Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«Назик» бий тобунун жетекчиси Назик Исраилова:«36 КҮЙӨӨ БАЛАМ, 17 НЕБЕРЕМ БАР»

№366 6-12-ноябрь, 2009-ж.


Бий дүйнө

Негизги курамы жети кыздан турган, атына заты жарашкан “Назик” бий тобу тууралуу сиз да уксаңыз керек, окурман. Аталган бий топто учурда 600 кыз бийлейт. Ушунча кыздын башын бириктирген Назик Исраилова өзүнчө эле баатыр энедей туюлат.

– Назик, өтүп кеткен туулган күнүңүз менен!
– Рахмат.
– Бий дүй­нөсүндө канча жылдан бери жашайсыз? Негизи эле бий сиз үчүн эмне?
– Кичинемден ырчы болом деп, Индиянын тасмаларын көрүп, каармандар менен чогуу ырдап, тоголонсо тоголонуп, жөрмөлөсө жөрмөлөп, ыр менен чогуу кыймыл-аракетти жасап чоңойдум. Бирок мектепти аяктаган соң БГУнун журналистика факультетине тапшырдым. «Жан дүйнөң эмнеге жакын болсо, ошондон чоң ырахат аласың» деген туура экен. Башында бий мен үчүн хобби болсо, эми жашоомдун бүт бөлүгүн ээлеп алды. Тамакка тойсом да, бийге тойбойм. Кесибим башка болсо да, бийге байланып чыга албай калдым окшойт.
– Сиз жетектеген “Назик” тобу качан тү­зүл­гөн?
– Студент кезде университеттин маданий иштерине активдүү катышчумун. Бир жолу окуу жайлар арасында чоң сынак өтүп мен топтогон кыздар бий боюнча жеңип алганбыз. Ошондон тартып бийге болгон кызыгуум ого бетер артып, ишенимим күчөп, жакшы стимул пайда болду. 7 кыздан турган топ чогултуп, атын өзүмдүн атымдан “Назик” деп атап койгом. Ушул жылы 10 жыл болот.
– Акыркы кезде то­буңардын курамы абдан кеңейгени байкалды...
– Биздин топ канчалык көбөйгөн сайын ошончолук кубанам. Себеби бий дүйнөсүндө жашаган адам дайым таза, ден соолугу чың, жан дүйнөсү бай болорунан шек жок. Учурда 600дөн ашык окуучум бар. Бул жылы дагы жагымдуу жаңылык болду. Эми топко 5 жаштан өйдө балдарды кабыл ала баштадык.
– Жалаң кыздар менен иштешүү кыйынчылык­ты туудурбайбы? Ор­тодо уруш-талаш, кө­ралбастык болгондо кырдаалдан кантип чы­гасыңар?
– Мен топтогу кыздардын экинчи энесиндей эле болуп калдым. Алардын жүрүм-турумунан баштап, кийим-кечегине чейин көзөмөлдөйм. Ар бири мени сыйлашат жана сөзүмдү угушат. Кыздарыма «мени таарынтсаңар, көңүлүм муздай түшөт. Көңүлдүн муздаганы – иштин бүткөнү. Мындан кийин иштешпейбиз» деп эскертүү берип турам. Сөзүмдү эки кылганды аябай жаман көрөм. Мүнөзүмдү кыздар жакшы билгендиктен, катачылык кетиришпейт.
– «Экинчи энесиндеймин» деп жатпайсызбы. Эне катары «Назик» тобунан канча кыз узаттыңыз?
– 36 кызды күйөөгө узаттым. Алардын ар биринин үлпөт тоюнда кыздарым менен барып бийлеп бергенбиз. Бүгүнкү күндө 17 «неберем» бар. Кызыгы, кыздуу болгон окуучуларымдын баары наристесине Назик деген ысым коюшту.
– Той демекчи,“став­каңар” жө­нүндө айта кет­сеңиз?
– Сахнада бийлеген бийибиз үчүн акча албайбыз. Анткени артисттерге дос катары эле келип бийлеп беребиз. Ал эми тойлорго чоң акча сурайбыз. Чыдагандар чакырышат. 3 бий 150 долларды түзөт.
– «Бий жашоомдун бү­түн­дөй бөлүгүн ээлейт» дедиңиз. Ал эми жү­рө­гү­ңүздү ээлеген адам барбы? Сизди «актёр Аскат Эрбаев менен баш кошот» дегенди угуп калганбыз. Бул сөздүн канчалык чындыгы бар?
– Жүрөгүмдү ээлеген адамга качан кезигем деп күн санап күтүп келем. Жигиттердин арасында досторум көп. Аскат алардын катарында.


НАЗИК КЫЗДАРГА БИР СОБОЛ:

АСЕЛ, 18 жашта.
Лакап аты – Дива
– Кечелерде бийлеп жаткан учурда акча кыстарып калса, кандай абалда каласың?
– Аябай ыңгайсыз абалда калып, өзүмдү жаман сезип кетем. Кээ бир байкелер кармалап да жиберишет. Ошондуктан, ага жеткирбей кыстарганы келе жатса, колума ала коём. Себеби денеме бирөөнүн колу тийсе итиркейим келет.

АСЕЛ, 19 жашта.
Лакап аты – БГУ
– Топтогу кыздар ичимдик ичип, тамеки тартышабы? Дегеним, учурда бул көрүнүш жат болбой калбадыбы?
– Бий – спорт. Дайым бийлеп, кыймылда жүрсөң, жашооң да спорттук мүнөздө болуп, сергек жүрөсүң. Спортчу тамеки, спирт ичимдигинен алыс болот. Биздин кыздар тамекиге, спирт ичимдигине жолобойт деп 100 пайыз кепилдик берем.

АСЕЛ, 19 жашта.
Лакап аты – КРСУ
– Баарыңар аябай кели­шим­дүү­сүңөр. Диета кармай­сы­ңар­бы?
– Назик эже, бизди «аябай арык­сы­ңар, тамакты көбүрөөк ичкиле, кулап каласыңар» деп урушат. Анан каяктагы диета? Биздин мүчөбүздү бий эле келишимдүү кармап коёт окшойт.

АЙЗАДА, 20 жашта.
Лакап аты – Сестра хозяйка
– Назик эжеңерден аябай коркот ок­шой­суңар?
– Назик эжекебиз биздин “мамашабыз”. Анын ар бир сөзү биз үчүн мыйзам. Муну коркуу эмес, сыйлоо деп түшүнсө болот.

АЙГҮЛ, 20 жашта.
Лакап аты – Братишка
– «Назик» кыздар кантип эс алышат?
– Эс алууга дайыма убакыт табыла бербейт. Бир жолу эс алабыз деп түнкү клубга барып балдардын талашында калганбыз. Ошондон кийин түнкү клубга такыр барбайбыз. Эс алуу деп биз чоң торт сатып алып, бир үйгө чогулуп чер жазып сүй­лөшүүнү түшүнөбүз. Көбүнчө ушинтип эс алабыз.

МУНАРА, 20 жашта.
Лакап аты – Муня
– Кандай бийлерди бий­лей­сиңер?
– Брек-дэнстен башка бардык бийди бийлей алабыз. Ал эми негизги багытыбыз – чыгыш бийи.


Туулган күнүң менен

ӨЗГӨЧӨ ӨТКӨН ӨЗДҮК МАЙРАМ
30-октябрь күнү борбор шаарыбыздагы кафелердин биринде Назик Исраилованын өздүк майрамы болуп өттү. Эки саатка кечигип башталган бул кечеге Назик Лимузин менен келип түштү. Туулган күн продюсер Назгүл Насиева, куудул Назира Жетигенова, «60 К» тобунан Талант, ырчылардан: Сапар Эркебаев, Сема, Султан Садыралиев, Анжелика, Гүланда, Айбек Карымов баштаган коноктор менен кошо Назиктин жакын адамдарынын курчоосунда өттү. Кече атайын даярдалган Назиктин сүрөттөрүнүн слайд-шоусу менен башталды. “Назик” бий тобунун 5 жаштагы кыздарынан баштап чоңдоруна чейин бийлеп, коноктордун маанайын көтөрүп жатышты. Бул өздүк майрамды башкарган “Таалай элеси” тобунун ырчысы Тотомидин бирде ырчыларды ырдатып, бирде кызыктуу оюндарды уюштуруп, кечени шаңга бөлөгөнү менен эсте калды. Султан Садыралиев “Супер-Инфодон” келишиптир, абайлагыла” деп этияттап отуруп, эки ыр ырдап, көздөн кайым болду. Сема болсо сулуу кыздарды жандап бийлей коюп, Сапардын ичин күйгүздү. Ошентип, үч-төрт түрдүү кийим которгон Назиктин туулган күнү чоң торт кесилип элге таратылып, шаңдуу аяктады.

Бактыгүл Сокушова, Замира Рахманбердиева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: