БИР БҮРКҮМ

ЖООМАРТ ОТОРБАЕВ: "Орусия азыркы тапта Европадан келүүчү азык-түлүктөргө санкция киргизди. Кыргызстан ушул учурдан пайдаланып калышы керек. Орусия айыл чарба продуктуларын сатып алууга 50 миллиард доллар бөлөт".
2014-жылы өрт кырсыктарынан 48 АДАМ КАЗА БОЛДУ. Алардын үчөө жаш балдар.
Орусиянын Тула шаарындагы 12 КЫРГЫЗСТАНДЫК жаран кулчулуктан куткарылды.
ЖУСУПЖАН ЖЭЭНБЕКОВ Жалал-Абаддагы өкмөттүн толук ыйгарым укуктуу өкүлү кызматынан бошотулду.
ӨМҮРБЕК ТЕКЕБАЕВ: “Камчы Көлбаевдин атасынын атындагы ипподромдун атын тез арада алмаштыруу керек”.
Жоомарт Оторбаев: "2015-жылдагы ШАЙЛООНУ ТАЗА ӨТКӨРҮҮ максатында Түштүк Кореядан добуштарды автоматтык түрдө эсептөөчү жабдуулар алынып келинет".
Орусия Кыргызстандын экономикасын колдоо максатында жана анын Евразия интеграциялык биримдигине батыраак кириши үчүн 500 МИЛЛИОН ДОЛЛАР бөлөт. Бул туурасында Орусиянын тышкы иштер министри С.Лавров билдирди.
2015-ЖЫЛЫ ОШ – БАТКЕН – ИСФАНА УНАА ЖОЛУН каржылоого 2 миллиард 463 миллион сом каралган. Ал эми 2016-жылга карай 1 миллиард 619 миллион сом, 2017-жылы 4 миллиард сомдун тегерегинде бөлүнгөн. Бул тууралуу Транспорт жана коммуникация министрлигинен билдиришти.
Кыргызстанда быйыл кургакчылыкка байланыштуу БУУДАЙ, КАНТ КЫЗЫЛЧАСЫ ЖАНА КАРТОШКАНЫН ТҮШҮМҮ былтыркыга салыштырмалуу аз болору күтүлүүдө.
Тайырбек Сарпашев: "Өлкөдө БИОМЕТРИЯЛЫК МААЛЫМАТТАРДЫ чогултуу иш-чаралары 27-августта башталары пландалууда. Пенсия жана жөлөкпул алуучулар эң биринчилерден болуп биометриялык маалыматтарды тапшырышат".
Осмонбек Артыкбаев: "Быйыл Токтогул СУУ САКТАГЫЧЫНДАГЫ СУУНУН ЗАПАСЫ АЗ. Күз-кыш мезгилдеринде массалык электр менен камсыздоо токтоп калышы толук мүмкүн".
Тогуз-Торо эли “МАКМАЛ” КОМБИНАТЫНЫН ишин үзгүлтүккө учуратпоону өкмөттөн суранышат. Учурда комбинат жалпысынан 1200 адамды жумуш менен камсыздайт.

Наргиза Бекжанова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 615, 15-август-21-август, 2014-ж