Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ДАҢАЗАЛУУ КЫЛЫМ» БААРЫН БАШЫНАН БАЯНДАП БЕРЕБИЗ

№612 25-июль-31-июль, 2014-ж


Сериалдын режиссёрлору эмне үчүн «Даңазалуу кылымды» башынан аягына чейин эң жакшы чагылдырып берген персонаж – бул Махидевран деп эсептешет? Күлкүсүнөн ыйы көп Махидеврандын ролун жараткан Нур Феттахоглу каарманын эмнеликтен жактырбайт? Жоопторду кезектеги баяныбыздын ичинен таба аласыздар.

ЭКИНЧИ СЕЗОН
57-63-сериялар: Хүррем Махидевранды гаремден кууп чыгат
Махидевран менен Мустафа Норанын сөзүнө таянып, Хүрремдин тактын башкы мураскерин ууландырмакчы болгонун султанга айтышат. Хүррем бул окуядан да кургак чыгат, ошондон улам Ибрагим паша Мустафага «Мындан ары Хүрремден алыс бол. Ал өтө коркунучтуу. Хүрремдин айынан атаңа да арызданбай жүр, султан баары бир Хүрремдин сөзүнө ишенет. Инилериң менен жакындаш, алар чоңойгондо апасынын эмес, сенин тарапташтарың болсун» деген кеңешин берет.
Бул аралыкта валиде Айше Хафса султан Нигардын Ибрагимдин ойношу экенин, атүгүл андан кош бойлуу болуп калганын билип, аны Сулейманга айтууга жетишпей, эси ооп жыгылат. Көзүн ачканда мындан кабардар болууга үлгүргөн Хүррем «Ибрагимдин сырын Хатижеге айтам» деп валиденин кулагына шыбырайт. Араң жан турган валиде бул сөздү көтөрө албай,
о дүйнөгө узап кете берет.
Валиденин ордуна гаремди башкаруу Махидевранга тапшырылып, бирок бат эле бул кызматтан Хүрремдин «жардамы» менен кол жууйт. Анын үстүнө Махидевран эртеңин ойлобой, уулу Мустафаны Маниса дубанына жөнөтүү үчүн болуп көрбөгөндөй чыгашага, карызга батат. Хүррем «сага дайыма акылдуулук жетчү эмес» деген сөзү менен Махидевранды гаремден узатат.
Валиде Айше Хафса султандын түбүнө жеткен соң Хүррем Хатиже менен Ибрагим пашага өтөт. Алардын ак сарайына тымызын Ибрагимдин сырын ачкан кат жөнөтөт. Жыйынтыгында Хатиже Ибрагимдин өз оозунан «Нигардын баласынын атасы менмин» деген сөз менен көп жылдар бою сактап келген «а көрсө, сиз империя, мен бир кул экенмин» деген таарынычын кошо угат.
Бир-бирден душмандарын жеңип чыккан Хүррем Сулеймандын буйругу менен гарем башкаруучусу болуп дайындалып, экинчи сезон Хүрремдин «Мага гарем эмне болуп калыптыр?! Мен али дүйнөнү башкарам!» деген сөздөрү менен аягына чыгат.

«ЖАЗ РОЗАСЫ» АТЫККАН МАХИДЕВРАН СУЛТАН КИМ БОЛГОН?
Гүлбахар Махидевран султан тарых барактарында теги черкес, Осмон империясынын эң сулуу айымдарынын бири болгон деп жазылган. Махидевран Хүрремге окшоп империяга күч менен алынып келинген күңдөрдүн бири эмес эле. Ал ак сөөктөрдүн тукумунан чыккан ханбийке, чоң атасы черкестердин падышасы болгон. Черкестер Осмон империясы менен саясий мамилени бекемдөө үчүн ханбийкесин 11 жашында эле хан сарайга жөнөтүшкөн. Сулеймандын апасы крымдык валиде Айше Хафса султандын Махидевранга жан тартканы да черкестерге тууган болуп кеткендиги менен түшүндүрүлөт.
Махидевран Мустафа жалаанын айынан өлүм жазасына буюрулганга чейин дээрлик дайыма дубандарда ханзааданын жанында жүргөн, уулунун өлүмүнөн кийин болсо өтө жакырчылыкта карызга белчесинен батып күн кечирген. Айрым маалыматтарга караганда, ал 20 жыл бою кургак нан менен жашаган. Махидевран Сулейман султан жана Хүррем султан, атүгүл алардын такка отурган уулу Селим менен башка уулдарынан да көп жылдарга өмүр сүрүп, 80 жаштан өтүп каза таап, сөөгү өзү салдырган Мустафанын күмбөзүнүн жанына коюлган.
Махидевран султандын балдарынан (ред. тарыхта Махидевран менен Сулеймандын Мустафадан башка дагы бир уулу менен кызы болгон деп айтылат) тараган неберелеринин бири Саиде Перизад Темрукоглу «Жумхурийет» гезитине мындайча маек берген: «Мен үчүн Махидевран султан чыныгы ханыша. Хүрремдей интригадан башы чыкпаган жашоодон алыс болгон. Бирок тагдыр ага ийгилик буюрбаптыр. Кичинебизде чоң атам үй-бүлөсүнүн тарыхы жөнүндө көп айтып берчү. Ал ханзаада Мустафа менен апасы жашап өткөн Маниса, Амасья, Бурсага чейин барып, айрыкча экөөнүн сөөгү жайгашкан күмбөзгө көзү өткөнчө зыярат кылып турган».


«МАХИДЕВРАНДЫ КӨРӨЙҮН ДЕГЕН КӨЗҮМ ЖОК»
Хүрремди жек көргөн күйөрмандардын бири калбай Махидевранды аяган, кайгысын тең бөлүшкөн, колдогон көрүүчүлөр болуп саналат. Анын ролун жараткан 1980-жылкы Нур Феттахоглу актрисалык карьерасын баштаганга чейин банк кызматкери болуп иштеп, түрк телеканалында экономикалык жаңылыктарды алып барып да жүргөн. Дизайнер деген диплому бар. Н.Феттахоглу «Тыюу салынган сүйүү», «Карышкырлар өрөөнү» сериалдарына тартылып, атактуулукту багындырган. 2008-жылы Мурат Айсанга турмушка чыгып, кийин аны менен ажырашып, 2013-жылы Левент Везироглунун колун кармаган.
Нур Феттахоглу «Даңазалуу кылым» тууралуу мындай дейт: «Сценарийден Махидевран тууралуу биринчи жолу окуганымда жүрөгүм дүкүлдөп чыккан. Сулуулугу менен даңкталган, роза деп атыккан Махидевранды Сулейманга алып келишип, аны болочок султан үчүн атайын даярдашат. Ал үчүн Сулейман баары болгону менен, жалгыз таянычы уулу Мустафа эле. Башында Махидевран ак сарайда эң сонун жашоону өткөрөт, бирок Хүрремдин, орус жыланынын келиши менен анын бүткүл өмүрү өзгөрөт.
Тартуу процессине келсек, күн сайын күзгүдөн окшош эле жүздү көрүүгө чыдоо кыйын болду. Биринчи жана экинчи сезондо мен «Махидевранды көрөйүн деген көзүм жок, анын кайгы-запкысын башымдан өткөргүм келбей калды» деп эле жүрдүм. Кийинки сезондордо «карыган Махидевранды көргүм келбей жатат» деп баштадым. Каармандын улгайган учурун ойноого көпкө чейин баш ийе албай, кийин ага да көндүм. Атүгүл грим, чач жасалгалоо, костюм кийүү даярдыктарын жарым саат ичинде бүтүрүүгө жетишип калдык».
Сериалдын костюм үчүн жооптуу кызматкеринин «Махидеврандын азап чеккен аял болгонун көрсөтүү үчүн аны тээ башынан эле ачык түстөргө кийинтпей, кофе, жез түсүндөгү көйнөктөрдү кийгизип жаттык» деп айтканы бар.
Ал эми «Даңазалуу кылымдын» режиссёрлорунун бири Ягмур Тайлан: «Тарыхтан алып караганда сериалдагы окуялардын баарын эң жакшы чагылдырып берчү персонаж – бул Махидевран. Анткени ал эң акыркы болуп көз жумат. Жашоосунда кандай гана жамандыктар болуп өтпөсүн, ал баарын көмүп туруп, анан кайтыш болгон»,- деп айткан.

«Даңазалуу кылымдын» монтаждоо иштери боюнча жооптуу кызматкерлеринин айтымында, эфирде 1,5 мүнөт болуп көрсөтүлчү окуяга 45 мүнөттүк видео тарткан күндөр өткөн. Эмки сандан тартып «Даңазалуу кылым» сериалынын үчүнчү сезонунун кеңири баяндоосу менен миң түркүн кызыктар түрмөгүн баштайбыз. Үзбөй окуңуздар.

Эльвира Караева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Башка сандарда:
Комментарийлер(7)
28.07.2014. 10:20 
Тайпасы:
Жаран
Комментарийлердин саны:
29
Катталган:
23-07-2014
Соӊку аракети:
19-08-2018 18:57
Жынысы:
Белгисиз
+1
Супер Инфо кыргызча котормосун жуктоп койгулачы сураныч?
28.07.2014. 10:24 
Тайпасы:
Супермодератор
Комментарийлердин саны:
8170
Катталган:
19-11-2013
Соӊку аракети:
23-09-2018 20:19
Жынысы:
Белгисиз
0
Nur92, Саламатсызбы!
Сунушуңузга рахмат, аракет кылабыз.
29.07.2014. 01:15 
Тайпасы:
Жаран
Комментарийлердин саны:
100
Катталган:
07-07-2012
Соӊку аракети:
14-02-2018 21:55
Жынысы:
Белгисиз
Калаасы:
Бишкек
0
Махидевран башында жакшы эле аял эле, кийинчирээк кобра болуп кеттиго.
29.07.2014. 09:08 
Тайпасы:
Жаран
Комментарийлердин саны:
184
Катталган:
17-03-2014
Соӊку аракети:
22-03-2018 22:46
Жынысы:
Белгисиз
Калаасы:
Джалал-Абад Суперстан
0
Калганын качан койот экен? Телефизордон.
29.07.2014. 14:23 
Тайпасы:
Жаран
Комментарийлердин саны:
100
Катталган:
07-07-2012
Соӊку аракети:
14-02-2018 21:55
Жынысы:
Белгисиз
Калаасы:
Бишкек
0
Oceana телевизордон 1 сентябрьдан баштап корсотот
29.07.2014. 23:58 
Тайпасы:
Жаран
Комментарийлердин саны:
209
Катталган:
20-10-2013
Соӊку аракети:
12-09-2018 15:33
Жынысы:
Белгисиз
Калаасы:
Ош
0
сентябрдан коет буйруса
01.08.2014. 05:10 
Тайпасы:
Жаран
Комментарийлердин саны:
97
Катталган:
20-06-2011
Соӊку аракети:
03-05-2017 17:36
Жынысы:
Белгисиз
Калаасы:
Бишкек
0
Супер, кыргызчасын кутобуз
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: