Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

SUPER STAR - ЧЫНЫГЫ ТАЛАНТТЫ ТАНДОО

№366 6-12-ноябрь, 2009-ж.


Шоу-бизнес дүйнөсү

Окурман, алакан кызыта кол чаап, жыргап эс алгыңыз келгендир. Анда 8-ноябрда Спорт Ордосунда өтчү “Тумар” радиосу менен “Ecarecords” студиясы биргеликте уюштурган баасы 200 сомдон болгон “Super star” концертине келиңиз. Концертти эстрадабыздын белгилүү ырчылары менен чимирилте бийлеген бийчилери коштойт. Ар кандай оюн-зоок, ыр-бийге бай концертте сиз шоу-бизнестин дагы бир жаңы ысымын тандайсыз. Балким, сиздин добушуңуз чечүүчүдүр. Андыктан таланттардын мыктысын тандап алыңыз.

Эсиңиздерге сала кетсек, “Super star” долбоору Ысык-Көл, Ош, Бишкек аймагынан таланттуу, ырга-бийге шыктуу кыз-жигиттерди тандап алган эле. Сынактан өткөн жаштарды белгилүү ырчылар бөлүп алышып, өз-өзүнчө команда түзүшкөн. Өткөн саныбызда Айжан, Ильяз, Султандын командалары менен тааныштырганбыз. Бүгүнкү саныбызда Урмат, Бактыгүл, Айдин Шердин командалары жана долбоор жөнүндө сөз кылабыз.

Айдин Шер: «SUPER STAR» АРКЫЛУУ ӨЗҮМ ДА САБАК АЛДЫМ»
– Долбоор мага абдан жакты. Командаларга жетекчи болгон ырчылардын ичинен эң кенжеси менмин. Албетте, менден улуу ырчы байке-эжелеримдин катарында бир аз тажрыйбам аз болушу мүмкүн. Ошого карабай, командам менен концертке кызуу даярданып жатабыз. Чындыгында, бул долбоор мага деле чоң сабак болду деп ойлойм. Биздин командадагылар энергиялуу, таланттуу, бий десе бийчи, үн десе үнү бар жаштар. Азис аттуу жигит сыбызгыны сыздатат. Атайын ыр жаздырып даярдадык. Экинчи номерде мен алар менен биргеликте өзүмдүн репертуарымдагы “Махабат – өмүр көркү” аттуу ырымды ырдаймын. Кыскасы, замандаш, мукамдуу ырлар коштойт, бийлер коштойт бул концертти. Келип көңүл ачып, жаңы ысымды тандаңыз.

Айдин Шердин командасы: «АРАКЕТ КЫЛСАК – БЕРЕКЕТ»
– Айдин Шер биздин бир тууган агабыздай болуп калды. Сыртынан көрүп, абдан бой көтөргөн ырчы дечүбүз. Көрсө, Айдин жөнөкөй, шайыр жигит экен. Сахнага кантип келип калганынан баштап, алгачкы сүйүүсү, окуучулук кези тууралуу айтып берди. Анан да машинасына салып алып, бир ыр жаздырганга алпарса, бирде бий үйрөткөнгө алпарып болгон күч-аракетин жумшап жатат. “Аракет кылсаң – берекет” дегендей, биз аны уят кылбайбыз деп турабыз. Бизди сүйүндүргөн дагы бир нерсе, Айдин Шер мындан ары да жардам берип турарын айткандыгы болду.


Урмат Усенов: «SUPER STAR» ДАГЫ УЛАНАТ ДЕГЕН ҮМҮТТӨМҮН»
– “Super star” – шоу-бизнеске керектүү долбоорлордун бири. Эл ичинде канчалаган таланттар бар. Мына ошондой таланттарды эстрада дүйнөсүнө тартуучу ушундай долбоор керек. Кыргызстанды түрө кыдырып, бардык таланттарды иргеп алдык дегенден алыспыз. Бирок чамабыздын жетишинче болду. Тандалган 24 жаш таланттын ичинен бирөө же бир нечеси иргелип чыгышы мүмкүн. Буга эл тараза болот. Менин командамдын өзгөчөлүгү – шоу-бизнесте кайталанбаган жаңычылдык. Ырчынын милдети ыр жаздыруу, кийим тандоо, сахнага чыгып ырдоо гана эмес экенин, ага талыкпаган эмгек да керектигин жеткире түшүндүрүүгө аракет кылдым. Эгерде аракетибизден майнап чыгып, жаш талантты элге тааныта алсак, анда “Super star-2”, “Super star-3” уланат деген үмүттөмүн.

Урматтын командасы: «SUPER STAR» ШОУ-БИЗНЕСТИН ТОЗОГУН КӨРСӨТПӨЙ, БЕЙИШКЕ АЛПАРАТ»
– Негизи эле бул долбоорду уюштургандарга чоң ыраазычылык билдиребиз. Биз ич ара “Super star” шоу-бизнестин тозогун көрсөтпөй, бейишке алпарат деп ишенүүдөбүз. Ошондуктан жетекчибиз Урмат Усенов менен биргеликте концертке катуу даярданып жатабыз. “Non stop” аттуу сөзү Урмат Усеновго таандык ыр жаздырдык. Ал эми калган кызыктын баарына концертте күбө болосуздар.


Бактыгүл Бадыева: «SUPER STAR» – ЖАШ ТАЛАНТТАРГА КОЛДОО КӨРСӨТӨТ»
– “Super star” – жаш таланттарга колдоо көрсөтүүчү мыкты долбоор. Негизи эле бул долбоор сахнаны дегдеп, бирок чыга албай жүргөн жаштарга кенен жолду көрсөтүп берет. Мындай иш-аракетти дайыма колдой бермекчимин. 8-ноябрда өтчү концертке командам менен ыр жаздырып, кийим тиктирип дегендей, даярдык көрүп жүргөн чагыбыз. Менде сырткы сулуулугу менен ички сулуулугу ширелишкен, жөнөкөй, тапкыч, элпек таланттуулар бар. Алар менен бат эле тил табышып кеттим. Калганы концертке чейин сыр боюнча калып турсун.

Бактыгүлдүн командасы: «БИРӨӨ БААРЫ ҮЧҮН, БААРЫ БИРӨӨ ҮЧҮН»
– Биздин командада эч кандай атаандаштык жок. Ошондуктан биздин урааныбыз – бирөө баары үчүн, баары бирөө үчүн. Учурдан пайдаланып, жетекчибиз Бактыгүл Бадыевага жана долбоор уюштуруучулары Алексей менен Эрнистке чоң ыраазычылык билдиребиз. Ылайым, баштаган иштери алдыга жыла берсин. Заманбап бийди жана мыкты ырды даярдап койгонбуз. Мунун баарын концерттен көрө аласыздар.


«SUPER STAR» ТУУРАЛУУ ШОУ-БИЗНЕС ӨКҮЛДӨРҮ ЭМНЕ ДЕШЕТ?

Динара Эсенгулова, продюсер:
– Шоу-дүйнө деген жаңыланып турушу керек. Ошон үчүн ушундай долбоорлор көп болсо жакшы болмок. Долбоорго кастинг жүргүзүлүп жатканда Айдин Шер калыстар тобунда болгондуктан, мен да барып көз салып калганым бар. Анан, албетте, Айдин Шердин командасы жеңишке жетишин каалайт элем. Башкаларга да ийгилик!

Канат Култаев, продюсер:
– Аталган дол­­боор шоу-бизнеске керектүү. Финалга чыккан жаштардын арасынан таланттуусу жеңип чыгып, эстрададан өз ордун тапса деген тилектебиз. Сахнага алгачкы кадам таштаган жаштардан өзгөчөлөнгөн жа­ңы­чылдыкты күтөм. “Устаттан шакирт озот” деп коёт эмеспи. Мүмкүн жаш аткаруучулардын арасында устатынан озуп кетчүлөрү бардыр. Эми муну убакыт көргөзөт.

Гүлнур Сатылганова, ырчы:
– Мен бул дол­­­­­боор тууралуу абдан жак­шы пикирдемин. Анткени долбоордун калыстар тобунун мүчөсү болуп келем. Негизи эле кыргыз эли таланттарга бай эмеспизби. Мына ошондой жаш таланттар бул долбоордо да бар экенине күбө болгом. Угушумча азыр абдан кызуу даярданып жатышыптыр. Кудай буюрса, сиздер менен концертте жолугушабыз.

Бурул Исмаилова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
03.12.2010. 19:50 
Тайпасы:
Кыймылы жок
Комментарийлердин саны:
4
Катталган:
02-11-2010
Соӊку аракети:
03-11-2013 18:49
Жынысы:
Белгисиз
0
Мирбек красавчик иигилик сага!!!Келечек сенин колунда!!!Макс сен да алга!!!
03.12.2010. 19:54 
Тайпасы:
Кыймылы жок
Комментарийлердин саны:
7
Катталган:
02-11-2010
Соӊку аракети:
03-11-2013 18:50
Жынысы:
Белгисиз
0
Макс сенде талат бар!!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: