Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Арзуусуна жетпей калган БАТЫРХАН ШУКЕНОВ

№365 30-октябрь - 5-ноябрь, 2009-ж.


Бул мырза “А’Студио” тобунда экенинде “Жулия” деген ыры менен элге таанылса, топтон чыккан соң “Сенин кадамың” деген ыры менен популярдуу болгон. Аталган ырлар ага миңдеген күйөрмандарды топтоп беришти. Ал мырза боордош казак элинин кулуну, КМШ өлкөлөрүнө таанымал атактуу ырчы – Батырхан Шукенов.

БАТЫРХАН ШУКЕНОВ ЖӨНҮНДӨ

  • 1962-жылы, 18-майда туулган.
  • Казакстан Республикасынын Кызыл-Ордо шаарынын кулуну. КМШ аймагына “А’ Студио” тобу менен таанылган.
  • 2000-жылы жеке ырчы болууну көздөп, топтон чыккан.
  • Учурда үй-бүлөлүү, бир уулдун атасы.
  • Ислам динин тутат, намаз окууга ниети бар.
  • Лакап аты – Батыр.
  • Бардык үлгүдөгү Жип машиналарын жактырат.
  • Үй-бүлөдө төрт бир тууган.

БААЛУУ БАЙЛЫГЫ
Батыр музыкалык аспаптардын арасынан алгач гитарада ойноону үйрөнсө, учурда көптөгөн музыкалык аспаптарда ойной алат. Өзгөчө жүрөгүнө жакканы – саксофон. “Selmer” фирмасына таандык алтын жалатылган саксофонун студент кезинде Питердеги бир музыканттан 1000 рублга сатып алган. “Ал кезде бул суммадагы акчага темир тулпар сатып алууга болот эле. Бирок мен үчүн машина эмес, саксофон баалуу болгон”,- деп эскерет ырчы.

ЭКИ ШААРДЫН ЖАШООЧУСУ
Ырчы Батырхан Шукеновду бүгүн Алматы шаарынан жолуктурсаң, эртең аны Москвада деп угушуң мүмкүн. Бул тууралуу өзү: “Алматы чоң сахнага чыгуума түрткү берген болсо, Москва, дегеле Орусия мага музыкалык билим алууга таасир тийгизип, бүтүндөй КМШ өлкөсүнө атымды таанытты”,- дейт. Кыскасы, Батыр мырзанын жакындары, тууган-уругу, өзүнүн үй-бүлөсү Казакстанда жашоо кечиришкени менен, ырчынын чыгармачылык иши Москвада. Андыктан ырчы эки шаардын тургуну болуп саналат.

ЭКИ НИКЕЛҮҮ
Көп жылдар бою музыка Батырхандын жашоосунда биринчи орунда туруп, үй-бүлө күтүүнү улам артка жылдырып келген. Акыры сүйүктүүсү орус улутундагы Екатеринаны таап, экөө уулдуу болгондо ажырашып кетишкен. Үй-бүлө очогунун муздашынын себебин ырчы эмдигиче жашырып келет.
Екатерина төрөп берген Максут аттуу уулу учурда 7 жашта. Атасынын колунда тарбия алууда. Белгилүү ырчыны жактырып, каш каккан кыздар көп чыкса дагы, Батырхандын көңүлү өзүнөн 16 жаш кичүү Айгерим аттуу казак кызына бурулган. Аны менен 2008-жылы баш кошкон.
Айгерим ырчынын көңүлүн таап, ага жубай болууга кантип жетишкен деген суроо туулбай койбойт. Буга “мырзалардын жүрөгүнө кеткен жол ашказаны аркылуу өтөт” деген сөз далил десек болчудай.
Анткени чыгыш ашканасын жактырган Шукеновду тамактарды түрдөп жасай алгандыгы менен Айгерим торго түшүргөн. Ырчы өзү каалагандай тамактарды апасы жана жубайынан башка эч ким даярдай албайт деп келет.

БАШКЫ ӨЗГӨЧӨЛҮГҮ
Батырхан телевизорду DVD көрүш үчүн гана колдонот. Себеби жаңылыктарды көрүүнү каа­­лабайт. “Берилген маалымат­тарды көрүп алып көбүнчө көңү­лүң чөгөт. Андыктан тынч гана эс алып, видео көрүү оң”,- дейт. Ал эми жаңылыктар менен ге­зит-журналдардан тааны­шып алат.

ШОУ-БИЗНЕСТЕН КИМДЕР МЕНЕН КАТТАШАТ?
«Орусия шоу-бизнесине «А’ Студио­ну» Алла Пугачёва алып келген» дешет. Бул тууралуу ырчы: «Ооба, Алла Борисовна менин кийген кийимимден тартып ырдаган ырыма чейин жардам берген. Алла айым менен таанышып калуума Филипп Киркоров себепкер. Бир кечеде Филипп “Жулия” деген ырымды угуп жактырып калгандыгын айтып, көп өтпөй Примадонна менен тааныштырган»,- дейт. Батыр мындан тышкары Владимир Пресняков, Кристина Орбакайте, Валерий Меладзе, Лариса Долина, Влад Сташевский, Юрий Антонов менен жакын катнашта. Ошондой эле Казакстандагы бардык эле эстрада ырчыларынын урмат-сыйына ээ. Кыргызстанда болсо ырчы Адил Чекилов менен чыгармачылык байланышта.

СПОРТЧУ БОЛМОК, БИРОК...
Кийинүү стилине келсек, классикалык кийимдерди такыр жактырбайт. Жынсы шым менен кроссовканы баалайт. Батыр жашоосунда эки жолу гана галстук тагынган. Көбүнчө спорт кийимин кийип жүрөт. Өзү бала чагынан бери футболго аябай кызыгарын баса белгилейт. Кичинесинен Бразилия курама командасынын күйөрманы. Алгач футбол жана веложарыш менен алектенген мырза бир жолу жол кырсыгына кабылган соң ата-энеси спортко жолотпой койгон. Анын ордуна музыкалык ийримге киргизип койгон. Ошентип, ве­ложарыштагы жол кырсыгы болбосо, музыка дүйнөсүнө келет беле, ким билет?!

“ЖУЛИЯНЫ” СҮЙГӨН КЫЗЫНА АРНАГАН
Популярдуу “Жулия” аттуу ырын сүйгөн кызына арнаган” дешет. Жулия жердеши болчу. Экөө кыз-жигит болуп жү­рүп, кийинчерээк кыз Орусияга окууга кеткен боюнча башка бирөөгө турмушка чыгып алат. Ошентип, чоң сүйүүсүнө жетпей калган ырчы болгон сезимин ырга айлантыптыр.
Ал эми «Сенин кадамың» деген ырын белгилүү эле ырчы айымга (тагыраак айтканда, анын баскан кадамына) арнап чыгарган» деген ушактар бар. Бул туу­ралуу Шукенов эч кандай комментарий бербей, сыр боюнча калуусун айтып келет.

Бактыгүл Сокушова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: