Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Адилет Усубалиев, актёр: «ДАРГА АСЫЛУУГА ӨЗҮМДҮ АЯБАЙ ДАЯРДАДЫМ»

№617 29-август-04-сентябрь, 2014-ж


«Курманжан датка» тасмасындагы Камчыбекти дарга асканы жаткан эпизод көрүүчүлөрдүн бүйүрүн кызытары бышык. Так ошол образды эсте калчудай, жеткиликтүү аткарган жаш актёр Адилет Усубалиев учурда көпчүлүктүн көңүл чордонунан түнөк таап, кызыгууну жаратууда.

«Курманжан датка» тасмасына тартылуу учурунда».

Толук аты-жөнү – Усубалиев Адилет Нурбекович
Туулган жылы – 1990-жыл, 6-ноябрь
Туулган жери – Чүй облусу, Москва району, Мураке айылы
Үй-бүлөлүк абалы – Бойдок
Хоббиси – Сууда сүзүү
Кумири – Болот Бейшеналиев, Робин Уильямс
Тартылган тасмалары – «Курманжан датка», «Көргүм келет», «Карт бойдок-2»

– Адилет, кино ааламына кантип кошулуп калдың?
– Кичинекей кезимде эле боевик тасмаларын көп көрүп, экшн жанрындагы тасмаларга актёр болуп тартылгым келчү. Кийин 10 жашка чыкканымда «Кыялдар кайда жетелейт?» («Куда приводят мечты») жана «Форрест Гамп» аттуу тасмаларды көрүп аябай таасирленип, драма жанрындагы тасмаларда роль жараткым келе баштады. Кыялдарымды иш жүзүнө ашырайын деп мектепти аяктаган соң 2007-жылы Бишкек шаарына келип, Бүбүсара Бейшеналиева атындагы Көркөм институттун актёрдук чеберчилик бөлүмүнө тапшырып, аны 2012-жылы аяктагам. Студент кезимде окуумдан тышкары Бишкек шаардык Арсен Өмүралиев атындагы драма театрында 2 жыл, андан соң Чыңгыз Айтматов атындагы Орус драма театрында 1 жылдай иштедим. Аны менен катар радиодо 5 жыл ди-джейликти аркаладым.

– «Курманжан датка» тасмасына кастинг аркылуу өттүңбү же тааныш аркылуубу?
– 2012-жылы театрда иштеп жүргөнүмдө «Курманжан датка» тасмасына кастинг жарыяланып калды. Ага катышып жатып, ичимден ушундай чоң масштабдагы тасмада жок дегенде массовкасына тартылып калсам экен деп ойлоп койгом. Көп узабай телефонума «бактылуу коңгуроо» кагылды. Ошол маалда башка бир тасманын кастингине катышып, тилекке каршы, өтпөй калып, капалуу жүргөм. Алсам режиссёрдун ассистенти экен. «Келип кетчи» деди. Барганда эле Камчыбектин ролун аткарарымды айтышты.

– Ошол учурдагы эмоцияларың менен бөлүшө кетсең?
– Тартуучу топтун көзүнчө кубанганымды билдирбөөгө аракет жасадым да, эшикке чыгар замат сүйүнгөнүмдөн секирип-секирип алгам. Досторум менен ролумду жууганбыз.
Мени таң калтырганы, театрда да, тасмада да дебюттук ролум Камчыбектин образы болду. 2010-жылы Арсен Өмүралиев атындагы Бишкек драма театры «Ыйык Курманжан» деген спектакль коюп, мен Камчыбектин образын жараткам. Бирок кино тартуучулар ал спектаклди көрүшкөн эмес.

– Камчыбектин образына кирүү оңой-олтоң болбосо керек?
– Ролго тандалган соң бир жарым айдай бош убактым болуп калды. Ошол убакта китепканаларга барып тарыхты, анын ичинде Камчыбек тууралуу сүрөттөөлөрдү окуп, каарманымдын кулк-мүнөзүнө кирүүгө аракет кылдым. Тартуучу топ «согуштук эпизоддоруна да катышып калышың мүмкүн» дегенинен атайын спорт залга барып машыгып, кылычташкан жерине керек болобу деп фехтования боюнча да сабак алгам. Бирок сценарийдин өзгөргөндүгүнө байланыштуу согушкан жерлерине катышпай калдым. Дарга асып жаткан жерин тартууда өзүмдү моралдык жактан даярдоого бир жумадай убакыт кетти.

– Моюнга салчу сыйыртмакты көргөндө коркуу сезимдери пайда болгон жокпу?
– «Өлүм алдында коркуу, кайраттануу сезимдери болот, өткөн жашооң көз алдыңа элестейт» деп коюшат го, тартып жатканда ошондой абалга өзүмдү психологиялык жактан алып келүүгө аракет жасадым. Аябай оор болот го деп ойлогом, бирок режиссёр да мага жардам берди. Тасманы 2 жылда тартып бүтүшсө, мен катышкан эпизоддорду тартууга баш-аягы 18 күндөй сарпталды.
Тартуу учурунда ортодо бир айдай эс алып калгандыктан өз ыктыярым менен жарык берүүчү болуп иштеп алгам. Жарым айдай иштеген соң суук тийип ооруп калып, ал ишимди таштоого туура келген.

– Тасманын трейлеринен көргөндөр сага өз пикирлерин айтып жатышса керек?
– Азырынча тасманы жабык көрсөтүүдөн көрүшкөн кино сынчылар, көрүүчүлөр менин ролум тууралуу жакшы пикирлерди айтышууда. Ошондой эле интернетте күйөрмандар пайда боло баштаганын көрүп кубануудамын.

– Күйөрмандарыңдын арасында кыздар да барбы? Жеке жашооң тууралуу айта кетсең.
– Бойдокмун. Чыныгы махабатымды күтүп жүргөн кезим. Кара каштуу, кара чачтуу, бою узун, ай чырайлуу, бүт жагынан келишкен кыздар менин табитиме туура келет.

– «Актёр роль тандабаш керек» деген сөзгө кошуласыңбы? Эгерде эротика аралашкан тасмаларга сунуш түшсө тартылат белең?
– Кичинекей эпизод болсо да ошону жакшы ойносоң тасмада эң эсте каларлык учур так ошол эпизод болуп калышы мүмкүн. Негизи, ар кандай образдарды жараткым келет. Бирок азыркы учурда боевик тасмаларына аябай тартылгым келип жүрөт. Кээде терс каармандын ролунда өзүмдү көргүм келет. Образдын үстүндө иштөө мен үчүн ырахат тартуулайт. Эгер андай тасмага тартылууга сунуш түшсө, сценарий жакшы болсо анда тартылуудан качпайм. Бирок гомосексуалисттер тууралуу кинолорго сунуш түшсө тартылбайм, кыргыз жигиттеринин намысы мындай пастыкка жол бербейт.

«Актёр үчүн ар кандай образда жүрүү жагымдуу».

Асхат Субанбеков
star@super.kg


"Дарга асылууга өзүмдү аябай даярдадым" дейт Адилет Усубалиев

Автор: Айзат Болотбек кызы
Оператор: Кайрат Сарбагышов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(11)
Super TV
30.08.2014. 02:26 
Тайпасы:
Кыймылы жок
Комментарийлердин саны:
47
Катталган:
03-06-2014
Соӊку аракети:
26-09-2014 21:29
Жынысы:
Белгисиз
0
тумар радиосунда иштейт болчугооо ийгилик Адилет мырза мыкты актёрлордун бири болунуз
Super TV
31.08.2014. 15:19 
Тайпасы:
Тартип бузгандар
Комментарийлердин саны:
8
Катталган:
20-05-2014
Соӊку аракети:
15-12-2014 16:39
Жынысы:
Белгисиз
0
Жигит красавчикго, тим эле чыкыйып жакшынакай жигит экен
Super TV
31.08.2014. 16:52 
Тайпасы:
Кыймылы жок
Комментарийлердин саны:
10
Катталган:
24-04-2013
Соӊку аракети:
08-03-2015 15:55
Жынысы:
Белгисиз
0
Жакшы маек болуптур!
Super TV
01.09.2014. 09:32 
Тайпасы:
Жаран
Комментарийлердин саны:
3
Катталган:
18-06-2014
Соӊку аракети:
11-05-2018 09:10
Жынысы:
Белгисиз
0
сонун роль жаратыптырсын , кинону коруп талантына баа бердим. мыкты актер чыгат деп жатышты баары .... Алга Адилет!!!
01.09.2014. 12:02 
Тайпасы:
Супермодератор
Комментарийлердин саны:
5903
Катталган:
05-09-2011
Соӊку аракети:
18-09-2018 21:54
Жынысы:
Белгисиз
Калаасы:
Супер-Инфо
0
mbk, Саламатсызбы!
Катачылык оңдолду, рахмат!
02.09.2014. 04:46 
Тайпасы:
Жаран
Комментарийлердин саны:
13
Катталган:
10-04-2013
Соӊку аракети:
10-09-2018 16:12
Жынысы:
Белгисиз
+2
азамат ийгилик!!!
02.09.2014. 20:52 
Тайпасы:
Кыймылы жок
Комментарийлердин саны:
162
Катталган:
05-12-2012
Соӊку аракети:
13-06-2016 17:56
Жынысы:
Белгисиз
Калаасы:
.
+4
Жылдыздуу жигит экен. Кино көрүп жатып менин сиңдим бул жигитти жактырып калды го ))
03.09.2014. 00:30 
Тайпасы:
Жаран
Комментарийлердин саны:
596
Катталган:
06-03-2012
Соӊку аракети:
12-09-2018 19:20
Жынысы:
Белгисиз
Калаасы:
Эски шаар
0
Сымбаттуу жигит экен,буйруса жакын арада киного барабыз го.
03.09.2014. 16:23 
Тайпасы:
Жаран
Комментарийлердин саны:
Катталган:
19-09-2010
Соӊку аракети:
18-09-2018 12:42
Жынысы:
Белгисиз
Калаасы:
Россия, Томск
0
Эч нерсе эмес, жанылбас жаак, мудурулбос туяк болбойт дегендей.
Super TV
05.09.2014. 21:38 
Тайпасы:
Кыймылы жок
Комментарийлердин саны:
20
Катталган:
09-03-2014
Соӊку аракети:
30-06-2016 22:57
Жынысы:
Белгисиз
0
Внешность очень харизматичная! Уверенный в себе на все 150%. Он из-за всего этого либо высоких вершин добьется, либо в конце ни с чем останется. Роль свою сыграл на отлично!!! Успехов!!!
06.09.2014. 01:19 
Тайпасы:
Жаран
Комментарийлердин саны:
32
Катталган:
09-02-2014
Соӊку аракети:
01-03-2018 21:11
Жынысы:
Белгисиз
+2
Бирок гомосексуалисттер тууралуу кинолорго сунуш түшсө тартылбайм, кыргыз жигиттеринин намысы мындай пастыкка жол бербейт.ушул соз чыныгы эркектин созу болуптур бали
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: