчөлөрдө суунун басымы ашып, чакаңды тоcсоң жарым мүнөттө толуп-ташып кетет. Анысы аз келгенсип биз ичерге таппай жаткан суу менен короолорун сугарышып, ал тургай крандарын күнү-түнү ачык таштап коюп жаткандар деле бар. Ошол ашыкча коромжу болуп жаткан сууну жетпей жаткан аймактарга туура бөлүштүрсө болбойбу?
Күнүгө эртең менен саат 06:20 чамасында жумушка чыгып Бах көчөсү аркылуу кетем. Ошол учурда дайыма "Бишкексууканалдын" кызматкерлери келишип, Бах көчөсү менен Көк-Дөбө көчөсүнүн кесилишиндеги кудукту ачып бир нерселерин бурап кетишет. Жарым сааттан кийин эле биздин аймакта суу токтойт. Мен муну бир нече ирет көрдүм. Андан ары жакта катар-катар тизилген унаа жуучу жайлар сууну каалашынча колдонуп жатышат. Үйдө балдардын ичерге суусу жок отурушканын эстеп зээниң кейип кетет. Короодо бак-шак, алма-өрүк, майда жер-жемиш өстүрүү дегенди унутканбыз. Бишкек шаардык муниципалдык жашылдандыруу мекемеси да каналдан суу буруп алууга тыюу салып коюптур.

“ИЧҮҮЧҮ СУУНУ СУГАТ ИШТЕРИНЕ КОЛДОНУП ЖАТЫШАТ”
Мындай көйгөй бир эле Арча-Бешик жаңы конушунда эмес, Ак-Өргөө, Ак-Ордо жаңы конуштарынын да айрым аймактарында кездешет. Ал жактарда Арча-Бешикке салыштырмалуу маал-маалы менен суу берилип, кайра токтотулуп турат. Мындай көйгөйдүн жаралышына эмне себеп экенин билүү максатында “Бишкексууканал” ишканасынын жетекчисинин орун басары Мурадин Сейдалиевге кайрылып, төмөнкүчө жооп алдык:
– Бишкек шаарынын түштүк-батыш аймагы болгон Арча-Бешик, Ак-Ордо, Ак-Өргөө жаңы конуштарында суу маселеси түйшөлтүп жатат. Бирок мындай көйгөй жайкысын гана. Себеби сууну ичкенден башка сугат иштерине да колдонуп жиберишип, конуштун башка аймактары суусуз калууда. Азыр конуштарда адам саны көбөйүп, сууга болгон талап да жогорулап жатат. Мунун натыйжасында суу тартыш болуп, тургундар нааразы болушууда. Маселени жоюш үчүн ар кандай аракеттерди көрүп жатабыз. Таңкы саат 4төн эртең мененки 8ге чейин суу беребиз, толтуруп жетишкендер алып калышат. Ошондой эле Арча-Бешик менен Ак-Өргөө жаңы конуштарына күнүгө 18-20 каттам жасап машина менен суу жеткизип жатабыз. Башка айла жок. Бир чайнек болсо да чайын кайнатып ичип турушсун деген ой. Жалпысынан 5 машина иштөөдө.
Кабыргасы ката элек чыт курсак балдардын колдоруна желим бөтөлкө, чака-чайнектерин көтөрүп, ийрелеңдеп суу ташып келе жатканын көрүп “алдыга жылып жатабызбы же артыбызга кетип баратабызбы?” деген суроого кептелдик.

Суу ресурстары жетиштүү деп саналган өлкөбүздүн болгондо да борборунда сапатсыз тейлөөнүн кесепетинен суу ташып ичкен жашоочулар көп экени өкүндүрөт.

Жакынкы көчөлөрдөн минтип идиш аттуунун баарына суу ташып келишет.

Канистра, чака, желим бөтөлкөлөр зарыл идиш болуп калган.

Короодогу гүл, бак-даракты сугаруу, кир жууш үчүн да арыкка суу келгенде жаш балдар суу ташып келишет.

Гүлжан Асанкожоева
koom@super.kg



Суусуз кыйналган Арча-Бешиктин тургундары

Автор: Анаркан Садыралиева
Оператор: Азим Малиев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(14)
Super TV
10.07.2014. 13:58 
Тайпасы:
Жаран
Комментарийлердин саны:
10
Катталган:
11-03-2008
Соӊку аракети:
19-04-2017 15:08
Жынысы:
Белгисиз
Калаасы:
Bishkek
+3
Акордодо деле жайы бою суу жок коп жылдан бери эле конуп калдык машинасы барлар шаардан алып барабыз а машинасы жокторчу...
Super TV
10.07.2014. 14:48 
Тайпасы:
Жаран
Комментарийлердин саны:
212
Катталган:
05-11-2011
Соӊку аракети:
19-06-2018 18:27
Жынысы:
Белгисиз
+2
мамлекетте эч нерсе жок дешет,эмнеге анда ак уйдо иштеп жаткандардын баарынын уйлору,машиналары 1ден да эмес бир нечеден.ошол оздоруно жеп жатышат мамлекеттин капчыгынан,карапайым элге келгенде болсо эч нерсе жок деген шылтоону гана айтышат.озубуздо суу коп коншу озбекстанга саткандан коро элге жеткирип берше жакшы болот беле.кок-жарды да айта кетишсе болмок,ал жакта да жаз келгенден баштап суу жок.
Super TV
10.07.2014. 19:51 
Тайпасы:
Жаран
Комментарийлердин саны:
75
Катталган:
09-07-2014
Соӊку аракети:
29-04-2018 12:34
Жынысы:
Белгисиз
Калаасы:
бишкек
+4
байкемдикине арча бешике барсам суусу агат но суусу чыкпай свет кундо очуп жаткандыгын коруп келдим бул бийлик эмне кылып жатат тушунбойм кыйратабыз эле дешет
Super TV
11.07.2014. 18:36 
Тайпасы:
Кыймылы жок
Комментарийлердин саны:
2
Катталган:
17-03-2014
Соӊку аракети:
27-07-2014 15:08
Жынысы:
Белгисиз
Калаасы:
бишкек
0
биздин чондор чондор эмес жеп ичкен ххх!
Модератор admin_superstan түзөттү 11.07.2014 18:37
21.07.2014. 21:17 
Тайпасы:
Кыймылы жок
Комментарийлердин саны:
24
Катталган:
02-09-2011
Соӊку аракети:
08-10-2016 03:15
Жынысы:
Белгисиз
+2
салатсыздарбы супер инфо. Рахмат сиздерге ушул маселени которуп чыкканыздар учун. Алдыга же артка баратабызбы деген суроону бишкексууканалына эле эмес.андан жогору инстанцияларга берип корунуздозчу сураныч.балким ойгонушааар!!! Эмнеге суу тутукторун тартып жатканда ойлонушкан эмес, бул суу аягына чейин жетеби эгер ойдодо сугат иштерине иштелип кетсе ?суунун басымын олчоп, болбосо параллельно дагы суу тутугун тартып болуштуруп койушпайбы?
25.07.2014. 22:22 
Тайпасы:
Тартип бузгандар
Комментарийлердин саны:
55
Катталган:
20-12-2013
Соӊку аракети:
22-01-2015 21:39
Жынысы:
Белгисиз
0
DSD,
Биринчиден Бишкексууканалы жаны конуштарга ылайыкталып жасалган эмес. Жаны конушта жашагандардын копчулугу, оздорунун бейиштей айылдарын таштап келишип отурукташып калды. Копчулук конуштарды басып алып ээлик кылганы аз келгенсип, дагы асмандагыны талап кылышат. Жаны конуштарда , суу, свет жок экенин билип , ошого макул болуп, умут менен уй салып жатышат. Анысы аз келгенсип, шаардын мусорун токкон жерлерди да конуштарга айландырып жатышат.
21.07.2014. 21:27 
Тайпасы:
Кыймылы жок
Комментарийлердин саны:
24
Катталган:
02-09-2011
Соӊку аракети:
08-10-2016 03:15
Жынысы:
Белгисиз
+1
анан эле боорукер болуша калат, бир чайнек чайына болсо да жеткирип атабыз деп. Андан коро баарына бирдей тутук(акчасын эл берет) койуп,рационалдуу турдо болуштуруп койушса.оздорунун да уйкусу тынч болот эле. Канчалаган гулдор гулдойт эле эххх...супер инфо ушундай соцпроблемага кобуроок дагы конул буруп турса онолот белек.себеби сиздердин окурманыныздар салыштырмалуу абдан эле коп....
22.07.2014. 04:21 
Тайпасы:
Тартип бузгандар
Комментарийлердин саны:
22
Катталган:
14-07-2013
Соӊку аракети:
09-11-2014 12:44
Жынысы:
Белгисиз
0
Ушул элдерге тушунбойм кээде жашоого мумкун болбогон жерлерди басып алышат да анан Ар кайсы проблема менен арызданышат . Ошол жаны конуштун кээлери жашоого даяр эмес болчу да. Итирейтип кепе там салып алып жашап атышат. Ошонун айынан шаарыбыз шаар эмес эле айыл. Кээ бирки айыл дар анча мыча ойдоорок. Андан коро ошол жерлерге жакшы проекттерди иштетип коп кабат уйлорду куруп, суу тарып ,свет коюп адамча жашаса болот Эле да. Силерди окмот кыйнап жер берип уй курдурду беле? Кээде так жалко,...
22.07.2014. 12:03 
Тайпасы:
Кыймылы жок
Комментарийлердин саны:
24
Катталган:
02-09-2011
Соӊку аракети:
08-10-2016 03:15
Жынысы:
Белгисиз
0
chevrolet, саламатсызбы! Сиздин суроонуз балким мага арналган чыгаар. Биринчиден ал жаны конуштарда мен жашабайм, анан баары эле сизге окшоп коп кабаттуу уйлордон кв метрине 700доллар толоп сатып ала алышпайт эле,экинчиден ал жаны конуштар чуй облусунун эмес Бишкек шаарынын балансыда, жана баардык жашооого тийешелуу инфраструктураны тузуп берууго милдеттуу!!! Эгер окмот озун сыйласа,Суроттогу жаш балдардын келечегин ойлосо.
22.07.2014. 12:40 
Тайпасы:
Кыймылы жок
Комментарийлердин саны:
24
Катталган:
02-09-2011
Соӊку аракети:
08-10-2016 03:15
Жынысы:
Белгисиз
0
chevrolet, балким сизда ойунузду озгортоорсуз. Кепедей уй болсо да гулдор гулдоп , балдардын кулкусу угулуп,дарактын саясында отуруп китеп окушса жакшы болот беле,кечке суу ташыбай....
Super TV
23.07.2014. 18:15 
Тайпасы:
Кыймылы жок
Комментарийлердин саны:
2
Катталган:
01-01-2014
Соӊку аракети:
01-07-2016 17:50
Жынысы:
Белгисиз
Калаасы:
Бишкек
0
Kyrgyzstan onykpoi ele naoborot artka baratat!!!
27.07.2014. 10:13 
Тайпасы:
Жаран
Комментарийлердин саны:
30
Катталган:
09-05-2012
Соӊку аракети:
17-08-2018 11:45
Жынысы:
Белгисиз
Калаасы:
кыргызстан
0
ким эле жыргаганынан кепедей уйдо суусу жок жерде жашап атыптыр. Кор тирилик айла жоктон да.Окмот кыйнап уй салдырды беле деп ошол окмотту кыйнабай кепедей уй салып жашап атышканына суйунуу керек. окмот болгондон кийин оздорун эле ойлошпой ар бир кыргызстандык жаран учун кам корууго милдеттуу.
27.07.2014. 10:25 
Тайпасы:
Жаран
Комментарийлердин саны:
43
Катталган:
22-03-2014
Соӊку аракети:
15-03-2017 15:16
Жынысы:
Белгисиз
0
Кыргызстанга омур бойу , суу, свет жетпей отуп кетет го?
Башка мамлеккетерде , суунун ,светтин проблемасы жок, ушу кыргызстанда эле?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: